Wat is waarheid?

Pilatus het hierdie vraag aan die Here Jesus op die vooraand van sy kruisiging gestel nadat die gesprek soos volg tussen hulle verloop het:

Johannes 18:33-38 Pilatus gaan toe weer in die goewerneur se paleis en roep Jesus en sê vir Hom: Is U die Koning van die Jode? Jesus antwoord hom: Sê u dit uit uself, of het ander u dit van My gesê? Pilatus antwoord: Is ek dan ‘n Jood? U volk en die owerpriesters het U aan my oorgelewer. Wat het U gedoen? Jesus antwoord: My koninkryk is nie van hierdie wêreld nie; as my koninkryk van hierdie wêreld was, sou my dienaars geveg het, dat Ek nie aan die Jode oorgelewer word nie. Maar nou is my koninkryk nie van hier nie. Pilatus sê toe vir Hom: Is U dan tog ‘n koning? Jesus antwoord: U sê dat Ek ‘n koning is. Hiervoor is Ek gebore en hiervoor het Ek in die wêreld gekom, om vir die waarheid te getuig. Elkeen wat uit die waarheid is, luister na my stem. Pilatus sê vir Hom: Wat is waarheid? En toe hy dit gesê het, gaan hy weer uit na die Jode en sê vir hulle: Ek vind geen skuld in Hom nie. (Klem bygevoeg)

Kom ons wees sommer wansuit eerlik met mekaar en verklaar onomwonde dat enigeen wat daarop aanspraak maak dat hy die Here Jesus liefhet en hom volg maar versuim om netsoos HY vir SY waarheid (leerstellings, dogmas, doktrines) te getuig. is besig om homself te bedrieg. So’n persoon kan ‘n duisend keer op ‘n dag sê “Ek is ‘n volgeling van Jesus” maar as hy of sy, SY waarheid nie liefhet nie en nie vir SY waarheid getuig soos Hy dit self gedoen het nie, is besig om ‘n ander Jesus te volg. Ons leef in tye waar daar geweldig baie klem gelê word op liefde, verhoudings, onderlinge gesprek, verdraagsaamheid, barmhartigheid en respek (veral t.o.v. die onderskeie godsdienste in die wêreld), maar hierdie dinge word nagejaag ten koste van die waarheid soos ons in in God se Woord vind. Gevolglik word die waarheid waarvoor Jesus Chirstus as ‘n getuie mens geword en aarde toe gekom het in repies geskeur en in die snippermandjie gegooi. Enigeen wat in gehoorsaamheid vir Jesus Christus se waarheid wil getuig word sonder seremonie as liefdelose, arrogante fundamentaliste bestempel omdat hulle kwansuis veroordelend pleks van liefdevol optree.

Dis opmerklik dat Pilatus nie gewag het op ‘n antwoord van die Here Jesus nie, maar hom onmiddellik tot die Joodse gespuis gewend het om SY onskuld te verklaar maar ook om Hom in deselfde asem te verdoem deur Hom gerieflikheidshalwe in hulle hande oor te lewer. Ek verstout my deur te sê dat Stephan Joubert waarskynlik ‘n baie beter joppie sou doen om aan Pilatus te verduidelik wat waarheid is. Ek sê dit op grond van sy onlangse relaas oor wat hy as waarheid definieer op e-kerk se webblad. Kom ons wees gehoorsaam aan die Here Jesus, van wie Stpehan getuig dat Hy die essensie van warheid is, en stel alles wat hy op die webblad kwytgeraak het aan die hand van die Skrif op die proef om vas te stel of sy woorde uit God is, al dan nie.

Stephan begin deur te sê:

Die waarheid is nie proposisies, leerstukke, belydenisse of teologiese geskrifte nie. (Klem bygevoeg)

Stephan, soos die meeste ander ontluikende Kerk leiers, is ‘n baie goeie naprater. Trouens, hy gebruik  soms presies dieselfde woorde om sy idees oor te dra.

The truth of the Bible, like any truth, is not best seen ‘objectively’ . . . Where, then can I find authority that I can be sure of? Since God is (by and large) invisible, we are left with ordinary people holding a book. As we had said before, we cannot simply ‘go to the book.’ Truth cannot properly reside as a mere proposition on a paper. Truth lives in persons and relationships.” (Klem bygevoeg). Neil Livingstone

Indien dit nie nodig was om die waarheid in leerstukke (leerstellings, dogmas of dokrines) neer te skryf en in geskriffte saam te vat nie, sou die Here waarskynlik nooit sy eie gekose profete en apostels geïnspireer het om SY waarheid in 66 boeke op te skryf nie. Ons sou dus vandag geen geskrewe bewyse gehad het oor die kernleerstellings rondom Christus se maagdelike geboorte, sy fisieke kruisging, sy fisieke opstanding uit die dood en sy hemelvaart nie. Wat sê die Woord van God — die WAARHEID waarvoor die Here Jesus aarde toe gekom het om ‘n getuienis te wees.

1 Johannes 5: 13 Dit het ek geskrywe aan julle wat glo in die Naam van die Seun van God, sodat julle kan weet dat julle die ewige lewe het en kan glo in die Naam van die Seun van God.

2 Timotheus 3:16 en 17 Die hele Skrif is deur God ingegee en is nuttig tot lering, tot weerlegging, tot teregwysing, tot onderwysing in die geregtigheid, sodat die mens van God volkome kan wees, vir elke goeie werk volkome toegerus.

Dit is die geskrewe Woord, ‘n samevatting van God se leerstellings, wat God se kinders die sekerheid gee dat hulle nou reeds die ewige lewe as ‘n onontneembare werklikheid besit. Dis vir my tog te ironies dat almal, sekerlik ook Stephan Joubert, aanvaar dat ons land se wetgewing en konstitusie as geskrewe dokument bindend en geldend is vir alle burgers, maar sodra diie Woord van God se wetgewing en leerstellings ter sprake kom, kan ons maar daarmee maak wat ons wil. Dit sou voorwaar dom wees om van die land se burgers te verwag om binne die land se konstitusionele ordeningstukture te lewe as dit nie in ‘n algemeen geldende dokument saamgevat was nie. Objektiewe “kopgimnastiek” is miskien nie die uiteindelike doelwit nie maar dit is beslis die beginpunt vir ‘n lewe van gehoorsaamheid aan God en sy leerstellings. Jesus het dan self gesê: “En dit is die ewige lewe, dat hulle U ken, die enige waaragtige God, en Jesus Christus wat U gestuur het”  (Johannes 17: 3). Hoe sou ons ooit vir God en sy Seun leer ken as ons nie hulle leerstellings in ‘n leerstuk (die Bybel) beskikbaar gehad het nie. Maar nouja, wanneer Stephan later sê “Sy Waarheid word geleef, gedoen, gesien, gevoel. Hierdie Waarheid gaan veel meer oor die lewe as oor leerstukke” bedoel hy maar eintlik dat die Bybel nie ‘n geslote kanon is nie, maar dat elkeen se persoonlike spirituele reis, gesprekke (“converstations”) en mistieke ervaringe ‘n bydrae maak tot die voorgesette en voortdurende beskrywing, herskrywing en by-skrywing van die Bybel. Dit is dus ‘n “lewende boek” (“open-ended book”) wat nog nie klaar geskrywe is nie.

The Bible is not considered an accurate, absolute, authoritative, or authoritarian source but a book to be experienced and one experience can be as valid as any other can. Experience, dialogue, feelings, and conversations are equated with Scripture while certitude, authority, and doctrine are to be eschewed! No doctrines are to be absolute and truth or doctrine must be considered only with personal experiences, traditions, historical perspectives, etc. The Bible is not an answer book. (Brian, McLaren, A New Kind of Christianity, p. 52.)

EC leader Tony Jones, youth speaker and National Coordinator of Emergent Village, declared, “I am quite convinced that the Bible is a subversive text, that it constantly undermines our assumptions, transgresses our boundaries, and subverts our comforts. This may sound like academic mumbo-jumbo, but I really mean it. I think the Bible is a f***ing scary book (pardon my French, but that’s the only way I know how to convey how strongly I feel about this.)”(Tony Jones, “Why is the Emerging Church drawn to deconstructive theology?, The church and postmodern culture: Conversation website, 3-26-2007.) Lees hier. (Klem bygevoeg)

Tony Jones se uit die hel aangesteekte uitspraak dat die Bybel hulle grense oorskry en hulle gemaksug ondermyn, laat my dink aan Psalm 2

Laat ons hulle bande stukkend ruk en hulle toue van ons afwerp! Hy wat in die hemel woon, lag; die Here spot met hulle. Dan sal Hy hulle aanspreek in sy toorn, en in sy grimmigheid sal Hy hulle verskrik. (Klem bygevoeg)

Het dit nie tyd geword dat Stephan Joubert en sy e-kerk boeties ronduit vir ons sê waar hulle staan t.o.v. sulke sataniese uitlatings nie? Het dit nie tyd geword vir julle om die Ontluikende Kerk leierfigure soos Tony Jones, Brian McLaren, Rob Bell, en Leonard Sweet soos manlike mans in die openbaar te repudieer nie  . . . of moet ons aanvaar dat hierdie klomp God-haters se integriteit en aansien vir julle belangriker is as die allerheiligste Naam van Jesus Christus? Beteken julle vriendskap en broederskap met hierdie valse apostels en profete vir julle meer as julle volgeling-verhouding met Jesus Christus? Hoe kan ons aanvaar dat julle waarlik gered is as julle onbeskaamd voortploeter om hulle lof te besing terwyl hulle God die Vader, God die Seun en God die Heilige Gees se ewige en onveranderlike leerstellings in die Bybel bespot? Die Here sê tog uitdruklik in 2 Johannes 9 dat enigiemand wat nie bly in die leer van Christus nie, nie gered is nie, en tog hou jy, Stephan Joubert, en jou boeties nog steeds vol dat hulle ware en tere kinders van die Here is.

Ons sou vandag die ellendigste van mense wees indien God sou versuim om sy leerstellings m.b.t. die wedergeboorte, heiligmaking en die ewige lewe in sy Woord laat opteken het nie. Selfs ook die feit dat die Here Jesus die essensie van waarheid is, sou vir ons onbekend wees indien dit nie as ‘n leerstelling in ‘n teologiese boek soos die Bybel vir ons opgeteken was nie. Waar anders sou Stephan Joubert leer dat die waarheid ‘n persoon is en dat sy Naam Christus is? Jy kan nie ‘n enkele leerstelling soos dat Jesus die eesensie van waarheid is uit ‘n leerstellige boek soos die Bybel aanvaar nie sonder om ook ander leersstellige waarhede, ook uit ‘n teologiese geskrif soos die Bybel, te aanvaar nie. Dis egter tragies dat Stephan nie die rede waarom Christus die waarheid is volledig aanhaal nie. Hy is nie net die essensie van Waarheid nie, maar ook die enigste Weg en die Lewe na God die Vader. Hy is dus die enigste Waarheid omdat Hy terselfdetyd ook die enigste Weg en Lewe na die Vader is. Waarom versnipper Stephan Joubert Johannes 14:6 op so ‘n onvanpaste wyse? Is dit nie miskien omdat hy al in die verlede verklaar het dat daar ook waarhede in ander godsdienste soos die Boeddhisme en selfs in die ateïsme is nie? Wil hy daarmee te kenne gee dat jy Jesus, die essensie van waarheid, ook in ander godsdienste kan vind op voorwaarde dat jy sy essensiële eienskappe soos dat Hy ook die enigste Weg en Lewe is, weglaat?

Die Ontluikende Kerk plaas geweldig baie klem op barmhartigheidswerk, veral onder die armes en die verstotelinge, maar in 2 Timotheus 3: 16 en 17 sien ons baie duidelik dat as jy nie die hele Skrif as ‘n nuttige leerstuk beskou om leuens te weerlê, die afvalliges tereg te wys en hulle in die geregtigheid te onderlê nie, beteken jou goeie werke net mooi niks nie. Dis dan ook om hierdie rede dat die Here Jesus gebid het; “Heilig hulle in U waarheid; U Woord (leerstellige geskrifte) is die waarheid” (Johannes 17: 17). Heiligmaking word dus pertinent deur God se leerstukke in sy Woord bewerkstellig en nie deur goeie werke nie.

Stephan Joubert sê voorts:

Waarheid is nie objektiewe kennis wat in kerklike dokumente of teologiese laaie weggepak is wat mens na willekeur daar kan uithaal en objektief bespreek nie. Waarheid is nie blote kop-gimnastiek nie. Sulke soort waarheid kos jou nie veel nie.

Toegegee, waarheid wat stof in laaie of op rakke versamel beteken ook niks nie. Leerstellige waarhede wat jy alleen in God se Woord kan opdiep, moet in jou daaglikse lewenswandel ‘n werklikheid wees; dit moet jou hele uitkyk op God, jouself, die wêreld en veral ook die onglowiges in ander godsdienste sodanig moduleer dat jy daarna kyk volgens God se perspektiewe en nie jou eie vooropgestelde idees nie. Stephan het nog altyd die noodsaaklikheid en die belang van kosteberekning in die beoefening van die waarheid beklemtoon. Kosteberekning kom daarop neer dat elke Christen stil moet gaan sit om te besluit of hy werklik bereid is om “na Hom te gaan buite die laer om sy smaad te dra.” (Hebreërs 13:13). Wat is hierdie smaad? Christene wat dit hulle erns maak om die Here Jesus te volg al sou dit ook hulle lewens kos, moet verwag om die smaad en die hoon van hulle eie familielede, vriende, kollegas, mede-Christene, en kerkgenote te verduur. Hierdie smaad en hoon word hulle deel, veral wanneer hulle hard stry vir die leerstellings wat eenmaal deur die apostels aan ons oorgelewer is (Judas 1:3). U kan maar verseker weet dat as Jesus Christus wat aarde toe gekom het om vir die waarheid te getuig ter wille van hierdie waarheid gekruisiig is, gaan elkeen wat ook bereid is om vir dieselfde waarheid te getuig ook verguis, vervolg, verneder en selfs doodgemaak word (soos diit tans in baie lande die geval is). Dis die prys wat elke ware volgeling van Jesus besreid moet wees om te betaal.

Ek het eintlik nog nooit hierdie tipe kosteberekening om Jesus se smaad buitekant die laer te verra by Stephan Joubert of enige van sy mede-ontuikende broers gewaar nie. Trouens, van die toonaangewendste leierfigure wat nog steeds in Stephan Joubert se goeie boekies is, sê soms skreiend godddelose dinge sonder dat hy hulle in die openbaar repudieer, teregwys of ten minste so ‘n bietjie reghelp na aanleiding van 2 Timotheus 4: 1-3.

2 Timotheus 4:1-3 Ek besweer jou dan voor God en die Here Jesus Christus, wat die lewende en die dode sal oordeel by sy verskyning en sy koninkryk: ver-kondig die woord; hou aan tydig en ontydig; weerlê, bestraf, vermaan in alle lankmoedigheid en lering; want daar sal ‘n tyd wees wanneer hulle die gesonde leer nie sal verdra nie, maar, omdat hulle in hul gehoor gestreel wil wees, vir hulle ‘n menigte leraars sal versamel volgens hulle eie begeerlikhede, en die oor sal afkeer van die waarheid en hulle sal wend tot fabels. Maar wees jy in alles nugter; ly verdrukking; doen die werk van ‘n evangelis; vervul jou bediening. (Klem bygevoeg).

Indien die Evangelie van Jesus Christus die waarheid is, en ‘n mens sou nogal dink dat dit wel die waarheid is omdat Christus self verklaar het dat die waarheid die mens vrymaak, dan moet Stephan Joubert se ontluikende boeties besig wees om die waarheid te verkondig omdat hulle, volgens Stephan, die Evangelie in die wereld uitdra. Is dit die waarheid? Verkondig hulle werklikwaar die waarheid van die Evangelie. Stephan Joubert dink so.

Rob Bell — ek het hom al sien optree — baie keer. Hy stap op daai verhoog, met sy swart bril en sy weird klere en sy kitaar, maar as hy sy mond oopmaak dan is dit die Evangelie. Dieselfde met Dan Kimball. Ons sit en luister in Amerika, in Los Angeles, laasjaar en soos ek sê hierdie ou het nie een plek, het hy die Skrif oortree nie.  Hy sê “ek glo in die hel, letterlik.” “Ek glo in die opstanding, letterlik.” “Ek glo in die maagdelike geboorte.” “Ek dink homoseksualiteit is verkeerd.” Maar hy word beskou as die leier van die emerging church. Hy lyk net weird . . . . sulke mowhawk hare wat so staan. Dit lyk of daar een of ander, of iets in sy kop ontplof het. Maar dit is mense wat die vraag vra hoe gaan ek die wêreld in 2008, 2009, 2010 vir Jesus bereik? Maar moet ek die kerk transformeer op ’n nuwe manier?

Vir die waarheid om werklik waarheid te kan wees, moet dit onveranderlik, absoluut en onfeilbaar wees. Indien waarheid vandag so en more anders is, d.w.s. as waarheid sommer so goedmoeds aangepas of verander word om nuwe generasies en hulle behoeftes te akkomodeer, kan gister se waarheid hoegenaamd nie meer as die waarheid beskou word nie. Gister se waarheid sou dan nie meer betroubaar wees nie en indien gister se waarheid onbetroubaar is, sal vandag se waarheid oor ‘n klompie jare self ook onbetroubaar wees. Dis die einste rede waarom die ontluikende boeties en sussies voortdurend praat van hulle spirituele reis (“spiritual journey”), ‘n reis waarop hulle voortdurend soek na die waarheid. Brian McLaren sê “We need a new quest” bedoelende dat die ou waarhede uitgedien is.

Hoe dit ookal sy, Stephan Joubert stem blykbaar saam dat die waarheid onveranderlik moet wees want hy sê met oortuiging die volgende:

Maar is die waarheid net proposies, leerstukke en preke? Nee, die waarheid is ‘n persoon. Sy naam is Christus. Sy Waarheid is relasioneel, verhoudings-gedrewe. Sy Waarheid word geleef, gedoen, gesien, gevoel. Hierdie Waarheid gaan veel meer oor die lewe as oor leerstukke. Geen wonder nie dat die eerste volgelinge van Jesus “mense van die Weg” genoem is. Hulle het Waarheid geleef, Jesus se soort. (Klem bygevoeg)

Dit klink baie mooi en suiwer evangelies, maar dis beslis nie die waarheid nie. Christus Jesus het baie meer waarde geheg aan die waarheid van sy Evangelie as aan verhoudingsgedrewe relasies. Trouens Hyself het op ‘n kol baie duidelik gesê:

Moenie dink dat Ek gekom het om vrede op die aarde te bring nie. Ek het nie gekom om vrede te bring nie, maar die swaard. Want Ek het gekom om tweedrag te verwek tussen ‘n man en sy vader, en tussen ‘n dogter en haar moeder, en ‘n skoondogter en haar skoonmoeder. En ‘n mens se huisgenote sal sy vyande wees. Wie vader of moeder bo My liefhet, is My nie waardig nie; en wie seun of dogter bo My liefhet, is My nie waardig nie. (Klem bygevoeg).

Hoor u dit? Om enigiemand wat die Evangelie van Jesus Christus wil her-bedink of –oordink, wil herverwoord en “repaint,” as ware en suiwere evangelieverkondigers te loof en te prys, is nie besig om hulle verhouding met Jesus Christus te bou of te verstewig nie maar is juis besig om hulle verhouding met Hom te vernietig deur hulleself onwaardig te maak. Hulle heg meer waarde aan hulle verhouding met valse sg. evangelieverkondigers as aan Jesus Christus en sy waarheid. Hoe durf hulle dit doen as Jesus Christus self sy waarheid bokant sy eie Naam verhewe het?

Ps 138: 2 I will worship toward Your holy temple and praise Your name for Your loving-kindness and for Your truth and faithfulness; for You have exalted above all else Your name and Your word and You have magnified Your word above all Your name!

Indien Jesus Christus die waarheid is, en Hy IS inderdaad die waarheid, dan moet die waarheid ook ewigdurend onveranderlik, onbuigsaam, onfeilbaar en onaantasbaar wees omdat Jesus Christus gister en vandag en tot in alle ewigheid dieselfde is. En tog is Stephan Joubert en sy ontluikende boeties voortdurend besig om die Evangelie (die waarheid van God) te her-oordink (“re-think”), te herverwoord, en te “repaint” (soos Rob Bell dit in sy boek “Velvet Elvis” stel). Die spirituele reis waarop hulle hul begeef maak dat hulle voortdurend dinge verkondig wat hoegenaamd nie met die Woord van God ooreenkom nie. Hoe op deeske aarde kan Stephan Joubert in die openbaar in een van sy preke verklaar dat wanneer Rob Bell sy mond oopmaak dan is dit die Evangelie, as die man God se Woord (dié Woord wat die Evangelie van Jesus Christus bevat) verkleineer? Rob Bell het ‘n besondere lae dunk van die Woord van God. Syns insiens kan niemand met sekerheid sê “Ek ken die Here en sy waarheid” nie. Die beste wat ons kan doen is om inwaarts te keer en te luister na ons innerlike stem. Vir hom is die Bybel te misterieus om volledig verstaan te kan word.

“One of the great ‘theologians’ of our time, Sean Penn, put it this way: ‘When everything gets answered, it’s fake. The mystery is the truth. ”The mystery is the truth” (Velvet Elvis, p. 33).

“Jesus wants to heal our souls, wants to give us the shalom of God. And so we have to stop. We have to slow down. We have to sit still and stare out the window and let the engine come to an idle. We have to listen to what our inner voice is saying.” (Rob Bell: Velvet Elvis: Repainting the Christian Faith p. 118). (Emphasis added)

Een van die groot teoloë van ons tyd, Sean Penn, het dit so gestel: “Wanneer alles ‘n antwoord het, is dit ‘n namaaksel. Die misterie is die waarheid. “Die misterie is die waarheid.”

Jesus wil ons siele heelmaak, wil ons die shalom van God gee. En daarom moet ons stop. Ons moet ons pas verminder. Ons moet stilsit en by die venster uitstaar en die enjin laat luier. Ons moet luister na wat ons innerlike stem sê.” (Klem bygevoeg)

God sê tog baie duidelik dat “sy goddelike krag ons alles geskenk [het] wat tot die lewe en godsvrug dien, deur die kennis van Hom wat ons geroep het deur sy heerlikheid en deug” (2 Petrus 1:3). Let asseblief daarop dat dit “deur die kennis van Hom” is dat sy kinders in staat gestel word om sy  godsvrug te belewe en uit te lewe. Dis nie iets hier binne-in onsself (die innerlike stem) waarna ons moet luister om die vrede van God en sy siels-helende werking te ervaar nie. Jou innerlike stem of intuitiewe waarneming is met een woord gesê onbetroubaar omdat jou hart bo alles bedrieglik en uiters verdorwe is m.d.g. dat jyself dit nie kan ken nie (Jeremia 17: 9). In weerwil hiervan, suggereer Rob Bell dat jou innerlike stem die medium is waardeur God ons siele wil heelmaak en ons die shalom (vrede) van God wil gee. Dit is niks anders as ‘n ander heils-evangelie nie (wat natuurlik nie, soos Paulus gesê het, bestaan nie – Galasiërs 1:6 en 7). Dit kom daarop neer dat jy jou heil in jouself moet soek deur die enjin so ‘n beitjie te laat “idle” sodat jy na jou innerlike stem kan luister. Is dit nie ironies nie? Rob Bell verruil God se Woord wat absoluut betroubaar is en ten volle aangeneem moet word (2 Timotheus 2:11) vir die “innerlike stem” wat geheel en al onbetroubaar is. Moet ons verbaas wees oor Rob Bell se onbybelse uitlatings? Hoegenaamd nie, veral nie wanneer ons in ag neem wat sy siening rondom die verkondiging en uitdra van die Evangelie van Jesus Christus is nie. Luister ‘n bietjie hierna:

“Oftentimes the Christian community has sent the message that we love people and build relationships in order to convert them to the Christian faith. So there is an agenda. And when there is an agenda, it isn’t really love, is it? It’s something else. We have to discover love, period. Love that loves because it is what Jesus teaches us to do. We have to surrender our agendas” (Velvet Elvis, p. 167).

Die Christen gemeesnkap het dikwels die boodskap uitgedra dat ons mense liefhet en verhoudings bou met die doel om hulle tot die Christelike geloof te bekeer. Daar is dus ‘n agenda. En wanneer daar ‘n agenda is is dit nie ware liefde nie, is dit? Dis iets anders. Ons moet liefde ontdek, punt. Liefde wat liefhet want dit is wat Jesus ons leer om te doen. Ons moet ons agendas prysgee.

Rob Bell het ‘n volkome skewe siening van wat ware liefde is. Maar, voordat ons sy baanbrekerswaarhede onder die loep neem wat, soos Stephan ons probeer oortuig, die suiwere Evanglie is sodra die man sy mond oopmaak, moet ons eers gaan kyk wat God sê:

2 Korinthiërs 5:11-14 Omdat ons dan die vrees van die Here ken, probeer ons om die mense te oortuig; maar voor God is ons openbaar, en ek hoop om ook in julle gewetens openbaar te wees. Want ons beveel ons nie weer by julle aan nie, maar ons gee julle aanleiding tot roem oor ons, sodat julle iets kan hê teenoor die wat hulle op die uiterlike beroem en nie op die hart nie. Want as ons uitsinnig is, is dit tot eer van God; en as ons by ons verstand is, is dit om julle ontwil. Want die liefde van Christus dring ons. (Klem bygevoeg)

Uit die bg. gedeelte is dit baie duidelik dat Paulus ‘n besondere agenda gehad het en daardie agenda was om mense te probeer oortuig om hulle tot die Here Jesus te bekeer omdat die liefde van Christus hom daartoe gedring het. Dit is uiters belangrik om te weet dat alleenlik diegene wat die vrees van die Here ken se kop reg opgeskroef sal wees om God se agenda van bekering, wederbaring en verlossing aan mense te verkondig. Hulle wat die vrees van die Here nie ken nie sal agendas, insluitende Paulus s’n, prysgee — en dit nogal ter wille van ‘n sg. liefde. Hoedat intelligente en hoogaangeskrewe mense soos Stephan Joubert sulke uitlatings as suiwer envangelie kan beskou, gaan ‘n mens se verstand te bowe. Dink ‘n bietjie daaraan, Rob Bell sê “Ons moet liefde ontdek – liefde wat liefhet want dit is wat Jesus ons leer om te doen.” Van watter Jesus praat hy? Dit kan beslis nie die Jesus van die Bybel wees nie. Paulus sê dat dit nie sy eie liefde is wat hom gedring het om mens met die Evangelie te bereik nie, maar die liefde van Christus (in Hom) wat hom daartoe gedring het. Dis dus ‘n liefde wat jy nie nodig het om nog te ontdek nie of waarvoor jy op ‘n eindelose spirituele reis moet gaan om dit te soek nie. Dis ‘n liefde wat nog altyd daar was omdat Jesus Christus gister en vandag en tot in alle ewigheid onveranderlik dieselfde is. Hy is die essensie van liefde en sy liefde kan jou alleenlik dring wanneer sy liefde in jou hart uitgestort is en dit geskied alleenlik by jou bekering. As jy nog nie tot bekering gekom het nie, sal jy beslis nog nie sy liefde in jou binneste ervaar nie en sal jy noodwendig op ‘n nimmereindigende reis moet gaan om ‘n ander soort “liefde” te ontdek, ‘n liefde wat God se agenda om mense te oortuig om hulle tot Hom te bekeer, eenkant skuiwe. En Stephan Joubert het die vermetelheid om in die openbaar te verklaar dat wanneer Rob Bell sy mond oopmaak, is dit die Evangelie en dat hy ‘n persoon is wat die vraag vra “hoe gaan ek die wêreld in 2008, 2009, 2010 vir Jesus bereik.” Vergeet dit! Hy sal nooit in der ewigheid ‘n enkele persoon vir Christus wen as hy Jesus, Paulus en die ander apostels se agenda om verlore sondaars tot bekering te lei, prysgee nie.

‘n Verkeerde sotereologie lei onomwonde tot ‘n verkeerde siening m.b.t. die ewigheidebestemming van gelowiges en ongelowiges asook ‘n onbybelse benadering tot die regverdige oordele van God. Die liefde wat Rob Bell sê ons moet ontdek, hou verband met sy siening oor die hemel en die hel. Die algemeen aanvaarde vooropstelling wat in baie geestelike kringe geld, is dat ‘n God van liefde nooit enige van sy skepsels ‘n ‘n verskriklike plek soos die hel, sal werp nie. Daarom probeer hulle voortdurend om die hel eerder op ‘n ander plek, soos hier op aarde, te lokaliseer. Rob Bell sê:

“Now if there is a life in heaven, and we can choose it, then there’s also another way. A way of living out of sync with how God created us to live. The word for this is hell: a way, a place, a realm absent of how God desires things to be. We can bring heaven to earth; we can bring hell to earth.

For Jesus, heaven and hell were present realities. Ways of living we can enter into here and now. He talked very little of the life beyond this one because he understood that the life beyond this one is a continuation of the kinds of choices we make here and now.

For Jesus, the question wasn’t, how do I get into heaven? But how do I bring heaven here? The question wasn’t, how do I get in there? But how do I get there, here?” (Velvet Elvis, p. 147).

Nou, as daar ‘n lewe in die hemel is, en ons kan dit kies, dan is daar ook ‘n ander weg, ‘n lewensweg wat nie in harmonie is met hoe God ons geskape het om te lewe nie. Die woord hiervoor is hel: a weg, ‘n plek, ‘n gebied waar God se begeertes vir dinge om te wees, afwesig is. Ons kan hemel op aarde bring; ons kan hel op aarde bring.

Vir Jesus was hemel en hel teenswoordige realiteite. Weë wat ons kan betree hier en nou. Hy het baie min oor die lewe anderkant hierdie een gepraat omdat Hy verstaan het dat die lewe anderkant hierdie een ‘n voortsetting is van die soort keuses wat ons hier en nou maak.

Vir Jesus as die vraag nie, hoe kom ek in die hemel? Maar hoe ek hemel hierheen bring? Die vraag was nie, hoe kom ek daar in nie? Maar hoedat ek hier daar uitkom?

Die Here Jesus het op ‘n dag gesê: “Dan sal Hy ook vir dié aan sy linkerhand sê: Gaan weg van My, julle vervloektes, in die ewige vuur wat berei is vir die duiwel en sy engele” (Matteus 25: 41). As ons, soos Stephan Joubert, ons sou oorgee aan die Rob-Bell-hemel-en-hel-evangelie, dan moet ons glo dat die Here Jesus, deur wie alles ontstaan het (Johannes 1:3), so wrintie waar die aarde vir die duiwel en sy engele gemaak het. U sien, sodra ‘n mens sulke Bybel-vreemde opmerkings maak dan val ander gedeeltes in die Woord so gevaarlik uit plek dat dit in ‘n sirkus ontaard. Ja, ek word kwaad en ek het die reg om kwaad te word wanneer ek sien hoedat ons jongmense deur sulke snert mislei en verlei word. Hulle vergeet gerieflikheidshalwe Jesus se woorde in Matteus 18: “ . . . maar elkeen wat een van hierdie kleintjies wat in My glo, laat struikel, dit is vir hom beter dat ‘n meulsteen aan sy nek gehang word en hy wegsink in die diepte van die see.” Rob Bell se heils-evangelie — dié een wat Stephan Joubert die ware Evangelie noem — berus op die soort keuses wat ons hierdie kant van die graf maak. As jy ‘n bietjie dieper delf, sal jy agterkom dat Rob Bell maar eintlik verwys na die Oosterse begrip van goeie en slegte karma.

