Om die Voorhangsel van Onder na Bo te Skeur

READ THE ENGLISH VERSION OF MY COMMENTARY HERE.

Matteus 27:51

En kyk, die voorhangsel van die tempel het in twee geskeur, van bo tot onder (Klem bygevoeg)

Wat reken u sou die uitslag wees as ons ‘n steekproef sou doen en mense die vraag vra: “As u die belangrikste en mees rewolusionêre gebeurtenis in die ganse geskiedenis van die mensdom kon meebring, wat sou dit wees?” Die meerderheid sou waarkynlik ‘n geneesmiddel vir VIGS of kanker wou uitvind of miskien blywende wêreldvrede inlui. Ander sou miskien armoede vir eens en altyd wou uitwis. Glo dit as u wil, dit is nie die belangrikste dinge wat die postmoderne en “ontluikende” denkers beoog nie, al sê hulle ook so. Wat hulle in werklikheid in gedagte het, is om “nuwe” maniere te vind om in die teewoordigheid van God te kom. Sedert die Sondeval het baie probeer om die koninkryk van die hemel met geweld (hulle eie pogings) te gryp omdat hulle God se manier verwerp het. Moenie geflous word deur hulle manifeste van “om armoede te verlig,” “om hulle met die armes te assosieer deur saam met hulle te gaan woon,” en “om in die voetspore van Jesus te volg om sy voorbeeld na te volg” nie. Dit is alles mooi geplaveide kliptrappies (eie pogings en goeie werke) om hulle in die teenwoordigheid van God te bring.

In die antieke tye was dit lewensgevaarlik om ‘n koning sonder sy toestemming te nader. Selfs vandag nog, in sommige dele van Afrika, word jy nie toegelaat om ‘n stat of gehuggie sonder die hoof se toestemming binne te gaan nie. Die normale prosedure is om eers die hoof se persoonlike assistent te nader en hom te vra of jy hom mag besoek. Hy sal dan na gelang hy die hoof se toestemming verkry het, jou inlig of en wanneer jy die hoof mag sien. Sodra ‘n aanvaarbare besoektyd bepaal is, ontmoet jy die assistent by die ingang en hy begelei jou dan na die hoof se huis in die middel van die stat. Moet nie eers daarin dink om aan sy deur te klop nie. Dis slegte maniere. Die assistent gaan alleen in die huis en dan eers mag jy die hoof se huis betree — dis te sê as die hoof nie intussen besluit het om sy afspraak met jou op diie laaste nippertjie uit of af te stel nie. Frustrerend . . .? Dis uiters frustrerend, maar dis die manier waarop jy jou respek en waardering teenoor die hoof as jou meerdere in sy huis en stat betoon. Nie net dit nie; dit toon aan die assistent en sy hoof dat jy gewillig is om jouself nederig te gdra in hulle teenwoordigheid. Daar is ‘n soortgelyke narratief in die Ou Testement. Toe Mordegai, koningin Ester se oom, Haman se komplot om al die Jode uit te wis aan haar meegedeel het, het hy by haar gepleit om haar man op sy troon te nader om hom oor die komplot in te lig. Sy was aanvanklik onwillig omdat dit lewensgevaarlik was om haar man, Ahasvéros, ongevraagd in sy troonkamer te nader. Hier’s hoe Ester haar oom geantwoord het:

Ester 4:11 Al die dienaars van die koning en die volk van die provinsies van die koning weet dat vir elke man of vrou wat na die koning in die binneste voorhof ingaan, sonder dat hy geroep is, een en dieselfde wet geld: hy moet gedood word; behalwe wanneer die koning sy goue septer na hom uitsteek, dat hy mag lewe; en ek is nou al dertig dae lank nie geroep om by die koning in te kom nie. (Klem bygevoeg)

Die uitkoms van hierdie gebeure is alombekend. Toe Ester die koning nader, het hy sy goue septer as ‘n gebaar van toegeeflikheid na haar toe uitgehou en sy het die punt van die septer aangeraak waardeur sy sy gesag oor haar as haar koning en heer erken het. Het sy dit nie gedoen nie sou Haman se komplot om haar volk, die Jode, uit te wis nie gestuit kon word nie. As die koninklike protokol so streng was in daardie dae hoe kan ons straks verwag dat die Koning van die konings en die Here van die here mensgemaakte weë om Hom in sy allerheiligste troonkamer in die hemel te nader moet aanvaar? Desnieteenstaande, wend die aanhangers van die Ontluikende Kerk hulle toenemend tot mensgemaakte maniere om hulleself in die teenwoordigheid van God te bring. HUlle is inderdaad besig om die voorhangsel met geweld van onder na bo te skeur. In hulle pogings om dit te doen, vereis die nuwe geslag “Christen” predikante, pastore, spostels, dissipels en leermeesters dat ons op nuwe en vars maniere oor ons spiritualiteit moet nadink en ook in die besonder oor die manier waarop ons ons Christenheid ervaar.

Die voorvoegsel “re” (in Engels) het een van die kragtigste taalfoefies in ons postmoderne tyd geword. Ten spyte van sy twee-letter omvang het dit ‘n geweldige potensiaal om jou lewe te verander. Woorde soos “think,” “imagine,” “construct,” “define,” en “painit” (met dank aan Rob Bell in sy “Velvet Elvis”) kry ‘n algeheel nuwe betekenis wanneer die voorvoegsel “re” bygevoeg word. ‘n Vinnige “google”-soektog op die internet het my stomgeslaan toe ek die volgende resultate sien:

• Rethinking the world (1 300 000 results)
• Rethinking leadership (2 020 000 results)
• Rethinking the future (1 340 000)

Die idee om die wêreld, leierskap en die toekoms te “her”-interpreteer (“rethink”) is nie tot die sekulêre wêreld beperk nie maar word toenemend in die kerk bepleit. Een van die toonaangewende voorspraakmakers van die “possibility thinking” of “positive thinking” kulte, Robert Schuller, het verlede jaar ‘n “Rethink” Konferensie in sy Crystal Cathedral aangebied. ‘n Konferensie was vir hierdie jaar geskeduleer maar is uitgestel tot 2010. Baie van die sprekers by verlede jaar se konferensie, waaronder Erwin McManus, Kay Warren (Rick Warren se vrou) en Dan Kimball bevorder kontemplatiewe mistisisme en meditasie. Vyf e-kerk lede uit Suid-Afrika, insluitende Stephan Joubert, en Dries Lombaard, het die konferensie in 2008 bygewoon en skouers gevrywe met hierdie gesiene denkers wat daarop ingestel is om die aangesig van die Christendom vir ewig te verander. Hulle maak ‘n geweldige impak op ons jonger Suid-Afrikaanse kerklui wat op hulle beurt baie jongmense beïnvloed en bekendstel aan kontemplatiewe mistisisme. Die e-kerk webtuistes (Afrikaans en Engels), wat onder die beheer staan van Stephan Joubert en Dries Lombaard onderskeidelik, propageer met flinke oorgawe die kontemplatiewe spiritualliteit onder die dekmantel van “Jesliefhebbers en volgelinge van Jesus.” Om die waarheid te sê alle volgelinge van Jesus is welkom om op hulle webtuistes kommentaar te lewer en om deel te neem aan hulle “verhoudings-gesprekke” mits jy ook ‘n vurige navolger is van hulle gurus Rob Bell, Leonard Sweet, Nelus Niemandt, Erwin McManus, Doug Pgitt en baie ander kontemplatiewe mistieke Christene. Diegene wat in harmonie is met Stephan Joubert en Rob Bell dat waarheid ook in ander godsdienste soos die Bhoeddisme, Judaïsme en selfs ateïsme te vind is, is meer as welkom op hulle webtuistes maar jy word summier verban sodra jy hulle teen hulle kontemplatiewe maatjies waarsku.

Ek wil graag in orreenstemming met die “her-interpretasie (“rethinking”) kultuur van die kontemplatiewes ten minste ‘n enkele gedeelte uit die Skrif (Matteus 7:22-23) her-interpreteer, herverwoord en rekonstrueer om te illustreer hoedat hulle die voorhangsel van onder na bo skeur.

Here, Here, kyk net wat het ons vir U gedoen! Ons het voorwaar opreg eerbare en goeie baanbrekersweg gedoen deur die gemors en puinhope in die bosveld op te ruim en ‘n pragtige labirint in die plek daarvan te bou. Ons weet werklik nie hoe ons Afrikaanse jeug sal reageer wanneer ons hulle aan ons labirint blootstel nie maar ons probeer hard om hulle ware volgelinge van Jesus te maak. Miskien is dit iets van wat ons probeer om te doen as volgelinge van Jesus. Om die puinhope in die wêreld skoon te maak sodat ons plekke kan skep waar mense vrede en harmonie kan vind en met transendensie kan konnekteer. Toe het die “Labirint-Jesus” wat hulle met soveel liefde en oorgawe volg geantwoord: “Ek het julle nog altyd geken. Julle het my Weg (labirint) getrou, liefdevol en met vuur bewandel. Kom in die teenwoordigheid van my vader.

Verbaas . . .? Geskok . . . ? Dink u miskien . . . .? Hoe vermetel van hom om die Woord van God op so ‘n godslasterike wyse te verander en te herinterpreteer! Voordat u besluit om my te stenig met die klippies waarmee julle jul labirinte bou, lees gerus eers baie noukeurig hier. Wat makeer die ouens? Lees hulle nooit hulle Bybels om te leer wat die regte Jesus te sê het oor blywende vrede, harmonie en verbondenheid met God nie? Het hulle so blind geword vir die waarheid dat hulle met domastrantheid hulle wend tot die moddermeul en stowwerige weë van hulle eie maniere om God se vrede en teenwoordigheid te smaak? Het hulle dan vergeet wat Jesus gesê het?

Johannes 14:27 Vrede laat Ek vir julle na, my vrede gee Ek aan julle; nie soos die wêreld gee, gee Ek aan julle nie.

Dit is beslis nie die “Labirint-Jesus” wat hier praat nie. Maar wie is in elk geval die “Labirint-Jesus?” Om ‘n gepaste antwoord te kry moet ons so ‘n bietjie teruggaan in die heidense geskiedenis. Wikipedia voorsien ‘n deeglike gesdkiedkundige agtergrond van die labirint wat bewys dat dit gewis nie van God kom nie. Roger Oakland omskryf die betekenis van die labirint soos volg in sy boek “Faith Undone.”

Die labirint is ‘n doolhof-agtige struktuur wat in gewildheid toeneem en tydens tye van kontemplatiewe gebede gebruik word. Die deelnemer loop deur hierdie stuktuur tot in die middel daarvan en weer terug. Anders as die doolhof wat verskeie paaie het, het die labirint net een paadjie. Dikwels word gebedstasies (met kerse, ikone, prente, ens.) langs hierdie paadjie besoek. Die labirint het in vroeë heidense gemeenskappe ontstaan. Die gewone scenario vereis dat die bidder ‘n soort van ‘n meditasie moet doen, wat hom in staat stel om te sentreer (d.w.s. om in God se teenwoordigheid te kom) terwyl hy die middel van die labirint bereik (Uit die Engels vertaal. Klem bygevoeg)

Wat lê aan die hart van kontemplatiewe praktyke soos die labirint, die stilte, asemgebede, eensaamheid, Jesus-kerse, ikone, die Jesus-gebed, lectio divina, lectio continua, 12 kruisstasies, wat jou na bewering in die allerheiligste teenwoordigheid van God bring. Dit het alles by Kain se bloedlose offer begin. Pa Adam en ma Eva het hom, nes vir hulle seun Abel, geleer dat God se onmeetbare heiligheid vereis het dat Hy op geen ander manier genader mag word as deur die storting van die bloed van ‘n onskuldige slagoffer nie. Kain, daarenteen, het God se slagting van ‘n onskuldige slagoffer om hulle naaktheid (sondes) te versoen (te bedek) verag en besluit om Hom met sy eie pogings en goeie werke tevrede te stel en te versadig. Sedertdien is sy weg, wat in die Bybel bekend staan as die weg van Kain (Judas 1:11) deur die eeue heen voortgesit deur mans en vroue wat God se oplossing vir ons sondes met gelyke argwaan bejeen. Brian McLaren se onbeskaamde ontkenning van die ware betekenis van die kruis is simptomaties van die ontluikende beweging. Hy skryf:

“Miskien is ons ‘inwaarts-gekeerde, individuele-verlossing-georiënteerde, nie-aanpasbare Christenheid’ ‘n kolossale en tragiese misverstand, en miskien moet ons weer luister na die ware lied van verlossing wat goeie nuus is vir die hele skepping. Dus is dit miskien die beste om dit, indien enigiets, oor boord te gooi wat jy ‘weet’ aangande wat dit beteken om Jesus jou ‘Verlosser’ te noem en om die saak rondom verlossing weer nuut te oordink. Kom ons begin gewoonweg. In die Bybel beteken verlossing ‘redding,’ of “heelmaking’ [‘genesing’]. Dit beteken beslis nie om ‘uit die hel gered te word’ of ‘om die ewige lewe na die dood te ontvang’  soos sommige leraars preek na preek verkondig nie. Die betekenis daarvan wissel eerder van teks tot teks, maar in die algemeen, in enige konteks, beteken verlossing ‘om uit die moeilikheid te kom.’ Die moeiliheid kan siekte, oorlog, politieke intrige, verdrukking, armoede, tronkstraf of enige ander tipe gevaar of boosheid wees.” (A Generous Orthodoxy, Grand Rapids: Zondervan, 2004, p. 93) (Uit die Engels vertaal).