Weer eens, enigiemand wat elke woord uit Rob Bell se mond as suiwer evangelie beskou, moet óf ‘n klap van die windmeul weghê óf moes reeds so ver van die Here af weggedryf het dat hy nie meer die ware evangelie van ‘n valse een kan onderskei nie. Trouens, die Woord van God waarsku baie ernstig teen die gevaar om al hoe verder en verder van die Here af weg te dryf.

Hebreërs 2:1-4 Daarom moet ons des te meer ag gee op wat ons gehoor het, dat ons nie miskien wegdrywe nie. Want as die woord deur engele gespreek, onwankelbaar was, en elke oortreding en ongehoorsaamheid regverdige vergelding ontvang het, hoe sal ons ontvlug as ons so ‘n groot saligheid veronagsaam wat, nadat dit eers deur die Here verkondig is, aan ons bevestig is deur die wat dit gehoor het, terwyl God ook nog saam getuig het deur tekens en wonders en allerhande kragtige dade en bedélinge van die Heilige Gees volgens sy wil?

Rob Bell dryf soms openlik die spot met die Evangelie van Jesus Christus. Hy skryf onder andere:

“The presentation often begins with sin and the condition of human beings, separated from God and without hope in the world. God then came up with a way to fix the problem by sending Jesus, who came to the world to give us a way out of the mess we find ourselves in. So if we were to draw a continuum of the story of the Bible, Jesus essentially shows up late in the game” (Velvet Elvis, p. 82).

Die aanbieding begin dikwels met sonde en die toestand van mense, geskei van God sonder hoop in die wêreld. God het toe met ‘n manier vorendag gekom deur Jesus te stuur wat na die wêreld gekom het om vir ons ‘n manier uit die gemors waarin ons ons bevind, te gee. As ons dus ‘n konrtinuüm van die verhaal van die Bybel moet deurtrek, dan het Jesus essensiëel laat in die spel opgedaag.

Volgens Rob Bell is God so ‘n bietjie onkant betrap deur die sondeval van die mens en het eers heelwat later in die konrtinuüm van die verhaal van die Bybel besluit om sy Seun te stuur, in die eerste plek nie om vir ons sondes aan die kruis te betaal nie maar om vir ons ‘n nuwe visie te gee omtrent die lewe wat ons met mekaar moet deel en om ons ‘n beter weg aan te dui vir die wêreld waarin ons lewe.

I’m part of this global, historic stream of people who believe that God has not left us alone but has been involved in human history from the beginning. People who believe that in Jesus, God came among us in a unique and powerful way, showing us a new kind of life. Giving each of us a new vision for our life together, for the world we live in” (Velvet Elvis, p. 12).

Ek is deel van hierdie globale, historiese stroom van mense wat glo dat God ons nie alleen gelaat het nie maar van die begin af betrokke was in die mens se geskiedenis. Mense wat glo dat God in Jesus op ‘n unieke en kragtige wyse onder ons kom woon het om ‘n nuwe soort lewe vir ons aan te dui, wat elkeen van ons ‘n nuwe visie vir ons lewens saam en vir die wêreld waarin ons lewe, te gee.

Die sg. herbeskildering van die Evangelie is nie om dowe neute nie. Die hele doel daaragter is om die mensdom en veral die vervalle Christendom voor te berei vir ‘n “Christus” wat ons ‘n nuwe visie sal gee om te leer hoe om met mekaar in vrede en harmonie saam te lewe en om die pad vorentoe vir ons aan te dui.

WHO IS THE CHRIST?

Throughout history, humanity’s evolution has been guided by a group of enlightened men, the Masters of Wisdom. They have remained largely in the remote desert and mountain places of earth, working mainly through their disciples who live openly in the world. This message of the Christ’s reappearance has been given primarily by such a disciple trained for his task for over 20 years.

At the centre of this Spiritual Hierrarchy stands the World Teacher, Lord Maitreya, known by Christians as the Christ. And as Christians await the Second Coming, so the Jews await the Messiah, the Bhuddists the fifth Buddha, the Moslims the Imam Mahdi, and the Hindus await Krishna. These are all names for one individual.

His presence in the world guarantees there will be no Third World War.

WHAT IS HE SAYING?

My task will be to show you how to live together peacefully as brothers. This is simpler than you imagine, My friends, for it requires only the acceptance of sharing.

How can you be content with the modes within which you now live: when millions starve and die in squalor; when the rich parade their wealth before the poor; when each man is his neighbor’s enemy; when no man trusts his brother?

Allow me to show you the way forward into a simpler life where no man lacks; where no two are alike; where the Joy of Brotherhood manifests through all men.

Take your brother’s needs as the measure of your action and solve the problems of the world.

WIE IS DIE CHIRSTUS?

Die mens se evolusie is dwardeur die geskiedenis deur ‘n groep verligte mans, die Meesters van Wysheid, gebaan. Hulle het hoofsaaklik in die verafgeleë woestyn en bergstreke van die aarde gebly en werk grotendeels deur hulle dissipels wat openlik in die wêreld woon. Hierdie boodskap van die Christus se herverskyning word hoofsaaklik deur so ‘n dissipel wat vir meer as 20 jaar opgelei is vir sy taak, uitgedra.

In die senter van hierdie Spiriutele Hiërargie staan die Wêreldleermeester, Heer Maitreya, wat vir die Christene bekend staan as die Christus. En soos die Christene wat wag vir sy Tweede Koms, so wag die Jode vir die Messias, die Boeddhiste vir die vyfde Boeddha, die Moslems vir die Imam Mahdi, en die Hindoes vir die Krishna. Dit is almal name van een persoon.

Sy teenwoordigheid in die wêreld waarborg dat daar nie ‘n Derde Wêreldoorlog sal wees nie.

WAT Sê HY?

My taak sal wees om julle te wys hoe om as broers saam in vrede te lewe. Dit is eenvoudiger as wat julle dink, My vriende, want dit verg maar net ‘n bereidwilligheid om mededeelsaam te wees.

Hoe kan julle tevrede wees met die maniere waarop julle nou lewe: wanneer miljoene honger lei en in ellende sterwe; wanneer die rykes hulle rykdom voor die armes paradeer; wanneer elke persoon sy naaste se vyand is; wanneer niemand sy broer vertrou nie?

Laat my toe om vir julle die weg vorentoe aan te dui na ‘n eenvoudiger lewe waar niemand gebrek lei nie; waar niemand dieselfde sal wees nie; waar die Vreugde van Broederskap deur alle mense gemanifesteer sal word.

Neem jou broer se behoeftes as die maat vir jou aksie en los so die probleme van die wêreld op.

Die bg. volblad advertensie het op Saterdag, 24 April 1982 in die Rand Daily Mail en in koerante dwarsoor die wêreld verskyn. Sedertdien is die Maitreya se dissipels verwoed besig om sy boodskap in die hele wêreld uit te dra. Die naam Christus (Gesalfde Een) moet noodwendig van al sy unieke karaktereinskappe gestroop word om aan te pas by die valse Christus (anti-Chris) wat sal kom om die wêreld onder Satan se heerskappy te bring. Om dit te kan doen moet die Evangelie van Christus natuurlik ook herbedink en herverwoord word om in te pas by die Antichris se doelwitte. Hierdie valse Christus kan hoegenaamd nie sondes vergewe nie en ook nie die ewige lewe in die hemel aan jou voorsien nie; al wat hy vir jou kan doen is om ‘n visie vir ‘n nuwe lewe hier en nou op aarde te verskaf, waarin die ganse mensdom saam onder een spirituele sambreel as broers en susters in vrede en liefde saam verkeer — en om dan te sê “DIE KONINKRYK VAN GOD HET UITEINDELIK HIER EN NOU OP AARDE GEKOM.”

Dit is dan ook een van die hoofredes waarom kennis en insig as sodanig uitgefaseer moet word want die Satan weet baie goed dat ‘n gebrek daaraan die Here se volk ten gronde rig (Hosea 4: 6), en daarom word daar voortdrend vir hulle gesê: “Julle kan die waarheid nie ken nie en daarom moet ons saam daarna soek op ons gesamentlike spirituele reis.” Daar is hoofsaaklik twee duidelike raakpunte in die doelstellings van die Ontluikende Kerk en dié van die sg. Maitreya – hulle wil die armes, die onderdruktes en die vertraptes se lewenspeil ophef en verbeter (wat natuurlik ‘n baie mooi en deugsame ding is) en hulle wil die Koninkryk van God hier en nou op aarde vestig (wat natuurlik ook ‘n baie mooi en deurgsame ding  blyk te wees).  Daar is egter een probleem hiermee: hulle wil dit doen deur die waarheid soos ons dit in die Woord van God opgeteken vind (sy leerstellings, doktrines of dogmas) “repaint,” en “rethink,” sodat dit nie meer langer ‘n beskrywing moet wees van Jesus Christus, die essensie van Waarheid, die Weg en die Lewe, nie maar van ‘n ander Christus wie se taak dit is om vir ons te wys watter pad ons moet loop op ons nimmereindigende spirituele reis sodat absolute waarheid geneutraliseer kan word en ons as broers en susters kan saamlewe (wat natuurlik ook ‘n baie mooi en deugsame ding blyk te wees).

2 Johannes 9-11 Elkeen wat ‘n oortreder is en nie bly in die leer van Christus nie, hy het God nie. Wie in die leer van Christus bly, hy het die Vader sowel as die Seun. As iemand na julle kom en hierdie leer nie bring nie, ontvang hom nie in die huis nie en groet hom nie.  Want die een wat hom groet, het gemeenskap aan sy bose werke.

Let Us Reason Ministries skryf as volg:

The attitude of liberalism is strong in the Emergent church as they try to reshape Christianity into something different. Experience is held above doctrine which is straight out of the New Age movement’s handbook. New age promoter the late Marilyn Ferguson wrote The Aquarian Conspiracy stating, “The radical Center of spiritual experience seems to be knowing without doctrine … the teacher does not impart knowledge but technique. This is the ‘transmission of knowledge by direct experience.’ Doctrine on the other hand, is second-hand knowledge, a danger” (Marilyn Ferguson, The Aquarian Conspiracy pp. 371, 377.)

“Stel ‘n hemelse wag aan voor jou mond” . . . sodat derduisende mislei kan word?

‘n Mens hoor dikwels sommige van ons hedendaagse “toleransie-predikers” vir jou sê: “As jy niks positiefs of moois oor iemand kan sê nie, bly dan maar liewer stil.” Ongelukkig het hierdie mooi ongeskrewe reël baie mense in die afgrond help dompel eerder as om vir hulle van enige werklike waarde te wees. Ek het gevind dat wanneer die “toleransie-predikers” jou kritiek op hulle openbare en onbybelse uitsprake nie vanuit die Skrif kan repudieer nie, hulle na die “persoonlikheids-lat” gryp om jou aan te kla van karkatermoord omdat jy hulle kwansuis persoonlik aanval en nie die dinge wat hulle sê of skryf nie. Hulle skroom nie om jou te besluldig van halwe waarhede nie, maar versuim gerieflikheidshalwe om die halwe waarhede wat jy kwansuis oor hulle uitbasuin duidelik uit te spel. Om vir u ‘n aanduiding te gee wat ek bedoel, neem ek u graag na Stephan Joubert se e-kerk webblad waar hy onlangs onder die opskrif “Stel ‘n hemelse wag aan voor jou mond” met verwysing na Psalm 141:3 o.a. die volgende gesê het.

Navorsers het bevind dat wanneer mense baie negatief oor iets of iemand anders voel, dan vertel hulle dit vir 17 ander mense. Maar wanneer hulle baie positief voel, dan vertel hulle dit slegs vir 11 mense. Nou ja, daar het jy dit! Nou weet jy hoekom ‘n handjievol negatiewe mense dit regkry om ‘n ganse gemeenskap lam te lê met hulle negatiewe praatjies oor ‘n leier, of oor een of ander nuwe inisiatief, ook al voel die meeste mense positief. Slegte nuus trek gewoonlik strate verder as goeie nuus . . .

Dis verstommend hoe baie kerkmense eerder ‘n koerant of ‘n plaaslike skindermond sal glo as om hulle tonge onder beheer van die Here te stel. . . .

Die beste geneesmiddel vir ‘n gevaarlike tong is om ‘n hemelse Wag voor jou mond aan te stel (Psalm 141:3). Vra die Here om jou tong elke dag op te pas.

‘n Verkeerde eksegese van Bybeltekse en –hoofstukke lei onafwendbaar tot verkeerde lering en selfs ergerlike dwaallering. In Psalm 141 is daar geen sprake dat Dawid

View Full Album

daarop aandring dat jy niks mag sê oor iemand se leerstellige eierdanse nie. Ja! natuurlik bedoel hy hier dat die Here hom moet bewaar van slegte dinge en om slegte dinge te sê, menenende dat Hy hom moet keer om verkeerde dinge te sê; dinge wat indruis teen God se Woord en sy Wette. Dit is opvallend dat Dawid in die lig hiervan in vers 5 sê “Laat die regverdige my met liefde slaan en tugtig—hoofsalf sal my hoof nie weier nie.” Hoewel Dawid met hoofsalf deur Samuel as koning gesalf is en hy die hoogste gesag in die land beklee het, het hy nogtans ‘n leerbare gees (“teachable spirit”) gehad. Hy was bereid om hom te verneder onder die tug van die regverdiges wanneer hulle hom sou bestraf oor enigiets wat hy verkeerd gesê of gedoen het. Vir hom was dit soos hoofsalf. Dis interessant dat Dawid se seun Salomo ‘n soortgelyke ding in Spreuke 27:5 gesê het: “Openlike teregwysing is beter as verborge liefde.” Hy skryf o.m. ook die volgende:

Spreuke 10:17 Wie hom laat leer, ken die pad na die lewe; wie teregwysing verwerp, dwaal van dié pad af.

Spreuke 12:1 Wie hom laat leer, wil graag kennis ontvang; wie hom nie laat teregwys nie, is ‘n dom mens.

Spreule 13:18 [Geetselike] Armoede en vernedering wag vir iemand wat hom nie wil laat leer nie, wie ‘n teregwysing ter harte neem, word geëer.

Spreuke 15:31  Wie op ‘n teregwysing ag slaan, sal lewe en ‘n tuiste vind tussen mense wat wysheid het.

Spreuke 15:32 Wie onderrig in die wind slaan, gee nie om vir homself nie; wie op ‘n  teregwysing ag slaan, kry insig.

Paulus sluit pragtig hierby aan wanneer hy in 2 Timotheus 3:16 die volgende skryf:

Die hele Skrif is deur God ingegee en is nuttig tot lering, tot weerlegging, tot teregwysing, tot onderwysing in die geregtigheid,

Teregwysing, vermaning, bestrawwing en tugtiging is dus ‘n integrale deel van die liggaam van Christus. Ongelukkig sien die postmoderne mens en veral die toleransie-predikers en leierfigure hierdie vermaning en bestrawwing  as ‘n aanval op hulle persoon, so asof hulle sooooo belangrik is.  Pleks daarvan om gesonde vermaning met nederigheid te aanvaar en om ‘n “leerbare gees” te kweek, verkondig Stepan Joubert die volgende Twitter”-twak:

If you can’t be a good example, at least be a horrible warning—this is the motto of thousands of churchgoers. Dont follow them. 10:53 AM Aug 6th from web

Kom ons vergewis ons dan nou eers van die goeie voorbeeld wat die e-kerk en e-church familie veral vir ons jeug stel deur ‘n slag weer te kyk na die mense met wie hulle so graag langs dieselfde vuur sit. E-kerk ondersteun en onderskryf verkeie leierfigure in the ontluikende kerk wat onbeskaamd ‘n kontemplatiewe, “New Age” en intergeloof spiritualiteit verkondig terwyl hulle daarop aanspraak maak dat hulle toegewyde Christene is. Brian McLaren, een van e-kerk se voorbeeldigste sg. “volgelinge van Jesus,” is besig om toenemend die Naam van Jesus deur de modder te sleep. Suid-Afrikaanse geestelike leiers in die ontluikende kerk soos Guillaume Smit, Dries Lombaard, Dries Cronjé, Cobus van Wyngaard, Nelus Niemandt en natuurlik ook Stephan Joubert, e.a. praat met groot lof van Brian Mclaren op hulle onderskeie blogs en adverteer veral sy boeke “A Gennerous Orthodoxy,” “The Secret Message of Jesus” en “Everything Must Change.” Hier’s wat Brian McLaren onlangs op een van sy blogs kwytgeraak het. Terwyl u dit lees hou asseblief in gedagte wat ek onlangs oor die onmensllike onthoofding van Christene deur die Moslemgroep, al-Shahaab, in die Suide van Somalië geskryf het sodat u ‘n idee kan kry waarmee Brian McLaren en sy meelopers hulle deesdae vereenselwig, en ook die soort mense wat die-kerk familiekring ondersteun. U kan die volledige artikel hier lees.

Ramadan is the Muslim holy month of fasting for spiritual renewal and purification. It commemorates the month during which Muslims believe Mohammed received the Quran through divine revelation, and it calls Muslims to self-control, sacrificial generosity and solidarity with the poor, diligent reading of the Quran, and intensified prayer.

This year, I, along with a few Christian friends (and perhaps others currently unknown to us will want to join in) will be joining Muslim friends in the fast which begins August 21. We are not doing so in order to become Muslims: we are deeply committed Christians. But as Christians, we want to come close to our Muslim neighbors and to share this important part of life with them. Just as Jesus, a devout Jew, overcame religious prejudice and learned from a Syrophonecian woman and was inspired by her faith two thousand years ago (Matthew 15:21 ff, Mark 7:24 ff), we seek to learn from our Muslim sisters and brothers today.

Muslims observe Ramadan in the same basic way world-wide: they fast from food, water, sex, etc., from dawn to dusk. We Christians who are joining in the fast will share these four common commitments.

We, as Christians, humbly seek to join Muslims in this observance of Ramadan as a God-honoring expression of peace, fellowship, and neighborliness. Each of us will have at least one Muslim friend who will serve as our partner in the fast. These friends welcome us in the same spirit of peace, fellowship, and neighborliness.

We will seek to avoid being disrespectful or unfaithful to our own faith tradition in our desire to be respectful to the faith tradition of our friends. For example, since the Bible teaches us the importance of fasting and being generous to the poor, we can participate as Christians in fidelity to the Bible as our Muslim friends do so in fidelity to the Quran. (Klem bygevoeg)

Waarom sou iemand wat daarop aanspraak maak dat hy deel is van die liggaam en die bruid van Jesus Christus hom met die Ramadan-fees vereenselwig waarvan die feesgangers ontken dat God ‘n Seun het en die vermoording van Jode en Christene goedkeur? Benewens die feit dat die Moslems ontken dat Jesus self God is en dat Hy die Seun van God is omdat God nie ‘n Seun het nie, verwerp die Moslems ook Jesus Christus se kruisiging en verklaar dat iemand anders in sy plek gesterwe het, i.p.v. dat Hy in ons en in die Moselms se plek gesterwe het. Hulle verklaar ook dat enigeen wat in die Drie-Enige God glo direk hel toe gaan en dat Moslems nie vriende moet maak met die Jode en Christene nie. Kan u sien waarheen die Ontluiikende Kerk (“Emreging Church” of “Emergent Church”) op pad is? Sal u werklik deel wil wees van so ‘n kerk wat ‘n ander Jesus navolg? Dié is seker; die eindtyd Babiloniese kerk (Openbaring 19:2) waarin almal van watter godsdiensoord ookal ‘n heenkome sal vind, is baie vinnig besig om deur die fasiliteerders (“change agents) in the Ontluikende Kerk gevestig te word.

So van fasiliteerders (“change agents”) gepraat. Ron Martoia wat tans op besoek is in Suid Afrika noem homself ‘n “transformational architect.” Die volgende berig het op Dave Hunt en Tom McMahon se webblad The Berean Call verskyn.

[McLaren has joined forces with individuals such as Linnea NIlsen Capshaw. According to her resume, Capshaw works with Dr. Ron Martoia who is a transformational architect . . . . His area of expertise is on the new and shifting landscape of church/cultural intersection, where he helps churches consider how they can shift their theological outlook which in turn will shift and adjust their ministry trajectory and cultural interface. . . . Ron is using his cultural intonation to help churches shift paradigms from the old Newtonian world to the Quantum world of the 21st century context.

“In addition to monthly consultations, Ron currently facilitates a new experimental learning community model in Jackson, Michigan called Vortex. Meeting in an arts enclave with over 20 other artists, there are weekly facilitated conversations on everything from string theory and the origins of the universe to the insights of Aristotle on personal development, as well as theological discussions about world religions and global spiritual formation praxis. Vortex hosts immersive learning experiences as well as weekly yoga classes. This experiment hopes to be part of shaping a new learning container for 21st century spiritual and personal formation.” (Klem bygevoeg).

http://www.velocityculture.com/aboutron.html

Dis hoegenaamd nie moeilik om af te lei nie dat Ron Martoia se kerklik/kulturele en “transformerende argitektuur” (“transformational architecture”) in ‘n baie groot mate geskoei is op kontemplatiewe spiritualiteite en selfs ook joga, ‘n Oosterse merditatiewe praktyk wat Hindoes met hulle Hindoegode saam in dieselfde juk laat trek. Lees gerus hierdie artikel oor die gevare van joga en transendentale meditasie. Die volgende aanhaling toon baie duidelik hoedanig Ron Martoia meditasie propageer en aanwend om transformasie in die kerk en kulture te bewerkstellig.

“I want to infuse you with the insight and energy to assist you in attaining the transformation you desire. My experience in my own personal life and as a transformational architect helping other people along on the journey is that most of us realize the obvious growth barriers we face.”

“We must become aware of being aware and make a commitment to make that happen. If we were to do this on our own personal level it would transform who we are. If we begin to do that on the inner personal level with spouse and friends and kids, what might that do to transform the very systems of our lives and the very family units we live in. Second, we need to cultivate a daily practice of meditation. . .

The fact is meditation is a concentrated dose of awareness. It is quite clear that those who cultivate a daily practice of meditation have that as an anchor all day and can at times throughout their day go back to it and affirm the quiet center they are attempting to maintain. . . a quiet center, the place from which our true life flows. . . For us to grow at all we have to be aware.”- (Klem bygevoeg)

Ron Martoia – www.vortexdownload.com

En wil baie graag u aandag vestig op Martioia se gebruik van die woorde “journey,” en “growth barriers.” Thomas Keating, ‘n Rooms Katolieke mistikus wat as een van die belangriikste aavoerders van die moderne kontemplatiewe beweging beskou word, het soortgelyke terme gebruik om die struikelblokke en die oorkoming daarvan op jou geestelike reis (“journey”) in sy boek “A Contemplative Journey, Vol. II” te omskryf. U kan meer hieroor lees hier.

From infancy, Father Keating teaches, we accumulate emotional layers, or “programs,” as a result of traumatic experiences. The practice of Centering Prayer engages directly with the unconscious and loosens old traumas that hinder your spiritual development. This form of “divine therapy” draws from a contemplative method that has brought profound inner transformation into the lives of thousands of practitioners. The Contemplative Journey is Father Thomas Keating’s great masterwork: a complete curriculum devoted to a Christian path for achieving the “still point” of resting in God. Each volume includes a study guide.

Soos u reeds hierbo gesien het, noem Ron Martoia die “still point” waarna Thomas Keating verwys die “quiet center, the place from which our true life flows.” U het seker ook dadelik opgemerk dat die woord “transformation” telkens in die kontemplatiewe ghoeroes se taalgebruik opduik. Dis nie om dowe neute nie want “transformasie” wat aan die hart lê van die Evangelie van Jesus Christus moet ten alle koste vervang word met ‘n parallel-klinkende “transformerende argitektuur,” d.w.s. ‘n ander weg en nie dié Weg nie (Jesus Christus) om transformasie in individue en samelewings te bewerkstellig. Nouja, so ‘n argument klink miskien by die eerste aanhoor ‘n bietjie vreemd, maar laat my toe om te verduidelik. Wanneer ek sê “transformasie” lê aan die hart van die Evangelie van Jesus Christus dan verwys ek spesifiek na die essensie van bekering wat deur die woord metanoeo { met-an-o-eh’-o} omskryf word. Die woord beteken om ‘n algehele gemoedsverandering te ondergaan, soveel so dat jy anders begin dink oor God, sy geregtigheid, sy regverdige oordele, en sy genade asook oor jou eie sondige en verlore toestand. Die Engelse verklaring vir die woord lui as volg:

1) to change one’s mind, i.e. to repent

2) to change one’s mind for better, heartily to amend with abhorrence of one’s past sins

Bekering begin dus in die mens se gemoed of verstand. (Let asseblief noukeuring op ek sê “BEGIN” in die mens se gemoed deurdat die Heilige Gees die verlore sondaar oortuig van sondes, geregtigheid en oordeel. Jou gemoedsverandering is nie jou redding nie. Dis slegs die aansporingselement in jou gemoed om terug te draai na God toe en jou na Hom te wend vir redding deur Hom daadwerklik aan te roep vir jou redding—om van bo gewederbaar te word.–Kyk gerus weer na Romeine 10:13). Daarom sê die Here Jesus ook baie pertinent: “Kom na my toe, almal wat vermoeid en belas is en ek sal julle rus gee.” (Mattheus 11:28-29). Die “aanroep” om redding geskied dus wanneer die verlore sondaar hom na Christus wend (na Hom toe gaan in die gebed) om sy saak met Hom reg te maak (Jesaja 1:18).  Die noodsaaklikheid van ‘n veranderde gemoed ten aansien van redding en ‘n voortdurende transformasie in jou lewe word baie goed deur Paulus opgesom in Romeine 12:2: “En word nie aan hierdie wêreld gelykvormig nie, maar word verander deur die vernuwing van julle gemoed, sodat julle kan beproef wat die goeie en welgevallige en volmaakte wil van God is.” Diie Engelse weergawe lui as volg:

And be not conformed to this world: but be ye transformed by the renewing of your mind, that ye may prove what is that good, and acceptable, and perfect, will of God.

Japie Grobler skryf:

Oosterse meditasie wat as “Christelike meditasie” voorgehou word is ’n inwaarste reis wanneer mense hulle gedagtes leeg maak van alle gedagtes in hulle soeke na God sonder die gebruik van woorde, sodoende word God se Woord nietig gemaak. Deur op hierdie manier te mediteer beweeg die persoon na ’n alternatiewe bewussynsvlak waarin hy ontneem is van sy onderskeidingsvermoë. Sy rasionele denke is afgeskakel, dus kan hy nie analities dink nie en sodoende is hy onmagtig om sy gedagtes in die lig van sy kennis van die Skrif onder leiding van die Heilige Gees te toets. Dit is ’n heidense praktyk wat in totaliteit verwerp behoort te word.

Die mens se denke en gedagte is aktief betrokke by die bestudering en oordenking van die Woord. Die Here Jesus stel geloof bo die onsienlike en ondervinding, en die Skrif waarsku teen misleiding en stel dat alles aan die Skrif as maatstaf getoets moet word: (Joh 20:29; 2 Kor 5:7; Rom 10:17; Jes 8:20; Hand 17:21; 1 Tess 5:21; 1 Joh 4:1; 2 Kor 12:1‑4; Matt 24:4)

Nouja! Daar het u dit. Dis klinkklaar duidelik dat God nie buite-om die mens se verstand of gemoed te werk gaan in die voltrekking van sy redding en ook nie in sy heiligmakende werk in ‘n gelowige se lewe nie. Die Calviniste kan dus maar gerus vergeet dat die mens nie ‘n vrye-wil het nie. God wil juis hê dat die mens se gemoed (verstand) nugter, waaksaam, wakker, aktief en vernuwe moet wees wanneer Hy hom tot redding en daarna tot heiligmaking, diens en aanbidding oproep. En nou kan ‘n mens ook beter verstaan waarom die duiwel die gemoed (verstand) wil uitskakel en verblind (2 Korinthiërs 4:4) en hy het beslis ‘n baie gevaarlike wapen in die hande gekry toe die sg. Westynvaders kontemplatiewe spiritualiteit gewild gemaak het. ‘n Passiewe gemoed is voorwaar ‘n baie gevaarlike instrument in die hande van die duiwel, óf dit nou deur Oosters-geïnspireerde sg. Christelike meditasie is, óf deur die val–in-die-gees fenomeen is, en óf dit deur die leuen dat ‘n mens nie ‘n vrye-wil het nie is, hy vryf sy hande met bose vergenoegdheid wanneer hy jou gemoed (verstand) kan uitskakel.

Dat daar gevaar in lê word deur meditasieskole erken en selfs ook nie deur Dr Nicol ontken nie. “Hy skryf:

As mens op ingewings wag, kan jou eie innerlike of selfs bose magte ook met jou praat.” (Stem in die Stilte :97) (Klem bygevoeg).

Hiermee erken Willem Nicol dat meditasie (die onderbou van die kontemplatiewe spiritualiteit) ook ‘n kanaal na die Satan kan wees. ’n Voormalige en bekeerde New Ager, Richard Baer, beaam Nicol se ruiterlike nerkenning in sy beskrywing van sy vreesaanjaende ervaring, wat ook die ommekeer in sy lewe gebring het, tydens ’n meditasiesessie so:

“…my spirit was roaming some of the farthest reaches of ‘heavenly light’ that I had ever perceived…I was surrounded by a virtually overwhelming luminosity—it was as if I was looking straight into the sun. Waves of bliss radiated through my spirit. I was totally captivated by the power. Suddenly another force stepped in. It took me by complete surprise. In the twinkling of an eye, it was like a supernatural hand had taken me behind the scene of the experience that I was having. I was taken behind the outer covering of dazzling luminosity and there saw something that left me literally shaking for a full week. What I saw was the face of devouring darkness! Behind the glittering outer facade of beauty lay a massively powerful, wildly churning face of absolute hatred and unspeakable abominations—the face of demons filled with the power of Satan.” (Richard Baer, Inside the New Age Nightmare, Huntington House, Inc., 1989:55)

View Full Album

Daar’s verskeie ander metodes wat die Satan gebruik om die gemoed of verstand uit te skakel. Een van die gevaarlikste hiervan is die sg val-in-die-gees fenomeen (“slain in the spirit). God TV en TBN asook ander bekende Christen TV-netwerke is deesdae deurweek met wonderwerkende genesers wat mense agteroor laat val en hulle met die sg. vuur van God doop. Miskien het u onlangs 50 opeenvolgende dae op Andre en Jenny Roebert se epiese TV-reeks “Days of Glory in Oos-Londen gesien hoedat hulle gasspreker, die sg. “lag-gees ghoeroe en Heilige Gees kroegman,” Rodney Howard-Brown sy lag- en huilgees hier in ons land kom loslaat het. Dit is uiters interessant maar hoegenaamd nie vreemd nie dat Willem Nicol presies dieselfde fisiese ervarings beskrywe wanneer hy sy “Christelike meditasie” tegnieke in sy boek Gebed van die Hart bespreek.

“Daar kan allerhande fisiese ervarings wees, byvoorbeeld ’n gejeuk of tinteling, ’n kriewel in die keel, hoofpyn of ’n vreemde gevoel in die kop, ’n swaar gevoel of selfs ’n gevoel van gewigloosheid. Ander begin sug, lag of huil. Alles is tekens dat daar iets aan die gang is.” (Gebed van die Hart :135‑136).