Die kruisdood van Christus is vir McLaren niks meer en niks minder nie as ‘n tydelike verligting van die mensdom se lyding wat deur siektes, politieke intriges, verdrukking, armoede, gevangenisstraf (ongeag die redes vir ‘n misdadiger se tronkstraf) of enige ander soort gevaar of euwel meegebring word. Rob Bell se filosofie van verlossing hou ook verband met die tydelike in hierdie wêreld en nie soseer met ‘n plek (hemel of hel) waarheen jy gaan wanneer jy te sterwe kom nie.  Sy probleem lê nie by Jesus wat alle mense wil red en alles in Hom weer nuut wil maak nie, maar met dié mense wat daarop aandring dat net sekere mense hemel toe gaan. Tydens sy Mars Hill Konferensie in Januarie 2007 het hy enkele tersaaklike maar baie gevaarlike vrae gevra — gevaarlik vir almal wat hom glo.

Gaan jy hemel toe? . . .  Is dit al?  Die beste wat ons kan doen is om iets soos net ‘n versekering teen brand aan te bied? Ons het nodig om net siele te red? Is dit ‘n boodskap vir die wêreld? Dit is wanhoop.  . . . Is dit die beste wat God kan doen? Ek het vandag hulp nodig . . . Is dit wat Jesus voor mense se neuse gehou het?

Party Jesusse moet verwerp word. . . . Die Jesus wat mense inhok en doodmaak moet verwerp word. Glo julle in ‘n God wat biljoene mense geskape het net om te kyk hoe hulle brand met geen kans op enige ander soort toekoms nie? In wat se soort God glo julle?

Indien iemand julle sou vra “Hoe word ‘n persoon gered, bekeer, verlos ens?” en julle het net die Bybel gehad om die vraag te antwoord, sou daar baie antwoorde tot julle beskikking wees. [Dit] behels handelinge van liefde wat ‘n hartsverandering en lastige uitruilings demonstreer; dit is oral . . . Mense kom na Jesus op allerhande soorte maniere. As ons kon sê “dis hoe dit gebeur” – sou dit wonderlik wees, maar die probleem is dat dit nie so is soos ons dit insien nie. Mense gaan op allerhande maniere al struikelend die koninkryk in. Verlossing is holisties van aard. Jesus wil ons almal red. Jesus wil jou red van jou verlede, van jou vrese, van jou verlammende bekommernisse, jou haat, van die mite van ‘n verlossende geweld, van rassisme, armoede, enigiets wat die volledige shalom wat God vir hierdie wêreld geskep het, verhinder. (Klem bygevoeg)

Bell se evangelie van hoop (in teenstelling met God se Evangelie van wanhoop) wat verklaar dat Jesus almal van ons wil red, selfs van die klad van armoede, is seker die onmenslikste, oppervlakkigste en mees destruktiewe stukkie eksegeses wat ek nog ooit gehoor het. Tydens sy 2007 Leraarkonferensie het hy gewaarsku dat sommige Jesusse verwerp moet word maar hy het hoegenaamd geen gewetenswroeginge om ‘n ander Jesus te omhels wat die armes van hulle armoede wil red nie. Sy Jesus is beslis nie die Jesus wat gesê het:  “Want die armes het julle altyd by julle, maar My het julle nie altyd nie (Johannes 12:8). Daar is biljoene desperate arm mense op die planeet. Wat moet hulle dink van ‘n Jesus wat hulle almal van hulle armoede wil red maar dit nie doen nie? Ek is bewus van ‘n “Christus” wat belowe het om die benarde toestand van die armstes onder die armes hok te slaan en selfs uit te wis. Sy naam is Maitreya. Hoor ‘n bietjie wat sê sy “wegbereider,” of “Johannes die Doper,” Benjamin Creme:

Al die hoofstroom godsdienste verwag ‘n goddelike boodskapper, hoewel onder verskillende name, sê Creme, en Maitreya het gekom om die profesieë van elkeen te vervul. Hy het weens die dringendheid van die tye vroeër gekom as wat baie religieuse groepe verwag het om sy raad aan ‘n wêreld in krisis te bied. Sy prioroteite is eenvoudig: voedsel, skuiling, gesondheidsdienste en opleiding as gewaarborgde regte vir almal. Sy raad aan die mensdom is netso eenvoudig. Wees mededeelsaam en red die wêreld. Wanneer die dilemma van die armes en die honger-sterwende miljoene verlig is, sal die herwinning van die omgewing eerste prioriteit geniet (Benjamin Creme op ‘n perskonferensie op 15 Augustus 2006) (Klem byegevoeg).

My taak is om vir julle te wys hoe om as broers in vrede saam te woon. Dit is eenvoudiger as wat julle dink, my vriende, want dit verg net ‘n gesindheid van mededeelsaamheid. Hoe kan julle tevrede wees met die omstandighede waarin julle tans lewe terwyl miljoene sterwe en in ellende omkom; terwyl die rykes hulle rykdom voor die armes paradeer; terwyl elkeen sy broer nie vertrou nie? Laat my toe om julle die pad vorentoe na ‘n eenvoudiger lewe waar niemand gebrek ly nie, aan te dui; waar niemand dieselfde is nie; waar die vreugde van Broederskap deur alle mense geopenbaar word. Neem jou broer se behoeftes as die meetsnoer vir jou optrede en los die probleme van die wêreld so op (“The Christ is Now Here”, advertensie in die Rand Daily Mail, 24 April 1982)

Is die bogenoemde die Jesus waarna Rob Bell verwys? Dit moet wees want die ware Jesus van die Bybel is in staat om mense van die regverdige oordele van God te red deur selfs gebruik te maak van die haglikste omstandighede wat deur ekstreme armoede veroorsaak word. In lande soos China het baie mense verlossing in Jesus gevind nadat hulle alles verloor het — hulle wonings, hulle vrouens, hulle mans, hulle besparings, ens. Hulle het geleer om tevrede te wees met wat hulle het ten spyte van hulle buitengewone armoede. (Hebreërs 13:5).

Die prediking van die Evangelie ter wille van die redding van siele vanuit die regverdige oordele van God is vir Rob Bell ‘n evangelie van wanhoop. Nee, sê Rob Bell, die boodskap van die Evangelie is dat God nooit biljoene mense sou maak net om te sien hoe hulle in die hel brand sonder enige kans op ‘n ander soort toekoms nie. Sy aanname dat mense op allerhande maniere na Jesus kom vir hulle verlossing maak die deur wawyd oop vir mense van ander geloofsoortuigings om hulle in die kontemplatiewe mistisisme te begewe.  Dit is daarom geen wonder nie dat so ‘n lae dunk van Christus se offer aanleiding gegee het tot die siening dat labirinte en ander kontemplatiewe praktyke misties gemagtig is om enigeen, ongeag hulle mening van die kruis, in die teenwoordigheid van God te bring. In ‘n aflaaibare PDF dokument van Rob Bell se Mars Hill Kerk word die volgende raad in die sesde fase van die mistieke praktyk van “lectio divina” voorsien.

Kontemplasie

Eindig deur jou aandag te fokus op die feit dat jy in God se teenwoordigheid is. Indien jy, terwyl jy op God se teenwoordigheid probeer fokus, ‘n behoefte het om die teks weer te lees, om voort te gaan met jou meditasie, of om eenvoudig net aan te hou om met God te praat, gun jouself dan die kans om dit te doen. Terwyl jy dit doen, weet dat jy in die teenwoordigheid van God is (Klem bygevoeg).

Siedaar! Jou eie doen (werke) van “lectio divina” bring jou in die teenwoordigheid van die Almagtige God. Hulle is maar net besig om Kain se weg om die voorhangsel van onder na bo te skeur, voort te sit. Dit is die manne na wie ons mees geëerde en gerespekteerde geetelike leiers soos Stephan Joubert, Dries Lombaard en Dries Cronjé opkyk vir geestelike leiding. Dries Cronjé, ‘n geestelike boetie van Dries Lombaard en Stephan Joubert het die volgende te sê gehad oor Rob Bell op hulle e-kerk webtuiste:

Ek was onlangs bevoorreg genoeg om my hande (en oë) te lê op Everything is Spiritual van Rob Bell.

Jy vra “Waarom weer Rob Bell? Het jy sy materiaal nie verlede keer bespreek nie?” Wel, ek is besig om nogal heelwat by hierdie mees-geniale dissipel van Jesus te leer en ek wil my opgewondenheid met julle deel. My volgende pos sal oor iets anders wees . . . Belowe.

“Die mees geniale dissipel van Jesus?” Werklik? Die een wat onbeskaamd die Evanglie van verlossing verdraai? Die een wat ‘n soort universele verslossing verkondig? Ek weet nie van u nie, maar ek verkies om die lof te besing van die vernaamste sondaars onder die dissipels van Jesus Christus. Sy naam was Paulus wat op ‘n dag gesê het:

1Timotheus 1:15 Dit is ‘n betroubare woord en werd om ten volle aangeneem te word, dat Christus Jesus in die wêreld gekom het om sondaars te red, van wie ek die vernaamste is. (Klem bygevoeg)

Paulus, my arme broer, hoe kon jy met soveel minagting van jouself praat? Dis jammer dat jy nie vandag nog hier saam met ons kan wees nie want dié is seker, as jy vandag nog gelewe het, sou Dries Cronjé jou voorstel aan een van die mees geniale dissipels van ons tyd — Rob Bell, wat jou “self-esteem” en “self-image” ‘n geweldige hupstoot sou gee.  Het ons so gewoond geraak aan ons moedswillige afvalligheid dat ons eiesinniglik weier om die gees van die  antichris in diegene wat ons as volgelinge van Jesus beskou, raak te sien?

In my inleiding het ek na Ester verwys wat bang was om haar man, koning Ahasvéros, te nader omdat sy nie seker was of hy sy septer van outoriteit en goedkeuring na haar toe sou uithou nie. Hoewel ons vermaan word om God te vrees omdat dit ‘n verskriklike ding is om in die hande van die lewende God te val (Hebreërs 10:31), het alle gelowiges wat van hulle sondes gereinig  is deur die bloed van Christus die vrymoedigheid en die vertroue om in sy teenwoordigheid in die allerheiligste heiligdom in die hemel te gaan. Hulle mag enige tyd en enige plek vir die res van hulle lewe hier op aarde voor Hom verskyn totdat hulle Jesus van aangesig tot aangesig ontmoet.

Hebr 10:19-22: Terwyl ons dan, broeders, vrymoedigheid het om in die heiligdom in te gaan deur die bloed van Jesus op die nuwe en lewende weg wat Hy vir ons ingewy het deur die voorhangsel heen, dit is sy vlees, en ons ‘n groot Priester oor die huis van God het, laat ons toetree met ‘n waaragtige hart in volle geloofsversekerdheid, die harte deur besprenkeling gereinig van ‘n slegte gewete en die liggaam gewas met rein water (Klem bygevoeg).