Daar is beslis iets aan die gang maar dit is nie van God nie (1 Johannes 4:1)

Ek wil nie nou langer oor die gevare van Ron Martoia en andere se sg. achieving the “still point” of resting in God” uitwei nie (ek beoog om later ‘n vollediger artikel te plaas oor die begrip “stil word”), maar dié is seker: Sommige van ons land se bekendste en toonaangewende predikers is besig om derduisende mense, en veral ons jongmense, in ‘n doolhoof (laberint) van kontemplatiewe duisternis en ellende te ly waaruit hulle nie sal kan kom nie, tensy hulle hul heelhartig tot Jesus Christus (van die Bybel) bekeer en Hom smeek om hulle genadiglik daaruit te red. Hy alleen kan dit doen. Intussen woeker hierdie toonaangewende predikers en hulle navolgers teen ‘n dolle vaart voort en bevorder hierdie uiters gevaarlike spiritualiteit in hulle preke, in hulle kerke, op hulle blogs (kyk gerus hierna) en in hulle boeke. Maar nouja, dis nog lank nie die einde nie. Die valse apostels, leermeesters en profete wat die e-kerk en e-church in hulle midde toelaat, lees soos ‘n regte “who’s who.” So gepraat van BBP’s. Stephan Joubert en Nelus Niemandt bied saam met die besoekende spreker Ron Martoia op Vrydag, 28 Augustus ‘n Oggendleierskap Seminaar in die Pierre van Ryneveldt NG Kerk aan.

Ek sluit af om julle te herinner aan die volgende Skrifgedeeltes.

1 Timotheus 4:1 Maar die Gees sê uitdruklik dat in die laaste tye sommige van die geloof afvallig sal word en verleidende geeste en leringe van duiwels sal aanhang.

Openbaring 18:2-5 En hy het met ‘n groot stem kragtig uitgeroep en gesê: Geval, geval het die groot Babilon, en dit het geword ‘n woonplek van duiwels en ‘n versamelplek van allerhande onreine geeste en ‘n versamelplek van allerhande onreine en haatlike voëls, omdat al die nasies gedrink het van die wyn van die grimmigheid van haar hoerery, en die konings van die aarde met haar gehoereer het, en die handelaars van die aarde ryk geword het deur die mag van haar weelderigheid. En ek het ‘n ander stem uit die hemel hoor sê: Gaan uit haar uit, my volk, sodat julle nie gemeenskap met haar sondes mag hê en van haar plae ontvang nie. Want haar sondes reik tot aan die hemel, en God het haar ongeregtighede onthou.

Jer 6:17 Ek het ook wagte oor julle gestel en gesê: Luister na die geluid van die basuin. Maar hulle het geantwoord: Ons wil nie luister nie.

Volgens Stephan Joubert is dit negatiewe mense wat ‘n hele gemeenskap lam kan lê. Ek wonder wie dit werklik is wat besig is om ‘n ganse gemeenskap lam te lê met hulle demonies geïnspireerde kontemplatiewe spiritualiteit.

Belangrike naskrif:

Ons kontemplatiewe vriend Guillaume Smit het intussen ‘n lys op sy blog beskikbaar gestel waarin hy aandui wie van die invloedrykste kontemplatiewe predikers in ons land is.

Some guy on Twitter gave me this idea – he made a list of the top ten pastors in America who’s twitter thoughts you should follow. That got me thinking on the influential Christian leaders of my own country: If I would have to propose blogsites and Tweeters to someone asking me, who would I suggest?
Let’s see …

* Braam Hanekom
* Andries Louw
* Dries Cronje
* Reggie Nel
* Tom Smith
* Cobus van Wyngaard
* Roger Saner
* Dries Lombaard
* Jan van der Watt
* Stephan Joubert
* Hennie Stander
* Theo Geyser
* Francois Mulder
* Frederick Marais

Miskien is Guillaume te nederig om sy eie naam by te voeg, maar ek dink regtig hy verdien ‘n ereplek in die bg. lys van name. Ek wil baie graag Stephan se goeie raad op Twitter navolg en ook vir u sê “Don’t follow them.”

‘n Nuwe God-Verklaarde Manier om Verlore Siele in Suid-Afrika te Red

Read the English version here.

God het waarskynlik ‘n spiksplinternuwe fondament vir die redding van tien miljoen Suid-Afrikaners gelê en bekragtig. Hy het na bewering besluit dat die offerdood van sy Seun aan die kruis geheel en al onvoeldoende en ontoereikend is en het nou ‘n vrou, Elza Meyer, ‘n leier predikant by Moreletapark se NG Kerk, gekoöpteer om Christus by te staan in sy plaasvervangende lyding vir ons sondes aan die kruis. Elza se seun, Pieter, was instrumenteel om hierdie nuwe weg van saligheid teweeg te bring. Hier’s wat Elza op haar blog “Turn2God” geskryf het:

Tydens die Oos-Kaap konferensie was daar ’n aanval van die bose op my liggaam.  Ons kon nie die effek daarvan gebreek kry nie,  totdat ek laatnag my seun, Pieter,  gebel het en hom gevra het om vir my te bid. Hy het 10 miljoen siele,  gered en gedoop,  geëis in ruil vir die aanslag op my lewe. Dit het onmiddellik geëindig. Moreletapark Gemeente is deur die Here gelei om ’n nuwe doelwit vir die gemeente te formuleer nl. 10 miljoen siele binne 10 jaar.  Die oorhoofse doelwit is om 10 miljoen siele met die evangelie te bereik en hulle dissipels van Jesus te maak (Klem bygevoeg).

Hoe gaan hulle die Evangelie verkondig? Gaan hulle die verlore siele wat hulle vir Christus wil bereik, vertel dat Christus hulle wil red omdat Hy toegelaat het dat Elza Meyer ‘n hewige demoniese aanval op haar lewe oorleef? Nee . . .? Hoor ek miskien ‘n koor van Moreletapark se lidmate wat sing “Nee! ons gaan dit nie so doen nie”? Die ironie is dat hulle alreeds begin het om dit so te doen op Elza se blog “Turn2God.” Het hulle dan nog nooit gehoor van Paulus se waarskuwing in 1 Korinithiërs 3:11 nie?

1 Kor. 3:11 Want niemand kan ‘n ander fondament lê as wat daar gelê is nie, dit is Jesus Christus.

Jy’s volkome verkeerd, broer Paulus. Het jy nog nie gehoor van die spiksplinternuwe hoeksteen en fondament wat onlangs in die Moreletapark NG Kerk Gemeente gelê is nie? Nog nie . . .? Jy’s verspot. God gaan 10 miljoenverlore siele in die bestek van tien jaar in Suid-Afrika red (‘n miljoen per jaar) in ruil vir Elza Meyer se oorlweing van ‘n hewige demoniese aanval op haar lewe. Wat het jy gesê, Paulus? Het ek jou hoor sê ”Godslasterlik?” Nee, nee, nee, nee en nog ‘n nee, Paulus. Hoe durf jy sê dis godslasterlik. Jy’s te oudmodies. Ons leef in die verligte postmoderne dae en ons is besig om die Evangelie op baie ander maniere aan verlore siele in Suid-Afrika te verkondig. Ons Suid-Afrikaanse predikers is van die vindingrykstes ter wêreld . . . dink jy nie so nie, Paulus.

Ek is versot op die Woord van God en hou daarvan om waarhede wat ek nooit kon dink om dit daar te vind nie, op te diep. Ek was nogal verbaas om die volgende juweel in die Bybel te vind.

Lukas 16:8 . . . want die kinders van hierdie wêreld is verstandiger teenoor hulle geslag as die kinders van die lig.

Ag nee wat, broer Paulus! Jy probeer seker snaaks wees! Wel ek het so gedink totdat ek ‘n blog van ‘n ateïs gelees het wat in sy kommentaar op Elza Meyer se onbybelse eise die vraag vra: “Is skynvroomheid (huigelary) nie ‘n sonde nie?” Te midde van duisende vroue (en miskien net soveel mans wat onder die pantoffelregering by die Moreletapark Gemeente staan) wat sê hulle is Christene en Elza se nuwe manier om die Evangelie te verkondig met ontsag bejeen, en selfs ook ‘n nuwe doelwit vir die Moreletapark gemeente daargestel het, is daar ten minste een persoon, ‘n ongelowige, wat in die teenwoordigheid van gees behou het en dwarsdeur die hele skynvroomheid kon sien en vriendlik genoeg was om te waarsku teen die sonde van huigelary. U kan lees wat die woord “sanctimony” beteken, hier sien en glo my dis nie mooi nie, gladnie mooi nie.

Wat op aarde is besig om in ons geliefde land te gebeur? Elza Meyer sê ons moet “Terugkeer na God.” Stephan Joubert sê: “Nee, dis die verkeerde

rigting. Christene is nie veronderstel om na die Bybel of na God toe terug te keer nie. Hulle moet vorentoe gaan na God toe en die pad vorentoe is om moedig te gaan  waar niemand nog voorheen gewaag het om te gaan nie.” Dit laat my nogal dink aan Buzz Lightyear in “Toy Story” wat gewaag het om te gaan na “eindeloosheid en nog verder” totdat hy besef het sy vlerke is vals. Dan is daar ook nog Jannie Pelser en Graham Power wat sê: “Nee! ons manier is die beste. Laat ons nuwe norme en waardes aan elke persoon in ons geliefde land Suid-Afrika uitdeel en alles sal net honkie-dorie wees.” Dink hulle werklik hulle sal tien miljoen verlore siele in Suid-Afrika kan bereik met hierdie soort kakefonie van leuens?

Dit lyk nie juis of Angus Buchan se optredes tot dusver by die Moreletapark NG Kerk enige blywende invloed op die predikante en die mans en vrouens in die gemeente gehad het nie. Waar oom Angus ookal preek, moedig hy die mans aan om hulle vrouens lief te hê en vermaan die vrouens om onderdanig te wees aan hulle mans. Watter tipe “mighty men” het oom Angus by sy “Mighty Men” Konferensies hand grootgemaak wat versuim om hulle vrouens te waarsku teen Elza Meyer se dwaalleringe, of is hulle ook maar onderdanig aan die pantoffelregering in die gemeente? Elza Meyer self is nie juis ‘n goeie voorbeeld vir die vrouens wat blykbaar die manspredikers en die hele gemeente met ‘n ysterhand regeer, en boonop nog die weg vir die hele gemeente aandui van hoe om in te koop op haar onbybelse eise vir die redding van 10 miljoen verlore siele in ruil vir haar wonderbaarlike oorlewing van ‘n hewige demoniese aanvaal op haar lewe. Is dit werklik moontlik dat nie ‘n enkele manspredikant of enige ander manlike lidmaat haar oor haar onbybelse en Godslasterlike leringe gewaarku het nie?

Daar is net ‘n enkele, aanvaarbare en voldoende fondament (eis) wat Christene aan God mag voorlê vir die redding van verlore siele, en raai wat . . .? . . . dit is nie Elza Meyer se oorlewing van ‘n hewige demoniese aanval op haar liggaam nie. Dis suiwer en eenvoudig net Godslasterlik en sy en haar seun, tesame met die hele Moreleta Gemeente behoort God om vergifnis te vra vir hulle afvalligheid en rebellie. Dit was Jesus Christus se eie verskeurde en bebloede liggaam, en syne alleen, wat versoening meegebring het tussen verlore sondaars en die Almagtge God. Jy vind dieselfde dwalinge in die Roomse Kerk. Padre Pio wat vir 45 jaar gereeld stgmata ervaar het, het daarop aanspraak gemaak dat meer geeste uit die dood hom in sy sel besoek het as lewende mense, en die ander monikke sê dat hulle ‘n menigte stemme wat met hom gepraat het, gehoor het. Vader Pio het beweer dat hierdie mense uit die vagwevuur op pad was na die hemel om vir hom dankie tê omdat hy namens hulle vir hulle sondes gely het om hulle uit die vagevuur te kry. Om die waarheid te sê, hy het as nuweling toe hy ‘n monnik geword het, die owerste toestemming gevra om vir die sondes van die wêreld te ly en dié het hom toe die toestemming verleen. Sy stigmata (wat niks anders as demoniese aanvalle was nie) was gewaand sy lyding. Christus se lyding was nie voldoende nie en hy moes dit dus aanvul of daarop verbeter.

Keer terug na God? Sekerlik! maar dan moet dit nie die manier wees waarop Elza Meyer en haar Hadassa sussies en “Mighty Men” die Suid-Afrikaners vir Christus wil wen nie. God sal nooit as’t nimmer sondige mense toelaat om vir verlore siele te bie op die basis wat Elza Meyer, haar seun en die hele Morelettapark Gemeente dit wil doen nie. Julle is mislei en julle is besig om ander te mislei. Hou op met julle nonsens!

Die Euwel van Dubbele Standaarde

Die Engelse het ‘n baie mooi spreekwoord om die euwel van dubbele standaarde te beskryf: “To run with the hare and hunt with the hounds.” Prof Hennie Stander het die vermoë om nie die “hare” en die “hounds” te kan onderskei nie en trap gevolglik heel dikwels in die slaggat van dubbele standaarde. Hy het dit onlangs weer op baie voortreflike wyse gedoen toe hy knap na mekaar kommentaar op sy blog gelewer het oor die Daniël- en Esterkonferensies (20 en 21 Maart, Moreletapark NGK Gemeente) en die Dalai Lama se voornemende deelname aan die Vredeskonferensie op die vooraand van die 2010 wêreldsokkerbeker toernooi waarvoor die SA regering ‘n stokkie gesteek het omdat hulle nie hul diplomatieke verhoudinge met China in die wiele wil ry nie. Dit is nie my doel om die moontlike internasionale politieke implikasies wat dit vir Suid-Afrika inhou hier deur te trap nie, maar om te besin oor die bedekte seën wat die SA regering se besluit vir ons land inhou.

Ek wil begin deur Hennie Stander se esktatiese blydskap oor die Daniël– en Esterkonferensies wat op 20 en 21 Maart vanjaar in Moreletapark se NGK gemeente in oënskou te neem.

Ek wil vandag net sê hoe gelukkig en dankbaar en opgewonde ek is oor die Ester- en Daniëlkonferensies wat hier in Pretoria gehou is. Die tema was “Draai terug na God toe”.  Ek was nou nie daar nie, maar Lottie en my 2 dogters was by die Esterkonferensie, en hulle het opgewonde teruggekom. Ek glo uit my hart uit dat God hierdie geleenthede gaan gebruik om ons land se mense weer na Hom toe terug te bring. En ek is ewe opgewonde oor die Mighty Men-konferensie wat eersdaags op Angus Buchan se plaas gehou word.

Eers wil ek ‘n paar oomblikke stilstaan by die oproep “Draai terug na God toe.” Volgens verskeie internetberigte en -kommentare sou Elza Meyer, ‘n leierleraar van die Moreletapark NGK Gemeente, in 2002 ‘n stem vir haar hoor sê “Draai terug na God toe.” Haar onmiddellike reaksie hierop was “Niemand sal na my luister nie, God” waarop die Here volhardend geantwoord het “Suid-Afrika, draai terug na God.” Toe sy in gehoorsaamheid aan dié stem hierdie boodskap begin verkondig, het sy gesien hoe haar woorde teen die Drakensberge weerklink en terugbons om oor die hele land te eggo. Sy het die Swartland gesien. Dit was oestyd. Sy het gesien hoe werkers van die stropers afklim om te luister. Die woorde het oor die hele land weergalm. Sy het gesien hoedat mense van oor die hele Suid-Afrika in dorpe en stede bymekaar kom om te luister.

As ek nie vertroud was met alles wat die Woord van God oor die eindtye vir ons uitspel nie, sou ek soos Hennie Stander, Elza Meyer, Angus Buchan en hullle aanhangers ook geweldig opgewonde wees oor hierdie diep geestelike vermaning om terug te keer na God toe. So-iets is natuurlik niks nuuts nie. Volgens ‘n webblad op die inerernet het Moeder Maria al verskeie kere aan mense in Afrika verskyn om aan hulle die opdrag te gee om haar boodskap “Keer terug na God toe” oor die hele Afrika te verkondig. Elza Meyer het natuurlik nie vir ons vertel of die stem wat sy gehoor het dié van ‘n vrou of ‘n man was nie. Hoe dit ookal sy, haar oproep en vermaning om terug te draai na God toe, is nie uniek nie. Mail Online het verlede jaar op 28 November berig dat die Vatikaan ‘n besondere woord van dank aan die Moslems gerig het omdat hulle God weer teruggebring het in die openbare oog van die gesekulariseerde Europese gemeenskap. Dit blyk dat dit nie juis saak maak hoe mense oorgehaal word om terug te draai na God toe nie, net so lank hulle terugkeer na God – hetsy ‘n generiese God, ‘n New Age God, ‘n Ontluikende Kerk God, ‘n feministiese God, n Kosmiese Christus, ‘n Christus-bewussyns God of watter God ookal nie. Buig of bars, almal moet terug keer na God toe.

Wat is die hoofmotief van hierdie oproep om terug te keer na God toe? Gewoonlik is dit maar net ‘n versmagting na vrede, voorspoed, veiligheid, ‘n misdaad-vrye samelewing, gemeenskaplike norme en waardes en ‘n euforiese gevoel van samehorigheid en eenheid wat mense aanspoor om terug te keer na God toe. ‘n Ware terugkeer na God toe het meesal die teenoorgestelde effek op ‘n land en veral die Christene. Kyk maar gerus na China waaroor die hêrrie in Suid-Afrika tans uitgebars het. ‘n Ware terugkeer na God en herlewing is reeds geruime tyd in China aan die orde van die dag . . . maar die gevolge daarvan is nie wat die Christene hier in Suid-Afrika verwag om te ervaar nie. Daar is vervolging, lyding en marteling alledaagse gebeurlikhede. Dié is seker, die Chinese Christene gooi nie klippe in die see en verwag dan dat God die klipharde harte van mense moet vervang met harte van vlees nie. Die Chinese weet beter. Daar is miljoene van hulle wat hulle op hartgrondige wyse waarlik tot God bekeer . . . en dan . . .? Nouja! dan volg die lyding, vervolging en marteling. Hulle grootste versmagting is nie na ‘n vredevolle, misdaad-vrye, ‘n “Jannie-Pelser-nuwe-norme-en-waardes” samelewing nie, maar hulle smag daarna dat hulle regering en hulle regeringsleiers vrede maak met God.

Dit sou verreweg die beste wees as Hennie Stander, Elza Meyer, Dirkie van der Spuy en Angus Buchan asook die Ontluikende Kerk aanhangers eerder sommige Christene vanuit China wat die wonde van Christus in hulle liggame dra, sou nooi om hier vir hulle te kom vertel wat dit regtig beteken om na God toe terug te keer. Elza Meyer het egter ander veel makliker maniere om Suid-Afrika te laat terugkeer na God. Deur die eeue heen het sendelinge geswoeg, gesweet, gely en sommiges is doodgemartel om die Evangelie aan mense dwarsoor die wêreld te bring sodat hulle na God kan terugkeer, maar Elza en haar Hadassa-sussies gooi klippies in die see. Op die koop toe het die “Here” vir hulle ‘n teken gegee dat Hy sy verbond met Suid-Afrika gestand sal doen. Na haar “klip-in-die-see-gooi ritueel” het mense oral hartvormige klippe begin optel – van Plettenbergbaai se strand tot Bloubergstrand, tot die Drakensberge en selfs Kilimanjaro. Oom Angus se Mighty Men sien hartvormige wolkies by sy samekomste en Elza Meyer samel hartvormige klippies in.  Miskien moet die Hadassa-sussies en die Mighty Men ooreenkom om hulle wondertekens om te ruil. ‘n Hartvormige wolkie (Lees gerus hierdie berig in “Die Burger” waarin Angus Buchan verklaar dat die hartvormige wolkie hiernaas die TEKEN is dat die mense van Suid-Afrika besig is om terug te keer na Hom toe) is mos verreweg sagter en vrouliker as klipharde hartvormige klippe.  Gee die hartvormige klippe vir die Mighty Men en hou julle die hartvormige wolkies vir julleself, dames, want dis soveel vrouliker. Tekens . . .? Tekens van die Here . . .? Wat sê God van die volk wat na tekens soek?

2 Thess 2: 7-10 Want die verborgenheid van die ongeregtigheid is al aan die werk, net totdat hy wat nou teëhou, uit die weg geruim is; en dan sal die ongeregtige geopenbaar word, hy wat die Here met die asem van sy mond sal verdelg en deur die verskyning van sy wederkoms tot niet sal maak, hy wie se koms is volgens die werking van die Satan met allerhande kragtige dade en tekens en wonders van die leuen en met allerhande verleiding van ongeregtigheid in die wat verlore gaan, omdat hulle die liefde tot die waarheid nie aangeneem het om gered te word nie.

Mat 12:39 Maar Hy antwoord en sê vir hulle: ‘n Slegte en owerspelige geslag soek na ‘n teken, en geen teken sal aan hom gegee word nie, behalwe die teken van die profeet Jona.

Maar wag, die leierleraar van die Moreltapark NGK stem nie met Jesus saam nie, en tog wil sy hê die hele Suid-Afrika moet na Hom toe terugkeer. Hoe rym dit? Hy sê “geen teken sal aan hulle gegee word nie behalwe die teken van die profeet Jona” maar sy sê (dis nou ons klip-gooiende Elza): “Toe ons die [hartvormige] klippe sien, het ons besef dat God ‘n teken gegee het, dat Hy die hart van klip uit ons land se mense sal verwyder. Ons was oorstelp.” Elza, en ook al die ander Hadassa-sussies, luister mooi wat sê Thomas vir julle: Die God wat vir julle ‘n teken gegee het in die vorm van hartvormige klippies is nie die God van die Bybel nie want Hy het uitdruklik gesê dat Hy net EEN ENKELE teken sal gee en dis die teken van Jona, d.w.s. die OPSTANDING VAN JESUS CHRISTUS. As Hy wel ander tekens sou gee, het Hy gelieg toe Hy dit gesê het en ek glo werklikwaar nie dat Hy ooit sal of kan lieg nie want HY IS WAARHEID. Die duiwel is ‘n leuenaar van die begin af en ook die vader daarvan – nie die Here Jesus nie (Johannes 8:33). Elza Meyer skryf ten spyte hiervan soos volg:

“Die spannetjie mense wat ná die Oos-Kaap konferensie saam met my was,  het saam gebid.  Ons het so diep as wat ons kon in die see-ingegaan en die klippie ingegooi.  Toe ons later uitstap op die strand het ek gelei gevoel om te verklaar:  “Here,  U verwyder ons hart van klip en U  gee ons ’n hart van vlees.  U skryf U wet op ons harte!  Dit doen U vir al 14 bevolkingsgroepe in ons land.”

Skynbaar gooi die leraars van die Moreletapark NGK nie net klippe in die see nie maar maak hulle deure ook wawyd oop vir enigeen wat Suid-Afrika wil oorhaal om terug te keer na God toe. Leonard Sweet, ‘n selferkende New Age geïnspireerde leraar en professor aan die Drew Universiteit in Amerika het reeds so vroeg as in Agustus 2005, waarvan Nelus Niemandt die organiseerder was, in die Ouditorium van die Moreletapark NGK as spreker opgetree. Sweet is ‘n man wat nie skroom om ‘n ander Jesus te verkondig nie. Op bls. 300 van sy aflaaibare e-boek “Quantum Spirituality” skryf hy as volg oor sy “Jesus” in die konteks van tien asemhalingoefeninge wat kwansuis die fiksheid van postmoderniste kan verbeter.” Nr. 9 in hierdie asemhalingoefeninge lui as volg:

Keep breathing quietly while holding your Bible. You have within you not just the powers of goodness resident in the great spiritual leaders like Moses, Jesus, Muhammed, Lao Tzu. You also have within you the forces of evil and destruction. The youthful comrade and confidant of Joan of Arc was Gilles de Rais, a marshall of France and one of the wealthiest men in Europe, who was condemned to the stake in 1440 for the crimes of witchcraft, heresy, sodomy, and the sexual abuse and murder of over 140 children. Resident in each breath you take is the body of angels like Joan of Arc and devils like Gilles de Rais, Genghis Khan, Judas Iscariot, Herod, Hitler, Stalin and all the other destructive spirits throughout history.

Leonard Sweet se siening rondom die goeie en die bose wat syns insiens langs mekaar in elke persoon en ook in hulle asemteue aanwesig is, is niks anders as die yin/yang beginsel van die Ooste nie. Daarom skroom hy nie om volgelinge van Jesus in dieselfde asem te noem nie as afgode soos Kali, die Hindoe godin van die dood en verwoesting. Op bls. 129 van sy boek “Quantum Spirituality” skryf hy as volg:

Just as physicists cannot understand truth by one model alone—that is, either the wave nature of light or the particle nature of light—so one model may not suffice to understand God completely. In fact, Bohr’s Complimentarily Principle, which he used the yin/yang imbalances to symbolize, says that both features can’t be brought into existence at the same time even though both are true. One can be a faithful disciple of Jesus Christ without denying the flickers of the sacred in followers of Yahweh, or Kali, or Krishna.

Soos ek reeds in een van my vorige kommentare vermeld het, was Tony Campolo, wat glo dat Jesus Christus in alle mense woon al weet hulle dit nie, ook vanjaar ‘n spreker by Moreletapark NGK se sg. Missions Fest. Ek wil voorstel dat die leraars van kerke hulle eers deeglik vergewis van oorsese sprekers se sotereologie of verlossingsleer en om hulle boeke te lees alvorens hulle hul na Suid-Afrika nooi.

Hoewel prof. Hennie Stander in vervoering is oor Moreletapark NGK se Ester- en Daniël konferensies (20 en 21 Maart 2009) waartydens Suid-Afrika in die geheel vermaan is om “terug te draai na God toe,” bekommer dit hom waarskynlik nie dat Suid-Afrika ‘n ander God, die 14de geïnkarneerde Dalai Lama van Tibet, Suid-Afrika se Vredeskonferensie op die vooraand van die 2010 wêreld sokkerbeker besoek nie. Hennie is woedend omdat die Suid-Afrikaanse regering die Dalai Lama verbied het om die Vredeskonferensie by te woon. Hy skryf:

Beide Desmond Tutu en F.W. De Klerk sê dat hulle nie meer die Vredes-konferensie sal bywoon wat deel sou vorm van die opbou tot die Wêreldbeker-sokkertoernooi nie. Dit gaan alles daaroor dat die regering nie die Dalai Lama wil toelaat om Suid-Afrika te besoek nie. Die rede wat die regering aanvoer, is belaglik. Die regering sê dat die Dalai Lama se besoek die land se voorbereidings vir die 2010-Wêreldbeker-sokkertoernooi sou oorskadu. Dit is natuurlik een infame leuen.

Ons het hier dus ’n baie gevaarlike situasie, want dit beteken dat ons regering ’n slaaf is van China.

Nouja, die Engelse sê ook “Ignorance is bliss,” maar in hierdie geval klink dit meer soos “Ignorance is blush.” Hennie Stander wil Suid-Afrika vrymaak van die slawerny aan China, maar gee nie ‘n duit om om ons land, saam met F.W. de Klerk en Desmond Tutu, ‘n slaaf te maak van die Dalai Lama nie. Jy voel inderdaad skaam wanneer “Christene” onbeskaamd die vyande van Christus as vredesgesante ontvang en vereer. Dave Hunt skryf:

The recent stunning events in Eastern Europe have probably moved the world closer to the “peace” that precedes Antichrist’s rise to power. The partnership between Gorbachev and the Pope could play an important role. When the world imagines it has achieved “peace and safety,” sudden destruction will come (1 Thess 5:3). A powerful spiritual “peace” delusion seems to be gathering momentum.

Take for example a peace poster popular in North America and Europe. Its full-color replica was the front cover of the December 1989 issue of Whole Life Times, a major New Age monthly. The scene offers a magnificent view of the sprawling eleven-story, gilt-roofed “Palace of the Gods” in Lhasa, Tibet, ancient residence of the Dalai Lamas. Towering in the background are the snow-capped Himalayas overarched with a dazzling rainbow—all mirrored perfectly on the glassy surface of a lake.

Superimposed upon the breathtaking landscape is a head-and-shoulders picture of Tenzin Gyatso, “His Holiness the Dalai Lama of Tibet,” smiling most benignly. His huge image rises out of the palace, dwarfing it and blocking the view of a portion of the majestic mountains behind. In large print at the bottom of the poster/magazine cover are the words, “Peace on Earth.” The blasphemous implication is clear: The promise of the angels at the birth of Christ will be fulfilled through the Dalai Lama!

This was the December issue, but it contained no mention of Christmas or of Jesus Christ. The entire magazine was devoted to “Peace on Earth” and how to attain it—yet the “Prince of Peace” (Is 9:6), through whom comes “peace with God …through the blood of his cross” (Rom 5:1; Col 1:20), was not mentioned even once in its pages. His gospel has been replaced by the human potential gospel of self-help and self-esteem that occupies each issue of Whole Life Times and has even invaded the church.

This poster and magazine represent an attitude that permeates society and is growing. That Jesus Christ alone can bring peace to this earth is considered an intolerably dogmatic statement and is rejected out of hand—not because it can be shown to be false, but because it is too narrow-minded for today’s pluralistic world.

Christianity is called a religion. Those representing it are limited to what they can say or do in the public arena. It is considered improper, even illegal in some places such as the public schools, to offer Jesus Christ as a solution to the moral problems that plague society, much less as the hope for world peace.

Not so with Buddhism. The Dalai Lama is immune to criticism, given access to all levels of government, education and society, and respected as the ambassador of religious tolerance. Yet he engages in the most blatant missionary activity, initiating tens of thousands around the world into occultic Tibetan Buddhist beliefs and practices. He is also associated with the World Hindu Congress, which has as its goal the neutralization of Christianity and the establishment of a Hindu-Buddhist belief system as the world religion. So much for “religious tolerance.”

The Dalai Lama taught in Santa Monica that it was possible for all human beings to eventually become a Buddha, a being of the highest wisdom and compassion and power…[through] a method called Deity Yoga….Deity Yoga…is a special conscious act of…visualizing the illusion that we are already…god-like…[able] to create our own reality…[that we] are Buddhas. (Klem bygevoeg)

Dit is die “god-man van vrede” vir wie F.W. de Klerk en Biskop Desmond Tutu (en op die oog af ook Hennie Stander)  bereid is om ‘n sg. Vredeskonferensie te boikot omdat die Suid-Afrikaanse regering geweier het om hom by die Vredeskonferensie toe te laat. Sal hulle, en ook Hennie Stander, bereid wees om sodanige vredeskonferensies te boikot ter wille van Jesus Christus omdat sodanige vredeskonferensies eintlik maar ‘n dwarsklap is na die enigste Prins van Vrede? Dis ‘n skreiende skande vir enige persoon wat Christus bely om valse vredemakers soos die Dalai Lama te ontvang en te vereer. My gebed is dat die Suid-Afrikaanse regering voet by stuk sal hou – al is dit om politieke redes – om die Dalai Lama, een van die grootste vyande van Jesus Christus, te boikot.

1 Tes 5:3  Want wanneer hulle sê: Vrede en veiligheid—dan oorval ‘n skielike verderf hulle soos die barensnood ‘n swanger vrou, en hulle sal sekerlik nie ontvlug nie.