Wat meer as dit wil ons hê? Wat meer as dit het ons nodig? Almal wat meen hulle kan in die teenwoordigheid van God kom d.m.v. hulle stowwerige en vuil labirinte in die bosvled of selfs op die stowwerige marmervloere van verhewe katedrale en ander mistieke kontemplatiewe monderings is mislei en is besig om ander te mislei, veral ons jeug. Hulle volg nie vir Jesus Christus, die Seun van die lewende God nie, maar ‘n ander Jesus. Hou op met julle nonsens en keer terug na die kruis van Jesus Christus. Die bloed van die kruis is God se septer wat na almal uitgereik word wat gewillig is om die kruis in geloof aan te raak vir hulle redding sodat hulle in sy teenwoordigheid mag kom met blydskap en ewige danksegging.

Ons wil nie luister nie en ons sal nie luister nie

Sommige van die mees tragiese gebeure in die Ou Testament was toe Israel keer op keer in God se gesig vir Hom gesê het: “ons wil nie luister nie en ons sal ook nie luister nie.”

Jer 6:17 Ek het ook wagte oor julle gestel en gesê: Luister na die geluid van die basuin. Maar hulle het geantwoord: Ons wil nie luister nie.

Jer 7:27 Ook moet jy al hierdie woorde aan hulle meedeel, maar hulle sal na jou nie luister nie; en jy moet na hulle roep, maar hulle sal jou nie antwoord nie.

Jer 22:21  Ek het met jou gespreek in jou sorgelose rus, maar jy het gesê: Ek wil nie luister nie. Dit was jou weg van jou jeug af, dat jy na my stem nie geluister het nie.

As jy mooi kyk na die bogenoemde verse, sal jy sien hulle is almal nat van die trane van die profeet — die trane van die wenende profeet, Jeremia, soos hy ook genoem is. Daar was ook  ‘n ander profeet wat groter is as Jeremia wat op ‘n dag met ‘n gebroke hart en stem uitgeroep het:-

Mat 23:37 Jerusalem, Jerusalem, jy wat die profete doodmaak en stenig dié wat na jou gestuur is, hoe dikwels wou Ek jou kinders bymekaarmaak net soos ‘n hen haar kuikens onder die vlerke bymekaarmaak, en julle wou nie!

As die mens, volgens die Calvinisme, nie ‘n wil van sy eie gehad het nie, sou die Here Jesus nooit met so ‘n diepgrondige hartgebrokenheid kon uitroep, “en julle wou nie.” Dit, net so terloops.

Dit was voorwaar tragiese insidente in die geskiedenis van Israel, maar daar is iets wat vandag nog tragieser is.

2Tim 4:3 . . .  daar sal ‘n tyd wees wanneer hulle die gesonde leer nie sal verdra nie, maar, omdat hulle in hul gehoor gestreel wil wees, vir hulle ‘n menigte leraars sal versamel volgens hulle eie begeerlikhede, (Klem bygevoeg).

Deesdae is die mense darem so ‘n bietjie meer beskaafd; hulle sê nie botweg “ons wil of sal nie luister nie — Hulle sê: “Ons wil en sal luister na die predikers en leraars na wie ons graag wil luister, wat ons ore en ons harte met hulle mooi motiverings- en selfbeeldpreke streel, wat nie soos die nare fundamentalistiese Christene vir ons vertel dat daar ‘n verskriklike periode van ‘n Groot Verdrukking en ‘n Armeggadon op hande is nie, ‘n verdrukking wat daar nog nooit in die verlede en nooit weer in die toekoms sal wees nie. Ons wil nie hoor dat Jesus se wederkoms voor die deur is om die wêreld te oordeel nie. Ons wil eerder luister na leraars wat ons vertel dat die hele wêreld vir Christus gewin kan word en dat Sy Koninkryk hier en nou deur die nuwe super-apostels van die Ontluikende kerk en hulle missionêre volgelinge gevestig kan word. Gee eerder vir ons sulke leraars want ons is moeg om te luister na die fundamentalistiese Christene wat voortdurend vir ons sê ons moet ons bekeer en ook in ons pasoppens moet wees om nie mislei te word nie. Die Here sal in elk geval nie toelaat dat ons mislei word nie want HY is ‘n God van liefde.”

Hulle smag nie na ‘n sjirurg wat die doodsgevaarlike kanker kan uitsny nie maar na kwaksalwers wat pleistertjies opplak en met ‘n mooi soet stem vir hulle sê “Toemaar, alles sal regkom. Die toekoms vorentoe is blink, rooskleurig en belowend. God het ‘n besondere doelgerigte lewe vir julle in die oog. Julle moet dit maar net ontdek. Lees my boek en julle sal verseker weet wat daardie doel is.” Ons sien hierdie tendens ook telkens by die inhuldiging van nuwe presidente waarby die outeurs van hierdie “blockbuster” boeke dikwels die inhuldingsgebede doen. Hulle belowe almal vrede in die Midde-Ooste en ‘n wonderlike nuwe era wat op die horison vir ons wink. Wat sê die God wat hemel en aarde gemaak en die mens na sy beeld geskape het en gereed staan om die weerbarstiges te oordeel?

1Tes 5:3 Want wanneer hulle sê: Vrede en veiligheid—dan oorval ‘n skielike verderf hulle soos die barensnood ‘n swanger vrou, en hulle sal sekerlik nie ontvlug nie.

Dit is nie dat die mens nie die vermoë het om sulke ernstige waarskuwings te verstaan nie. Hulle verseg om na God te luister. Hulle sê onbeskaamd en met ‘n mooi aangeleerde godsdienstige arrogansie: “Ons wil nie luister nie; ons luister eerder na leraars wat vir ons ‘n mooi prentjie van die toekoms voorhou,” en glo my daar is ‘n groeiende kontingent leraars wat die “oor-streel-soekende-Christene” met graagte tegemoet kom en hulle leer dat daar ‘n wonderlike wêreldwye herlewing net hier om die hoek vir ons lê en loer. Jy sal dit waarskynlik weer ‘n slag hoor tydens Moreletapark Gemeente se Daniëlkonferensie (19-21 Maart 2009) wanneer Angus Buchan op dieselfde verhoog sal verskyn met Bennie Mostert en Graham Power en jou sal vertel dat Suid-Afrika reeds midde-in ‘n groot herlewing is.

Klink dit miskien vir jou ‘n bietjie oordrewe en verregaande? Nee!  sê ek, want Suid-Afrika is besig om oorspoel — ek wil amper sê ge-tsunami-niseer — te word  met ‘n spul valse leraars wat God se skape en lammers verslind, verskeur en eenvoudig net opeet. En wie bring hulle hierheen . . . wie nooi hulle om hulle valse leerstellings oor ons land uit te strooi? — niemand anders as ons bekendste plaaslike predikers en hulle megakerke nie. ‘n Mees resente voorbeeld hiervan is die uitnodiging wat die Moreletapark gemeente in Pretoria en een van hulle leierspredikante, Ds. Dirkie van der Spuy, aan Tony Campolo gerig het om hulle as hoofspreker van 19 tot 21 Februarie vanjaar tydens hulle Missions Fest toe te spreek.

Wie is Tony Campolo?

Die Here Jesus het op ‘n dag gesê dat ons ‘n boom aan sy vrugte sal ken en om dit te kan doen moet ons die vrugte wat die lippe van hierdie leraars voortbring ook toets omdat ons uit ons woorde geoordeel sal word (Mat 12:35-37).

Tony Campolo is ‘n akademiese produk van Eastern University en hy het ‘n Ph.D op Temple University verwerf. Hy is tans Emeritus Professor in Sosiologie aan die Eastern University in St. Davids, Pennsylvania. Hy het reeds om en by 30 boeke geskryf waarvan Revolution and Renewal: How Churches Are Saving Our Cities een van sy bekendstes is. Hy is die stigter van die Evangelical Association for the Promotion of Education (EAPE) en dien ook op die Verwyssingsraad van Renovaré, ‘n New Age ekumeniese organisasie wat die meditatiewe en kontemplatiewe spiritualieit van die vroeë kerk (Roomse Kerk en Woestynvaders) beoefen en bevorder. Hy is ‘n groot aanhanger van Pierre Teilhard de Chardin wat die kosmiese Christus van die New Age verkondig het en nie die Christus van die Bybel nie. Campolo skryf bv. op bladsy 89 van sy boek How to Rescue the Earth Without Worshiping Nature:

If the Shalom of God and the peaceable kingdom of Isaiah 11 are to become real, then new ways of thinking must be established. With some help from St. Francis and Teilhard de Chardin, we just might make it.

Sy woorde “we just might make it” is gelaai met sy hele siening rondom die domeinistiese idee dat die mens self God se koninkryk hier en nou op die aarde kan vestig. Trouens, hy glo vas dat die probleme waarmee die wêreld te kampe het die regstreekse gevolge is van die eindtyd verkondigers en dat hulle selfs die oorsaak is van oorloë. In sy boek Speaking my Mind op bladsy 207 en 215 vaar hy as volg teen die Here Jesus, Paulus, die apostels en die hedendaagse verkondigers van ‘n eintyd Armeggadon en Groot Verdrukking uit.

Their doctrines are a major factor in determining a far-ranging set of consequences that include American policies regarding militarism, the emergence of evangelical Zionism, attitudes toward Palestinians and the role of American geopolitics.

. . . [whose] “impact on geopolitics can only lead to war.

Hoe is dit moontlik dat iemand homself ‘n Christen kan noem terwyl hy hom vereeenselwig met ‘n persoon soos Pierre Teilhard de Chardin wat sulke onbybelse uitlatings kon maak soos die volgende:

. . . a general convergence of religions upon a universal Christ who … satisfies them all: that seems to me the only possible conversion of the world, and the only form in which a religion of the future can be conceived [1] (Klem bygevoeg).

If, as the result of some interior revolution, I were to lose in succession my faith in Christ, my faith in a personal God, and my faith in spirit, I feel that I should continue to believe invincibly in the world. The world (its value, its infallibility and its goodness) – that, when all is said and done, is the first, the last, and the only thing in which I believe. It is by this faith that I live. And it is to this faith, I feel, that at the moment of death, rising above all doubts, I shall surrender myself. [2] (Klem bygevoeg)

Pierre Teilhard de Chardin het hom oorgegee aan sy geloof in ‘n onfeilbare en goeie wêreld en was bereid om by die oomblik van sy dood onwrikbaar aan hierdie geloof vas te kleef. Wat het die Here Jesus van mense gesê wat hierdie wêreldsisteem leer liefkry?

Jak 4:4 Egbrekers en egbreeksters, weet julle nie dat die vriendskap van die wêreld vyandskap teen God is nie? Wie dan ‘n vriend van die wêreld wil wees, word ‘n vyand van God.

Wat sê Tony Campolo oor die mens?

Sy siening van die mens speel waarskynlik ‘n groter rol in die formulering van sy doktrine oor die eindtye as wat ‘n mens sou verwag. Indien die mens self God of ‘n goddelike wese is, het hy die Here kwalik nodig om  Sy Koninkryk hier op aarde te vestig. Die mens kan dit dan self net so netjies doen.

. . . Isn’t God’s message to sinful humanity that He sees in each of us a divine nature of such worth that He sacrificed His own Son so that our divine potentialities might be realized? … The hymn writer who taught us to sing “Amazing Grace” was all too ready to call himself a “wretch” … Forgetting our divinity and over-identifying with our [Freudian] anal humanity… Erich Fromm, one of the most popular psychoanalysts of our time, recognized the diabolical social consequences that can come about when a person loses sight of his/her own divinity . . . [3]

Demonologie het in Campolo se briljante denke ‘n geheel ander betekenis gekry. As jy nie glo dat jy self God of goddelik is nie, dan speel in jy die hande van die duiwel en sy diaboliese strategie om die gemeenskap te belemmer.

Wat sê Tony Campolo oor verlossing?

I am saying that there is no salvation apart from Jesus; that’s my evangelical mindset. However, I am not convinced that Jesus only lives in Christians.[4]

. . . what can I say to an Islamic brother who has fed the hungry, and clothed the naked? You say, “But he hasn’t a personal relationship with Christ.” I would argue with that. And I would say from a Christian perspective, in as much as you did it to the least of these you did it unto Christ. You did have a personal relationship with Christ, you just didn’t know it.[5]

Jesus is the only Savior, but not everybody who is being saved by Him is aware that He is the one who is doing the saving.[6] (Klem is deurgaans bygevoeg)

Werklik! Die Een wat verlossing bewerk, het juis radikaal die teenoorgestelde gesê:

Joh 17:3 En dit is die ewige lewe, dat hulle U ken, die enige waaragtige God, en Jesus Christus wat U gestuur het. (Klem bygevoeg).