Die Waarheid Maak Seer

My oorlede pa was nie ‘n geleerde man nie. Hy het maar net Std. 5 gemaak en moes toe noodgedwonge inspring om hulle groot gesin van dertien kinders te help versorg. Desnieteenstaande het hy dikwels wyshede kwytgeraak wat my tot vandag toe nog bybly. Hy het op ‘n dag vir my gesê:

Ou seun, die waarheid maak kalm, nie kwaad nie. As iemand sê hy dra die waarheid in sy boesem om . . .  maar word maklik kwaad wanneer jy hom daaroor uitvra om seker te maak of hy wel die waarheid praat , moet jy weet hy speel eintlik met leuens. Dan maak die waarheid seer en nie kalm nie.

Jare na my bekering het ek besef dis nogal ‘n heel Bybelse waarneming, veral in die lig van die feit dat die Waarheid ‘n mens vry maak. Dit maak jou vry van woede, van kleinserigheid, van selfverdediging, van eersug en grootdoenerigheid; om die waarheid te sê, die waarheid maak jou vry van jouself.

Sy woorde het onwillekeurig na my toe teruggekom toe ek die woedende tirade teen mnr. Sarel van der Merwe in die NGK “Kerkbode” (6 Maart 2009) gelees het. Die berig het verskyn na aanleiding van ‘n seminaar wat mnr. van der Merwe op 28 Februarie in Centurion, Pretoria oor die Ontluikende Kerk aangebied het.

Kom ek val sommer dadelik met die deur in die huis en haal aan wat die bewakers van die Ontluikende Kerk en die Teologiese Fakulteit op UP hom op die voorblad van “Kerkbode” toegesnou het. Skynbaar het Kerkbode ‘n baie handige spreekbuis geword vir ons geestelike leiers (?) om ander mense te laster. Kerkbode het soos volg berig:

Prof. Niemandt, wat ook assessor van die NG Kerk se Algemene Sinode is, het by navraag aan Kerkbode gesê ’n mens huiwer eintlik om op die wilde stellings van mnr Van der Merwe te reageer. Hy beskuldig hom van haatspraak en sê dié “selfaangestelde aanklaer, regter en laksman is besig met ’n volgende rondte leuens en karaktermoord”.

“Kort gelede nog het hy by wyse van ’n DVD teologiedosente van dwaalleringe beskuldig. Ná ’n groot klomp ondersoeke en vergaderings het die kerk hulle onskuldig bevind. Nou gebruik mnr. Van der Merwe ’n konferensie om sy haatspraak voort te sit. Die reklamemateriaal daarvoor kan in drie woorde opgesom word: leuens, laster en liefdeloos. Die Inkwisisie is dood! Lank lewe die Inkwisisie!” het prof Niemandt aan Kerkbode gesê met verwysing na mnr. Van der Merwe se optrede.

Ek het mnr. Sarel van de Merwe se seminaar oor die Ontluikende Kerk  bygewoon en nie ‘n enkele keer gehoor dat hy die man en nie die bal speel nie — ‘n “gentleman’s” kunsvaardigheid wat sy aanklaers by die Teologiese Fakulteit op UP nog lank nie onder die knie kon kry nie. Hy het telkens met noukeurige presiesheid slegs die feite op die tafel gelê wat hy deur die jare by wyse van nougesette en wetenskaplike navorsing ondersoek het. Sy hele aanslag is gebou op God se opdrag om die geeste te toets omdat hulle nie almal uit God is nie (1 Johannes 4). Nie een van die persone wat hom so liederlik in Kerkbode beswadder, is in staat om hom vanuit die Woord van God te repudieer nie en wend nie eens die geringste poging aan om hom met die “regte” feite (hulle eie navorsing) oor die Ontluikende Kerk te konfronteer nie. Nee! Pleks daarvan snou hulle hom die mees lasterlike woorde toe.

Ek kan tot nou toe nog nie begryp waarom ‘n klomp hooggeleerde en hoogwaardeerde teoloë en akadmici aan UP se Teologiese Fakulteit nie  ‘n enkele keer vir Jean Oostuizen op die voorblad van Kerkbode aangetree het oor sy Kletskerk nie. Mnr. Oosthuizen is tans op die redaksiepersoneel van Kerkbode. Christus word gereeld op sy Kletskerk gelaster en die aller vieslikste krutaal word gereeld daarin gebruik. Hoe werk julle koppe menere, professore en doktore? Prof. Stephan Joubert roem daarop dat sy kop geswaai is nadat hy Dr. Nelus Niemandt se blitsverkoper, Nuwe Drome vir Nuwe Werklikhede gelees het. Ek wil van hierdie geleentheid gebruik maak om hom vriendelik te versoek om sy kop net nog ‘n bietjie meer te swaai en soos ‘n wafferse man ‘n artikel vir die voorblad van Kerkbode te skryf waarin hy Jean Oosthuizen en sy God-onterende webblad Kletskerk aanvat en in die sterkste taal in die openbaar repudieer. Dit sal vir my ‘n aanduiding wees dat die Ontluikende Kerk wat hy en Nelus Niemandt in ons land bevorder diep begaan is oor die wyse waarop die eer en die Naam van God op Kletskerk belaster word. Indien hulle dit nie sou doen nie, sal dit ‘n aanduiding wees dat hulle mense soos Jean Oosthuizen en sy Godloënaar maatjies met broederlike liefde verdra en omarm terwyl hulle diegene wat werklik begaan is oor die eer van die Here van liefdeloosheid, haatspraak, en leuens beskuldig. Wat se soort liefde is dit? Toe mnr. van der Merwe Dr. Nelus Niemand by geleentheid van ‘n  vergadering in die Wonderboom NGK Gemeente  (11 Maart 2009) met behulp van aanhalings uit Leonard Sweet se boek “Quantum Spiritulaity” bewys dat die Ontluikende Kerk se leiersfigure en hulle filosofie diep ingebed is in die New Age en die Oosterse godsdienste (soos o.a. joga en meditasie) het die Voorsitter die vergadering op versoek van Nelus Niemandt onmiddellik beëindig. Die Teologiese Fakulteit op UP kla voortdurend dat mnr. van der Merwe nie die broederlike pad van Mattheus 18 met hulle wil loop nie, maar dit lyk eerder of dit hulle is wat verseg om hierdie pad met hom te loop. Sodra hy sy mond oopmaak, maak hulle hom stil, soos ons “broeders in die Here” tydens die genoemde vergadering op so ‘n mooi “Christelike” wyse gedoen het.

Soos ek reeds in een van my vorige skrywes gesê het, is vleitaal ‘n opperste onding. Daarvan getuig verskeie gedeeltes in die Bybel wat daarteen waarsku.

Job 32:21, 22 Ek wil nie partydig wees nie; en ‘n mens vlei, sal ek nie. Want ek verstaan nie om te vlei nie; gou sou my Maker my wegneem!

Spr 28:23 Hy wat ‘n mens teregwys, sal agterna meer guns vind as hy wat vlei.

Spr 29:5 ‘n Man wat sy naaste vlei, sprei ‘n net uit voor sy voetstappe.

Jud 1:16 Hulle is murmureerders wat oor hul lot klae, en volgens hulle begeerlikhede wandel; en hulle mond spreek trotse woorde, terwyl hulle mense vlei ter wille van voordeel.

Vleitaal is waarskynlik ‘n algemene verskynsel onder die Ontluikende kerklui en veral hulle leraars. Sodra jy hulle konfronteer met onskriftuurlike aanhalings uit die boeke van mense soos Leonard Sweet, Rob Bell, Doug Pagitt, Tony Jones en nog vele ander, skakel hulle onmiddellik oor in vleitaal-rat en sê gewooonlik iets in dier voege: “Prof. Stephan Joubert en Dr. Nelus Niemandt praat met groot lof van Leonard Sweet se aansien, integriteit, intellek en energieke dinamika en ek aanvaar hulle woord en dis vir my genoeg” – so asof dit die barometer is waaraan ‘n mens die waarheid moet meet en nie die Woord van God nie. Kom ons toets hulle hoogaangeskrewe integriteit aan die hand van ‘n paar voorbeelde uit die Ontluikende Kerk se leierskorps.

“Quantum spirituality bonds us to all creation as well as to other members of the human family. New Light pastors are what Arthur Peacocke calls ‘priests of creation’  earth ministers who can relate the realm of nature to God, who can help nurture a brother-sister relationship with the living organism called Planet Earth. This entails a radical doctrine of embodiment of God in the very substance of creation. The Oxford Dictionary of the Christian Church (1974) identifies the difference between pantheism and panentheism:

“Pantheism is ‘the belief or theory that God and the universe are identical’ panentheism is ‘the belief that the Being of God includes and penetrates the whole universe, so that every part of it exists in Him, but… that His Being is more than, and is not exhausted by, the Universe.”

“New Light spirituality does more than settle for the created order, as many forms of New Age pantheism do. But a spirituality that is not in some way entheistic (whether pan- or trans-), that does not extend to the spirit-matter of the cosmos, is not Christian.”  (http://www.leonardsweet.com/Quantum/quantum-ebook.pdfp. 123-124)

Ware Christenskap word dus nie gemeet aan jou verhouding met God deur Jesus Christus nie, maar jou verbondenheid aan en afhanklikheid van die geestes-materie van die kosmos. Dit is suiwer paganistiese New Age spiritualiteit en tog verklaar Stephan Joubert en Nelus Niemandt asook hulle meelopers dat Leonard Sweet ‘n leiersfiguur met groot integriteit in die Ontluikende Kerk is. Het hulle dan blinde leiers van blindes geword of was hulle nog altyd so gewees?

“New Light embodiment means to be ‘in connection’ and ‘information’ with other faiths. To be in-formation means to know  each other’s songs almost as well as one knows them oneself, and to enlarge the community to include those whose conceptions of God differ from ours in form. To be in connection means to be able to sing, not only selected stanzas, but all the verses….” (p. 129)

“One can be a faithful disciple of Jesus Christ without denying the flickers of the sacred in followers of Yahweh, or Kali, or Krishna. A globalization of evangelism ‘in connection’ with others, and a globally ‘in-formed’ gospel, is capable of talking across the fence with Hindu, Buddhist, Sikh, Muslim – people from other so called ‘new’ religious traditions (‘new’ only to us) – without assumption of superiority and power.”(p. 129-130) [Thomas se kommentaar: Die Hindoe godin Kali is die godin van die "dood" en "vernietiging" of "verwoesting." Ten spyte van haar konnotasies hiermee word sy ook beskou as die godin van "tyd" en "verandering." 'n Mens kan miskien ook nou beter verstaan waarom die Ontluikende Kerk, in sy affiliasie met ander godsdienste, soveel klem lê op die noodsaak vir verandering. Brian McLaren het 'n boek geskryf met die titel "Everything Must Change." Die Ontluikende leraars sal voortdurend vir jou sê dat jy nie jou verhouding met die Lewende God, Jesus Christus, kompromiteer nie al sou jy sekere konsepte - soos in hierdie geval "verandering" - in jou Christelike godsdiens assimileer. Die bloeddorstige Kali word ook as Bhavatarini aanbid (letterlik "die verlosser van die heelal"). Ook hier kan die raakpunte tussen die Ontluikende Kerk en ander godsdienste opgediep word. Soos die Hindoeïsme glo die Ontluikende Kerk ook dat verlossing nie net tot die individu beperk word nie maar dat dit van toepassing moet wees op die ganse heelal. Dit is dus 'n universele verlossing wat alles en almal insluit. Dit kan nie anders nie omdat die konsep van panenteïsme - God  is in alles en alles is in God - dit vereis. Indien God in alles en alles in God is, dan is dit mos vanselfsprekend waarom alles en almal met hierdie panentieïstiese God versoen moet word en dis hoogs interessant dat die kontemplatiewe spiritualiteit van die Roomse Desert Fathers die medium is waardeur almal nou in die teenwoordigheid van God kan lewe. Die meer resente bewegings in die Hindoeïsme aanbid Kali as die "moeder godin." Is dit so moeilik om te sien waarop dit alles uiteindelik gaan uitloop?]

“…It will take a decolonized theology for Christians to appreciate the genuineness of others’ faiths, and to see and celebrate what is good, beautiful, and true in their beliefs without any illusions that down deep we all are believers in the same thing.” [Thomas se kommentaar: Die Ontluikende leierskorps maak gereeld gebruik van gelaaide terme om hulle invloedsfeer soveel makliker uit te brei. Een hiervan is die woord "decolonized" wat sinspeel op die koloniale era waartydens sendelinge die boorlinge van ongekerstende volkere kwansuis gedwing het om hulle kultuur, gewoontes, folklore ens. prys te gee ter wille van die Christelike gosdiens.  Dit is gewoon nie waar nie. Hoewel sekere gevalle voorgekom het waar sendelinge boorlinge geleer het om hulle halfnaakte deurtrekkertjies met westerse kleredrag te vervang, het hulle slegs die kulture wat ingebed was in voorvadergeeste en afgodery baie streng aangespreek en die boorlinge geleer dat dit nie met die Christelike godsdiens versoenbaar is nie. Op hierdie wyse word die sendingaksies van vervloë dae waartydens die Evangelie suiwer verkondig is onder verdenking gebring en gedemoniseer. Die hedendaagse missionêre kerk het die klem verskuif vanaf  'n kompromielose Evangelie na 'n kompromiterende "Evangelie" waarvolgens "waarhede" in ander godsdienste as algemeen geldende riglyne, selfs ook vir die Christelike godsdiens, aanvaar word. Kontemplatiewe spiritualiteit speel 'n geweldige groot rol in die vervaging en selfs uitwissing van die grenslyne tussen godsdienste. Lees gerus hierdie artikel. Kerklidmate wie se lewens nie gebou is op die Rots (Jesus Christus) nie, en nie vertroud is met die hele raad van God soos Paulus dit in sy sendbriewe aan ons oorgedra het, val baie maklik ten prooi van hierdie nuwe kompromiterende "Evangelie" wat eintlik maar geen evangelie is nie. Dis niks anders as 'n baie slim namaaksel van die ware Evangelie nie.

Dis absoluut verstommend dat sg. behoudende leraars soos Stephan Joubert, Nelus Niemandt, Dries Lombaard en baie ander jong predikante in die NGK kerkfamilie mense soos Leonard Sweet kan verdedig en goedpraat terwyl hy sê dat Christene met behulp van 'n gedekoloniseerde teologie kan leer om ander gelowe se geloofwaardigheid te waardeer en om dit wat goed, mooi en waar is in hulle geloofstrukture, te waardeer sonder om enige voorbehoude te hê dat ons ten diepste almal gelowiges is van dieselfde ding. Dis dan ook geen wonder nie dat Paulus waarsku dat in die laaste dae die mense 'n gedaante van godsaligheid sal hê terwyl hulle die krag daarvan verloën. Soos ek reeds in talle van my ander kommentare verwys het, is die kruis van Jesus Christus die krag en die wysheid van God (1 Kor 1:18). Daar is hoegenaamd nie 'n greintjie van hierdie krag en wysheid in die sg. waarhede, goedheid en skoonheid van ander godsdiens aanwesig nie omdat hulle die kruis van Jesus Christus summier verwerp en tog verklaar Stephan Joubert en sy maatjies skaamteloos dat daar waarhede in ander godsdienste soos die Boeddhisme en selfs in nie-godsdienste soos die ateïsme aanwesig is. As dit nie 'n blatante verloëning is van God se enigste Waarheid en die kruis van Jesus Christus nie, dan weet ek nie meer so mooi nie.]

“The tide of an exoticized and orientalized theology is already at flood stage in New Age thinking partly because of modernist Christianity’s theological xenophobia…. An example of East-West integration that is less a subversion of the Christian tradition than an homage to it is the flourishing field of study known as transpersonal psychology, where the West’s emphasis on material processes of self-realization become mutually dependent on the East’s emphasis on consciousness journeys of self-annihilation.

“The interfaith embodiment of a quantum spirituality is based not on the Enlightenment search for what the world religions hold in common but on the multitudinousness and uniqueness of each particular vision of truth.” (Quantum Spirituality, 129-130 Lees hier.

Paulus het natuurlik ook “the flickers of the sacred in followers of Yahweh, or Kali, or Krishna” raakgesien en hy het ook erken dat “spirituality is based not on the Enlightenment search for what the world religions hold in common but on the multitudinousness and uniqueness of each particular vision of truth.” en daarom het hy die volgende woorde neergepen:

2Kor 6:14 Moenie in dieselfde juk trek saam met ongelowiges nie, want watter deelgenootskap het die geregtigheid met die ongeregtigheid, en watter gemeenskap het die lig met die duisternis?

Stephan en Nelus asook hulle meelopers sal natuurlik heel gou vir jou sê dat hulle darem nie met alles saamstem wat Leonard Sweet sê en skryf nie. Sê tog asseblief vir my hoe jy integriteit aan iemand kan toedig as jy nie met alles kan saamstem wat hy sê nie, veral rondom die kernboodskap van die Evangelie, nl die verlossing? Tog sê Stephan Joubert nes sy herder, Lennie, dat die Christendom nie alleenreg het op die waarheid nie maar dat daar ook in ander godsdienste soos die Boeddisme en Judaïsme waarhede opgesluit lê – ja, en selfs ook in die ateïsme. Wat makeer die man? Kan die sg. waarhede in die ander godsdienste die mens vrymaak van sy sonde en verlorenheid? Kan dit jou die sekerheid gee dat jy hemel toe gaan as jy die dag te sterwe kom? Indien nie, dan beteken daardie sg. waarhede in ander godsdienste net mooi niks nie. ‘n Mens sê sulke dinge wanneer jy nie tussen lig en duisternis kan onderskei nie. Nog meer, sodra iemand uit oortuiging en ware liefde vir hulle waarsku teen die dwaalweë waarop hulle hul begeef, kryt hulle jou uit as “selfaangestelde aanklaers, regters en laksmanne [wat besig] is met ’n volgende rondte leuens en karaktermoord”.  Het hulle nie miskien al daaraan gedink dat hulle self besig is om die Here Jesus wat gesê het “Ek is die Waarheid” se onkreukbare karakter te vermoor nie? Is hulle nie besig om self as aanklaers, regters en laksmanne van die enigste ware Evangelie op te tree nie. Maar natuurlik nie! . . . al wat hulle besig is om te doen is om die Here Jesus as die enigste Waarheid te verloën deur te sê daar is ook geldige waarhede in ander godsdienste. Mag die Here Suid-Afrika van hierdie geestelike laksmanne bewaar en veral ook die skape en lammers in hulle eie gemeentes.

Soos in die verlede, wil ek julle weer eens smeek om julle te bekeer van julle verkeerde weë, want . . . . julle speel met vuur.

1Pet 4:14 As julle beledig word oor die Naam van Christus, is julle gelukkig, omdat die Gees van die heerlikheid en van God op julle rus. Wat hulle betref, word Hy wel gelaster; maar wat julle betref, word Hy verheerlik.

Waaroor Gaan die Evangelie dan nou Eintlik?

Daar is deesdae so ‘n wanklankige kakofonie van stemme wat oral opklink rondom die godsdiens en spiritualiteit dat ‘n mens kwalik kan byhou. Die ironie, of sal ek liewer sê, die gevaar hiervan is dat hierdie kakofoniese wanklanke voortspruit uit die monde van persone wat hoë aansien geniet by hulle kerkgenote, akademiese kollegas en selfs by mense van ander gelowe. Hulle is mense wat in die samelewing bekend staan as manne van God, maar is hulle dit werklik? Die Here sê dat ons hulle sal uitken aan hulle vrugte maar deesdae word ‘n mens gedwing om ook die vrug van hulle monde onder die loep te neem.

Waarom skarrel en tas hierdie sg. “manne van God” in die newels van die ontluikende spiritualiteit rond om nuwe idees te formuleer oor die godsdiens; om die Bybel en veral die Evangelie te herverwoord; om alles te verander, soos Brian McLaren dit in sy boek “Everything must Change” dit stel;” en om “Nuwe Drome vir Nuwe Werklikhede” te koester, soos Dr. Nelus Niemandt dit in sy boek met dieselfde naam uitspel? Waarom . . .? Ons het nie nodig om ver te gaan soek vir ‘n antwoord nie omdat Paulus dit reeds duisende jare gelede neergepen het.

2 Tim 4:3 . . . want daar sal ‘n tyd wees wanneer hulle die gesonde leer nie sal verdra nie, maar, omdat hulle in hul gehoor gestreel wil wees, vir hulle ‘n menigte leraars sal versamel volgens hulle eie begeerlikhede, en die oor sal afkeer van die waarheid en hulle sal wend tot fabels. (Klem bygevoeg)

Alles Moet Verander

Toe my vrou en ek onlangs inkopies gaan doen het, het ons by ‘n advertensiebord verby gery waarop die woorde “It is time to change to a new homeloan.” gepryk het. Terwyl ek in die motor vir haar sit en wag het, het ek ‘n advertensie oor die radio gehoor wat min of meer soos volg geklink het, “Dit is tyd om te verander na ‘n ander kortermynverserking.” Byna onmiddellik daarna het hulle  ‘n liedjie gespeel waarin die woorde, “I don’t know where I’m going, but I’m going.” gespeel het. Dit onderstreep die feit dat ons hele kultuur deursuur is met ‘n gesug na verandering. Die woorde “It is time to change” en “I don’t know where I’m going, but I’m going” was vir my so kentekenend van die Ontluikende Kerk dat ek nie anders kon as om te glimlag nie, hoewel dit eintlik maar ‘n baie tragiese aangeleentheid is. Verandering moet kom, buig of bars, al weet ons nie so mooi waarheen dit ons uiteindelik gaan lei nie. In ‘n onderhoud met Brian McLaren waarin die onderhoudvoerder gevra het om anoniem te bly het hy die onsekerheid van die pad waarop die Ontluikende Kerk hom begeef soos volg in sy vraag verwoord.

One blogger who refers to you as the godfather – not sure how you feel about that – offered another metaphor. You’re telling people there’s this great new restaurant across town, and they go there with you, only to hear on arrival that the menu won’t be printed for another twenty years. (Klem bygevoeg)

McLaren het soos volg gereageer:

I can see how that’s frustrating. I think the metaphor makes the point very well. But I wonder if I could put a spin on it. Maybe that story should continue by the people saying, “Hey, let’s go in the kitchen and see if we can help create some new recipes.” If we get more people involved in the creative process, maybe it will only be ten years, not twenty. I think people need to feel empowered, like they’re contributors, not consumers buying the latest “postmodern ministry in a box” program. We’re all in this thing together. (Lees hier) (Klem bygevoeg).

Dit laat my nogal dink aan wat Prof. Malan Nel, Direkteur van die Sentrum vir Kontekstuele Bediening by die Universiteit van Pretoria wat ook betrokke is by voortgesette bedienings-ontwikkeling in die NG Kerk,  in die program “Oop Gesprek” (Sondag, 14 Septemeber 2008) gesê het:

Ons het arm geword aan die waarheid wat in die vroeë kerk sterker gefunksioneer het. Een persoon het nie die wysheid in pag nie. Die onderskeiding van die wil van die Here is ‘n kollektiewe – die Bybelse woord “corpus” vir liggaam – is ‘n korporatiewe onderneming. Dis deel van die teologie . . . In goeie akademiese onderrig moet jy met al jou gespreksgenote rekening hou en dominees behoort gemeentes te help om te verstaan dat dit is ons verantwoordelikheid om saam te worstel oor hoe verstaan ons die leiding van die Heilige Gees deur ‘n teks. (Klem bygevoeg).

Ons kan die waarheid dus eers vaspen wanneer al die gespreksgenote, gespreksvennote of rolspelers saam besin het oor die waarheid en saam tot die slotsom kom om te sê “Dis die ware waarheid.” Die probleem is egter dat die akademici meesal eensydig besluit wat die waarheid is en dit van bo-af (paternalisties) op die arme voetsool lidmate van hulle gemeentes afdwing. Dit is presies wat op die oomblik gebeur met die indoktrinering van die Ontluikende Kerk. En wanneer sommige van die gemeentelede nie met hulle saamstem nie word hulle voor tugkomitees gedaag om hulle op vernederende wyse te viktimiseer en sommige word soms versoek om maar liefs hulle goedjies te vat en uit die kerk pad te gee. Die uitdrukking “saam te worstel oor die Skrif” is mos deesdae die aller-nederigste manier om die Bybel te lees. Hulle moet net oppas om nie te lank saam te worstel oor Johannes 3:16 nie terwyl hulle eie gemeentelede moontlik ‘n Christuslose ewigheid binnegaan.

Brian McLaren het ook in die bg. onderhoud gesê:

The postmodern transition is well underway, but it’s still in process. The early deconstructive phase of the postmodern transition is evolving into a more constructive and creative phase, exemplified (for me) by thinkers and writers like Wendell Berry and Ken Wilber in the culture at large, plus a number of us writing specifically for the Christian community. (Of course, some folks are still fighting against the earliest phases, not realizing that the “battle lines” keep moving. But I shouldn’t use battle imagery, because I don’t see it that way.) For all the work we’ve done and all the progress we’ve made, we still have so far to go. – Brian McLaren (http://www.brianmclaren.net/archives/000133.html) (Klem bygevoeg).

Hoe op deeske aarde kan jy jou vertroue plaas in ‘n ding wat niemand weet waarheen dit op pad is nie omdat dit nog in ‘n proses van ontwikkeling is? Paulus het gesê:

2 Tim 1:12  Om hierdie rede ly ek ook hierdie dinge; maar ek skaam my nie, want ek weet in wie ek geglo het, en ek is oortuig dat Hy mag het om my pand te bewaar tot dié dag toe. (Klem bygevoeg)

Johannes skryf:

1 Joh 5: 10-13 Wie in die Seun van God glo, het die getuienis in homself. Hy wat God nie glo nie, het Hom tot leuenaar gemaak, omdat hy die getuienis nie geglo het wat God aangaande sy Seun getuig het nie. En dit is die getuienis: dat God ons die ewige lewe gegee het, en dié lewe is in sy Seun. Hy wat die Seun het, het die lewe; wie die Seun van God nie het nie, het nie die lewe nie. Dit het ek geskrywe aan julle wat glo in die Naam van die Seun van God, sodat julle kan weet dat julle die ewige lewe het en kan glo in die Naam van die Seun van God. (Klem bygevoeg).

Enigiemand wat sê ons moet eers lank saamsit om te worstel oor die betekenis van die bg. Skrifgedeeltes moet ten minste ‘n klap van die windmeuel weghê. Ek vra weer: Hoe lank gaan die Suid-Afrikaanse kerkgemeenskap hierdie wolwe in skaapsklere verduur? Hoe lank nog? Die “ontluikende” Christen weet nie so mooi waarheen hy op pad is nie en ook nie wat sy eindbestemming is nie. Hy worstel met die nederigste nederigheid saam met ander ontluikende Christene oor die betekenis van Bybeltekse want hulle wil darem nou nie soos die funfamentalistiese Christene so arrogant wees om te dink hulle het die volle waarheid in pag nie. Daarom is hulle, soos Stephan Joubert en sy maatjie Rob Bell, selfs bereid om die kultuur buite die kerk te omarm, om kers op te steek by die Boeddhiste en selfs ook die ateïste (wat die Here sommer reguit dwase noem – Ps 14:1) om hulle nuwe “brand” van die Christendom te verryk en aan te vul met hulle waarhede. Die Bybelse Christen, daarenteen, weet waarheen hy op pad is en wat sy eindbestemming is.

Dit is veral die eksponensiële ontwikkeling van die tegnologie wat die mens op ‘n baie subtiele manier breinspoel om verandering goedsmoeds te aanvaar. Wat vandag ‘n nuutjie is, is more verouderd en die verouderde dinge word summier soos ou uitgediende rekenaarkomponente weggegooi. Maar kan ‘n mens dit met die Christelike Godsdiens wat op God se Woord begrond is, doen? Durf ons die eeu-oue waarhede in die Skrif verander om aan te pas by ons postmoderne kultuur? Die leraars en voorbankers in die Ontluikende Kerk dink blykbaar so. Maar wat sê God:

1 Pet  1: 24, 25 Want alle vlees is soos gras, en al die heerlikheid van die mens soos ‘n blom van die gras. Die gras verdor en sy blom val af, maar die woord van die Here bly tot in ewigheid. En dit is die woord wat aan julle verkondig is.

Menere die ontluikende leaars, akademici, en kerklidmate, het julle dit gehoor? Julle is soos ‘n blom van die gras wat vir ‘n kort tydjie hier op aarde is (tot so 90, 95 jaar as die genade van die Here dit toelaat) en dan sterf  julle soos ‘n blom wat droog geword het en afval. Maar, die Woord van die Here bly tot in alle ewigheid.

Ek het onlangs ‘n transkripsie van Stephan Joubert se preek wat hy op Sondag 1 Maart vanjaar by Kemptonkruin gelewer het onder oë gehad en raai wat? Ja u het reg geraai. Hy het ter inleiding gesê: “Die interessante is, vriende, die wêreld verander.” Nee! Dr. Joubert, die wêreld het nie verander nie en is ook nie besig om te verander nie. Dieselfde ou sondes wat ons voorvaders gedoen het, is nog steeds dieselfde ou sondes wat ons vandag nog doen. Vandag se ouens en veral die kerk is net ‘n bietjie meer toegewend in die doen van daardie sondes. En daar is nog steeds net een oplossing vir dieselfde ou sondes — die kruisdood van Jesus Christus. Niks het verander nie. Die hart van die mens is nog steeds die bedrieglikste ding onder die son (Jer 17:9).

Hy verwys dan na Dan Kimball, een van die leierfigure in die Ontluikende Kerk in Amerika en voltydse leraar in San Diego, wat tot die slotsom gekom het dat die kerk op pad is na nêrens. Sy woorde is “The Church is going nowhere slowly.” So ongeveer 2 minute na sy inleidende woorde oor die Ontluikende Kerk sê Stephan Joubert ‘n baie diepsinnige waarheid wat my nogal baie sterk herinner aan die woorde van die Here Jesus toe Hy sy dissipels uigestuur het om die Evangelie te verkondig. Ek haal aan:

Aan My is gegee alle mag in die hemel en op aarde. Gaan dan heen, “engage” die Romeinse kultuur en prakseer  vindingryke idees, weë en maniere om te kyk of julle die kultuur binne julle eie geledere (die kerk) met die kultuur van die Romeinse heidendom kan versoen want dit is my soewereine wil dat die kultuur binne die kerk en die kultuur buite die kerk mekaar moet ontmoet. Ek wl ook hê dat julle die dissipels wat deur die jare na julle kom, moet leer om dieselfde te doen. Luister baie mooi na my. Dit is rêrig ”bad” daarbuite, sleg en sondig, maar ek wil nie hê julle moet te veel klem daarop lê nie. Dis darem te paternalisties en liefdeloos. Daar is ‘n baie beter manier om  hulle kultuur te omhels. Sit die Evangelie in hulle midde sover hulle dit kan verstaan; maak die Evangelie wat Ek aan julle verkondig het, relevant en siedaar, kul jou hier en kul jou daar, hulle sal julle met ope arms ontvang en met ongekende dankbaarheid vereer.

Net om te wys dat ek niks uit my duim suig nie en dat ons voortreflikste teoloë die Here Jesus getrou navolg en te alle tye gehoorsaam is aan sy opdragte, haal ek vir julle aan wat Stephan Joubert gesê het.

In die lig daarvan [“The Church is going nowhere slowly.”] het Dan Kimball-hulle agtergekom, en ‘n klomp ouens na hom ook, dat die eerste groot uitdaging wat ons het, is om te kyk of die kultuur binne die kerk en die kultuur buite die kerk mekaar kan ontmoet . . . Studie op studie, volgens hulle, [het] begin wys dat die kultuur buite die kerk so vinnig verander dat die kultuur binne die kerk, al wat hulle kan sê is: “It is bad out there.” sleg, sondig. Maar, dat daar ‘n beter manier is om daardie kultuur te omhels en die Evangelie, so ver moontlik hulle dit dan nou verstaan, relevant daarbinne neer te sit.

In kort kom dit daarop neer dat die reeds uitgediende “Christendom”, soos hulle dit graag noem, alewig net ‘n veroordelende vinger na die wêreld gewys het om hulle sondes en verlorenheid te beklemtoon, pleks daarvan om hulle kultuur te omarm en die Evangelie sodanig aan te pas dat die wêreldling dit kan verstaan. Dit gaan my verstand te bowe dat leraars wat veronderstel is om die Evangelie te ken en dit onvervals aan mense oor te dra sodat wêreldlinge gered kan word, daarop aandring dat die kerk hom by die wêreld moet aanpas. Nouja, hulle kan gerus probeer maar ek kan hulle verseker dat Jesus Christus (die Jesus van die Bybel) nie saam met hulle in dieselfde juk sal trek nie. Luister wat sê HY:

Joh 7:7  Die wêreld kan julle nie haat nie; maar My haat hy, omdat Ek van hom getuig dat sy werke boos is. (Klem bygevoeg)

Miskien moet ons hierdie gedeelte uit die Bybel uitskeur want dit herinner te veel aan die ou kultuur binne die kerk en dis tog nie wat ons ontluikende vriende wil hê nie, nê? Die wêreld sal en kan jou nie haat as jy soos Stephan Joubert en sy ontluikende pêlle die kultuur van die wêreld omarm en nie soos Jesus sy bose werke aanspreek nie. Jakobus, die broer van Jesus, het die liefhebbers van die kultuur van die wêreld baie strenger bestraf.

Jak 4:4 Egbrekers en egbreeksters, weet julle nie dat die vriendskap van die wêreld vyandskap teen God is nie? Wie dan ‘n vriend van die wêreld wil wees, word ‘n vyand van God.

Sodra ‘n persoon wat daarop aanspraak maak dat hy kind van God is, kompromie maak met die wêreld en sy kultuur omarm, begin God teen daardie persoon te stry. Daar kom ‘n diep skeiding wat eers weer reggestel kan word wanneer die persoon sy sonde van kompromie voor God bely en hom heelhartig tot Hom bekeer.

Die Evangelie van Jesus Christus is nie maar sommer net ‘n kultuur soos enige ander kultuur nie, en nog minder is dit ‘n kultuur wat aanpasbaar gemaak kan word om ander kulture in die wêreld te omarm. Die Evangelie sentreer om die kruis van Jesus Christus wat die krag en die wysheid van God is (1 Kor 1:18). Dit is die unieke, eenmalige, onveranderlike en ewige manier waardeur God die sondes van bekeerlinge kan vergewe. Daarom sê die Skrif, “Maar by U is vergewing, dat U gevrees mag word” (Ps 130: 4). Dit beteken dat daar alleenlik by God ‘n saliggewende vergewing van sondes is en kan wees. Geen ander kultuur of godsdiens kan hierdie vergifnis vir mense bied nie en tog durf Stephan Joubert sê, soos ek later aandui, dat ander godsdienste ook waarhede in pag het. Dit kom neer op godslastering, of hy dit wil erken of nie.

Maar kom ons kyk vir eers na Dan Kimball wie Stephan Joubert so hoog aanprys en vereer. Die webblad “Lighthouse Trails Research” het soos volg sy boek “They Like Jesus but Not the Church” geresenseer:

According to Kimball’s book, there are two categories of Christians. Here is the first Kimball describes: [P]eople who are always saying negative things about the world, are anti-gay, take the whole Bible literally, are card-carrying Republicans, are pro-Israel, read end-times novels, and endorse snake handling and fire-and-brimstone preaching. They think of King-James, finger-pointing, teetotaling, vengeful people who credit God for using natural disasters to punish people for sin, and who use Christian jargon and are arrogant and unloving toward anyone but themselves. Kimball masterfully condemns Christians who are pro-Israel, take the Bible literally, study Bible end time prophecy and talk about hell, and likens them to negative, arrogant, unloving and vengeful people. He makes a mockery of the Bride of Christ and thus a mockery of Christ Himself. Kimball is careful to install built in defenses into the book that will self-validate his message. He says that if you are uncomfortable reading the book, it may be that you NEED to read the book because you are guilty of all these things. So who is going to want to say anything bad about Kimball’s book? The glue that binds all this together is in Kimball’s last chapter, “A Great Hope for the Future.” He starts the chapter off with a quote by mystic Henri Nouwen. You see Kimball is a contemplative proponent. He promotes the use of labyrinths and stations of the Cross (meditative centers). He also encourages lectio divina and recommends books by mantra meditation proponents like Gary Thomas, Mike Yaconelli, John Michael Talbot, Brian McLaren and others. In They Like Jesus But Not the Church Kimball recommends Henri Nouwen’s book, In the Name of Jesus and John Shelby Spong’s book, Rescuing the Bible from Fundamentalism (though he gives a disclaimer of this latter but still thinks it’s good to be “familiar” with it). However, Kimball gives no disclaimer for his recommendation of Nouwen who said: Today I personally believe that while Jesus came to open the door to God’s house, all human beings can walk through that door, whether they know about Jesus or not. Today I see it as my call to help every person claim his or her own way to God.(Sabbatical Journey, p. 51, 1998 edition). (Klem bygevoeg)

Die verandering wat plaas moet vind, is dus ‘n wegbeweeg van die fundamentele waarhede in die Skrif omdat die wêreld nie baie hou van die fundamentaliste wat vir hulle leer dat hulle eers waaragtigtig tot bekering moet kom alvorens hulle in die hemel toegelaat kan word nie. Dis darem te paternalisties. Hulle soek ‘n Jesus wat nie so sreng leerstellig is nie, maar een wat hulle knus en warm kan laat voel in hulle sondige kultuur. Stephan Joubert en sy vriend, Dan Kimball, vergeet gerieflikheidshalwe dat die regte Jesus gesê het:

2 Joh 9 Elkeen wat ‘n oortreder is en nie bly in die leer van Christus nie, hy het God nie. Wie in die leer van Christus bly, hy het die Vader sowel as die Seun.

Miskien moet Stephan Joubert weer ‘n slag goed gaan kyk wat die leer van Christus alles behels.

Het ander gelowe ook dalk die waarheid in pag?

Voordat ek Stephan Joubert aan die woord stel oor sy siening van die waarheid, wil ek  my klein groepie lesers net weer herinner aan wat die Bybel oor die waarheid sê.

Joh 17: 38, 39 Pilatus sê toe vir Hom: Is U dan tog ‘n koning? Jesus antwoord: U sê dat Ek ‘n koning is. Hiervoor is Ek gebore en hiervoor het Ek in die wêreld gekom, om vir die waarheid te getuig. Elkeen wat uit die waarheid is, luister na my stem. Pilatus sê vir Hom: Wat is waarheid? (Klem bygevoeg).

Dit is opvallend dat Pilatus nie gevra het wat “die waarheid” is nie maar “wat is “waarheid.” Dit wil vir my lyk of hy eintlik gevra het: “Wat is die essensie van waarheid?” of om dit so ‘n bietjie anders te stel, “Wat is dit wat die waarheid as waarheid bevestig?” Waaraan meet ‘n mens die waarheid? Die enigste waterdigte en betroubare toets om te bepaal of enige geestelike waarheid volhoubaar vrymakend is, moet dit opgehou word teen die lig van ‘n onveranderlike, ewigdurende, en essensiële bron van waarheid en ons het beslis so ‘n waarheid — Jesus Chrisus wat gesê het “Ek IS die Waarheid.” ‘n Waarheid wat nie in staat is om vry te maak nie, vry te maak van die leuen en die sonde nie, is geen waarheid nie, en ons het beslis so ‘n waarheid — Jesus Christus wat gesê het, “Julle sal die waarheid ken en die waarheid sal julle vrymaak.” Baie ander gelowe onderskryf en verkondig sekere waarhede wat in die Christelike godsdiens teruggevind kan word, maar dit kan nie vrymaak nie omdat dit Jesus Christus, die essensie van waarheid, uitsluit. Neem bevoorbeeld begrippe soos barmhartigheid (“compassion”), liefde, hulpvaardigheid, mededoëndheid, sagmoedigheid, en nederigheid; dit is almal geestelike waarhede wat in sommige ander godsdienste gevind en selfs uiteleef word, maar dit beteken net mooi niks nie omdat die onderbou en fondament van daardie waarhede in ander godsdienste ontbreek. Jesus self het gesê, “Sonder my kan julle niks doen nie.” Dit is dus geheel en al futiel om waarhede in ander godsdienste te soek en te glo dat ons daaruit kan leer. Luister nou wat sê Stephan Joubert in weerwil hiervan.

Hy (Rob Bell) sê jy moet die kultuur “engage.” Jy moet gaan luister na die Boeddhiste. Jy moet gaan hoor wat sê daai ouens. Dan skrik Christene hulle dood, want hulle hoor nie wat Rob Bell mooi sê nie. Hy sê nie word soos hulle nie, hy sê maar gaan lees hulle goeters, gaan hoor hoekom hulle so belangrik is. Hulle het ook dalk waarheid. Waarheid is nie net in die Christendom nie. Waarheid vind jy by Judaïsme. Jy kan waarheid vind by ateïsme. Jy kan waarheid vind by wie ook al (ook by Anton la Vey se Satanskerk, prof. Joubert?). God se algemene openbaring is ‘n bietjie wyer, maar jy sê Jesus is die Here. Dis waarnatoe jy op pad is met hulle met so ’n beweging.

Om te sê “Jesus is die Here” beteken net mooi niks nie.

Mat 7:21-23 Nie elkeen wat vir My sê: Here, Here! sal ingaan in die koninkryk van die hemele nie, maar hy wat die wil doen van my Vader wat in die hemele is. Baie sal in daardie dag vir My sê: Here, Here, het ons nie in u Naam geprofeteer en in u Naam duiwels uitgedrywe en in u Naam baie kragte gedoen nie? En dan sal Ek aan hulle sê: Ek het julle nooit geken nie. Gaan weg van My, julle wat die ongeregtigheid werk! (Klem bygevoeg).

So terloops, Stephan moet nie sommer aweregs uitsprake maak oor wat Rob Bell sou gesê het en nie sou gesê het nie sonder om die feite in oënskou te neem. Rob Bell het nog nooit gesê “word [nie] soos hulle nie.” Trouens hy het op ‘n keer baie duidelik gesê:

“This is not just the same old message with new methods. We’re rediscovering Christianity as an Eastern religion, as a way of life. (Christianity Today The Emergent Mystique). (Klem bygevoeg).

Moenie dink dat hy daarmee wil sê dat die Westerse spiritualiteit in lyn gebring moet word met die Hebreeuse spiritualiteit in die Ooste nie. Sy teenwoordigheid by die “Seeds of Compassion” Konferensie verlede jaar (11-15 April) in Seattle, Amerika, spreek boekdele. Daar het hy in eerbied voor die 14de geïnkarneerde Dalai Lama van Tibet gebuig en hom as “His Holiness” (hy word as ‘n god beskou) aangespreek. Bell se hele siening rondom versoening en rekonsiliasie pas baie goed in by die “Seeds of Compassion” van die Dalai Lama. Hy sê:

[T]here are around a billion people in the world who don’t have clean drinking water, and 46 million Americans don’t have health care. That means if they get sick, they don’t have anywhere to go. Half of the world, 3 billion people, live on less than two American dollars a day, so the world is an emergency. It’s on fire. It’s drowning. It’s an absolute crisis, and when followers of Jesus can think of nothing better to do with their time than to pick apart and shred to pieces the work of other followers of Jesus who are trying to do something about the world, that’s tragic, and I don’t owe those people anything. The world is desperately in need of people who will break themselves open and pour themselves out for the reconciliation of all things. When a Christian can find nothing better to do with their time in the face of this much pain and heartbreak, you start realizing that some Christians need to be saved. (Klem bygevoeg) (Relevant magazine)

Hy suggereer dus dat Christene wat nie bereid is om hande van barmhartigheid uit te steek na ‘n wêreld wat besig is om te verdrink nie, ongered is. Sy suggestie kom op niks anders neer as ‘n werkesaligheidsgeloof nie. Ek wonder net wat die een man aan die kruis langs Jesus, wie se hande en voete soos dié van Jesus aan ‘n houtkruis vasgespyker was, kon doen om die pyn en lyding van mense in die Romeinse Ryk te verlig. Ek weet net dat hy nou saam met Jesus in die paradys is.

Sodra jy van die Evangelie ‘n “social Gospel” wil maak, loop jy die gevaar om dié dinge wat die Here Jesus alleen in staat is om te doen, by Hom oor te neem en in eie krag te wil doen.  HY het nie gesê “julle moet alles nuut maak” nie maar “Ek maak alles nuut.” Dit sal alleenlik plaasvind nadat die Satan, die Antichris en die valse profeet in die poel van vuur gewerp is en die ongelowiges by die Wittroon oordeel geoordeel is. Dit gaan hier oor God se skepping van ‘n nuwe hemel en ‘n nuwe aarde en nie die doen van filantropiese werk om van hierdie teenswoordige wêreld ‘n beter plek te maak nie.  Hoe lees die Ontluikende leraars die Bybel? Hulle verstaan meesal nie die gedeeltes in die Bybel wat oor die eindtye handel nie omdat hulle dit as “ontvlugtingsteologie” beskou.

Indien Jesus Christus se aanspraak dat Hy die enigste waarheid is, soos HY ook daarop aanspraak maak dat HY die enigste weg en lewe is, wel die waarheid is, en as die Christelike godsdiens se aanspraak dat hy hierdie waarheid onvervals verkondig, ook die waarheid is, dan is die waarheid in geen ander godsdiens nie omdat Christus self in geen ander godsdiens is nie. In die lig hiervan, is Stephan Joubert se uitspraak dat waarheid nie net in in die Christendom is nie, uiters skokkend want dit suggereer dat Jesus Christus (dié Waarheid) gemeenskap het met die duiwel en sy gevalle engele. Paulus daarenteen sê onomwonde:

2 Kor 6:14-16 Moenie in dieselfde juk trek saam met ongelowiges nie, want watter deelgenootskap het die geregtigheid met die ongeregtigheid, en watter gemeenskap het die lig met die duisternis? En watter ooreenstemming het Christus met Bélial, of watter aandeel het die gelowige met die ongelowige? Of watter ooreenkoms het die tempel van God met die afgode?

Word die Stem van die Kerk (“Eklesia” of die uitgeroeptes) al hoe stiller?

So, ek kan verstaan dat die stem van die tradisionele kerk al hoe stiller raak. Dit is die wêreld waarin ons lewe. Dis waar die “emergent church” [in]kom. Nou is daar verskillende soorte “emerging churches” en “emergent churches.” Ek vind my by ‘n groep van hulle wat ‘n groot passie het om die wêreld weer terug te wen, iemand soos Rob Bell in Amerika wat sy eie huis verkoop in Grand Rapids en tussen die armste mense in die stad intrek. Rob Bell is waarskynlik tans die mees sigbare, die mees prominente jong Christen leier in die VSA. As die Here wil, dan sien ek hom die 16 Maart, dan eet ek saam met hom ontbyt daar in Grand Rapids – Stephan Joubert

Ek kry gereeld nuusbriewe van sendelinge wat skryf oor die formidabele groei van die Kerk in Sjina ten spyte van, of moet ek liewer sê, by wyse van die gruwelike vervolging onder die Christene. Dit staan soos ‘n paal bo water dat vervolging dikwels die Bybelse manier is om groei, en in die besonder geestelike groei, onder God se kinders aan te wakker en te bevorder maar ook om hulle gemaksones so ‘n bietjie te skud sodat hulle na ander mense kan begin uitreik met die Evangelie van verlossing. Ons sien dit in Handelinge 8. Hierdie vervolging onder die Christene in lande soos Sjina, die Soedan, en ook elders in die Ooste, is vir my ‘n klinkklare bewys dat die Here sy belofte gestand doen en die  Kerk bou in weerwil van die duiwel se pogings om die Kerk te vernietig. Het HY dan nie self gesê: “ . . .op hierdie rots sal Ek my gemeente bou, en die poorte van die doderyk sal dit nie oorweldig nie”? (Mat 16:18). Maar nee, die Emergents het ‘n towerstaffie ontwerp, genaamd “contextual and cultural engagement” om die wêreld  weer terug te wen vir Christus. Terug the wen . . . ? Op watter stadium in die geskiedenis van die wêreld het die wêreld Christus geken en toe weer teruggeval sodat hulle nou weer teruggewen moet word? Dit is nou maar weer net die ou-ou storie van, “Ons moet die Koninkryk van God hier en nou op aarde vestig sodat ons almal in ‘n wonderlike Utopia van vrede kan lewe.” Die stem van die tradisionele kerke in Suid-Afrika en ook elders in die Westerse wêreld is miskien besig om al hoe stiller te raak omdat hulle lank nie meer die suiwere Evangelie van Jesus Christus verkondig nie, maar die kerk in die Ooste is besig om die Kerk met hulle eie bloed en die genade van God te bou. G’n wonder Tertullius het op ‘n dag gesê: “The blood of the Martyrs is the seed of the Church.” Let asseblief op Stephan Joubert en al die ander “emergent” gurus: Dis nie Rob Bell se “cultural engagement” wat  die Kerk bou nie maar die bloed van die kruis van Christus en almal wat sy bloed met hulle eie bloed omhels (“engage”) wat aan die die Kerk (die Bruid van Christus) haar groei en stukrag verleen.

Stephan sê voorts:

Dit [die Ontluikende Kerk] het met mense te doen wat ‘n passie het om te sê [ons wil] die wêreld vir Jesus in ons generasie weer terugkry; die kultuur weer terugkry. En daarom gaan ek nie hulle kultuur kritiseer nie, maar ek gaan dit “engage.”  Daarom gaan ek nie ander ouens se spiritualiteit aanvat en my waarhede postuleer nie. Ek gaan luister wat hulle sê. Want ek kan die waarheid bewys ad infinitum soos, as ek in die 1960’s geleef het, en ek debateer met Boeddhis of ‘n Hindoe, sal ek daar sit en sê hier is my waarhede, hier is my goeters. Nou sal ek as ek in die “emerging church” is, sal ek sê, kom ons luister . . . Ek wil jou nie probeer verander nie, maar jy het ook die reg om te hoor hoe ek glo en ek gaan nie ekskuus sê vir wie ek is nie. Ek gaan nie my geloof in jou keel afdruk nie.

Die Evangelie van Jesus Christus gaan juis oor ‘n diepgrondige verandering wat begin by die verandering van jou gemoed.  As ek so luister dan wonder ek of Stephan Joubert en die ander ontluikende leraars die Evangelie van Jesus Christus werklik ken. Die Bybelse Christene (Bruid van Christus) het nog nooit die lewende Water van God in mense se kele afgegooi of afgedruk nie. Hulle het in gehoorsaamheid aan Christus, soms ten koste van hulle lewens, SY woorde getrou aan mense oorgedra sodat hulle self ‘n besluit kon maak of hulle die Lewende water verniet wil neem al dan nie.

Openb. 22:17 En die Gees en die bruid sê: Kom! En laat hom wat hoor, sê: Kom! En laat hom wat dors het, kom; en laat hom wat wil, die water van die lewe neem, verniet.

Die Evangelie van Christus kom beslis nie neer op ‘n dialoog tussen mense van verskillende gelowe om bloot net wedersydse respek vir mekaar se geloofsoortuigings te kweek nie. Die ontluikende predikers gee voor dat hulle hul mede aardse reisgenote baie lief het en hulle vir Christus wil terugwen, maar dit is ‘n liefde wat nie tred hou met God se liefde nie. God se liefde is ‘n gee-liefde en nie net ‘n sê-liefde nie en dit help ook net mooi niks om, soos Rob Bell dit stel, “to break yourself open and to pour yourself out for the reconciliation of all things” as jy versuim om ‘n verloregaande wêreld te vertel dat God sy eie Seun verbrysel het sodat hulle met Hom versoen kan word. Sodra jy klem lê op jou eie offervaardige goeie dade om die wêreld se kultuur terug te wen, soos Stephan Joubert Rob Bell telkens in sy preek die lof besing het, dan vervaag die betekenis van Jesus se kruisdood in die agtergrond. Daarom sê die Bybel dat wanneer ons barmhartigheidswerk doen ons linkerhand nie moet weet wat ons regterhand doen nie. In weerwil hiervan prys Stephan Joubert die barmhartigheidswerk van Rob Bell ten hemele.

Wat doen Rob Bell om die Evangelie uit te dra? Hy verkoop sy huis. Hy sit sy kinders in die armste skool waar die “drug lords” is en hy gaan bedien hulle met die Evangelie. Hulle is betrokke in Soweto saam met Johan Geyser-hulle van Mosaïek met ‘n reuse armsorg projek in sy gemeente.

Wonderlik! Maar . . . . .

Verkondig Rob Bell die Evangelie?

Stephan sê:

Ek het hom [Rob Bell] al sien optree, baie keer. Hy stap op daai verhoog, met sy swart bril en sy weird klere en sy kitaar, maar as hy sy mond oopmaak dan is dit die Evangelie. (Klem bygevoeg).

Die vleeswording of inkarnasie van die Here Jesus Christus by wyse van die maagdelike geboorte is die kern van die Evangelie. As Hy nie in die gedaante van ‘n mens na die aarde gekom het nie sou Hy nooit vir ons sondes aan die kruis kon betaal nie.  Daarom is dit dan ook so gevaarlik om die maagdelike geboorte te ontken of te onderspeel want elkeen wat dit doen, plaas homself in die kader van die Antichris. Luister weer ‘n slag hierna:

1 Joh 4: 1-3 Geliefdes, glo nie elke gees nie, maar stel die geeste op die proef of hulle uit God is, want baie valse profete het in die wêreld uitgegaan. Hieraan ken julle die Gees van God: elke gees wat bely dat Jesus Christus in die vlees gekom het, is uit God en elke gees wat nie bely dat Jesus Christus in die vlees gekom het nie, is nie uit God nie; en dit is die gees van die Antichris waarvan julle gehoor het dat hy kom, en hy is nou al in die wêreld.

Rob Bell sê in sy boek, Velvet Elvis op bladsy 027 dat hy in die maagdelike geboorte van Christus glo, maar op bladsy 026 sinspeel hy op die gedagte dat ‘n persoon nog steeds ‘n Christen kan wees en die Here waarlik lief kan hê al sou hy nie in die maagdelike geboorte glo nie. Hy maak die deur dus wyd oop vir ‘n antichristelike siening van die maagdelike geboorte sonder om sy eie siening daaroor in die gedrang te bring. Hy het dus ‘n dialektiese en dualistiese siening oor die maagdelike ontvangenis. Hy gebruik albei na gelang dit nodig is om aan te pas by die gehoor waarin hy hom bevind.

In sy vergelyking van die Christelike Godsdiens met ‘n trampolien, sê Bell die volgende:

What if tomorrow someone digs up definitive proof that Jesus had a real, earthly, biological father named Larry, and archeologists find Larry’s tomb and do DNA samples and prove beyond a shadow of a doubt that the virgin birth was really just a bit of mythologizing the Gospel writers threw in to appeal to the followers of the Mithra and Dionysian religious cults that were hugely popular at the time of Jesus, whose gods had virgin births?

But what if, as you study the origin of the word “virgin” you discover that the word “virgin” in the gospel of Matthew actually comes from the book of Isaiah, and then you find out that in the Hebrew language at that time, the word “virgin” could mean several things. And what if you discover that in the first century being “born of a virgin” also referred to a child whose mother became pregnant the first time she had intercourse?

What if that spring [of the trampoline] were seriously questioned? Could a person keep on jumping? Could a person still love God? Could you still be a Christian? Is the way of Jesus still the best possible way to live? Or does the whole thing fall apart? (026,027)

Rob Bell saai maar eintlik twyfel in die harte van sy lesers deur te sê “Is dit ook so dat God gesê het . . .?”

Dan Kimball, van wie Stephan met groot lof in sy preek praat, het ook ‘n algeheel onbybelse siening van die verlossing in Christus. Hy skryf:

“Without a doubt, the books that have made the most influence in my thinking on discipleship and spiritual formation for the emerging church are the following from Dallas Willard. Renovation of the Heart: Putting on the Character of Christ (NavPress 2002) and The Divine Conspiracy: Rediscovering Our Hidden Life in God (Harper Collins, 1998)” —Dan Kimball from his newsletter, 2002

The following is an excerpt of an article written by Dallas Willard, in which he hypothetically responds to a college girl who was raised a Christian but has now rejected the Christian faith and believes all paths lead to God …

“What Paul is clearly saying is that if anyone is worthy of being saved, they will be saved. At that point many Christians get very anxious, saying that absolutely no one is worthy of being saved. The implication of that is that a person can be almost totally good, but miss the message about Jesus, and be sent to hell. What kind of a God would do that? I am not going to stand in the way of anyone whom God wants to save. I am not going to say “he can’t save them.” I am happy for God to save anyone he wants in any way he can. It is possible for someone who does not know Jesus to be saved.”—Dallas Willard, Apologetics in Action.

Ons kan tereg vrae: Waaroor gaan die Evangelie dan nou eintlik? Dit is duidelik dat die Evangelie besig is om ‘n drastiese gedaanteverwisseling te ondergaan en die rede hiervoor is omdat die verkondigers van hierdie Evangelie die gedaante van godsaligheid het maar die krag van die ware Evangelie verloën het. Ek sluit af met hierdie tekse in julle midde.

Joh 10:26  Maar julle glo nie, want julle is nie van my skape nie, soos Ek vir julle gesê het.

Joh 10:27  My skape luister na my stem, en Ek ken hulle, en hulle volg My.

Ek kan maar net weer soos in die verlede ‘n ernstige versoek rig tot Stephan Joubert dat hy hom sal bekeer van die pad waarop hy hom tans begewe want dit is ‘n verderflike pad.

Moet ons Werklik Nuwe Maniere vind om die Evangelie te Verkondig?

Stephan Joubert sê in sy preek:

Ons moet nuwe maniere vind. Ons moet nuwe gestaltes vind. Ons moet nuwe gespreksvennote vind. Ons moet luister as die grootste groeiende spiritualiteit in die wêreld, tans nie die Christendom is nie. Dan moet ons gaan vra hoekom nie? Hoekom groei die Boeddhiste die vinnigste? Wat het hulle wat ons nie het nie? Hoekom kry die Amerikaanse Neurologiese Vereniging, as 40 000 van die wêreld se neuroloë saamtrek, die Dalai Lama om hulle te kom toespreek? Hoekom kry hulle die Dalai Lama, die hoof van die Boeddhiste?

Ons voortreflikste teoloë in die land wil nou maar eemaal nie verstaan dat sukses nie gemeet word aan getalle nie. Dit is beslis nie die hoeveelheid koppe wat die barometer vir sukses is nie. Indien getalle die litmustoets moes wees vir sukses dan was die hel ‘n helse suksesvolle plek gewees. Sê die Here Jesus dan nie juis dat daar maar baie min is wat die nou poort en die smal pad wat na die ewige lewe lei, vind nie? (Mat 7:13; Luk 13:24). En dan wil die Ontluikende leraars op die koop toe die nou poort en die smal pad toemaak en sluit deur vir die mense te sê, : Daar is ander maniere, ander gestaltes, ander gespreksvennote, ander vinnig-groeiene spiritualiteite wat julle kan help om die regte pad te vind. Wat sê God:

Jer 6:16  So spreek die HERE: Staan op die weë, en kyk en vra na die ou paaie, waar tog die goeie weg is, en wandel daarin; en julle sal rus vind vir julle siel. Maar hulle het gesê: Ons wil daarin nie wandel nie. (Klem bygevoeg)

Ek moet u miskien dan maar vertel, Stephan Joubert, waarom 40 000 neuroloë van die Amerikaanse Neurologiese Vereniging ‘n afgod, die 14de geïnkarneerde Dalai Lama, gevra het om hulle toe te spreek en nie iemand wat die Here Jesus liefhet en waarlik volg nie. Soos Israel van ouds sê hulle ook: “Ons wil daarin [die ou paaie] nie wandel nie.” “Gee eerder vir ons nuwe maniere, nuwe gestaltes, nuwe gespreksvennote nuwe vinnig-groeiende spiritualiteite. Daarin lê ons heil, ons toekoms, ons vrede en ons redding.”

Ten slotte wil ek weer eens baie ernstig by jou pleit, Stephan Jounert: Bekeer jou van jou verkeerde weë want jy speel met vuur.

Wat is Liefde? – Deel 1

Wanneer ‘n kind nie sy sin kry nie, val hy gewoonlik soos ‘n sak patats neer en stamp sy voete so hard hy kan teen die vloer. Ek weet, want ek het dit self gedoen toe ek ‘n kind was. Party van hulle het nogal die verwaandheid om bokant hulle stemmetjies uit vir ma of pa te skree “Julle het my nie lief nie.” Ons sê dan gewoonlik: “Die klein vabond gooi nou behoorlik ’n ‘tantrum.’” Sommige ouers, en veral oupas en oumas, skrik so groot dat hulle maar toegee want hulle wil darem nie hê die arme bloedjie moet dink hulle het hom nie lief nie. Dis te wreedaardig. Intussen staar hulle hul so blind teen hulle eie sg. liefde dat hulle die kinders tot in die afgrond bederf. Wie lei skade? — die kind natuurlik want wanneer hy uiteindelik groot word en die samelewing toetree, word dit sy modus operandi om dinge in sy guns te swaai. Dit is die prentjie wat voor my opdoem elke keer as ek die verhaal van Simson en Delila lees. Hoewel sy nie soos ‘n stoue kind op die vloer neergeval en haar voete begin stamp het nie (of miskien het sy), het sy dieselfde ou armdraai taktiek gebruik toe Simson nie die waarheid omtrent sy bonatuurlike krag aan haar bekend wou maak nie. “Hoe kan jy sê: Ek het jou lief! terwyl jou hart nie met my is nie? Drie maal het jy my nou al bedrieg en my nie meegedeel waardeur jou krag so groot is nie.” (Rigters 16:15). En siedaar, Delila kry toe haar sin en sy gee haar “beminde” Simson so wrintie oor in die hande van sy vyande. Simson se hart moes in elk geval by die Here wees en nie by Delila nie, want dit gaan in die eerste plek nie om ‘n soetsappige liefde nie maar oor gehoorsaamheid aan God en sy bevele.

Glo my, dieselfde ou taktiek word vandag nog steeds deur ons post-moderne teoloë gebruik wanneer jy hulle met die waarheid konfronteer. Die enigste verskil is dat Simson die waarheid van Delila weerhou het terwyl die “Delilas” van vandag jou van liefdeloosheid, harteloosheid en venyn beskuldig sodra jy hulle bedag maak op die waarheid en die gif wat skuil in die vleispotte van die hedendaagse Skrifgeleerdes wie se gesigte blink gevryf is met ‘n “liefde” wat nie strook met die Bybel nie. In die loop van die afgelope aantal jare waartydens ek kommentaar op verskeie blogs en webtuistes gelewer het, is ek telkens van liefdeloosheid, arrogansie en hooghartigheid beskuldig. Liberale teoloë en hulle meelopers is waarkynlik nie meer so begaan oor die eer van God nie, maar die eer van hulle kollegas, vriende, familielede, hulle kerke en teologiese fakulteite wat hulle so innig lief het. Intussen gee hulle nie ‘n snars om oor wat met hulle op die geestelike terrein gebeur nie. Soos Delila is hulle besig om almal wat hulle kwansuis so innig lief het aan die vyande van God oor te gee. Moreletapark NG Gemeente en hulle herders is ‘n sprekende voorbeeld hiervan wat eersdaags gaan toelaat dat die godloënaar, Tony Campolo, hulle skape en lammers mislei.