Ek wil dit nie graag glo nie, maar Morletapark Gemeente en hulle leierskap se geneentheid om ‘n man te nooi wat die verlossingleer van Jesus Christus so openlik en agresssief teëstaan, is ‘n rooivlag waarskuwing van hoe ver hulle geestelik agteruitgegaan het. Is daar dan niemand in hulle kerk wat die spuug van smaad en hoon van Christus se gesig kan afvee nie? Hier volg nog ‘n paar Tony Campolo uitlatings oor verlossing.

What I am trying to say is that Jesus who incarnated God 2,000 years ago is mystically present and waiting to be discovered in EVERY person you and I encounter.[7]

I do not mean that others represent Jesus for us. I mean that Jesus actually is present in each other person.[8]

One of the most startling discoveries of my life was the realization that the Jesus that I love, the Jesus who died for me on Calvary, that Jesus, is waiting, mystically and wonderfully, in every person I meet. I find Jesus everywhere. The difference between a Christian and non-Christian is not that Jesus isn’t in the non-Christian—the difference is that the Jesus who is within him is a Jesus to whom he will not surrender his life. You say, “Are you saying that Jesus is present in everybody?” I am only telling you what it says in John 1:9; He is the light that lighteth every man, every woman that cometh into the world. The minute you start saying that God isn’t in some people, you’re on the verge of Fascism. Why? Erich Fromm saw that. The minute you can look at somebody and say God isn’t in him–he is only in Christians—that person is pure demon.[9] (Klem is deurgaans bygevoeg).

Wat hy einlik maar sê is dat die fundamentalistiese Christene wat sê jy moet eers die Evangelie van Jesus Christus glo, tot bekering kom en van bo deur God gewederbaar word voordat HY in jou kan woon, ‘n spul demone is. Het jy dit gehoor? Ek vertrou daar is heelwat kinders van die Here in Moreletapark Gemeente wat glo soos die Skrif sê en waaragtig tot bekering gekom het. Vir hulle het ek baie slegte nuus. Sou jy jou verwerdig om te gaan luister na Tony Campolo wat Jesus Christus, jou Saligmaker en Heer, so laster, dan gaan jy daar sit as ‘n “demoon” omdat Campolo jou sonder omhaal ‘n demoon noem. Maar troos jou daaraan dat jy in baie goeie geselskap verkeer omdat Paulus dan ook, volgens die super-apostel Tony Campolo, ‘n demoon was want hy het op ‘n kol gesê:

Rom 8:9 julle is egter nie in die vlees nie, maar in die Gees, as naamlik die Gees van God in julle woon. Maar as iemand die Gees van Christus nie het nie, dié behoort nie aan Hom nie (Klem bygevoeg).

Selfs die Here Jesus moes dan volgens die super-apostel, Tony Campolo, ‘n demoon gewees het omdat Hy gesê dat dat bitter min mense die Nou Poort en die Smal Pad vind. Maar nee! die ex cathedra uispraak van Tony Campolo bewys onomwonde dat Jesus Christus in alle mense woon al het hulle nog nie die Nou Poort en die Smal Pad gevind nie.

Mat 7: 13 en 14 Gaan in deur die nou poort, want breed is die poort en wyd is die pad wat na die verderf lei, en daar is baie wat daardeur ingaan. Want die poort is nou en die pad is smal wat na die lewe lei, en daar is min wat dit vind (Klem bygevoeg)

Interessant genoeg, net nadat die Here Jesus hierdie woorde gesê het, het hy sy dissipels gewaarsku teen die valse profete wat dinge sou sê wat nie in harmonie is met sy eie woorde nie. Het HY miskien o.a. na Tony Campolo verwys toe HY dit gesê het?

Vers 15 Maar pas op vir die valse profete wat in skaapsklere na julle kom en van binne roofsugtige wolwe is. (Klem bygevoeg).

Wat sê Tony Campolo oor die meditatiewe of kontemplatiewe spiritualiteit?

Soos u seker reeds weet, word die kontemplatiewe spiritualiteit met sy laberinte, kruisstasies, asemgebede, die stilte, retraits, lectio divina, lectio continua, enneagramme, Emmaus wandelings, “centering prayer,” “coram deo” en Taize al geruime tyd deur verskeie predikante, leraars en akademici in hulle kerke beoefen en bevorder. Dr. Nelus Niemand se boek “Nuwe Drome vir Nuwe Werklikhede” het die kontemplatiewe spiritualteit van die Ontluikende Kerk ‘n geweldige hupstoot gegee in die NG Kerk. Hoor wat sê Tony Campolo oor hierdie uiters gevaarlike, antichristelike en onbybelse spiritualiteit.

[M]ysticism [contemplative prayer] provides some hope for common ground between Christianity and Islam. Both religions have within their histories examples of ecstatic union with God … I do not know what to make of the Muslim mystics, especially those who have come to be known as the Sufis. What do they experience in their mystical experiences? Could they have encountered the same God we do in our Christian mysticism?“[10]

Hy skryf in Letters to a Young Evangelical op bladsy 20

In my case intimacy with Christ has developed gradually over the years, primarily through what Catholic mystics call ‘centering prayer.’ Each morning, as soon as I wake up, I take time-sometimes as much as a half hour-to center myself on Jesus. I say his name over and over again to drive back the 101 things that begin to clutter up my mind the minute I open my eyes. Jesus is my mantra, as some would say.[11] (Klem bygevoeg).

Wat sê die Here Jesus Christus?

Mat 6:7 En as julle bid, gebruik nie ‘n ydele herhaling van woorde soos die heidene nie, want hulle dink dat hulle deur hul baie woorde verhoor sal word.

Miskien sal hulle onmiddellik vir jou sê dat hulle nie die Naam van die Here Jesus as ‘n mantra herhaal omdat hulle gebedsverhoring soek nie, maar net om in sy teewoordigheid te kom. En ek het nog altyd gedag dis alleenlik die bloed van Jesus wat jou in God se teenwoordigheid bring en daar hou.

Ek het onlangs ‘n paar  kommentare op Ds. Attie Nel van die Bergsig NG Gemeente in Rustenburg se blog “Attie se Koffietafel” geskryf in antwoord op sy artikel, “Leef Coram Deo.” In kort handel dit oor twee bekende mistici, Brother Lawrence en Frank Laubach, se boek “Living in the Presence of God.” Toe ek, na aanleiding van die agt maniere wat hy aangevoer het as moontlike wyses om in die teenwoordigheid van God te leef, hom daarop wys dat hy nie ‘n enkele keer melding gemaak het van die enigste manier om in die teenwoordigheid van God te kom en te lewe nie, nl die bloed van Christus (Hebr. 10:19-22), het hy en sy volgelinge soos ‘n “ton of bricks” op my afgekom. Ag, dit was ook nie baie lank daarna nie, toe Ds. Attie my in geen onduidelike taal laat weet het ek is nie welkom op sy blog nie. Die enigste gevolgtrekking waartoe ek kon kom, was, dat sodra iemand God se Woord en die waarhede wat daarin vervat word, opsyskuif ter wille van mense se filosofieë, metodes en slim praatjies, daar ‘n agressie teen Bybelse waarhede en God se kinders by hulle onstaan terwyl hulle die vyande van God liefderik omarm en aanprys.

Jesus Christus het sy volgelinge die opdrag gegee om dissipels te maak van al die nasies en om hulle te leer om alles te onderhou wat Hy hulle beveel het. In die inleiding tot Frank Laubach (1884-1970) se ”Letters by a Modern Mystic” word vertel:

In 1915 Frank Laubach went with his wife to the Philippine Islands as a missionary. After founding churches on the island of Mindanao, he established and became dean of Union College in Manila. In 1930 he returned to Mindanao to work with the Mohammedan Moros who regarded the Christian Filipinos as their enemies. Laubach, however, went with a heart filled with the presence of God and sought only to live among them, not trying to coerce them into Christianity, but living each moment with a sense of God’s presence (Klem bygevoeg).

Terwyl Laubach skynbaar geleer het om elke oomblik in die teewoordigheid van God te lewe, hoofsaaklik by wyse van die beoefening van die mistieke kontemplatiewe spiritualiteit, het baie om hom ‘n ewigheid sonder Christus tegemoet gegaan. So tussen hakies, Tony Campolo is ‘n groot aanhanger van Frank Laubach.

Wat sê Tony Campolo oor die gays?

In sy boek 20 Hot Potatoes verklaar Tony Campolo dat homoseksuele gedrag nie teenstrydig is met die wil van God nie (p.115) en dat homoseksuele oriëntasie nie ‘n keuse nie maar ingebore is (p. 112, 113). Hy skryf:

Actually, Jesus never alludes to homosexuality in his teachings. The fact that homosexuality has become such an overriding concern for many contemporary preachers may be more a reflection of homophobia in the church than it is the result of the emphasis of Scripture [12](Klem bygevoeg).

Hierdie stelling is ‘n flagrante ontkenning dat die hele Skrif deur God (Vader, Seun en Heilige Gees) ingegee is en nuttig is tot lering, tot weerlegging, tot teregwysing, en tot onderwysing in die geregtigheid (2 Tim 3:16). Die Man by wie Abraham gepleit het om Sodom en Gomorra nie te vernietig nie indien daar tien regverdiges in die stad gevind kon word, was niemand anders as Jesus Christus nie (Genesis 18). Daar word nie minder nie as sestien keer in hierdie hoofstuk na Hom verwys as Here (Jehovah – die Selfbestaande Een). Hy het waarskynlik nie na homoseks in sy leringe hier op aarde verwys nie, maar sy oordele rus beslis op homoseks persone indien hulle hul nie tot Hom bekeer en hulle lewenswyse versaak nie, netsoos op enige heteroseksuele persoon wat sou weier om hom tot God te bekeer en sy sondige lewenswyse te versaak. ‘n Heteroseksuele persoon wat net na ‘n vrou kyk met begeerte in sy hart, het klaar owerspel gepleeg en het nodig om hom daarvan te bekeer. Wie is nou beter as wie? Albei, homoseksueel en heterosekuseel, het nodig om hulle te bekeer en hulle sondige lewenswyses te versaak. So-ook moet predikante en gemeentes wat valse leraars uitnooi om hulle toe te spreek, God om vergifnis smeek omdat hulle toelaat dat hulle skape en lammers mislei word.

Ek het op 26 Januarie vanjaar ‘n e-pos aan Moreletapark Gemeente gestuur wat soos volg lui:

Een van die groot litmustoetse wat Jesus aan ons voorgehou het om te bepaal of ons Hom werklik liefhet, vind ons in Johannes 21 toe Hy Petrus drie maal gevra het: “Het jy my lief?” en ook telkens gesê het: “Pas my skape en lammers op en voed hulle.” Ek is bevrees dat Ds. Van der Spuy en almal wat te make het met die reëlings rondom Tony Campolo se besoek aan Moreletapark,  nie juis omgee of Tony Campolo Moreletapark se skape en lammers mislei nie.

Hoe op deeske aarde kan julle as gemeente wat verlede jaar in ‘n hofgeding betrokke geraak het oor ‘n homoseks orrelis in julle gemeente, Campolo toelaat om julle gemeente toe te spreek wat onbybelse menings oor homoseksualisme huldig? “Tony Campolo and his wife Peggy have participated in public debates and discussions about the place of lesbians and gays within church and society. Tony Campolo contends that homosexuality is a sin in practice, though not in orientation.” Campolo is ook baie uitgesproke oor die eenheid wat bereik kan word tussen Christene en Moslems d.m.v. die sg. kontemplatiewe spiritualiteit.

Ek vra julle om ter wille van die Here Jesus Christus en sy Evangelie (wat beslis nie deur Campolo gepredik word nie) julle skape en lammers teen hom te beskerm en om sodoende te bewys dat julle die Here Jesus waarlik liefhet (Johannes 21: 15-17).

Hulle het my tot op hede nog nie geantwoord nie. Miskien verkies hulle om soos die Ou Testamentiese Israel te sê: Ons wil nie luister nie. Nouja! na my hoef hulle nie te luister nie, maar sal hulle na die Here Jesus luister wat by monde van die apostel van liefde gesê het:

2 Joh 1:10 en 11 As iemand na julle kom en hierdie leer nie bring nie, ontvang hom nie in die huis nie en groet hom nie. Want die een wat hom groet, het gemeenskap aan sy bose werke.

(Die “groet” in hierdie verband beteken natuurlik nie dat jy nie vir hom “hullo”,” goeiedag of goeienaad moet sê nie. Die “groet” in daardie dae was “shalom” wat beteken “mag die vrede van die Here jou vergesel” of “gaan in die vrede van die Here.” As jy dit vir ‘n valse leraar of profeet sou sê, dan beteken dit dat jy God se vrede ook oor sy valse leerstellings uitroep en dit as sodanig maak jou ‘n medepligtige aan sy bose werke).

Vergun my ‘n laaste vraag aan Ds. Dirkie van der Spuy en die Moreletapark Gemeente: Sien julle kans om gemeenskap te hê met die bose werke van persone wat die Evangelie van verlossing verdraai en sodoende die Naam van Jesus Christus oneer aandoen . . ? Die tyd het gekom vir die kinders van God in Suid Afrika om te waak, vas te staan in die geloof, manlik te wees, sterk te wees (1 Kor 16:13) en te sê, “Tot hiertoe en nie verder nie. Ons het Christus en sy waarheid lief met ons hele hart en ons verseg om voortaan valse leraars toe te laat om die skape en lammertjies in ons gemeentes te mislei. Ons wil gehoorsaam wees aan Jesus Christus, al kos dit ons lewens.” Tony Campolo is met een woord gesê gevaarlik. Lees gerus hierdie insiggewende artikel oor hom.

---

[1] Pierre Teilhard de Chardin, Christianity and Evolution (New York: Harcourt Brace Jovanovich, 1971), p. 99.

[2] Pierre Teilhard de Chardin, Christianity and Evolution (Collins, 1971), p. 130

[3] Tony Campolo, “Partly Right” 1995

[4] Tony Campolo, National Liberty Journal, 8/99

[5] Tony Campolo, EVANGELICALS AND INTERFAITH COOPERATION, An Interview by Shane Claiborne

[6] Tony Campolo, EP News Service, Oct. 4, 1985

[7] Tony Campolo, “A Reasonable Faith” 1983 p. 171

[8] Ibid, p. 192

[9] In ‘n toespraak in Prestatyn (Verenigde Koninkryk) in 1988,

[10] Tony Campolo, Speaking my Mind, p. 149, 150

[11] Tony Campolo, Letters to a Young Evangelical (New York, NY: Perseus Books Group, 2006), 20.

[12] Tony Campolo, 20 Hot Potatoes Christians are Afraid to Touch, p. 84

Die Paradoksale Teologie van die Post-moderne Predikers

“Teenoorgesteldes is beide waar en geldig”

Die post-modernisme is deurspek met teenstydighede. In die gewone spreektaal verwys ons na hierdie fenomeen as “paradokse.” Dr. Nelus Niemandt, outeur van die boek “Nuwe Drome vir Nuwe Werklikhede” omskryf “paradoksaal” as volg:

Die feit dat verskillende wêreldbeskouings gelyktydig ons wêreld beïnvloed, krap sake nogal om. Een van die gevolge is ‘n paradoksale wêreld. Paradokse beteken dan twee dinge, wat oënskynlik teenoor mekaar staan, terselfdertyd waar en geldig is. Dit is ‘n geval van “die een en ook die ander”. Ons leef in so ‘n en/ook wereld. Die een ding is waar en ook die ander. Teenoorgesteldes is beide waar en geldig. Die lewe en die werklikheid kan nie meer in eenvoudige swart/wit kategorieë geplaas en verklaar word nie.

Dit lyk my paradokse is deel van die wese van die mens. En mense moet sommer gou leer om daarmee saam te leef. [1] (Klem bygevoeg)

Let asseblief noukeurig op die vet gedrukte gedeelte “Die een ding is waar en ook die ander. Teenoorgesteldes is beide waar en geldig.” As jy baie mooi luister, sal jy die gesis van die slang hoor wat Eva in die Paradys met ‘n soortgelyke leuen verlei het: “Is dit ook so dat God gesê het . . .?” Jy het gewis nie ‘n doktorsgraad nodig om agter te kom dat dit wesentlik ‘n aanslag op die ewig en onveranderlike Woord van God is nie. Nog meer, dit is ‘n georkestreerde aanslag van die satan op Jesus Christus wat gesê het: “Ek is die weg en die waarheid en die lewe; niemand kom na die Vader behalwe deur My nie.” Dié paradoks-fenomeen wat kwansuis “deel [is] van die wese van die mens” gee hom dus die reg om met oortuiging te verklaar dat Christus Jesus die Waarheid is sonder om die ander Christusse wat deesdae oral soos paddastoele opspring, as vals te bestempel. Die tragedie hieromheen is dat verskeie invloedryke predikers in toemender mate paradokse in hulle preke en in hulle kommentare op hulle “blogs” inweef. Hulle erken geredelik gou dat Jesus Christus die enigste Verlosser is, maar erken ook heel dikwels netso geredelik maklik dat andersdenkendes in die teologie ook waarhede in pag het. Ek het reeds in een van my vorige kommentare daarop gewys dat ds. Jannie Pelser van die Rant en Dal Gemeenskapskerk in ‘n onderhoud met Flip Loots[2] paradoksaal daarop gewys het dat die mens by God moet begin indien hy nuwe norme en waardes in die samelewing wil uitlewe maar dat die Christen ander geloofsoortuigings ook moet respekteer.

Op Flip Loots se vraag: “Dit is nie net Christene wat sekerlik met moraliteit moet lewe en kerke wat daardie oproep moet doen nie. Hoe voel julle van die Nuwe Hartstigting oor die, kom ek sê, die volledige samelewing van Suid-Afrika, het ds. Jannie soos volg geantwoord.

Ek is so bly jy vra daardie vraag. Maar natuurlik, daar’s baie ander samelewingsverbande en geloofsgroeperinge in Suid-Afrika en as Christene het ons respek en agting vir ander mense en vir hulle oortuigings en as mens begin praat oor eerlikheid, en selfbeheersing, verantwoordelikheid en medemenslikheid, dan sal mense wat in ander groeperinge as die Christelike geloof behoort, ook sê, weet jy, daardie goed is vir ons ook baie belangrik. In ’n sekere sin is hierdie universele waardes . . . (Klem bygevoeg)

‘n Ander mees onlangse voorbeeld van paradoksale teologiese taal verskyn in Prof. Hennie Stander se blogartikels “Hoop vir ‘n Donker Wêreld” en “’n Kerk se Week van Seks.”

In eersgenoemde artikel sê Stander dat Jesus Christus hoop vir ‘n donker wêreld bring, en nie die nuutverkose Amerikaanse President, Barak Obama, nie wat onlangs deur Time-tydskrif aangewys is as “Persoonlikheid van die Jaar” omdat hy “die selfvertroue gehad het om ’n rooskleurige toekoms op ’n donker tydstip te skilder en dat hy die Amerikaners weer hoop gegee het.” Stander sê voorts:

Hiermee het die bekende Time-tydskrif duidelik uitgespel wat dit is waaraan ’n donker wêreld behoefte het: die wêreld soek hoop en soek ’n toekoms. Dit is die soort boodskap wat kinders van die Here by uitstek aan die wêreld kan bring. Dit is net jammer dat ons dit nie genoegsaam verkondig nie. Veral in Kerstyd kan ons gerus weer die boodskap verkondig dat Baba Jesus nie net ’n ou hulpelose babatjie in ’n krip is nie.

. . . Dit is die boodskap van hoop waaraan die wêreld so ’n behoefte het. Daarom dat hulle elke woord van hoop van Obama opslurp. Elke volgeling van Jesus sit met ’n veel beter boodskap van hoop in sy skoot. Kom ons vertel dit vir elke mens rondom ons wat honger is daarvoor. (Klem bygevoeg)

En tog sê Stander in een van sy vorige arikels “’n Kerk se Week van Seks” met meesterlike paradoksale ingeborenheid:

Ek het oor die jare heen baie rondgereis en in verskillende gemeentes regoor Suid-Afrika, asook in die buiteland, gepreek. En binne 10 minute nadat ek by ’n kerk is, kan ek sien of dit ’n lewendige en groeiende kerk is, en of dit ’n kwynende kerk is. Laat ek ’n paar eienskappe van groeiende kerke noem:

Dit is kerke waar daar ’n suksesvolle musiekbediening is. Musiek (nie seks nie) speel ’n geweldige belangrike rol. Die prediking moet eenvoudig, maar aktueel, wees. Die mense stel nie belang in dogma en teologie nie. Hulle wil hulp kry oor hoe om gewone daaglikse eise van die lewe te kan hanteer.

Volgens Stander “sit elke volgeling van Jesus met ‘n veel beter boodskap van hoop in sy skoot” maar dit is ‘n boodskap wat dogma en teologie by die venster uitgooi omdat die mense nie meer daarin belangstel nie. Dit klink mos alte veel na Paulus se waarskuwing in sy tweede brief aan Timotheus.

2 Tim 4:3 want daar sal ‘n tyd wees wanneer hulle die gesonde leer nie sal verdra nie, maar, omdat hulle in hul gehoor gestreel wil wees, vir hulle ‘n menigte leraars sal versamel volgens hulle eie begeerlikhede, (Verwys Paulus hier na die eindtydse Parodaksale teoloë?)

Ek het telkemale in die verlede “Christene” wat dogma en teologie minag gewys op die uiters gevaarlike vuur waarmee hulle speel. Ek haal aan uit die “Amplified Bible.”

2 John 9 Anyone who runs on ahead [of God] and does not abide in the doctrine of Christ [who is not content with what He taught] does not have God; but he who continues to live in the doctrine (teaching) of Christ [does have God], he has both the Father and the Son.

Iemand wat nie in Christus se leerstellings gegrond en gevestig is en daarin bly nie, is beslis nie besig om Hom te volg nie. Trouens, die Skrif sê onomwonde dat hy/sy hoegenaamd nie gered is nie. Kom u agter met watter gevaarlike paradokse een van die voorste teologiese professore in ons land besig is om te speel? Stander is egter nie die enigste leraar wat dit doen nie. Ek het reeds ds. Jannie Pelser se naam genoem, maar so is daar ook andere soos Stephan Joubert wat kop in een mus is saam met Nelus Niemant. Op hulle beurt werk hulle saam met oorsese valse leraars soos Brian McLaren, Doug Pagitt, Rob Bell, Tony Jones, Rick Warren en nog vele ander. Aan die eenkant wil hulle hê Jesus moet vir hulle hoop, voorspoed, vrede, en geluksaligheid gee maar aan die ander paradoksale kant is hulle nie bereid om Sy leerstellings na te volg en dit ook aan andere te verkondig nie.

Soos so baie ander leraars in die kader van die ontluikende kerk, praat Stander telkens van ‘n “boodskap van hoop” vir ‘n donker wêreld wat ‘n toekoms soek. Ek sien nêrens in die Skrif dat die Here Jesus vlees en bloed deelagtig geword het om vir hierdie donker wêreld hoop en ‘n toekoms te gee nie. Die ironie is dat hierdie donker wêreld juis so donker is omdat dit Hom eerste gehaat het en sy volgelinge met net soveel minagting bejeen.

Joh 15:18 As die wêreld julle haat, moet julle weet dat hy My voor julle gehaat het.

Blykbaar wil Stander vir hierdie wêreld wat Christus en sy ware volgelinge so intens haat, hoop en ‘n toekoms gee sodat dit ongehinderd kan voortgaan om Hom en sy ware volgelinge nog intenser te haat — en dit nogal terwyl hy ‘n boodskap van hoop aan die wêreld opdis wat geheel en gestroop is van Christus se leerstellings (omdat die mense nie meer daarin belangstel nie). Paradoks op paradoks op paradoks is vir Stander en sy meelopers aan die orde van die dag.

Nee! Prof. Stander, die Here Jesus het nie mens geword om vir hierdie wêreld hoop en ‘n toekoms te gee nie. Kom ons kyk ‘n slag na wat Hyself vir ons in sy onveranderlike leerstellings gesê het:

Mat 10:34 Moenie dink dat Ek gekom het om vrede op die aarde te bring nie. Ek het nie gekom om vrede te bring nie, maar die swaard.

Luk 12:51 Dink julle dat Ek gekom het om vrede op die aarde te gee? Nee, sê Ek vir julle, maar eerder verdeeldheid.