Judas 1:16 Hulle is murmureerders wat oor hul lot klae, en volgens hulle begeerlikhede wandel; en hulle mond spreek trotse woorde, terwyl hulle mense vlei ter wille van voordeel. (Klem bygevoeg)

Kom ons speel oop kaarte en laat my toe om sommer prontuit te sê dat die hele struktuur van die Ontluikende Kerk met sy klem op die vestiging van die Koninkryk van God hier-en-nou, op “liefde” (sonder gesonde leerstellings), op “empatie” (sonder gesonde leerstellings) en op “barmhartigheid” (weer eens sonder gesonde leerstellings) berus wat neerkom op ‘n liefde wat nie uit God nie maar uit die hel aangesteek word. Harde woorde? Ja beslis, maar dit is woorde wat voortspruit uit ‘n liefde vir God en sy waarheid, die enigste waarheid wat mense waarlik vrymaak, en ‘n diepe kommer oor die rigting waarin al die kerke in Suid-Afrika tans beweeg. Ek kom agter dat baie teoloë onnadenkend toegeeflik is jeens die Ontluikende Kerk omdat hulle goed bevriend is met kollegas wat die leerstellings van die Ontluikende Kerk uitdra en verkondig. Ek hoor en sien telkens op verskeie internet “blogs” wat die kontemplatiewe spiritualiteit van die Ontluikende Kerk propageer, mense wat sê: “Ek is baie goed bevriend met Nelus Niemandt” of “Ek ken Stephan Joubert persoonlik” of “Ek eet en drink gereeld koffie saam met dié of daardie bekende teoloog.” (Die hedendaagse volgelinge van Jesus in die Ontluikende kerk is kranige koffiedrinkers. Kyk maar gerus op http://www.thinktoomuch.net). Hierdie mense is gou om te praat oor hulle eie sg. “empatie,” “liefde,” “barmhartigheid”(“compassion”) en “medemenslikheid” maar gee nie ‘n duit om of hulle medemens hel toe gaan al dan nie omdat daar vir hulle geleer word dat die hel ‘n mite is, of dat die hemel en hel hier op aarde is en dit hang maar van jouself af hoedanig jy dit vir jouself hier maak. Ek kry die indruk dat hulle bereid is om God en sy waarheid onder die mat in te vee ter wille van hulle vriendskap met teoloë wat onbeskaamd die Here van die leërskare oneer aandoen wanneer hulle hul solidariteit met mense soos Brian McLaren, Leonard Sweet, Rob Bell, Rick Warren, Tony Campolo, en baie ander sonder blik of bloos bevestig. Wat het geword van Christus se voorwaardes om ‘n dissipel van Hom te kan wees toe HY gesê het?:

Luk 14:26 As iemand na My toe kom en hy haat nie sy vader en moeder en vrou en kinders en broers en susters, ja, selfs ook sy eie lewe nie, kan hy my dissipel nie wees nie. (Sluit maar gerus ook persone in soos predikante, pastore, professore, toekomskundiges en dies meer wat God se Woord verdraai).

Die post-moderne denkers in die Ontluikende Kerk draai hierdie woorde van die Here Jesus mootjies nek om en verklaar met groot liefde “Ons is volgelinge van Jesus” ten spyte daarvan dat hulle selfs die gruwelikste afvalligheid en dwaalleringe van teoloë wat sê hulle het die Here lief, navolg en ondersteun. Paulus skryf:

Gal 1:10 Soek ek dan nou die guns van mense, of van God? Of probeer ek om mense te behaag? As ek nog mense behaag, dan sou ek nie ‘n dienskneg van Christus wees nie.

Vleitaal is ‘n onding. Hoor wat sê die Here van mense wat deur ander mense gevlei word.

Luk 6:26  Wee julle wanneer al die mense goed van julle praat, want hulle vaders het net so aan die valse profete gedoen.

Paulus was bereid om die prys te betaal vir ware dissipelskap en het selfs op ‘n tydstip man-alleen gestaan omdat almal hom verlaat het (2 Tim 4:16). Hoor nou wat sê Stephan Joubert, in skreiende kontras met Paulus wat die Here Jesus waarlik liefgehad het in sy voorwoord tot Nelus Niemandt se boek “Nuwe Drome vir Nuwe Werklikhede.”

My kop is geswaai. My belewing van hierdie boek.

Nelus Niemandt is een van die invloedrykste denkers en missionêre Suid-Afrikaanse teoloë aan die begin van millennium drie. Sy insigte in ingewikkelde sosio-religieuse vraagstukke is asemrowend, sy nederigheid aansteeklik en sy vermoë om eietydse kontekste en Bybelse kontekste op verstaanbare maniere aan mekaar te knoop, sonder weerga. Daarom dat ek nie kon wag om hierdie boek te lees nie. Wat ‘n absolute juweel. Nuwe drome vir nuwe werklikhede is kop-oopmaak materiaal. Dis propvol wêreldverskuiwende woorde!

Nelus se verstaan van “Christenheid” en die bedreiging wat dit inhou vir die evangelie, saam met ‘n indringende profiel van die post-modernisme en huidige kerklike gestaltes het my ure se genoegdoening verskaf. Nelus vra egter nie net kritiese vrae terwyl hy uitgediende kerklike maskers op meesterlike wyse rondom ons almal afhaal nie. Hy praat juis hooptaal deur nege vars nuwe geloofspraktyke vir ontluikende kerke op ons etenstafel neer te sit. Ewe aangrypend, oog-oopmakend en uitdagend is sy insigte in missionêre gemeentes in die laaste hoofstuk van die boek.

Nuwe drome vir nuwe werklikhede is sonder twyfel die belangrikste boek op die Suid-Afrikaanse kerklike toneel oor die afgelope klompie jare. Dit is horison­verskuiwend en kontekstueel. Dit is deurdag, simpatiek, ontblotend, gevaarlik, maar altyd goeie medisyne! Terselfdertyd bied hierdie boek fantastiese hulpmiddels tot eksperimentering vir alle oopkop, saamdinkende gelowiges, met stylvolle visuele toepassings en roerende verhale oor ontluikende kerke.

Nuwe drome vir nuwe werklikhede het my kop van voor af geswaai. Dit is goed, groot en groots! Nelus het goed daarin  geslaag om die insigte van die mees invloedryke eietydse denkers oor kerkwees in homself te internaliseer en op vars maniere te verwoord! Hiermee saam het hy ‘n klompie radikale nuwe insigte op ons elkeen se kerklike voorstoep kom neersit. Lees dit … en droom saam oor die kerk van die Here in die nuwe werklikhede wat voor ons staan.

Nouja, ‘n mens moet onmiddellik vra of daar nie ‘n skroef los is nie as jou kop geswaai en oopgemaak word deur iemand wat met ’n aansteeklike nederigheid Harry Potter en ontluikende teoloë omhels wat die Here Jesus in die openbaar verloën, soos o.a. Brian McLaren, Leonard Sweet, Rob Bell Tony Jones, Doug Pagitt en ook ander persoonlikhede van die Ontluikende Kerk. Beide Rob Bell en Doug Pagitt na wie Nelus Niemandt in sy boek verwys, het teen die wil van God se opdrag in 2 Kor 6:14 verlede jaar tussen 11 en 15 April tydens die “Seeds of Compassion” konferensie in Seattle, Amerika, saam met die 14de geïnkarneerde Dalai Lama van Tibet (wat as ‘n god beskou word), en Boedhiste, Mohammedane, Hindoes, Jode en ander gelowe op dieselfde verhoog verskyn om te besin oor nuwe wyses waarop barmhartigheid wêreldwyd verspei kan word. En ja, ek het amper vergeet, die immergroen grappiesmaker van die Anglikaanse Kerk, Biskop Desmond Tutu, was ook daar. Hy het langs die Dalai Lama op ’n erestoel gesit. Hulle het deurentyd met mekaar gewedywer om te kyk wie nou eintlik die nederigste was. Desmond het na Lama verwys as “your holiness” en Lama het op ’n keer na Demond verwys as “my boss.” Die Evangelie wentel lank nie meer om die kruis van Jesus Christus en wat Hy  as plaasvervangende slagoffer met ons sondige natuur aan die kruis gedoen het nie, maar om ander se pyn en seerkry jou eie te maak. Sprekers asook konferensiegangers by die konferensie het telkens van hulle eie en ander se stories  van pyn, lyding en seerkry vertel en hoedat hierdie beginsel in alle godsdienste vooropgestel word en dus as ‘n eenheid kan saamwerk om barmhartigheid (“compassion”) in die wêreld te verspei. Die konferensie was hoofsaaklik op die jeug gerig. Nelus sê op bladsy 102 van sy boek “Nuwe Drome vir Nuwe Werklikhede”

Die waarheid is natuurlik dat dit nie so maklik is om by ander mense betrokke te raak nie. Die indiwidualisme van ons tyd het ons hard gemaak. Dit vat moed om ander se pyn, seerkry en nood jou eie te maak. Maar dit is die evangelie. Een van die beste maniere om ander se pyn en seerkry jou eie te maak, is om te luister na die stories van ander. Stories is die beste medisyne teen alleenheid en indiwidualisme. Dit is eers wanneer ons aan mekaar gebind is en genoeg vertroue het om ons verhale van seerkry met mekaar te deel, dat lewensveranderende genesing kan begin. (Nuwe Drome vir Nuwe Werklikhede, p. 102)

Die Dalai Lama en Desmond Tutu kon hierdie woorde netso as ‘n inleiding tot hulle “Seeds of Compassion” Konferensie gebruik het.

Wat! Ons moet na mekaar se stories luister en mekaar se hartseer, lyding en pyn met mekaar deel sodat daar genesing kan kom? Dit is niks anders as ‘n klap in die gesig van die Here Jesus wat gesê het:

Mat 11:28 en 29 Kom na My toe, almal wat vermoeid en belas is, en Ek sal julle rus gee. Neem my juk op julle en leer van My, want Ek is sagmoedig en nederig van hart, en julle sal rus vind vir julle siele; want my juk is sag en my las is lig.

Suid-Afrika, en in die besonder die Suid-Afrikaanse kerke, hoe lank gaan julle hierdie valse leraars en profete verduur? Hoe lank gaan julle nog toelaat dat hulle die Here Jesus se gesig met hulle spuug, hoon, smaad en hulle sg. liefde skend, sy heilige Naam beswadder en oneer aandoen?

Die Evangelie is om ander se pyn, seerkry en nood jou eie te maak? Werklik . . .? Indien dit so was, sou dit beteken dat elke Jan Rap en sy maat in enige ander godsdiens die Evangelie (Goeie Booskap) sou kon uitdra en verkondig omdat, soos die “Seeds of Comapassion” Konferensie aangetoon het, alle godsdienste daarop aanspraak maak dat dit hulle doel is om ander mense se pyn, seerkry en nood hulle eie te maak. Is dit die soort kop-swaaiende leuens wat Dr. Stepan Joubert met die aansteeklike nederigheid van Dr. Nelus Niemandt ten hemele besing en aanprys? Waarom kry so baie mense in ons gebroke wêreld so seer; waarom ly hulle en is hulle nood soms so groot? Statistieke toon dat die gulsige gierigheid, korrupsie en inhaligheid van wêreldleiers, en veral in Afrika, een van die grootste oorsake is van die ellendige armoede en hongersnood waarin miljoene mense hulle tans bevind. Ook hier in Suid-Afrika, is daar byna daagliks berigte in die media van leiersfigure wat die grootste belhamels is ten aansien van die verarming van die grootstye deel van die land se bevolking. Carel Niehaus en die groot kerkman, Alan Boesak, is sprekende voorbeelde van leiersfigure wat hulle eie mense se seer, nood en pyn met hulle korrupsie vererger en vergroot het. G’n wonder die Bybel sê dat die hele wêreld in die mag van die bose lê nie. Die Here waarsku ons in sy Woord dat daar ‘n tyd sal kom wanneer wetteloosheid, anargie en chaos hoogty sal vier omdat die gees van die antichris en sy wetteloosheid die hele samelewing sal deursuur.

Met in agneming van die hoëlui se korrupsie in Suid-Afrika word die oproep om die pyn, seerkry en nood van die mense jou eie te maak ‘n belaglikheid omdat die sg. geestelikes weinig of ooit die werklike oorsake van hierdie lyding en nood aanspreek. Pleks van om dit te doen, begogel die postmoderne geestelikes ons jeug deur hulle aandag af te trek van die werklike probleme in die land en hulle gewoond te maak aan God-onterende boeke en films soos Harry Potter, The Matrix, Lord of the Rings, The Golden Compass, en ander okkultiese media. Nog meer, om hulle verstand te benewel met mistieke praktyke soos Lectio Continua, Lectio Divina, Labarinte wandelings ens. ens.

Stephan besing die lof van Nelus se verstaan van die bedreiging wat die “Christenheid” vir die Evangelie van Jesus Chistus inhou, maar is klaarblyklik heeltemal blind vir die gevare wat Harry Potter en die ontluikende teoloë daarvoor inhou. Nelus skryf soos volg oor die belang wat antieke geloofspraktyke, insluitende towery (wat oorvloediglik in die Harry Potter reeks beoefen word) op ons jeug het.

In die Harry Potter‑reeks illustreer die films die belang van antieke waarhede vir nuwe geslagte. Let op hoeveel boeke daar in die klaskamers en kantore van die skool is waar die verhaal afspeel. Die kinders moet ou-ou waarhede leer. Die kinders moet ook antieke spreuke en lewensreëls aanleer. So word die films (en boeke) ‘n les in die belang van antieke waarhede vir toekomstige geslagte. (Nelus Niemandt: Drome vir Nuwe Werklikhede, p. 138)

Ek sal nie graag eendag in die oordeelsdag in enigeen se skoene wil staan wat ons jongmense op so ‘n gruwelike wyse mislei nie. Daar staan tog immers geskrywe: “ . . . maar elkeen wat een van hierdie kleintjies wat in My glo, laat struikel, dit is vir hom beter dat ‘n meulsteen aan sy nek gehang word en hy wegsink in die diepte van die see.” (Mat 18:6). En tog is Stephan Joubert in ekstase oor die kop-swaaiende goeie, groot, grootse en horisonverskuiwende boek van Dr. Nelus Niemandt.

Voordat ek Nelus Niemandt verder aan die woord stel, wil ek die leser graag net weer herinner aan wat Alice Bailey jare gelede oor die ou antieke leerstellings gesê het:

. . . daar sal ‘n Universele kerk verskyn, en die definitiewe hooftrekke daarvan sal teen die einde van hierdie eeu verskyn . . . Hierdie kerk sal tot aksie aangespoor word deur die Christus en sy dissipels wanneer die uitstorting van die Christus-beginsel, die WARE tweede Koms volbring is . . . die Christenkerk in sy veelvuldige vertakkinge kan as die nukleus dien om wêreldverligting te bereik . . . die kerk as ‘n leerfaktor behoort die groot basiese leerstellings te neem en hulle ware en innerlike spirituele betekenis openbaar. Die belangrikste werk van die kerk is om te onderrig, en onophoudelik te onderrig, en om die uiterlike gedaante te bewaar met die doel om die menigtes wat gewoond is aan kerkgebruike, te bereik. Leiers moet opgelei word; Bybelkennis moet versprei word; die sakramente moet misties vertolk word, en die kerk se krag om te genees moet gedemonstreer word. – Alice Bailey (2) (Uit die Engels vertaal) (Klem bygevoeg). Alice Bailey, The Externalization of the Hierarchy, 1957, Lucis Publishing.) Lucis Trust het aanvanklik bekend gestaan as Lucifer (Satan) Trust.

As dit nie ‘n bloudruk is vir die Ontluikende Kerk nie dan weet ek darem nie so mooi nie. Sy lê klem op presies dieselfde dinge as die leiersfigure in die Ontluikende Kerk.

1. Gebruik die ou basiese leerstellings en herverwoord hulle net so bietjie sodat die menigte kerkgangers wat aan die slaap is met ‘n slap riem gevang kan word.
2. Keer terug na die mistiek van die vroeë kerk (en in besonder die Rooms Katolieke Kerk).

Die vraag is: Waarom moet die Universele (ontluikende Kerk) dan juis bekend staan as ‘n kerk van Jesus- of Christus-volgelinge? Waarom moet die gedaante van godsaligheid behou word? (2 Tim 3:5). Opvallend van hierdie Jesus-volgelinge is dat hulle baie selektief is in hulle keuse van Bybeltekste en veral dié tekste wat nie so lekker verteerbaar is nie gerieflikheishalwe vermy of selfs verwerp. Paulus se uitspraak dat die hele Skrif deur God ingegee is en nuttig is tot lering, tot weerlegging, tot teregwysing, en tot onderwysing in die geregtigheid, is vir hulle onbelangrik omdat dit hulle muilband in hulle vrye keuse om slegs dié tekse te neem wat hulle volgelingskap (dissipelskap) van Jesus beklemtoon. Tekse waarin woorde soos “barmharigheid,” “liefde,” “vrede,” “ontferming,” “goedertierenheid,” “nederigheid,” en “sagmoedigheid” voorkom is hulle kos maar sodra woorde soos “toorn,” “geween en gekners van tande,” “oordeel,” en “poel van vuur” voorkom dan vermy hulle dit soos die dood. Waarom moet die Ontluikende Kerk mense voortbring wat as volgelinge van Jesus bekend staan? Ek dink die antwoord moet gesoek word in die feit dat die Antichris, wanneer hy uiteindelik op die toneel verskyn, sal sê “Ek is die Christus.” Die woord “Antichris” het tegelykertyd twee aanvullende betekenisse – “teen Christus” maar ook “in die plek van Christus.” Die voor die handliggende betekenis hiervan is dat sy volgelinge ook as Christus- of Jesus-volgelinge bekend moet en sal staan. Indien  die Antichris ‘n namaaksels is van die werklike Christus, dan moet sy volgelinge dus ook namaaksels wees van die werklike volgelinge van Jesus. Laat my toe om u te vra: “Volg jy die werklike Jesus van die Bybel of ‘n namaaksel van Hom?” G’n wonder die Here Jesus het gewaarsku nie: “Pas op dat julle nie mislei word nie.”

Die kerk moet dus nie afgeskryf word nie; dit moet net in ou-nuwe (ancient-future) gedaantes waarvan die mistiek ‘n oorkoepelende rol speel, ingebed word om van hierdie wêreld ‘n beter plek te maak. Die kerk is inderdaad reeds deur die post-moderne fasiliteerders (change-agents) gekaap en hulle is besig om Alice Bailey se aanbevelings vir die kerk baie getrou na te volg, of hulle dit wil erken of nie. Kom ons kyk nou wat sê Nelus Niemandt wat daarin geslaag het om Stephan Joubert se kop te swaai (en ek weet nie hoeveel ander predikante se koppe ook nie. Ek kan jou verseker, daar is reeds baie predikante wat Sondae vanaf hulle preekstoele die Ontluikende Kerk aan hulle lidmate opdis, en ook diegene wat nie daarmee wil saamgaan nie, uit hulle kerke ban.

Antieke spiritualiteit

Ontluikende kerke het ‘n voorliefde vir die antieke spiritualiteit en gebruike wat in die vroeë kerk teenwoordig was . . . Ewin McManus praat van die Christelike lewe as The Barbarian Way om daarmee aan te dui dat dit ‘n lewe van dissipelskap is wat op die gebruike van die vroegste Christene gebou is. Hy sê dat dit ‘n tragedie is dat so baie Christene Jesus as Here bely, maar onder die invloed van Christenheid mak geword het en so die krag van hulle antieke spiritualiteit verloor het.

Die geloofwaardigheid van jou dissipelskap word dus nie meer langer getoets aan jou gehoorsaamheid aan Christus se vereistes vir dissipelskap nie (Matt 16:24; Luk 16:24), maar die gebruike (tradisies) van die vroegste Christene en die krag van hulle antieke spiritualiteit. Paulus het gewaarsku: “Want ek weet dit, dat ná my vertrek wrede wolwe onder julle sal inkom en die kudde nie sal spaar nie. Ja, uit julle self sal daar manne opstaan wat verkeerde dinge praat om die dissipels weg te trek agter hulle aan” (Hand 20:29, 30)

Geestelike dissiplines

Daar is besondere waardering vir die ou gebruike en geestelike dissiplines wat vir baie eeue ‘n groot rol in die Christelike kerk gespeel het. Ontluikende kerke wil ‘n mens juis help om hierdie antieke geloofspraktyke nuut te ontdek en te waardeer. In sekere kerke word sover moontlik by die klassieke gebedsure gehou, terwyl baie van hulle ryklik van die Lectio Continua gebruik maak. Dit is nogal verrassend om te ervaar hoe Tony Jones, een van die leiers in die ontluikende kerke, jongmense leer om antieke geloofsdissiplines te beoefen. Sy boekie “Read, Think, Pray, Live” kon netsowel gedien het as ‘n gids vir gelowiges in antieke tye. Hy bespreek lectio continua, oratio en contemplatio met die grootste gemak en verryk jongmense se geloof deur hierdie antieke dissiplines. Sy uitgangspunt is om weg te beweeg van die modernistiese benadering waar die teks beskou word as ‘n probleem wat opgelos moet word. Dit is nie asof die Here ‘n raaisel, toegedraai in poësie of prosa, geskiedenis of apokaliptiek, brief of Evangelie, aan die mensdom gegee het wat ten alle koste opgelos moet word nie. Dit is nie die mens wat bo-oor die Bybel staan om dit te interpreteer nie — die antieke gewoontes is eerder om jouself onder die Bybel te plaas en toe te laat dat die Bybel jou interpreteer. Len Sweet speel met die Engelse woord understand. “To understand the Bible, you must stand under it!”

In kort kom dit daarop neer dat jy nie meer nodig het om die Bybel met sy poësie of prosa, geskiedenis of apokaliptiek, of selfs die sendbriewe van Paulus en die ander apostels te verstaan nie. Daar is nou ‘n veel makliker en vinniger manier om in die teenwoordigheid van God te kom en te lewe ­­­— die beoefening van die antieke kontemplatiewe spiritualiteite­­­­ wat jou leer hoe om jouself   nederig onder die gesag van die Bybel te plaas. Len Sweet beïndruk mense met “sweet” woordespel “To understand the Bible, you must stand under it” maar as jy so ‘n bietjie dieper delf in sy en die ander ontluikende gurus se mening oor Bybelse leerstellings, dan word dit gou duidelik dat hulle hul juis nie onder die gesag van die Bybel plaas nie. Sweet skryf op bladsy 249 van sy boek “Quantum Spirituality” as volg oor die Evangelie van Jesus Christus.

The gospel is a story that is only partially completed. (D.w.s. die Here Jesus se triomfantelike uitroep aan die kruis “Dit is volbring” is betekenisloos). Openess to the mysterious suprises of the Spirit working through Logos, Pathos, Ethos, and Theos must affect our understanding of truth if we are to walk where the concret ends. Old things need to be said in new ways. New things can only be said in new ways. When they get corseted into old concepts, they get distorted and damaged. (Klem byegevoeg).

Volgens die ontluikende teoloë moet jy dus in jou soeke na die waarheid die Evanglie nie in konkrete, klaar-afgebakende grense inperk nie maar met die hulp van ou waarhede nuwe konsepte daaroor ontdek. Is dit miskien die rede waarom Brian McLaren in samewerking met Leonard Sweet ‘n nuwe korrupte vertaling van die Bybel, genaamd The Voice die lig laat sien het?

Leonard Sweet se “sweet” beeldspraak “To understand the Bible, you must stand under it!” kry ’n geweldige lelike wanklank wanneer jy die voorwoord tot sy boek “Quantum Spirituality” waarin hy erkenning verleen aan die “New Light Leaders” lees. Daarin gee hy o.a. erkenning aan Matthew Fox, die bekende Episkopaalse priester wat die boek “The Coming of the Cosmic Christ” geskryf het. Hierin skryf hy soos volg:

I foresee a renaissance, “a rebirth based on a spiritual initiative” … This new birth will cut through all cultures and all religions and indeed will draw forth the wisdom common to all vital mystical traditions in a global religious awakening I call “deep ecumenism.” [Matthew Fox, The Coming of the Cosmic Christ (San Francisco, CA: HarperCollins, 1988), p. 5.

Daar word gesê dat Stephan Joubert vandag een van die stemme is wat die duidelikste vir die Here in Suid-Afrika opklink. Kom ons toets hierdie lofuiting aan die sg. reëls van assosiasie.

• Stephan praat met groot lof van Nelus Niemandt.
• Nelus Niemand besing die lof van Leonard Sweet.
• Leonard Sweet gee erkenning aan een van die ”New Light leaders,” Matthew Fox.
• Matthew Fox verkondig die weergeboorte van ‘n spirituele inisiatief wat deur die koms van die Kosmiese Christus in alle kulture en godsdienste ingeadem sal word.

So terloops, Max Lucado het ‘n boek geskryf met die titel “A Cosmic Christmas” waarin hy op lasterlike wyse die vleeswording van Christus beskrywe. Die engel Gabriël ontvang ‘n flesse van die Vader wat aanvanklik leeg is maar wanneer hy weer kyk, sien hy dat dit gevul is met die essensie van Christus.

He [God the Father] motioned toward me, and I responded, kneeling again before Him. Handing me the necklace, he explained, “This vial will contain the essence of Myself; a Seed to be placed in the womb of a young girl. Her name is Mary. She lives among My chosen people. The fruit of the Seed is the Son of God.
Take it to her.”
“But how will I know her?” I asked.
“Don’t worry. You will.”
I could not comprehend God’s plan, but my understanding was not essential. My obedience was. I lowered my head, and He draped the chain around my neck. Amazingly, the vial was no longer empty. It glowed with Light. (Klem bygevoeg)

Het jy opgemerk hoe subtiel jy geleer word om die Bybel nie te verstaan nie maar om soos ‘n zombie maar net gehoorsaam te wees? “I could not comprehend God’s plan, but my understanding was not essential. My obedience was.” Die Here sê dan juis dat sy volk (kinders) te gronde gaan weens ‘n gebrek aan kennis (Hosea 4:6).

En ek was nog altyd onder die indruk dat die Here Jesus uit die maagd Maria gebore is deur die Heilige Gees. Nou hoor ek die engel Gabriël was ook daarby betrokke. Ja, natuurlik het die engel Gabriël as boodskapper van die geboorte van Jesus aan Maria verskyn, maar ek lees nêrens dat hy ‘n fles met die essensie van Jesus in haar moedrskoot moes inplant nie.

Dit is maar weer eens die ou afgesaagde storie van die Julian Mullers van hierdie wêreld dat die Evangelie herverwoord moet word om aan te pas by die post-moderne mens se denke en leefwêreld. Kyk maar weer ‘n slag wat Alice Bailey hierbo gesê het en lees sommer ook wat sy oor die Koninkryk van God hier op aarde gesê het:

Your spiritual goal is the establishing of the Kingdom of God. One of the first steps towards this is to prepare men’s minds to accept the fact that the reappearance of the CHRIST is imminent. You must tell them everywhere that the Masters and Their groups of disciples are actively working to bring order out of chaos. You must tell them that there IS a Plan, and that nothing can possibly arrest the working out of that Plan. You must tell them that the Hierarchy stands, and that it has stood for thousands of years, and is the expression of the accumulated wisdom of the ages. You must tell them above all else that God is love, that the Hierarchy is love, and that Christ is coming because He loves humanity.

“It is time that the church woke up to its true mission, which is to materialize the kingdom of God on earth, today, here and now.… People are no longer interested in a possible heavenly state or a probable hell. They need to learn that the kingdom is here, and must express itself on earth … The way into that kingdom is the way that Christ trod. It involves the sacrifice of the personal self for the good of the world, and the service of humanity…” — Alice Bailey (Cited in chapter 15 of “In The Name of Purpose”).

Ek sluit hierdie eerste deel van my besinning oor die liefde af met hierdie vraag. As Dr. Stephan Joubert so ‘n belangrike stem is wat vir die Naam van Jesus in Suid-Afrika opklink, waarom vereenselwig hy hom met mense wat Jesus Christus se Naam oneer aandoen en verloën? Waarom repudieer hy hulle nie in die openbaar nie? Waarom kies hy nie om gehoorsaam te bly aan die Here wat hy sê hy navolg nie? Waarom doen hy nie wat Paulus gesê het “om hard te stry vir die geloof wat eenmaal deur die apostels aan ons oorgelwer is” nie? Ek wil hom uit die diepte van my hart aanmoedig om hom van sy verkeerde weë te bekeer en daadwerklik te begin om hard te stry vir die Evangelie van Jesus Christus en nie ‘n klomp valse profete se leuens die lof te besing nie. Ware liefde is om God se kudde teen valse leraars en hulle dwaalleringe te beskerm. Doen dit asseblief.

Ons wil nie luister nie en ons sal nie luister nie

Sommige van die mees tragiese gebeure in die Ou Testament was toe Israel keer op keer in God se gesig vir Hom gesê het: “ons wil nie luister nie en ons sal ook nie luister nie.”

Jer 6:17 Ek het ook wagte oor julle gestel en gesê: Luister na die geluid van die basuin. Maar hulle het geantwoord: Ons wil nie luister nie.

Jer 7:27 Ook moet jy al hierdie woorde aan hulle meedeel, maar hulle sal na jou nie luister nie; en jy moet na hulle roep, maar hulle sal jou nie antwoord nie.

Jer 22:21  Ek het met jou gespreek in jou sorgelose rus, maar jy het gesê: Ek wil nie luister nie. Dit was jou weg van jou jeug af, dat jy na my stem nie geluister het nie.

As jy mooi kyk na die bogenoemde verse, sal jy sien hulle is almal nat van die trane van die profeet — die trane van die wenende profeet, Jeremia, soos hy ook genoem is. Daar was ook  ‘n ander profeet wat groter is as Jeremia wat op ‘n dag met ‘n gebroke hart en stem uitgeroep het:-

Mat 23:37 Jerusalem, Jerusalem, jy wat die profete doodmaak en stenig dié wat na jou gestuur is, hoe dikwels wou Ek jou kinders bymekaarmaak net soos ‘n hen haar kuikens onder die vlerke bymekaarmaak, en julle wou nie!

As die mens, volgens die Calvinisme, nie ‘n wil van sy eie gehad het nie, sou die Here Jesus nooit met so ‘n diepgrondige hartgebrokenheid kon uitroep, “en julle wou nie.” Dit, net so terloops.

Dit was voorwaar tragiese insidente in die geskiedenis van Israel, maar daar is iets wat vandag nog tragieser is.

2Tim 4:3 . . .  daar sal ‘n tyd wees wanneer hulle die gesonde leer nie sal verdra nie, maar, omdat hulle in hul gehoor gestreel wil wees, vir hulle ‘n menigte leraars sal versamel volgens hulle eie begeerlikhede, (Klem bygevoeg).