John 12: 46-48 Ek het as ‘n lig in die wêreld gekom, sodat elkeen wat in My glo, nie in die duisternis sou bly nie. En as iemand na my woorde luister en nie glo nie, Ek oordeel hom nie; want Ek het nie gekom om die wêreld te oordeel nie, maar om die wêreld te red. Wie My verwerp en my woorde nie aanneem nie, het een wat hom oordeel: die woord wat Ek gespreek het, dit sal hom oordeel in die laaste dag.

Luk 19:10 Want die Seun van die mens het gekom om te soek en te red wat verlore was. (Klem deurgaans bygevoeg).

Hy het dus nie gekom om hoop en ‘n toekoms vir en in hierdie wêreld te gee nie maar inderdaad om te red. Wat behels hierdie redding waarvan die Here Jesus hierbo praat?

Kol 1:13 Hy wat ons verlos het uit die mag van die duisternis en oorgebring het in die koninkryk van die Seun van sy liefde,

Verlossing behels nie net die vergifnis en vrymaking van jou sondes nie, maar die oorplasing (die Engelse woord is “transference”) vanuit die mag van die koninkryk van hierdie wêreldsisteem en sy duisternis (waarvan satan die god is) na die koninkryk van die Seun van sy liefde. Daarom het die Here Jesus op ‘n dag gesê “Dit het Ek vir julle gesê, dat julle in My vrede kan hê. In die wêreld sal julle verdrukking hê; maar hou goeie moed, Ek het die wêreld oorwin” (Joh 16:33). Weer eens is dit duidelik dat Hy nie gekom het om vir hierdie wêreld hoop en ‘n toekoms te gee nie, maar om dit te oorwin, en dit het Hy met vlieënde vaandels gedoen sodat sy ware volgelinge nie meer nodig het om vertrengel te raak in die wêreld se lekkernye nie.

Die hedendaagse postmoderne predikers en leraars het ‘n subtiele klemverskuiwing gemaak van God na die mens. Alles draai om  die mens – sy toekomsverwagtinge, ideale, hoop, welsyn, voorspoed, gesondheid, sy siening rondom positiwiteit, [3] sy norme en waardes, sy behoeftes ens. Stander stel dit vir ons baie duidelik in sy woorde “Die mense stel nie belang in dogma en teologie nie. Hulle wil hulp kry oor hoe om gewone daaglikse eise van die lewe te kan hanteer.” [4] G’n wonder die Here lag en spot met hulle nie (Ps 2: 4) terwyl hulle in eiewaan dink hulle kan die bande van sy leerstellings (dogma en teologie) stukkend ruk sodat hulle uit die gebreekte erdekruike van hulle eie waansin ‘n bietjie brak en vuil water kan drink. Is dit werklik die hoop en toekoms vir die wêreld waarvan prof. Hennie Stander praat?

Dit is opvallend dat ‘n hele klomp leraars, o.a. ds Jannie Pelser, Nelus Niemandt, Stephan Joubert en Jan van der Watt, groot aansien geniet, nie net onder ‘n groot aantal Chrstene nie maar ook die wêreld en die sekulêre pers. So terloops, die feit dat die sekulêre pers Angus Buchan so hoog aanprys, is genoeg rede tot kommer omdat hulle hoofsaaklik beïndruk is met die groot getalle mense wat hy lok. Buchan self maak ook gereeld by sy byeenkomste, op sy webtuiste en nuusbriewe groot gewag van die derduisende mense wat sy byeenkomste bywoon. Die Here Jesus het op ‘n dag gesê:

Luk 6:26 Wee julle wanneer al die mense goed van julle praat, want hulle vaders het net so aan die valse profete gedoen.

1Joh 4:5 Hulle is uit die wêreld; daarom praat hulle uit die wêreld, en die wêreld luister na hulle.

Is daar hoop en ’n toekoms vir die wêreld?

Die Here Jesus het een maal gesê:

Joh 5:43 Ek het gekom in die Naam van my Vader, en julle neem My nie aan nie. As ‘n ander een in sy eie naam kom, hóm sal julle aanneem.

Die “hóm” na wie die Here Jesus verwys het, is die Antichris wat deur die Jode en die hele wêreld as hulle Messias aanvaar sal word en die skokkende ding hieromtrent is dat sy volgelinge as “Christene” bekend sal staan (2 Tim 3:5). In  die Here Jesus se woorde “en julle neem my nie aan nie” beteken hierdie “aanneem” nie om ‘n gebed agter iemand anders aan te herhaal en te sê “Here, ek neem U as my persoonlike Saligmaker aan” nie. Dit beteken ten diepste om God se leerstellings (dogma en teologie) rondom sy kruis en die gepaardgaande verloëning en sterwe aan die self daagliks met oorgawe te omarm. Daarom het Paulus hom “voorgeneem om niks anders onder julle te weet nie as Jesus Christus, en Hom as gekruisigde” (1Kor 2: 2). Die kruis van Jesus Christus is die krag en die wysheid van God (1 Kor 1:17-19) en dit is juis hierdie leerstelling wat die wêreld nie wil aanneem en omarm nie. Dit is dan ook geen wonder nie dat Hennie Stander en die post-moderne paradoksale predikers verklaar dat die mense nie belangstel in dogma en teologie nie maar hulp wil hê oor hoe om hulle gewone alledaagse lewenseise te hanteer. Die gevolg is dat hierdie leraars hulle ‘n Jesus bied wat hulle net as hulle rolmodel (voorbeeld) hoef na te volg.

Om te verduidelik wat ek hiermee bedoel, wil ek graag herhaal wat ek op 22 Mei vanjaar onder die opskrif “Hoe lyk die post-moderne volgelinge van Jesus?” gesê het. Ek het begin met ‘n aanhaling uit Brian McLaren se veelbesproke boek, “A Generous Orthodoxy”

Ek glo nie om dissipels te maak dieselfde moet wees as om volgelinge te maak van die Christelike godsdiens nie. Dit mag raadsaam wees om in baie omstandighede (nie alle nie!) mense te help om volgelinge van Jesus te word en [nog steeds] binne hulle Boeddhistiese, Hinduïstiese en Joodse konteks te bly . . . eerder as om die paradoks op te los via verklarings oor die ewige bestemming van mense wat meer oortuig is deur of lojaal is teenoor ander godsdienste as ons eie, ons moet eenvoudig voortgaan . . . om Boeddhiste, Moslems, Christene en al die ander te help om die lewe ten volle te ervaar op die wyse van Jesus [en] (terwyl ek dit self beter leer ken), ook graag een van hulle sou wou word (wie hulle ookal mag wees), tot watter mate ek kan, om hulle te omhels, by hulle aan te sluit, om hulle wêreld te betree sonder om veroordelend te wees maar met reddende liefde soos myne deur die Here betree is — Brian McLaren (5) (Uit die Engels vertaal) (Klem bygevoeg).

Moeder Teresa (27 Augustus 1910 – 5 September 1997) wat  deur baie Christene met besondere hoë agting bejeen word, het ‘n soortgelyke ding gesê wat Nelus Niemandt en vriende se paradoksale teologie een honderd persent onderskryf:

There is only one God and He is God to all; therefore it is important that everyone is seen as equal before God. I’ve always said we should help a Hindu become a better Hindu, a Muslim become a better Muslim, a Catholic become a better Catholic. We believe our work should be our example to people. We have among us 475 souls – 30 families are Catholics and the rest are all Hindus, Muslims, Sikhs—all different religions. But they all come to our prayers.[6]

Beide Nelus Niemandt en Stephan Joubert praat met groot lof van Moeder Teresa en gebruik dikwels haar liefdadigheidswerk in Kalkutta as voorbeeld om die doelsetellings van die ontluikende kerk te illustreer. Die volgende uittreksel kom uit ‘n artikel van Stephan Joubert op die “Elijah Africa” webtuiste

In die Nuwe Testament, voeg hy by, is daar baie minder tekste wat sê jy moet met jou mond getuig as met jou lewe. Dade praat harder as woorde. Oor dié gedagte van onselfsugtige diens noem Niemandt en Joubert vir moeder Teresa as ’n goeie voorbeeld. Joubert trek dit ook deur na die kwessie van reg en verkeerd.

Tradisioneel, sê hy, het die kerk ’n sterk morele sondebeskouing, met lysies soos dans, drink, dobbel en dies meer. Hy bepleit ’n skuif na sosiale verantwoordelikheid waar gelowiges ’n voorbeeld is van ’n samelewing waarin Christus is. Moenie sê wat verkeerd is nie, maar wys en leef wat reg is. Dis ’n skuif van die handhawing van reëls na die uitleef van ’n waardestelsel tussen mense wat dit nié leef nie. (Klem bygevoeg)

Ek het by verskeie vorige geleenthede gesê dat die Christen as nuwe skepping in die Here die verantwoordelikheid het om as lig en sout in hierdie wêreld ‘n voorbeeld te wees vir andere maar sodra ‘n ongebalanseerde klem op jou mooi lewe gelê word, ondermyn dit die Evangelie en Christus se opdrag om dit by elke geleentheid te verkondig. Christus self, die enigste Persoon wat ‘n volslae heilige lewe kon lewe, het op ‘n dag gesê “Julle is alreeds rein deur die woord wat Ek tot julle gespreek het.“ (Joh 15:3). Dit was dus nie sy heilige lewe wat mense tot redding gebring het nie, maar God se Woord wat HY aan hulle verkondig het (Romeine 10: 17). Blykbaar steur Nelus Niemandt en Stephan Joubert hulle nie veel aan Christus se vooropstelling van sy Evangelie nie omdat hulle ‘n persoon soos Moeder Teresa as voorbeeld vir hulle ontluikende kerk voorhou. Sy het inderdaad ‘n wonderlike en pragtige voorbeeldige lewe van selfopoffering uitgeleef, maar soos ons reeds gesien het, het sy Christus se opdrag om dissipels te maak van al die nasies, verontagsaam.  Sy het die Moslems en Hindoes wel deeglik met liefde versorg maar haar ongehoorsaamheid aan Christus het die armes in ‘n baie erger toestand gelaat as wat hulle was – ewige verlorenheid. Wil Nelus Niemandt en Stephan Joubert werklik voorgee dat hulle beter kan doen as die helige Seun van God wat die prediking van die Woord van God (en dit sluit die aanspreek van sondes soos dans, drink , dobbel en dies meer in) vooropggestel het? Wat sê die Skrif?

Al sou ek die tale van mense en engele spreek, en ek het nie die liefde nie, dan het ek ‘n klinkende metaal of ‘n luidende simbaal geword. En al sou ek die gawe van profesie hê en al die geheimenisse weet en al die kennis, en al sou ek al die geloof hê, sodat ek berge kon versit, en ek het nie die liefde nie, dan sou ek niks wees nie. En al sou ek al my goed uitdeel, en al sou ek my liggaam oorgee om verbrand te word, en ek het nie die liefde nie, dan sou dit my niks baat nie. Al sou ek die tale van mense en engele spreek, en ek het nie die liefde nie, dan het ek ‘n klinkende metaal of ‘n luidende simbaal geword. En al sou ek die gawe van profesie hê en al die geheimenisse weet en al die kennis, en al sou ek al die geloof hê, sodat ek berge kon versit, en ek het nie die liefde nie, dan sou ek niks wees nie. En al sou ek al my goed uitdeel, en al sou ek my liggaam oorgee om verbrand te word, en ek het nie die liefde nie, dan sou dit my niks baat nie. (1 Kor 13: 1-3)

In hierdie gedeelte word “doen” gestel teenoor “liefde.” Dit is egter nie ‘n filantropiese soort liefde nie, maar in die eerste plek ‘n liefde vir God en sy Evangelie (leerstellings, dogma, teologie). Dit is juis hierdie liefde vir God en sy Woord wat verkondig moet word wat die Christen moet dring om mense te vermaan om hulle met God te versoen.

1 Kor 2:14 en 20 Want die liefde van Christus dring ons . . . Ons tree dan op as gesante om Christus wil, asof God deur ons vermaan. Ons bid julle om Christus wil: Laat julle met God versoen.

Hierdie ongebalanseerde klem op Christene se voorbeeldige lewens as die primêre wyse waarop mense  vir die koninkryk van God gewin  moet word, is ‘n baie subtiele aanslag op die Evangelie van Jesus Christus en die verkondiging daarvan. Paulus het nie vir Timotheus gesê  om net op sy lewe  alleen te let nie maar op sy LEER en sy LEWE (1 Tim 4:6). Miskien kan ‘n mens die hedendaagse post-moderne volgelinge van Jesus as volg beskryf, veral as jy mooi luister na wat hulle oor leersteling sê: Jesus Christus minus leerstelling (reëls, lering, wette, ideologieë) = Jesus volgelinge. Kan hierdie volgelinge van Jesus daarop aanspraak maak dat hulle sy dissipels is terwyl hulle sy leerstellings minag of beskou hulle Hom maar as net nog ‘n rolmodel of ‘n voorbeeld van hoe om te lewe en hulle gewone alledaagse lewenseise te hanteer? Om hierdie vraag te beantwoord moet ons weer eens luister na wat Jesus van die Bybel self gesê het.

Joh 8:31 En Jesus sê vir die Jode wat in Hom geglo het: As julle in my woord (leerstellings) bly, is julle waarlik my dissipels. (Klem bygevoeg).

Om soos Jesus te lewe beteken dus om in sy woord (leerstellings) te bly. Hy het ook gesê:

Joh 15:10 As julle my gebooie bewaar, sal julle in my liefde bly, net soos Ek die gebooie van my Vader bewaar en in sy liefde bly.

Die aanspraak dat iemand ‘n volgeling van Jesus is sonder om ag te gee op sy leerstellings wat vir ons sê wat ons mag en nie mag doen nie, dui óf op onkunde óf op misleiding óf albei. Selfs Alice Bailey wat haar boeke geskryf het onder die invloed en leiding van haar geestegids, Djwhal Khul, het geroem op die feit dat Jesus haar voorbeeld was. Sy skryf:

Ons het baklei oor die leerstellings waardeur mense gered sal word . . . Ons het die helfte van die wêreld as verlore beskou en slegs die Christen gelowige as gered, en tog het Christus die heeltyd vir ons vertel dat liefde die weg na die koninkryk is, en dat die feit van die teenwoordigheid van goddelikheid in elkeen van ons, ons geskik maak vir daardie koninkryk . . . Mense word nie gered deur ‘n geloof in die formulering van ‘n teologiese dogma nie, maar deur die feit van Sy lewende Teewoordigheid, of die lewende onmiddelikheid van Christus . . . Dit wat uiteindelik ons menslike lewe sal erken is die teenwoordigheid in die wêreld van diegene wat Christus as hulle voorbeeld ken, en herken dat hulle dieselfde goddelike lewe besit, net soos die bekragtiging van die basiese wet van die koninkryk van God, die wet van die liefde, die wêreld finaal sal red – Alice Bailey en Djwhal Khul (7) (Uit die Engels vertaal) (Klem bygevoeg).

Die wêreld smag inderdaad na ‘n Jesus, maar nie die Jesus wat gesê het “Ek IS die weg en die waarheid en die lewe; niemand kom na die Vader behalwe deur My nie.” Hulle wil alleenlik ‘n Jesus hê wat vir hulle die weg aandui; ‘n Jesus wat vir hulle ‘n voorbeeld kan wees in hulle eindelose soeke na die weg en die waarheid en hoe om hulle gewone alledaagse lewenseise te hanteer. Hoewel die antichris hom nog nie as persoon in lewende lywe aan die wêreld geopenbaar het nie (en hy kan ook nie, nie voordat God dit toelaat nie – 2 Thess 2:7), is sy gees (invloed) lankal reeds waarneembaar in die wêreld. ‘n Persoon deur wie die gees van die antichris reeds sedert 1977 merkbaar in die wêreld werk, is die sg. Maitreya. Hy het gesê:

Allow Me to show you the way ― forward, into a simpler life where no man lacks; where no two days are alike; where the joy of Brotherhood manifests through all men.

Mine is the task to lead and guide, but you, willingly, must follow. Otherwise, I can do nothing. My hands are tied by Law. The decision rests with mankind.

When I make Myself known, I shall express the hope of all mankind for a new life, a new start, a readiness to change direction; to see the construction of a New World in which men can live in peace; can live free from fear of themselves or their brothers; free to create from the joy in their hearts; free to be themselves, in simple honesty. [8] (Klem bygevoeg)

Klink dit nie nogal baie na Hennie Stander se wyse woorde nie? – Die mense stel nie belang in dogma en teologie nie. Hulle wil hulp kry oor hoe om gewone daaglikse eise van die lewe te kan hanteer. As ons sy woorde so ‘n bietjie wyer omskryf, sal dit moontlik as volg verwoord kan word: Die mense stel nie belang in Jesus Christus se leerstellings en teologie nie maar soek iemand wat vir hulle die weg kan aanwys oor hoe om hulle gewone alledaagse lewenseise te kan hanteer.

Ek vra weer: “Is daar hoop en ‘n toekoms vir hierdie wêreld?” Die antwoord hierop is ‘n klinklare ja! Maar, dit is ‘n valse hoop en ‘n verskriklike toekoms omdat die Jesus wat die paradoksale postmoderne predikers die wêreld  bied, ‘n valse Jesus is waarvan die profeet Daniël geskrywe het en ek haal aan uit die Amplified Bible:

Dan 8:25 And through his policy he shall cause trickery to prosper in his hand; he shall magnify himself in his heart and mind, and in their security he will corrupt and destroy many. He shall also stand up against the Prince of princes, but he shall be broken and that by no [human] hand.

laat my asseblief toe om jou te vra. Watter Jesus volg jy? Die een wat gesê het: “As iemand agter My aan wil kom, moet hy homself verloën en sy kruis elke dag opneem en My volg” of die een wat sê “Allow Me to show you the way ― forward, into a simpler life where no man lacks; where no two days are alike; where the joy of Brotherhood manifests through all men. Mine is the task to lead and guide, but you, willingly, must follow.” Ek kan met absolute sekerheid sê dat die eersgenoemde na die ewige lewe lei en die laasgenoemde na die ewige verderf, tensy jy jou heelhartig bekeer en jou huidige pad verlaat om deur die nou poort te gaan sodat jy die smal pad kan bewandel. Hierdie poort en weg is ‘n Persoon en sy Naam is Jesus Christus, die Seun van die Lewende God. Die keuse lê by jou. Maak asseblief die regte keuse, ter wille van onse Here Jesus Christus.

(Let asseblief baie noukerurig daarop dat ek nie besig is om persone en hulle persoonlike verhouding met Christus aan te val nie. Ek  ken nie mense se harte nie. God alleen weet wat in hulle harte aangaan. Ek is slegs besig om hulle openbare verklarings aan die hand van die Skrif te ondersoek en te evalueer. Ons taak is om hard te stry vir die geloof wat eenmaal deur die apostels aan ons oorgelewer is. Ek voel baie sterk daaroor dat ek net soveel reg het om die vooraanstaande leraars en predikers in ons land se openbare teologiese verklarings ook in die openbaar aan te vat indien dit nie met God se Woord strook nie. Sou dit wees dat hulle nie met my saamstem nie, is hulle welkom om my vanuit God se Woord te repudieer en verkeerd te bewys).

Gal 1:10 Soek ek dan nou die guns van mense, of van God? Of probeer ek om mense te behaag? As ek nog mense behaag, dan sou ek nie ‘n dienskneg van Christus wees nie.

—————————————————————————————————–

[1] Nelus Niemandt, Nuwe Drome vir Nuwe Werklikhede, Lux Verbi BM, Junie 2007 p. 26  en 27

[2] Oop Gesprek, RSG, Sondag, 23 November 2008, 19:30

[3] Skrifgefundeerde geloof word al hoe meer deur positiewe denke vervang. In een van haar gereelde preke op TBN het Joyce Meyer onlangs gesê dat Christene elke nuwe dag met ‘n positiewe verklaring soos “Iets goeds gaan vandag met my gebeur” en “Ek word by die dag beter.” moet begin. Dit is nie geloof nie maar ‘n okkultiese vertroue in jou eie positiewe denkprosesse. Dit is, met ‘n positiewe woord gesê, suiwer afgodery.

[4] http://www.carpediem.co.za/henniestander/

[5] Brian McLaren, A Generous Orthodoxy, pp. 260, 262, 264

[6] http://www.ewtn.com/MotherTeresa/words.htm

[7] Alice Bailey & Djwhal Khul, The Externalization of the Hierarchy, Section II – The General World Picture, http://laluni.helloyou.ws/netnews/bk/externalisation/exte1087.html.

[8] http://www.share-international.org/background/printed/messages.htm

Nuwe Drome vir Nuwe Werklikhede – Nelus Niemandt

Die ontluikende spiritualiteit (postmoderne, "ancient-future" [eertyds-toekomstige] missionêre kerk) het ‘n groot hupstoot in die Suid- Afrikaanse N.G. Kerk gekry toe die boek "Nuwe Drome vir Nuwe Werklikhede" onlangs vrygestel is. Die outeur, Dr. Nelus Niemandt, is verbonde aan die Teologiese Fakulteit van die Universiteit van Pretoria waar ‘n briljante student en geleerde, Ferdie Mulder, op skaamtelose wyse in 2007 geskors is ná n ewe skandalige ondersoek na sy klagte dat sommige van die professore nie langer glo in die maagdelike geboorte en die fisieke opstanding uit die dood van Jesus Christus nie. Die professore (belydende Christene) is op al die aanklagte onskuldig bevind en word tans nog steeds toegelaat om hulle verderflike kettery aan ons toekomstige predikante te verkondig.

Dr. Nelus Niemandt se boek is deurspek met ontluikende brabbeltaal wat op die oog af eg Skriftuurlik lyk en tog dwing dit ‘n mens om ‘n skeptiese wenkbrou te lig as jy sien hoe kwistig hy gebruik maak van aanhalings uit boeke en geskrifte van Brian McLaren, Leonard Sweet, Rob Bell, Erwin McManus, Doug Pagitt, Dan Kimball, Thomas Bandy, Rodney Clapp, Karen Ward, Eddie Gibbs, Ryan Bolger, Martin Buber, Daniel Coleman en

View Full Album

baie ander. Selfs aanhalings uit bekende films kry voorkeur bo die yl gesaaide aanhalings uit die Bybel (waarvan sommiges geneem is uit Eugene Peterson se korrupte vertaling, Die Boodskap). Om die waarheid te sê, toe ek die boek die eerste keer onder oë neem, het ek die indruk gekry dat die groot filmmaatskappye nie meer nodig het om biljoene te spandeer op reklame nie; Nelus Niemandt doen dit vir hulle en dit nogal sonder ekstra kostes. Maar wag, grappies op n stokkie: Ek was pynlik geskok toe ek sien hoedat hy die filmreeks Harry Potter met lof besing. Hier’s wat hy op bladsy 138 sê:

  In die Harry Potter‑reeks illustreer die films die belang van antieke waarhede vir nuwe geslagte. Let op hoeveel boeke daar in die klaskamers en kantore van die skool is waar die verhaal afspeel. Die kinders moet ou-ou waarhede leer. Die kinders moet ook antieke spreuke en lewensreëls aanleer. So word die films (en boeke) ‘n les in die belang van antieke waarhede vir toekomstige geslagte.

Die ou waarhede waarna hy verwys is ooglopend die sg. waarhede van, ondermeer die Woestynvaders. Is die outeur besig om die gevaarlike towery, heksery en towerkuns van Harry Potter bewustelik of onbewustelik aan die "waarhede" van die Rooms Katolieke mistisisme van weleer te koppel? Hy sê met uitgelate ekstase op bladsy 139:

`n Jong retraitemeester, Herman Holtzhausen, diep geskool in die tradisies van die woestynvaders, het my een maal genooi om katkisante vir ‘n Saterdag na sy retraitesentrum te bring. Ek was nogal gespanne — om ‘n klomp tieners uit Johannesburg te neem vir ‘n Saterdag van kontemplasie en nadenke en baie stilte kan maklik anders verloop as wat ‘n mens hoop. Wat ‘n verrassing! Baie van die kinders het daardie besondere Saterdag beskryf as een van die geestelike hoogtepunte van die hele jaar, ‘n paar het dit selfs as van die mooiste oomblikke in hulle hele lewe beskou.