Deesdae is die mense darem so ‘n bietjie meer beskaafd; hulle sê nie botweg “ons wil of sal nie luister nie — Hulle sê: “Ons wil en sal luister na die predikers en leraars na wie ons graag wil luister, wat ons ore en ons harte met hulle mooi motiverings- en selfbeeldpreke streel, wat nie soos die nare fundamentalistiese Christene vir ons vertel dat daar ‘n verskriklike periode van ‘n Groot Verdrukking en ‘n Armeggadon op hande is nie, ‘n verdrukking wat daar nog nooit in die verlede en nooit weer in die toekoms sal wees nie. Ons wil nie hoor dat Jesus se wederkoms voor die deur is om die wêreld te oordeel nie. Ons wil eerder luister na leraars wat ons vertel dat die hele wêreld vir Christus gewin kan word en dat Sy Koninkryk hier en nou deur die nuwe super-apostels van die Ontluikende kerk en hulle missionêre volgelinge gevestig kan word. Gee eerder vir ons sulke leraars want ons is moeg om te luister na die fundamentalistiese Christene wat voortdurend vir ons sê ons moet ons bekeer en ook in ons pasoppens moet wees om nie mislei te word nie. Die Here sal in elk geval nie toelaat dat ons mislei word nie want HY is ‘n God van liefde.”

Hulle smag nie na ‘n sjirurg wat die doodsgevaarlike kanker kan uitsny nie maar na kwaksalwers wat pleistertjies opplak en met ‘n mooi soet stem vir hulle sê “Toemaar, alles sal regkom. Die toekoms vorentoe is blink, rooskleurig en belowend. God het ‘n besondere doelgerigte lewe vir julle in die oog. Julle moet dit maar net ontdek. Lees my boek en julle sal verseker weet wat daardie doel is.” Ons sien hierdie tendens ook telkens by die inhuldiging van nuwe presidente waarby die outeurs van hierdie “blockbuster” boeke dikwels die inhuldingsgebede doen. Hulle belowe almal vrede in die Midde-Ooste en ‘n wonderlike nuwe era wat op die horison vir ons wink. Wat sê die God wat hemel en aarde gemaak en die mens na sy beeld geskape het en gereed staan om die weerbarstiges te oordeel?

1Tes 5:3 Want wanneer hulle sê: Vrede en veiligheid—dan oorval ‘n skielike verderf hulle soos die barensnood ‘n swanger vrou, en hulle sal sekerlik nie ontvlug nie.

Dit is nie dat die mens nie die vermoë het om sulke ernstige waarskuwings te verstaan nie. Hulle verseg om na God te luister. Hulle sê onbeskaamd en met ‘n mooi aangeleerde godsdienstige arrogansie: “Ons wil nie luister nie; ons luister eerder na leraars wat vir ons ‘n mooi prentjie van die toekoms voorhou,” en glo my daar is ‘n groeiende kontingent leraars wat die “oor-streel-soekende-Christene” met graagte tegemoet kom en hulle leer dat daar ‘n wonderlike wêreldwye herlewing net hier om die hoek vir ons lê en loer. Jy sal dit waarskynlik weer ‘n slag hoor tydens Moreletapark Gemeente se Daniëlkonferensie (19-21 Maart 2009) wanneer Angus Buchan op dieselfde verhoog sal verskyn met Bennie Mostert en Graham Power en jou sal vertel dat Suid-Afrika reeds midde-in ‘n groot herlewing is.

Klink dit miskien vir jou ‘n bietjie oordrewe en verregaande? Nee!  sê ek, want Suid-Afrika is besig om oorspoel — ek wil amper sê ge-tsunami-niseer — te word  met ‘n spul valse leraars wat God se skape en lammers verslind, verskeur en eenvoudig net opeet. En wie bring hulle hierheen . . . wie nooi hulle om hulle valse leerstellings oor ons land uit te strooi? — niemand anders as ons bekendste plaaslike predikers en hulle megakerke nie. ‘n Mees resente voorbeeld hiervan is die uitnodiging wat die Moreletapark gemeente in Pretoria en een van hulle leierspredikante, Ds. Dirkie van der Spuy, aan Tony Campolo gerig het om hulle as hoofspreker van 19 tot 21 Februarie vanjaar tydens hulle Missions Fest toe te spreek.

Wie is Tony Campolo?

Die Here Jesus het op ‘n dag gesê dat ons ‘n boom aan sy vrugte sal ken en om dit te kan doen moet ons die vrugte wat die lippe van hierdie leraars voortbring ook toets omdat ons uit ons woorde geoordeel sal word (Mat 12:35-37).

Tony Campolo is ‘n akademiese produk van Eastern University en hy het ‘n Ph.D op Temple University verwerf. Hy is tans Emeritus Professor in Sosiologie aan die Eastern University in St. Davids, Pennsylvania. Hy het reeds om en by 30 boeke geskryf waarvan Revolution and Renewal: How Churches Are Saving Our Cities een van sy bekendstes is. Hy is die stigter van die Evangelical Association for the Promotion of Education (EAPE) en dien ook op die Verwyssingsraad van Renovaré, ‘n New Age ekumeniese organisasie wat die meditatiewe en kontemplatiewe spiritualieit van die vroeë kerk (Roomse Kerk en Woestynvaders) beoefen en bevorder. Hy is ‘n groot aanhanger van Pierre Teilhard de Chardin wat die kosmiese Christus van die New Age verkondig het en nie die Christus van die Bybel nie. Campolo skryf bv. op bladsy 89 van sy boek How to Rescue the Earth Without Worshiping Nature:

If the Shalom of God and the peaceable kingdom of Isaiah 11 are to become real, then new ways of thinking must be established. With some help from St. Francis and Teilhard de Chardin, we just might make it.

Sy woorde “we just might make it” is gelaai met sy hele siening rondom die domeinistiese idee dat die mens self God se koninkryk hier en nou op die aarde kan vestig. Trouens, hy glo vas dat die probleme waarmee die wêreld te kampe het die regstreekse gevolge is van die eindtyd verkondigers en dat hulle selfs die oorsaak is van oorloë. In sy boek Speaking my Mind op bladsy 207 en 215 vaar hy as volg teen die Here Jesus, Paulus, die apostels en die hedendaagse verkondigers van ‘n eintyd Armeggadon en Groot Verdrukking uit.

Their doctrines are a major factor in determining a far-ranging set of consequences that include American policies regarding militarism, the emergence of evangelical Zionism, attitudes toward Palestinians and the role of American geopolitics.

. . . [whose] “impact on geopolitics can only lead to war.

Hoe is dit moontlik dat iemand homself ‘n Christen kan noem terwyl hy hom vereeenselwig met ‘n persoon soos Pierre Teilhard de Chardin wat sulke onbybelse uitlatings kon maak soos die volgende:

. . . a general convergence of religions upon a universal Christ who … satisfies them all: that seems to me the only possible conversion of the world, and the only form in which a religion of the future can be conceived [1] (Klem bygevoeg).

If, as the result of some interior revolution, I were to lose in succession my faith in Christ, my faith in a personal God, and my faith in spirit, I feel that I should continue to believe invincibly in the world. The world (its value, its infallibility and its goodness) – that, when all is said and done, is the first, the last, and the only thing in which I believe. It is by this faith that I live. And it is to this faith, I feel, that at the moment of death, rising above all doubts, I shall surrender myself. [2] (Klem bygevoeg)

Pierre Teilhard de Chardin het hom oorgegee aan sy geloof in ‘n onfeilbare en goeie wêreld en was bereid om by die oomblik van sy dood onwrikbaar aan hierdie geloof vas te kleef. Wat het die Here Jesus van mense gesê wat hierdie wêreldsisteem leer liefkry?

Jak 4:4 Egbrekers en egbreeksters, weet julle nie dat die vriendskap van die wêreld vyandskap teen God is nie? Wie dan ‘n vriend van die wêreld wil wees, word ‘n vyand van God.

Wat sê Tony Campolo oor die mens?

Sy siening van die mens speel waarskynlik ‘n groter rol in die formulering van sy doktrine oor die eindtye as wat ‘n mens sou verwag. Indien die mens self God of ‘n goddelike wese is, het hy die Here kwalik nodig om  Sy Koninkryk hier op aarde te vestig. Die mens kan dit dan self net so netjies doen.

. . . Isn’t God’s message to sinful humanity that He sees in each of us a divine nature of such worth that He sacrificed His own Son so that our divine potentialities might be realized? … The hymn writer who taught us to sing “Amazing Grace” was all too ready to call himself a “wretch” … Forgetting our divinity and over-identifying with our [Freudian] anal humanity… Erich Fromm, one of the most popular psychoanalysts of our time, recognized the diabolical social consequences that can come about when a person loses sight of his/her own divinity . . . [3]

Demonologie het in Campolo se briljante denke ‘n geheel ander betekenis gekry. As jy nie glo dat jy self God of goddelik is nie, dan speel in jy die hande van die duiwel en sy diaboliese strategie om die gemeenskap te belemmer.

Wat sê Tony Campolo oor verlossing?

I am saying that there is no salvation apart from Jesus; that’s my evangelical mindset. However, I am not convinced that Jesus only lives in Christians.[4]

. . . what can I say to an Islamic brother who has fed the hungry, and clothed the naked? You say, “But he hasn’t a personal relationship with Christ.” I would argue with that. And I would say from a Christian perspective, in as much as you did it to the least of these you did it unto Christ. You did have a personal relationship with Christ, you just didn’t know it.[5]

Jesus is the only Savior, but not everybody who is being saved by Him is aware that He is the one who is doing the saving.[6] (Klem is deurgaans bygevoeg)

Werklik! Die Een wat verlossing bewerk, het juis radikaal die teenoorgestelde gesê:

Joh 17:3 En dit is die ewige lewe, dat hulle U ken, die enige waaragtige God, en Jesus Christus wat U gestuur het. (Klem bygevoeg).

Ek wil dit nie graag glo nie, maar Morletapark Gemeente en hulle leierskap se geneentheid om ‘n man te nooi wat die verlossingleer van Jesus Christus so openlik en agresssief teëstaan, is ‘n rooivlag waarskuwing van hoe ver hulle geestelik agteruitgegaan het. Is daar dan niemand in hulle kerk wat die spuug van smaad en hoon van Christus se gesig kan afvee nie? Hier volg nog ‘n paar Tony Campolo uitlatings oor verlossing.

What I am trying to say is that Jesus who incarnated God 2,000 years ago is mystically present and waiting to be discovered in EVERY person you and I encounter.[7]

I do not mean that others represent Jesus for us. I mean that Jesus actually is present in each other person.[8]

One of the most startling discoveries of my life was the realization that the Jesus that I love, the Jesus who died for me on Calvary, that Jesus, is waiting, mystically and wonderfully, in every person I meet. I find Jesus everywhere. The difference between a Christian and non-Christian is not that Jesus isn’t in the non-Christian—the difference is that the Jesus who is within him is a Jesus to whom he will not surrender his life. You say, “Are you saying that Jesus is present in everybody?” I am only telling you what it says in John 1:9; He is the light that lighteth every man, every woman that cometh into the world. The minute you start saying that God isn’t in some people, you’re on the verge of Fascism. Why? Erich Fromm saw that. The minute you can look at somebody and say God isn’t in him–he is only in Christians—that person is pure demon.[9] (Klem is deurgaans bygevoeg).

Wat hy einlik maar sê is dat die fundamentalistiese Christene wat sê jy moet eers die Evangelie van Jesus Christus glo, tot bekering kom en van bo deur God gewederbaar word voordat HY in jou kan woon, ‘n spul demone is. Het jy dit gehoor? Ek vertrou daar is heelwat kinders van die Here in Moreletapark Gemeente wat glo soos die Skrif sê en waaragtig tot bekering gekom het. Vir hulle het ek baie slegte nuus. Sou jy jou verwerdig om te gaan luister na Tony Campolo wat Jesus Christus, jou Saligmaker en Heer, so laster, dan gaan jy daar sit as ‘n “demoon” omdat Campolo jou sonder omhaal ‘n demoon noem. Maar troos jou daaraan dat jy in baie goeie geselskap verkeer omdat Paulus dan ook, volgens die super-apostel Tony Campolo, ‘n demoon was want hy het op ‘n kol gesê:

Rom 8:9 julle is egter nie in die vlees nie, maar in die Gees, as naamlik die Gees van God in julle woon. Maar as iemand die Gees van Christus nie het nie, dié behoort nie aan Hom nie (Klem bygevoeg).

Selfs die Here Jesus moes dan volgens die super-apostel, Tony Campolo, ‘n demoon gewees het omdat Hy gesê dat dat bitter min mense die Nou Poort en die Smal Pad vind. Maar nee! die ex cathedra uispraak van Tony Campolo bewys onomwonde dat Jesus Christus in alle mense woon al het hulle nog nie die Nou Poort en die Smal Pad gevind nie.

Mat 7: 13 en 14 Gaan in deur die nou poort, want breed is die poort en wyd is die pad wat na die verderf lei, en daar is baie wat daardeur ingaan. Want die poort is nou en die pad is smal wat na die lewe lei, en daar is min wat dit vind (Klem bygevoeg)

Interessant genoeg, net nadat die Here Jesus hierdie woorde gesê het, het hy sy dissipels gewaarsku teen die valse profete wat dinge sou sê wat nie in harmonie is met sy eie woorde nie. Het HY miskien o.a. na Tony Campolo verwys toe HY dit gesê het?

Vers 15 Maar pas op vir die valse profete wat in skaapsklere na julle kom en van binne roofsugtige wolwe is. (Klem bygevoeg).

Wat sê Tony Campolo oor die meditatiewe of kontemplatiewe spiritualiteit?

Soos u seker reeds weet, word die kontemplatiewe spiritualiteit met sy laberinte, kruisstasies, asemgebede, die stilte, retraits, lectio divina, lectio continua, enneagramme, Emmaus wandelings, “centering prayer,” “coram deo” en Taize al geruime tyd deur verskeie predikante, leraars en akademici in hulle kerke beoefen en bevorder. Dr. Nelus Niemand se boek “Nuwe Drome vir Nuwe Werklikhede” het die kontemplatiewe spiritualteit van die Ontluikende Kerk ‘n geweldige hupstoot gegee in die NG Kerk. Hoor wat sê Tony Campolo oor hierdie uiters gevaarlike, antichristelike en onbybelse spiritualiteit.

[M]ysticism [contemplative prayer] provides some hope for common ground between Christianity and Islam. Both religions have within their histories examples of ecstatic union with God … I do not know what to make of the Muslim mystics, especially those who have come to be known as the Sufis. What do they experience in their mystical experiences? Could they have encountered the same God we do in our Christian mysticism?“[10]

Hy skryf in Letters to a Young Evangelical op bladsy 20

In my case intimacy with Christ has developed gradually over the years, primarily through what Catholic mystics call ‘centering prayer.’ Each morning, as soon as I wake up, I take time-sometimes as much as a half hour-to center myself on Jesus. I say his name over and over again to drive back the 101 things that begin to clutter up my mind the minute I open my eyes. Jesus is my mantra, as some would say.[11] (Klem bygevoeg).

Wat sê die Here Jesus Christus?

Mat 6:7 En as julle bid, gebruik nie ‘n ydele herhaling van woorde soos die heidene nie, want hulle dink dat hulle deur hul baie woorde verhoor sal word.

Miskien sal hulle onmiddellik vir jou sê dat hulle nie die Naam van die Here Jesus as ‘n mantra herhaal omdat hulle gebedsverhoring soek nie, maar net om in sy teewoordigheid te kom. En ek het nog altyd gedag dis alleenlik die bloed van Jesus wat jou in God se teenwoordigheid bring en daar hou.

Ek het onlangs ‘n paar  kommentare op Ds. Attie Nel van die Bergsig NG Gemeente in Rustenburg se blog “Attie se Koffietafel” geskryf in antwoord op sy artikel, “Leef Coram Deo.” In kort handel dit oor twee bekende mistici, Brother Lawrence en Frank Laubach, se boek “Living in the Presence of God.” Toe ek, na aanleiding van die agt maniere wat hy aangevoer het as moontlike wyses om in die teenwoordigheid van God te leef, hom daarop wys dat hy nie ‘n enkele keer melding gemaak het van die enigste manier om in die teenwoordigheid van God te kom en te lewe nie, nl die bloed van Christus (Hebr. 10:19-22), het hy en sy volgelinge soos ‘n “ton of bricks” op my afgekom. Ag, dit was ook nie baie lank daarna nie, toe Ds. Attie my in geen onduidelike taal laat weet het ek is nie welkom op sy blog nie. Die enigste gevolgtrekking waartoe ek kon kom, was, dat sodra iemand God se Woord en die waarhede wat daarin vervat word, opsyskuif ter wille van mense se filosofieë, metodes en slim praatjies, daar ‘n agressie teen Bybelse waarhede en God se kinders by hulle onstaan terwyl hulle die vyande van God liefderik omarm en aanprys.

Jesus Christus het sy volgelinge die opdrag gegee om dissipels te maak van al die nasies en om hulle te leer om alles te onderhou wat Hy hulle beveel het. In die inleiding tot Frank Laubach (1884-1970) se ”Letters by a Modern Mystic” word vertel:

In 1915 Frank Laubach went with his wife to the Philippine Islands as a missionary. After founding churches on the island of Mindanao, he established and became dean of Union College in Manila. In 1930 he returned to Mindanao to work with the Mohammedan Moros who regarded the Christian Filipinos as their enemies. Laubach, however, went with a heart filled with the presence of God and sought only to live among them, not trying to coerce them into Christianity, but living each moment with a sense of God’s presence (Klem bygevoeg).

Terwyl Laubach skynbaar geleer het om elke oomblik in die teewoordigheid van God te lewe, hoofsaaklik by wyse van die beoefening van die mistieke kontemplatiewe spiritualiteit, het baie om hom ‘n ewigheid sonder Christus tegemoet gegaan. So tussen hakies, Tony Campolo is ‘n groot aanhanger van Frank Laubach.

Wat sê Tony Campolo oor die gays?

In sy boek 20 Hot Potatoes verklaar Tony Campolo dat homoseksuele gedrag nie teenstrydig is met die wil van God nie (p.115) en dat homoseksuele oriëntasie nie ‘n keuse nie maar ingebore is (p. 112, 113). Hy skryf:

Actually, Jesus never alludes to homosexuality in his teachings. The fact that homosexuality has become such an overriding concern for many contemporary preachers may be more a reflection of homophobia in the church than it is the result of the emphasis of Scripture [12](Klem bygevoeg).

Hierdie stelling is ‘n flagrante ontkenning dat die hele Skrif deur God (Vader, Seun en Heilige Gees) ingegee is en nuttig is tot lering, tot weerlegging, tot teregwysing, en tot onderwysing in die geregtigheid (2 Tim 3:16). Die Man by wie Abraham gepleit het om Sodom en Gomorra nie te vernietig nie indien daar tien regverdiges in die stad gevind kon word, was niemand anders as Jesus Christus nie (Genesis 18). Daar word nie minder nie as sestien keer in hierdie hoofstuk na Hom verwys as Here (Jehovah – die Selfbestaande Een). Hy het waarskynlik nie na homoseks in sy leringe hier op aarde verwys nie, maar sy oordele rus beslis op homoseks persone indien hulle hul nie tot Hom bekeer en hulle lewenswyse versaak nie, netsoos op enige heteroseksuele persoon wat sou weier om hom tot God te bekeer en sy sondige lewenswyse te versaak. ‘n Heteroseksuele persoon wat net na ‘n vrou kyk met begeerte in sy hart, het klaar owerspel gepleeg en het nodig om hom daarvan te bekeer. Wie is nou beter as wie? Albei, homoseksueel en heterosekuseel, het nodig om hulle te bekeer en hulle sondige lewenswyses te versaak. So-ook moet predikante en gemeentes wat valse leraars uitnooi om hulle toe te spreek, God om vergifnis smeek omdat hulle toelaat dat hulle skape en lammers mislei word.

Ek het op 26 Januarie vanjaar ‘n e-pos aan Moreletapark Gemeente gestuur wat soos volg lui:

Een van die groot litmustoetse wat Jesus aan ons voorgehou het om te bepaal of ons Hom werklik liefhet, vind ons in Johannes 21 toe Hy Petrus drie maal gevra het: “Het jy my lief?” en ook telkens gesê het: “Pas my skape en lammers op en voed hulle.” Ek is bevrees dat Ds. Van der Spuy en almal wat te make het met die reëlings rondom Tony Campolo se besoek aan Moreletapark,  nie juis omgee of Tony Campolo Moreletapark se skape en lammers mislei nie.

Hoe op deeske aarde kan julle as gemeente wat verlede jaar in ‘n hofgeding betrokke geraak het oor ‘n homoseks orrelis in julle gemeente, Campolo toelaat om julle gemeente toe te spreek wat onbybelse menings oor homoseksualisme huldig? “Tony Campolo and his wife Peggy have participated in public debates and discussions about the place of lesbians and gays within church and society. Tony Campolo contends that homosexuality is a sin in practice, though not in orientation.” Campolo is ook baie uitgesproke oor die eenheid wat bereik kan word tussen Christene en Moslems d.m.v. die sg. kontemplatiewe spiritualiteit.

Ek vra julle om ter wille van die Here Jesus Christus en sy Evangelie (wat beslis nie deur Campolo gepredik word nie) julle skape en lammers teen hom te beskerm en om sodoende te bewys dat julle die Here Jesus waarlik liefhet (Johannes 21: 15-17).

Hulle het my tot op hede nog nie geantwoord nie. Miskien verkies hulle om soos die Ou Testamentiese Israel te sê: Ons wil nie luister nie. Nouja! na my hoef hulle nie te luister nie, maar sal hulle na die Here Jesus luister wat by monde van die apostel van liefde gesê het:

2 Joh 1:10 en 11 As iemand na julle kom en hierdie leer nie bring nie, ontvang hom nie in die huis nie en groet hom nie. Want die een wat hom groet, het gemeenskap aan sy bose werke.

(Die “groet” in hierdie verband beteken natuurlik nie dat jy nie vir hom “hullo”,” goeiedag of goeienaad moet sê nie. Die “groet” in daardie dae was “shalom” wat beteken “mag die vrede van die Here jou vergesel” of “gaan in die vrede van die Here.” As jy dit vir ‘n valse leraar of profeet sou sê, dan beteken dit dat jy God se vrede ook oor sy valse leerstellings uitroep en dit as sodanig maak jou ‘n medepligtige aan sy bose werke).

Vergun my ‘n laaste vraag aan Ds. Dirkie van der Spuy en die Moreletapark Gemeente: Sien julle kans om gemeenskap te hê met die bose werke van persone wat die Evangelie van verlossing verdraai en sodoende die Naam van Jesus Christus oneer aandoen . . ? Die tyd het gekom vir die kinders van God in Suid Afrika om te waak, vas te staan in die geloof, manlik te wees, sterk te wees (1 Kor 16:13) en te sê, “Tot hiertoe en nie verder nie. Ons het Christus en sy waarheid lief met ons hele hart en ons verseg om voortaan valse leraars toe te laat om die skape en lammertjies in ons gemeentes te mislei. Ons wil gehoorsaam wees aan Jesus Christus, al kos dit ons lewens.” Tony Campolo is met een woord gesê gevaarlik. Lees gerus hierdie insiggewende artikel oor hom.

---

[1] Pierre Teilhard de Chardin, Christianity and Evolution (New York: Harcourt Brace Jovanovich, 1971), p. 99.

[2] Pierre Teilhard de Chardin, Christianity and Evolution (Collins, 1971), p. 130

[3] Tony Campolo, “Partly Right” 1995

[4] Tony Campolo, National Liberty Journal, 8/99

[5] Tony Campolo, EVANGELICALS AND INTERFAITH COOPERATION, An Interview by Shane Claiborne

[6] Tony Campolo, EP News Service, Oct. 4, 1985

[7] Tony Campolo, “A Reasonable Faith” 1983 p. 171

[8] Ibid, p. 192

[9] In ‘n toespraak in Prestatyn (Verenigde Koninkryk) in 1988,

[10] Tony Campolo, Speaking my Mind, p. 149, 150

[11] Tony Campolo, Letters to a Young Evangelical (New York, NY: Perseus Books Group, 2006), 20.

[12] Tony Campolo, 20 Hot Potatoes Christians are Afraid to Touch, p. 84

Die Paradoksale Teologie van die Post-moderne Predikers

“Teenoorgesteldes is beide waar en geldig”

Die post-modernisme is deurspek met teenstydighede. In die gewone spreektaal verwys ons na hierdie fenomeen as “paradokse.” Dr. Nelus Niemandt, outeur van die boek “Nuwe Drome vir Nuwe Werklikhede” omskryf “paradoksaal” as volg:

Die feit dat verskillende wêreldbeskouings gelyktydig ons wêreld beïnvloed, krap sake nogal om. Een van die gevolge is ‘n paradoksale wêreld. Paradokse beteken dan twee dinge, wat oënskynlik teenoor mekaar staan, terselfdertyd waar en geldig is. Dit is ‘n geval van “die een en ook die ander”. Ons leef in so ‘n en/ook wereld. Die een ding is waar en ook die ander. Teenoorgesteldes is beide waar en geldig. Die lewe en die werklikheid kan nie meer in eenvoudige swart/wit kategorieë geplaas en verklaar word nie.

Dit lyk my paradokse is deel van die wese van die mens. En mense moet sommer gou leer om daarmee saam te leef. [1] (Klem bygevoeg)

Let asseblief noukeurig op die vet gedrukte gedeelte “Die een ding is waar en ook die ander. Teenoorgesteldes is beide waar en geldig.” As jy baie mooi luister, sal jy die gesis van die slang hoor wat Eva in die Paradys met ‘n soortgelyke leuen verlei het: “Is dit ook so dat God gesê het . . .?” Jy het gewis nie ‘n doktorsgraad nodig om agter te kom dat dit wesentlik ‘n aanslag op die ewig en onveranderlike Woord van God is nie. Nog meer, dit is ‘n georkestreerde aanslag van die satan op Jesus Christus wat gesê het: “Ek is die weg en die waarheid en die lewe; niemand kom na die Vader behalwe deur My nie.” Dié paradoks-fenomeen wat kwansuis “deel [is] van die wese van die mens” gee hom dus die reg om met oortuiging te verklaar dat Christus Jesus die Waarheid is sonder om die ander Christusse wat deesdae oral soos paddastoele opspring, as vals te bestempel. Die tragedie hieromheen is dat verskeie invloedryke predikers in toemender mate paradokse in hulle preke en in hulle kommentare op hulle “blogs” inweef. Hulle erken geredelik gou dat Jesus Christus die enigste Verlosser is, maar erken ook heel dikwels netso geredelik maklik dat andersdenkendes in die teologie ook waarhede in pag het. Ek het reeds in een van my vorige kommentare daarop gewys dat ds. Jannie Pelser van die Rant en Dal Gemeenskapskerk in ‘n onderhoud met Flip Loots[2] paradoksaal daarop gewys het dat die mens by God moet begin indien hy nuwe norme en waardes in die samelewing wil uitlewe maar dat die Christen ander geloofsoortuigings ook moet respekteer.

Op Flip Loots se vraag: “Dit is nie net Christene wat sekerlik met moraliteit moet lewe en kerke wat daardie oproep moet doen nie. Hoe voel julle van die Nuwe Hartstigting oor die, kom ek sê, die volledige samelewing van Suid-Afrika, het ds. Jannie soos volg geantwoord.

Ek is so bly jy vra daardie vraag. Maar natuurlik, daar’s baie ander samelewingsverbande en geloofsgroeperinge in Suid-Afrika en as Christene het ons respek en agting vir ander mense en vir hulle oortuigings en as mens begin praat oor eerlikheid, en selfbeheersing, verantwoordelikheid en medemenslikheid, dan sal mense wat in ander groeperinge as die Christelike geloof behoort, ook sê, weet jy, daardie goed is vir ons ook baie belangrik. In ’n sekere sin is hierdie universele waardes . . . (Klem bygevoeg)

‘n Ander mees onlangse voorbeeld van paradoksale teologiese taal verskyn in Prof. Hennie Stander se blogartikels “Hoop vir ‘n Donker Wêreld” en “’n Kerk se Week van Seks.”

In eersgenoemde artikel sê Stander dat Jesus Christus hoop vir ‘n donker wêreld bring, en nie die nuutverkose Amerikaanse President, Barak Obama, nie wat onlangs deur Time-tydskrif aangewys is as “Persoonlikheid van die Jaar” omdat hy “die selfvertroue gehad het om ’n rooskleurige toekoms op ’n donker tydstip te skilder en dat hy die Amerikaners weer hoop gegee het.” Stander sê voorts:

Hiermee het die bekende Time-tydskrif duidelik uitgespel wat dit is waaraan ’n donker wêreld behoefte het: die wêreld soek hoop en soek ’n toekoms. Dit is die soort boodskap wat kinders van die Here by uitstek aan die wêreld kan bring. Dit is net jammer dat ons dit nie genoegsaam verkondig nie. Veral in Kerstyd kan ons gerus weer die boodskap verkondig dat Baba Jesus nie net ’n ou hulpelose babatjie in ’n krip is nie.

. . . Dit is die boodskap van hoop waaraan die wêreld so ’n behoefte het. Daarom dat hulle elke woord van hoop van Obama opslurp. Elke volgeling van Jesus sit met ’n veel beter boodskap van hoop in sy skoot. Kom ons vertel dit vir elke mens rondom ons wat honger is daarvoor. (Klem bygevoeg)

En tog sê Stander in een van sy vorige arikels “’n Kerk se Week van Seks” met meesterlike paradoksale ingeborenheid:

Ek het oor die jare heen baie rondgereis en in verskillende gemeentes regoor Suid-Afrika, asook in die buiteland, gepreek. En binne 10 minute nadat ek by ’n kerk is, kan ek sien of dit ’n lewendige en groeiende kerk is, en of dit ’n kwynende kerk is. Laat ek ’n paar eienskappe van groeiende kerke noem:

Dit is kerke waar daar ’n suksesvolle musiekbediening is. Musiek (nie seks nie) speel ’n geweldige belangrike rol. Die prediking moet eenvoudig, maar aktueel, wees. Die mense stel nie belang in dogma en teologie nie. Hulle wil hulp kry oor hoe om gewone daaglikse eise van die lewe te kan hanteer.

Volgens Stander “sit elke volgeling van Jesus met ‘n veel beter boodskap van hoop in sy skoot” maar dit is ‘n boodskap wat dogma en teologie by die venster uitgooi omdat die mense nie meer daarin belangstel nie. Dit klink mos alte veel na Paulus se waarskuwing in sy tweede brief aan Timotheus.

2 Tim 4:3 want daar sal ‘n tyd wees wanneer hulle die gesonde leer nie sal verdra nie, maar, omdat hulle in hul gehoor gestreel wil wees, vir hulle ‘n menigte leraars sal versamel volgens hulle eie begeerlikhede, (Verwys Paulus hier na die eindtydse Parodaksale teoloë?)

Ek het telkemale in die verlede “Christene” wat dogma en teologie minag gewys op die uiters gevaarlike vuur waarmee hulle speel. Ek haal aan uit die “Amplified Bible.”

2 John 9 Anyone who runs on ahead [of God] and does not abide in the doctrine of Christ [who is not content with what He taught] does not have God; but he who continues to live in the doctrine (teaching) of Christ [does have God], he has both the Father and the Son.

Iemand wat nie in Christus se leerstellings gegrond en gevestig is en daarin bly nie, is beslis nie besig om Hom te volg nie. Trouens, die Skrif sê onomwonde dat hy/sy hoegenaamd nie gered is nie. Kom u agter met watter gevaarlike paradokse een van die voorste teologiese professore in ons land besig is om te speel? Stander is egter nie die enigste leraar wat dit doen nie. Ek het reeds ds. Jannie Pelser se naam genoem, maar so is daar ook andere soos Stephan Joubert wat kop in een mus is saam met Nelus Niemant. Op hulle beurt werk hulle saam met oorsese valse leraars soos Brian McLaren, Doug Pagitt, Rob Bell, Tony Jones, Rick Warren en nog vele ander. Aan die eenkant wil hulle hê Jesus moet vir hulle hoop, voorspoed, vrede, en geluksaligheid gee maar aan die ander paradoksale kant is hulle nie bereid om Sy leerstellings na te volg en dit ook aan andere te verkondig nie.

Soos so baie ander leraars in die kader van die ontluikende kerk, praat Stander telkens van ‘n “boodskap van hoop” vir ‘n donker wêreld wat ‘n toekoms soek. Ek sien nêrens in die Skrif dat die Here Jesus vlees en bloed deelagtig geword het om vir hierdie donker wêreld hoop en ‘n toekoms te gee nie. Die ironie is dat hierdie donker wêreld juis so donker is omdat dit Hom eerste gehaat het en sy volgelinge met net soveel minagting bejeen.

Joh 15:18 As die wêreld julle haat, moet julle weet dat hy My voor julle gehaat het.

Blykbaar wil Stander vir hierdie wêreld wat Christus en sy ware volgelinge so intens haat, hoop en ‘n toekoms gee sodat dit ongehinderd kan voortgaan om Hom en sy ware volgelinge nog intenser te haat — en dit nogal terwyl hy ‘n boodskap van hoop aan die wêreld opdis wat geheel en gestroop is van Christus se leerstellings (omdat die mense nie meer daarin belangstel nie). Paradoks op paradoks op paradoks is vir Stander en sy meelopers aan die orde van die dag.

Nee! Prof. Stander, die Here Jesus het nie mens geword om vir hierdie wêreld hoop en ‘n toekoms te gee nie. Kom ons kyk ‘n slag na wat Hyself vir ons in sy onveranderlike leerstellings gesê het:

Mat 10:34 Moenie dink dat Ek gekom het om vrede op die aarde te bring nie. Ek het nie gekom om vrede te bring nie, maar die swaard.

Luk 12:51 Dink julle dat Ek gekom het om vrede op die aarde te gee? Nee, sê Ek vir julle, maar eerder verdeeldheid.

John 12: 46-48 Ek het as ‘n lig in die wêreld gekom, sodat elkeen wat in My glo, nie in die duisternis sou bly nie. En as iemand na my woorde luister en nie glo nie, Ek oordeel hom nie; want Ek het nie gekom om die wêreld te oordeel nie, maar om die wêreld te red. Wie My verwerp en my woorde nie aanneem nie, het een wat hom oordeel: die woord wat Ek gespreek het, dit sal hom oordeel in die laaste dag.

Luk 19:10 Want die Seun van die mens het gekom om te soek en te red wat verlore was. (Klem deurgaans bygevoeg).

Hy het dus nie gekom om hoop en ‘n toekoms vir en in hierdie wêreld te gee nie maar inderdaad om te red. Wat behels hierdie redding waarvan die Here Jesus hierbo praat?

Kol 1:13 Hy wat ons verlos het uit die mag van die duisternis en oorgebring het in die koninkryk van die Seun van sy liefde,

Verlossing behels nie net die vergifnis en vrymaking van jou sondes nie, maar die oorplasing (die Engelse woord is “transference”) vanuit die mag van die koninkryk van hierdie wêreldsisteem en sy duisternis (waarvan satan die god is) na die koninkryk van die Seun van sy liefde. Daarom het die Here Jesus op ‘n dag gesê “Dit het Ek vir julle gesê, dat julle in My vrede kan hê. In die wêreld sal julle verdrukking hê; maar hou goeie moed, Ek het die wêreld oorwin” (Joh 16:33). Weer eens is dit duidelik dat Hy nie gekom het om vir hierdie wêreld hoop en ‘n toekoms te gee nie, maar om dit te oorwin, en dit het Hy met vlieënde vaandels gedoen sodat sy ware volgelinge nie meer nodig het om vertrengel te raak in die wêreld se lekkernye nie.

Die hedendaagse postmoderne predikers en leraars het ‘n subtiele klemverskuiwing gemaak van God na die mens. Alles draai om  die mens – sy toekomsverwagtinge, ideale, hoop, welsyn, voorspoed, gesondheid, sy siening rondom positiwiteit, [3] sy norme en waardes, sy behoeftes ens. Stander stel dit vir ons baie duidelik in sy woorde “Die mense stel nie belang in dogma en teologie nie. Hulle wil hulp kry oor hoe om gewone daaglikse eise van die lewe te kan hanteer.” [4] G’n wonder die Here lag en spot met hulle nie (Ps 2: 4) terwyl hulle in eiewaan dink hulle kan die bande van sy leerstellings (dogma en teologie) stukkend ruk sodat hulle uit die gebreekte erdekruike van hulle eie waansin ‘n bietjie brak en vuil water kan drink. Is dit werklik die hoop en toekoms vir die wêreld waarvan prof. Hennie Stander praat?

Dit is opvallend dat ‘n hele klomp leraars, o.a. ds Jannie Pelser, Nelus Niemandt, Stephan Joubert en Jan van der Watt, groot aansien geniet, nie net onder ‘n groot aantal Chrstene nie maar ook die wêreld en die sekulêre pers. So terloops, die feit dat die sekulêre pers Angus Buchan so hoog aanprys, is genoeg rede tot kommer omdat hulle hoofsaaklik beïndruk is met die groot getalle mense wat hy lok. Buchan self maak ook gereeld by sy byeenkomste, op sy webtuiste en nuusbriewe groot gewag van die derduisende mense wat sy byeenkomste bywoon. Die Here Jesus het op ‘n dag gesê:

Luk 6:26 Wee julle wanneer al die mense goed van julle praat, want hulle vaders het net so aan die valse profete gedoen.

1Joh 4:5 Hulle is uit die wêreld; daarom praat hulle uit die wêreld, en die wêreld luister na hulle.

Is daar hoop en ’n toekoms vir die wêreld?

Die Here Jesus het een maal gesê:

Joh 5:43 Ek het gekom in die Naam van my Vader, en julle neem My nie aan nie. As ‘n ander een in sy eie naam kom, hóm sal julle aanneem.

Die “hóm” na wie die Here Jesus verwys het, is die Antichris wat deur die Jode en die hele wêreld as hulle Messias aanvaar sal word en die skokkende ding hieromtrent is dat sy volgelinge as “Christene” bekend sal staan (2 Tim 3:5). In  die Here Jesus se woorde “en julle neem my nie aan nie” beteken hierdie “aanneem” nie om ‘n gebed agter iemand anders aan te herhaal en te sê “Here, ek neem U as my persoonlike Saligmaker aan” nie. Dit beteken ten diepste om God se leerstellings (dogma en teologie) rondom sy kruis en die gepaardgaande verloëning en sterwe aan die self daagliks met oorgawe te omarm. Daarom het Paulus hom “voorgeneem om niks anders onder julle te weet nie as Jesus Christus, en Hom as gekruisigde” (1Kor 2: 2). Die kruis van Jesus Christus is die krag en die wysheid van God (1 Kor 1:17-19) en dit is juis hierdie leerstelling wat die wêreld nie wil aanneem en omarm nie. Dit is dan ook geen wonder nie dat Hennie Stander en die post-moderne paradoksale predikers verklaar dat die mense nie belangstel in dogma en teologie nie maar hulp wil hê oor hoe om hulle gewone alledaagse lewenseise te hanteer. Die gevolg is dat hierdie leraars hulle ‘n Jesus bied wat hulle net as hulle rolmodel (voorbeeld) hoef na te volg.

Om te verduidelik wat ek hiermee bedoel, wil ek graag herhaal wat ek op 22 Mei vanjaar onder die opskrif “Hoe lyk die post-moderne volgelinge van Jesus?” gesê het. Ek het begin met ‘n aanhaling uit Brian McLaren se veelbesproke boek, “A Generous Orthodoxy”

Ek glo nie om dissipels te maak dieselfde moet wees as om volgelinge te maak van die Christelike godsdiens nie. Dit mag raadsaam wees om in baie omstandighede (nie alle nie!) mense te help om volgelinge van Jesus te word en [nog steeds] binne hulle Boeddhistiese, Hinduïstiese en Joodse konteks te bly . . . eerder as om die paradoks op te los via verklarings oor die ewige bestemming van mense wat meer oortuig is deur of lojaal is teenoor ander godsdienste as ons eie, ons moet eenvoudig voortgaan . . . om Boeddhiste, Moslems, Christene en al die ander te help om die lewe ten volle te ervaar op die wyse van Jesus [en] (terwyl ek dit self beter leer ken), ook graag een van hulle sou wou word (wie hulle ookal mag wees), tot watter mate ek kan, om hulle te omhels, by hulle aan te sluit, om hulle wêreld te betree sonder om veroordelend te wees maar met reddende liefde soos myne deur die Here betree is — Brian McLaren (5) (Uit die Engels vertaal) (Klem bygevoeg).

Moeder Teresa (27 Augustus 1910 – 5 September 1997) wat  deur baie Christene met besondere hoë agting bejeen word, het ‘n soortgelyke ding gesê wat Nelus Niemandt en vriende se paradoksale teologie een honderd persent onderskryf:

There is only one God and He is God to all; therefore it is important that everyone is seen as equal before God. I’ve always said we should help a Hindu become a better Hindu, a Muslim become a better Muslim, a Catholic become a better Catholic. We believe our work should be our example to people. We have among us 475 souls – 30 families are Catholics and the rest are all Hindus, Muslims, Sikhs—all different religions. But they all come to our prayers.[6]

Beide Nelus Niemandt en Stephan Joubert praat met groot lof van Moeder Teresa en gebruik dikwels haar liefdadigheidswerk in Kalkutta as voorbeeld om die doelsetellings van die ontluikende kerk te illustreer. Die volgende uittreksel kom uit ‘n artikel van Stephan Joubert op die “Elijah Africa” webtuiste

In die Nuwe Testament, voeg hy by, is daar baie minder tekste wat sê jy moet met jou mond getuig as met jou lewe. Dade praat harder as woorde. Oor dié gedagte van onselfsugtige diens noem Niemandt en Joubert vir moeder Teresa as ’n goeie voorbeeld. Joubert trek dit ook deur na die kwessie van reg en verkeerd.

Tradisioneel, sê hy, het die kerk ’n sterk morele sondebeskouing, met lysies soos dans, drink, dobbel en dies meer. Hy bepleit ’n skuif na sosiale verantwoordelikheid waar gelowiges ’n voorbeeld is van ’n samelewing waarin Christus is. Moenie sê wat verkeerd is nie, maar wys en leef wat reg is. Dis ’n skuif van die handhawing van reëls na die uitleef van ’n waardestelsel tussen mense wat dit nié leef nie. (Klem bygevoeg)

Ek het by verskeie vorige geleenthede gesê dat die Christen as nuwe skepping in die Here die verantwoordelikheid het om as lig en sout in hierdie wêreld ‘n voorbeeld te wees vir andere maar sodra ‘n ongebalanseerde klem op jou mooi lewe gelê word, ondermyn dit die Evangelie en Christus se opdrag om dit by elke geleentheid te verkondig. Christus self, die enigste Persoon wat ‘n volslae heilige lewe kon lewe, het op ‘n dag gesê “Julle is alreeds rein deur die woord wat Ek tot julle gespreek het.“ (Joh 15:3). Dit was dus nie sy heilige lewe wat mense tot redding gebring het nie, maar God se Woord wat HY aan hulle verkondig het (Romeine 10: 17). Blykbaar steur Nelus Niemandt en Stephan Joubert hulle nie veel aan Christus se vooropstelling van sy Evangelie nie omdat hulle ‘n persoon soos Moeder Teresa as voorbeeld vir hulle ontluikende kerk voorhou. Sy het inderdaad ‘n wonderlike en pragtige voorbeeldige lewe van selfopoffering uitgeleef, maar soos ons reeds gesien het, het sy Christus se opdrag om dissipels te maak van al die nasies, verontagsaam.  Sy het die Moslems en Hindoes wel deeglik met liefde versorg maar haar ongehoorsaamheid aan Christus het die armes in ‘n baie erger toestand gelaat as wat hulle was – ewige verlorenheid. Wil Nelus Niemandt en Stephan Joubert werklik voorgee dat hulle beter kan doen as die helige Seun van God wat die prediking van die Woord van God (en dit sluit die aanspreek van sondes soos dans, drink , dobbel en dies meer in) vooropggestel het? Wat sê die Skrif?

Al sou ek die tale van mense en engele spreek, en ek het nie die liefde nie, dan het ek ‘n klinkende metaal of ‘n luidende simbaal geword. En al sou ek die gawe van profesie hê en al die geheimenisse weet en al die kennis, en al sou ek al die geloof hê, sodat ek berge kon versit, en ek het nie die liefde nie, dan sou ek niks wees nie. En al sou ek al my goed uitdeel, en al sou ek my liggaam oorgee om verbrand te word, en ek het nie die liefde nie, dan sou dit my niks baat nie. Al sou ek die tale van mense en engele spreek, en ek het nie die liefde nie, dan het ek ‘n klinkende metaal of ‘n luidende simbaal geword. En al sou ek die gawe van profesie hê en al die geheimenisse weet en al die kennis, en al sou ek al die geloof hê, sodat ek berge kon versit, en ek het nie die liefde nie, dan sou ek niks wees nie. En al sou ek al my goed uitdeel, en al sou ek my liggaam oorgee om verbrand te word, en ek het nie die liefde nie, dan sou dit my niks baat nie. (1 Kor 13: 1-3)

In hierdie gedeelte word “doen” gestel teenoor “liefde.” Dit is egter nie ‘n filantropiese soort liefde nie, maar in die eerste plek ‘n liefde vir God en sy Evangelie (leerstellings, dogma, teologie). Dit is juis hierdie liefde vir God en sy Woord wat verkondig moet word wat die Christen moet dring om mense te vermaan om hulle met God te versoen.

1 Kor 2:14 en 20 Want die liefde van Christus dring ons . . . Ons tree dan op as gesante om Christus wil, asof God deur ons vermaan. Ons bid julle om Christus wil: Laat julle met God versoen.

Hierdie ongebalanseerde klem op Christene se voorbeeldige lewens as die primêre wyse waarop mense  vir die koninkryk van God gewin  moet word, is ‘n baie subtiele aanslag op die Evangelie van Jesus Christus en die verkondiging daarvan. Paulus het nie vir Timotheus gesê  om net op sy lewe  alleen te let nie maar op sy LEER en sy LEWE (1 Tim 4:6). Miskien kan ‘n mens die hedendaagse post-moderne volgelinge van Jesus as volg beskryf, veral as jy mooi luister na wat hulle oor leersteling sê: Jesus Christus minus leerstelling (reëls, lering, wette, ideologieë) = Jesus volgelinge. Kan hierdie volgelinge van Jesus daarop aanspraak maak dat hulle sy dissipels is terwyl hulle sy leerstellings minag of beskou hulle Hom maar as net nog ‘n rolmodel of ‘n voorbeeld van hoe om te lewe en hulle gewone alledaagse lewenseise te hanteer? Om hierdie vraag te beantwoord moet ons weer eens luister na wat Jesus van die Bybel self gesê het.

Joh 8:31 En Jesus sê vir die Jode wat in Hom geglo het: As julle in my woord (leerstellings) bly, is julle waarlik my dissipels. (Klem bygevoeg).

Om soos Jesus te lewe beteken dus om in sy woord (leerstellings) te bly. Hy het ook gesê:

Joh 15:10 As julle my gebooie bewaar, sal julle in my liefde bly, net soos Ek die gebooie van my Vader bewaar en in sy liefde bly.

Die aanspraak dat iemand ‘n volgeling van Jesus is sonder om ag te gee op sy leerstellings wat vir ons sê wat ons mag en nie mag doen nie, dui óf op onkunde óf op misleiding óf albei. Selfs Alice Bailey wat haar boeke geskryf het onder die invloed en leiding van haar geestegids, Djwhal Khul, het geroem op die feit dat Jesus haar voorbeeld was. Sy skryf:

Ons het baklei oor die leerstellings waardeur mense gered sal word . . . Ons het die helfte van die wêreld as verlore beskou en slegs die Christen gelowige as gered, en tog het Christus die heeltyd vir ons vertel dat liefde die weg na die koninkryk is, en dat die feit van die teenwoordigheid van goddelikheid in elkeen van ons, ons geskik maak vir daardie koninkryk . . . Mense word nie gered deur ‘n geloof in die formulering van ‘n teologiese dogma nie, maar deur die feit van Sy lewende Teewoordigheid, of die lewende onmiddelikheid van Christus . . . Dit wat uiteindelik ons menslike lewe sal erken is die teenwoordigheid in die wêreld van diegene wat Christus as hulle voorbeeld ken, en herken dat hulle dieselfde goddelike lewe besit, net soos die bekragtiging van die basiese wet van die koninkryk van God, die wet van die liefde, die wêreld finaal sal red – Alice Bailey en Djwhal Khul (7) (Uit die Engels vertaal) (Klem bygevoeg).

Die wêreld smag inderdaad na ‘n Jesus, maar nie die Jesus wat gesê het “Ek IS die weg en die waarheid en die lewe; niemand kom na die Vader behalwe deur My nie.” Hulle wil alleenlik ‘n Jesus hê wat vir hulle die weg aandui; ‘n Jesus wat vir hulle ‘n voorbeeld kan wees in hulle eindelose soeke na die weg en die waarheid en hoe om hulle gewone alledaagse lewenseise te hanteer. Hoewel die antichris hom nog nie as persoon in lewende lywe aan die wêreld geopenbaar het nie (en hy kan ook nie, nie voordat God dit toelaat nie – 2 Thess 2:7), is sy gees (invloed) lankal reeds waarneembaar in die wêreld. ‘n Persoon deur wie die gees van die antichris reeds sedert 1977 merkbaar in die wêreld werk, is die sg. Maitreya. Hy het gesê:

Allow Me to show you the way ― forward, into a simpler life where no man lacks; where no two days are alike; where the joy of Brotherhood manifests through all men.

Mine is the task to lead and guide, but you, willingly, must follow. Otherwise, I can do nothing. My hands are tied by Law. The decision rests with mankind.

When I make Myself known, I shall express the hope of all mankind for a new life, a new start, a readiness to change direction; to see the construction of a New World in which men can live in peace; can live free from fear of themselves or their brothers; free to create from the joy in their hearts; free to be themselves, in simple honesty. [8] (Klem bygevoeg)

Klink dit nie nogal baie na Hennie Stander se wyse woorde nie? – Die mense stel nie belang in dogma en teologie nie. Hulle wil hulp kry oor hoe om gewone daaglikse eise van die lewe te kan hanteer. As ons sy woorde so ‘n bietjie wyer omskryf, sal dit moontlik as volg verwoord kan word: Die mense stel nie belang in Jesus Christus se leerstellings en teologie nie maar soek iemand wat vir hulle die weg kan aanwys oor hoe om hulle gewone alledaagse lewenseise te kan hanteer.

Ek vra weer: “Is daar hoop en ‘n toekoms vir hierdie wêreld?” Die antwoord hierop is ‘n klinklare ja! Maar, dit is ‘n valse hoop en ‘n verskriklike toekoms omdat die Jesus wat die paradoksale postmoderne predikers die wêreld  bied, ‘n valse Jesus is waarvan die profeet Daniël geskrywe het en ek haal aan uit die Amplified Bible:

Dan 8:25 And through his policy he shall cause trickery to prosper in his hand; he shall magnify himself in his heart and mind, and in their security he will corrupt and destroy many. He shall also stand up against the Prince of princes, but he shall be broken and that by no [human] hand.

laat my asseblief toe om jou te vra. Watter Jesus volg jy? Die een wat gesê het: “As iemand agter My aan wil kom, moet hy homself verloën en sy kruis elke dag opneem en My volg” of die een wat sê “Allow Me to show you the way ― forward, into a simpler life where no man lacks; where no two days are alike; where the joy of Brotherhood manifests through all men. Mine is the task to lead and guide, but you, willingly, must follow.” Ek kan met absolute sekerheid sê dat die eersgenoemde na die ewige lewe lei en die laasgenoemde na die ewige verderf, tensy jy jou heelhartig bekeer en jou huidige pad verlaat om deur die nou poort te gaan sodat jy die smal pad kan bewandel. Hierdie poort en weg is ‘n Persoon en sy Naam is Jesus Christus, die Seun van die Lewende God. Die keuse lê by jou. Maak asseblief die regte keuse, ter wille van onse Here Jesus Christus.

(Let asseblief baie noukerurig daarop dat ek nie besig is om persone en hulle persoonlike verhouding met Christus aan te val nie. Ek  ken nie mense se harte nie. God alleen weet wat in hulle harte aangaan. Ek is slegs besig om hulle openbare verklarings aan die hand van die Skrif te ondersoek en te evalueer. Ons taak is om hard te stry vir die geloof wat eenmaal deur die apostels aan ons oorgelewer is. Ek voel baie sterk daaroor dat ek net soveel reg het om die vooraanstaande leraars en predikers in ons land se openbare teologiese verklarings ook in die openbaar aan te vat indien dit nie met God se Woord strook nie. Sou dit wees dat hulle nie met my saamstem nie, is hulle welkom om my vanuit God se Woord te repudieer en verkeerd te bewys).

Gal 1:10 Soek ek dan nou die guns van mense, of van God? Of probeer ek om mense te behaag? As ek nog mense behaag, dan sou ek nie ‘n dienskneg van Christus wees nie.

—————————————————————————————————–

[1] Nelus Niemandt, Nuwe Drome vir Nuwe Werklikhede, Lux Verbi BM, Junie 2007 p. 26  en 27

[2] Oop Gesprek, RSG, Sondag, 23 November 2008, 19:30

[3] Skrifgefundeerde geloof word al hoe meer deur positiewe denke vervang. In een van haar gereelde preke op TBN het Joyce Meyer onlangs gesê dat Christene elke nuwe dag met ‘n positiewe verklaring soos “Iets goeds gaan vandag met my gebeur” en “Ek word by die dag beter.” moet begin. Dit is nie geloof nie maar ‘n okkultiese vertroue in jou eie positiewe denkprosesse. Dit is, met ‘n positiewe woord gesê, suiwer afgodery.

[4] http://www.carpediem.co.za/henniestander/

[5] Brian McLaren, A Generous Orthodoxy, pp. 260, 262, 264

[6] http://www.ewtn.com/MotherTeresa/words.htm

[7] Alice Bailey & Djwhal Khul, The Externalization of the Hierarchy, Section II – The General World Picture, http://laluni.helloyou.ws/netnews/bk/externalisation/exte1087.html.

[8] http://www.share-international.org/background/printed/messages.htm

Nuwe Drome vir Nuwe Werklikhede – Nelus Niemandt

Die ontluikende spiritualiteit (postmoderne, "ancient-future" [eertyds-toekomstige] missionêre kerk) het ‘n groot hupstoot in die Suid- Afrikaanse N.G. Kerk gekry toe die boek "Nuwe Drome vir Nuwe Werklikhede" onlangs vrygestel is. Die outeur, Dr. Nelus Niemandt, is verbonde aan die Teologiese Fakulteit van die Universiteit van Pretoria waar ‘n briljante student en geleerde, Ferdie Mulder, op skaamtelose wyse in 2007 geskors is ná n ewe skandalige ondersoek na sy klagte dat sommige van die professore nie langer glo in die maagdelike geboorte en die fisieke opstanding uit die dood van Jesus Christus nie. Die professore (belydende Christene) is op al die aanklagte onskuldig bevind en word tans nog steeds toegelaat om hulle verderflike kettery aan ons toekomstige predikante te verkondig.

Dr. Nelus Niemandt se boek is deurspek met ontluikende brabbeltaal wat op die oog af eg Skriftuurlik lyk en tog dwing dit ‘n mens om ‘n skeptiese wenkbrou te lig as jy sien hoe kwistig hy gebruik maak van aanhalings uit boeke en geskrifte van Brian McLaren, Leonard Sweet, Rob Bell, Erwin McManus, Doug Pagitt, Dan Kimball, Thomas Bandy, Rodney Clapp, Karen Ward, Eddie Gibbs, Ryan Bolger, Martin Buber, Daniel Coleman en

View Full Album

baie ander. Selfs aanhalings uit bekende films kry voorkeur bo die yl gesaaide aanhalings uit die Bybel (waarvan sommiges geneem is uit Eugene Peterson se korrupte vertaling, Die Boodskap). Om die waarheid te sê, toe ek die boek die eerste keer onder oë neem, het ek die indruk gekry dat die groot filmmaatskappye nie meer nodig het om biljoene te spandeer op reklame nie; Nelus Niemandt doen dit vir hulle en dit nogal sonder ekstra kostes. Maar wag, grappies op n stokkie: Ek was pynlik geskok toe ek sien hoedat hy die filmreeks Harry Potter met lof besing. Hier’s wat hy op bladsy 138 sê:

  In die Harry Potter‑reeks illustreer die films die belang van antieke waarhede vir nuwe geslagte. Let op hoeveel boeke daar in die klaskamers en kantore van die skool is waar die verhaal afspeel. Die kinders moet ou-ou waarhede leer. Die kinders moet ook antieke spreuke en lewensreëls aanleer. So word die films (en boeke) ‘n les in die belang van antieke waarhede vir toekomstige geslagte.

Die ou waarhede waarna hy verwys is ooglopend die sg. waarhede van, ondermeer die Woestynvaders. Is die outeur besig om die gevaarlike towery, heksery en towerkuns van Harry Potter bewustelik of onbewustelik aan die "waarhede" van die Rooms Katolieke mistisisme van weleer te koppel? Hy sê met uitgelate ekstase op bladsy 139:

`n Jong retraitemeester, Herman Holtzhausen, diep geskool in die tradisies van die woestynvaders, het my een maal genooi om katkisante vir ‘n Saterdag na sy retraitesentrum te bring. Ek was nogal gespanne — om ‘n klomp tieners uit Johannesburg te neem vir ‘n Saterdag van kontemplasie en nadenke en baie stilte kan maklik anders verloop as wat ‘n mens hoop. Wat ‘n verrassing! Baie van die kinders het daardie besondere Saterdag beskryf as een van die geestelike hoogtepunte van die hele jaar, ‘n paar het dit selfs as van die mooiste oomblikke in hulle hele lewe beskou.

Ons moes eenvoudig weer ‘n keer met iets soortgelyks waag. Ons gemeente het ‘n jeugkamp vir hoërskoolkinders gehou. As deel van die kampprogram is tyd ingeruim sodat die kinders, aan die hand van die klassieke twaalf kruisstasies, in stilte kan nadink oor die gebeure en hulle lewe. Die gewyde erns en toewyding waarmee hulle vir byna drie ure daaraan deelgeneem het, het al ons predikante diep ontroer. In die evaluering van die kamp het meeste kinders dit as die hoogtepunt aangedui!

Hierdie jong seuns en dogters wat nodig het om die onvervalste Evangelie van Jesus Christus te hoor, word langs ‘n weg gelei wat uiteindelik op vernietiging sal uitloop as hulle hul nie bekeer en glo soos die Skrif sê nie. Dit is tipies van die ontluikende beweging om soliede Bybelse leerstellings ter wlle van ‘n ervaringspiritualiteit en ‘n onbybelse missiologie opsy te skuif. Dr. Niemandt moedig die kerk aan, en in die besonder die N.G. Kerk, om die kettings van die Modernisme te breek en om die nuwe missionêre strategie van die ontluikende kerk te omarm, en tog ondersteun hy heelhartig die boeke van Brian McLaren wat die volgende God-onterende dinge kwytraak:

Ek glo nie ons het die Evangelie nou al reg nie. Wat beteken dit om ‘gered te wees?’ Wanneer ek my Bybel lees, sien ek nie die betekenis daarvan raak nie. ‘Ek gaan hemel toe as ek sterwe.’ Voor die moderne evangelisasie het niemand Jesus Christus as hulle persoonlike Verlosser aangeneem nie, of in die kerkpaadjie afeloop nie, of die sondaarsgebed opgesê nie. [1]

Ek moet egter byvoeg dat ek nie glo om dissipels te maak dieselfde moet wees as om volgelinge van die Christelike geloof te maak nie.  Dit sou raadsaam wees om in baie gevalle (nie almal nie) mense te help om volgelinge van Jesus te word en om [terselfdertyd] in hulle Boeddhistiese, Hindoeïstiese of Joodse konteks te bly. [2]

Ek voel soos ‘n fundamentalis wat besig is om sy greep te verloor – wie se fundamentele waardes besig is om te kraak en uit te rafel en uit mekaar te val en deur my vingers te glip. Ek het gedink ek bou my huis op rots maar dit was toe ys, en noudat aardverwarming toegeslaan het, smelt die ys en alles tuimel inmekaar [3] (Uit die Engels vertaal)

Dr. Niemand skuld sy katkisante ‘n verskoning en ‘n verduideliking vir sy onnadenkende en baie gevaarlike assosiasie met Brian McLaren  wat nie weet wat dit beteken om gered te wees nie en wie se lewe gebou is op smeltende ys. Hoe op dees aarde kan jy die jeug vir Christus bereik wanneer jy die onbybelse uitsprake van ‘n man wat Jesus klaarblyklik nie ken nie agternapraat? Christus het gesê:

Mar 9:42 En elkeen wat een van hierdie kleintjies wat in My glo, laat struikel, dit is beter vir hom as ‘n meulsteen om sy nek gehang en hy in die see gegooi word. (Klem bygevoeg).

Die see word as metafoor gebruik om aan te dui hoe volkome God sondaars hulle sondes vergewe waneer hulle hul tot Hom bekeer.

Mig 7:19 Hy sal Hom weer oor ons ontferm, ons ongeregtighede vertree; ja, U sal al hulle sondes in die dieptes van die see werp. (Klem bygevoeg).

Die Here het dus in werklikheid gesê dat iemand wat kinders geestelik mislei in die dieptes van die see, waar die sondes gewerp word, gesmyt moet word. So erg is dit om kinders op ‘n dwaalspoor te lei.

Op bladsy 136 maak Dr. Niemandt ’n onderskeid tussen dit wat was en dit wat nog kom. Hy sê ook dat die postmoderne geestlike leiers op paradokse floreer in teenstelling met die ou leierskap in die kerk wat noukeurig tussen wit en swart onderskei het. Dit klink eerder na ‘n growwe weerspreking veral as jy in ag neem dat die ontluikende volgelinge daarop aanspraak maak dat hulle "barbaarse" volgelinge is (met opregte dank aan Erwin McManus) van Jesus Christus (wat altyd n klinklare onderskeid gemaak het tussen wit en swart, reg en verkeerd, regverdigheid en onregverdigheid ens.), maar in werklikheid en paradoksaal mekaar met ‘n fundamentalistiese bewondering navolg. Enigeen wat die leerstellings van mense navolg is nie besig om Jesus Christus te volg nie maar ‘n ander Jesus (Matteus 15:9).

Leef ons in die tyd waarna Paulus profeties verwys het as die afkap van die naam-Christene van die Olyfboom?

---

[1] http://www.brianmclaren.net/archives/000271.html

[2] A Generous Orthodoxy, p. 260

[3] A New Kind of Christian, p. 22