Ons moes eenvoudig weer ‘n keer met iets soortgelyks waag. Ons gemeente het ‘n jeugkamp vir hoërskoolkinders gehou. As deel van die kampprogram is tyd ingeruim sodat die kinders, aan die hand van die klassieke twaalf kruisstasies, in stilte kan nadink oor die gebeure en hulle lewe. Die gewyde erns en toewyding waarmee hulle vir byna drie ure daaraan deelgeneem het, het al ons predikante diep ontroer. In die evaluering van die kamp het meeste kinders dit as die hoogtepunt aangedui!

Hierdie jong seuns en dogters wat nodig het om die onvervalste Evangelie van Jesus Christus te hoor, word langs ‘n weg gelei wat uiteindelik op vernietiging sal uitloop as hulle hul nie bekeer en glo soos die Skrif sê nie. Dit is tipies van die ontluikende beweging om soliede Bybelse leerstellings ter wlle van ‘n ervaringspiritualiteit en ‘n onbybelse missiologie opsy te skuif. Dr. Niemandt moedig die kerk aan, en in die besonder die N.G. Kerk, om die kettings van die Modernisme te breek en om die nuwe missionêre strategie van die ontluikende kerk te omarm, en tog ondersteun hy heelhartig die boeke van Brian McLaren wat die volgende God-onterende dinge kwytraak:

Ek glo nie ons het die Evangelie nou al reg nie. Wat beteken dit om ‘gered te wees?’ Wanneer ek my Bybel lees, sien ek nie die betekenis daarvan raak nie. ‘Ek gaan hemel toe as ek sterwe.’ Voor die moderne evangelisasie het niemand Jesus Christus as hulle persoonlike Verlosser aangeneem nie, of in die kerkpaadjie afeloop nie, of die sondaarsgebed opgesê nie. [1]

Ek moet egter byvoeg dat ek nie glo om dissipels te maak dieselfde moet wees as om volgelinge van die Christelike geloof te maak nie.  Dit sou raadsaam wees om in baie gevalle (nie almal nie) mense te help om volgelinge van Jesus te word en om [terselfdertyd] in hulle Boeddhistiese, Hindoeïstiese of Joodse konteks te bly. [2]

Ek voel soos ‘n fundamentalis wat besig is om sy greep te verloor – wie se fundamentele waardes besig is om te kraak en uit te rafel en uit mekaar te val en deur my vingers te glip. Ek het gedink ek bou my huis op rots maar dit was toe ys, en noudat aardverwarming toegeslaan het, smelt die ys en alles tuimel inmekaar [3] (Uit die Engels vertaal)

Dr. Niemand skuld sy katkisante ‘n verskoning en ‘n verduideliking vir sy onnadenkende en baie gevaarlike assosiasie met Brian McLaren  wat nie weet wat dit beteken om gered te wees nie en wie se lewe gebou is op smeltende ys. Hoe op dees aarde kan jy die jeug vir Christus bereik wanneer jy die onbybelse uitsprake van ‘n man wat Jesus klaarblyklik nie ken nie agternapraat? Christus het gesê:

Mar 9:42 En elkeen wat een van hierdie kleintjies wat in My glo, laat struikel, dit is beter vir hom as ‘n meulsteen om sy nek gehang en hy in die see gegooi word. (Klem bygevoeg).

Die see word as metafoor gebruik om aan te dui hoe volkome God sondaars hulle sondes vergewe waneer hulle hul tot Hom bekeer.

Mig 7:19 Hy sal Hom weer oor ons ontferm, ons ongeregtighede vertree; ja, U sal al hulle sondes in die dieptes van die see werp. (Klem bygevoeg).

Die Here het dus in werklikheid gesê dat iemand wat kinders geestelik mislei in die dieptes van die see, waar die sondes gewerp word, gesmyt moet word. So erg is dit om kinders op ‘n dwaalspoor te lei.

Op bladsy 136 maak Dr. Niemandt ’n onderskeid tussen dit wat was en dit wat nog kom. Hy sê ook dat die postmoderne geestlike leiers op paradokse floreer in teenstelling met die ou leierskap in die kerk wat noukeurig tussen wit en swart onderskei het. Dit klink eerder na ‘n growwe weerspreking veral as jy in ag neem dat die ontluikende volgelinge daarop aanspraak maak dat hulle "barbaarse" volgelinge is (met opregte dank aan Erwin McManus) van Jesus Christus (wat altyd n klinklare onderskeid gemaak het tussen wit en swart, reg en verkeerd, regverdigheid en onregverdigheid ens.), maar in werklikheid en paradoksaal mekaar met ‘n fundamentalistiese bewondering navolg. Enigeen wat die leerstellings van mense navolg is nie besig om Jesus Christus te volg nie maar ‘n ander Jesus (Matteus 15:9).

Leef ons in die tyd waarna Paulus profeties verwys het as die afkap van die naam-Christene van die Olyfboom?

---

[1] http://www.brianmclaren.net/archives/000271.html

[2] A Generous Orthodoxy, p. 260

[3] A New Kind of Christian, p. 22

Die Wyer-Gemaakte Poort en Pad

Ek het onlangs tydens een van ons Bybelstudies twee lang palmtakke teen mekaar staan gemaak sodat dit soos ‘n poort of deur moes lyk om die betekenis van die nou poort en die smal pad in Mattheus 7:13 aan my gehoor te verduidelik. Daarna het ek hierdie “vindingryke” poort van my so ‘n klein bietjie wyer gemaak en my gehoor gevra of dit nog as dieselfde en oorspronklike poort beskou kon word. Hulle het feitlik deur die bank saamgestem dat dit nie dieselfde poort kon wees nie omdat die oorspronklike aansien of voorkoms daarvan van “nou” na wyer” verander is. Ek het hulle daarop attent gemaak dat hierdie “wyer-gemaakte” poort ook nie meer langer op ‘n smal pad kon uitloop nie, maar op ‘n pad wat in verhouding met die wyer-gemaakte poort ook noodwendig wyer sal wees en dus ook nie meer met ‘n smal pad geassosieer kon word nie. My volgende vraag aan hulle was: Hoe sou julle sê maak mense hierdie nou poort en smal pad wyer? Sommiges het met interessante antwoorde vorendag gekom maar die eintlike ding waarna ek gesoek het, het ek soos volg verduidelik.

Terwyl mense in die verlede gewoonlik iets tot die verlossingsleer van Jesus bygevoeg het, neem hulle deesdae iets daarvan weg hoewel hulle nog steeds ander dinge byvoeg. Deur die eeue heen het die Rooms Katolieke Kerk en ook die Protestantse Kerkfamilie Jesus plus iets anders vooropgestel om die ewige lewe te kan beërwe:- Jesus + die doop; Jesus + goeie werke; Jesus + volharding; Jesus + die Sabbat-onderhouding op ‘n Saterdag; Jesus + die Nagmaal; Jesus + aalmoese; Jesus + die spreke in tale; Jesus + wonderwerke; Jesus + ‘n spesifieke kerk; Jesus + die uitverkiesingsleer (as jy nie volgens die Calvinisme uitverkies is nie, is jou doppie geklink, jy sal hel toe gaan); Jesus + rykdom en voorspoed, ens. ens. ens. Deesdae bly mense nog steeds verknog aan hierdie maniere om die poort en die pad wyer te maak, maar daar het intussen ‘n baie gevaarliker manier ingekruip en dit is om Bybelse leerstellings of dogmas by die venster uit te gooi. Dié is seker: Sodra die poort en pad wyer gemaak word, kan dit hoegenaamd nie meer die oorspronklike poort of pad wees nie. Dit is ‘n ander poort en ‘n ander pad wat deur ‘n ander Jesus, gees en evangelie aan mense opgedis word. ‘n Baie goeie voorbeeld hiervan het op 14 November vanjaar in Prof. Hennie Stander se blog gepryk toe hy verduidelik het hoedat hy by sy preekgeleenhede binne net tien minute kan agterkom of ‘n kerk ‘n groeiende of ‘n kwynende kerk is. Dit wil darem gedoen wees. Om binne die bestek van net 10 minute te bepaal of ‘n gemeente groeiend of kwynend is, sit nie in almal se broek nie. Die Here Jesus self het gesê dat Hy sy kerk met oneindige lankmoedigheid en geduld bou en gevolglik is dit net Hy wat vooruit kan weet of ‘n kerk volgens sy standaarde sal groei of kwyn. Die kerk in Laodisea het gedink hulle is ryk en het verryk geword maar hulle was ellendig, beklaenswaardig, arm, naak en blind. Ek wonder net hoe Prof. Hennie ‘n kerk soos Smirna in Openbaring 2 sou evalueer. Hulle was verdruk; hulle was arm; die mense wat voorgegee het hulle is Jode maar inderwaarheid die Sinagoge van die Satan was, het hulle lelik gelaster; en sommige van hulle is deur die Satan in die tronk gegooi. Ten spyte hiervan het hulle getrou gebly aan God en sy leerstellings (dogmas).

Een van Prof. Hennie se vereistes vir ‘n groeiende kerk is dat hulle na ‘n stukkende wêreld moet uitreik. Pragtig! Christene is veronderstel om na ander mense in hulle nood uit te reik, maar watter tipe boodskap kan hulle aan ‘n stukkende wêreld bring wanneer kerke en hulle gemeentes nie meer belangstel in dogma en teologie nie? Dit is nie armoede, hongersnood en VIGS wat die wêreld stukkend maak nie maar die toestand van die individuele harte van mense wat sonder hoop en sonder God in hierdie wêreld wil lewe. Het u vergeet, Prof. Hennie, dat die geloof uit die gehoor is en dat die gehoor deur die prediking van God se Woord is (Romeine 10:17 – d.w.s. suiwer dogma en teolgie)? Predikers, kerke, gemeentelede of wie ookal wat van hierdie stukkende wêreld ‘n beter plek wil maak sonder om God se dogmas en teologie as die enigste oplossing vir die mensdom se dilemmas voorop te stel en te prioriseer, is besig met filantropiese werk en niks anders nie. Hierdie sg. uitreikaksies vorm deel van die nuwe missiologie wat sê: Behou jou eie godsdiens, voeg net vir Jesus by. Dit kom dus maar weer neer op Jesus + jou eie godsdiens. Glo my vry, die nou poort en smal pad gaan in  die komende jare al hoe wyer en wyer gemaak word deur mense wat die gedaante van godsaligheid het maar die krag van God se Evangelie (dogma en teologie) sal verloën. Een van die voorlopers van die nuwe missiologie, Rick Warren, het gesê:

I’m not talking about religion this morning. You may be Catholic or Protestant or Buddhist or Baptist or Muslim or Mormon or Jewish or you may have no religion at all. I’m not interested in you’re religious background. Because God did not create the universe for us to have religion.[1] (Klem bygevoeg)

Kom ons  vergelyk Prof. Hennie Stander se siening dat mense nie meer belangstel in dogma en teologie nie met dié van Rick Warren.

Ek het oor die jare heen baie rondgereis en in verskillende gemeentes regoor Suid-Afrika, asook in die

Prof. Hennie Stander

buiteland, gepreek. En binne 10 minute nadat ek by ’n kerk is, kan ek sien of dit ’n lewendige en groeiende kerk is, en of dit ’n kwynende kerk is. Laat ek ’n paar eienskappe van groeiende kerke noem:

Dit is kerke waar daar ’n suksesvolle musiekbediening is. Musiek (nie seks nie)[2] speel ’n geweldige belangrike rol. Die prediking moet eenvoudig, maar aktueel, wees. Die mense stel nie belang in dogma en teologie nie. Hulle wil hulp kry oor hoe om gewone daaglikse eise van die lewe te kan hanteer. Groeiende kerke is kerke waar daar gesonde verhoudinge is. Die mense ken mekaar, en kom met mekaar oor die weg. Hulle sorg vir mekaar, en gee vir mekaar om. Groeiende kerke is ook kerke wat vir hulle jongmense omgee. Ek ken baie mense wat by ’n kerk gaan aansluit het, sodat hulle kinders ’n warm kerklike tuiste kan hê. Groeiende kerke is kerke wat nie na binne gekeer is nie, en net na hul eie (seksuele) behoeftes omkyk nie, maar dit is kerke wat uitreikaksies het, en wat uitbeweeg uit hul kerk na ’n stukkende wêreld.[3] (Klem bygevoeg).

Het u opgelet dat die gemeentelede se oorboord gooi van dogma en teologie een van die maatstawwe is waarvolgens Prof. Hennie binne tien minute kan vasstel of ‘n kerk ‘n groeiende en suksesvolle of ‘n kwynende kerk is? Kom ons trek sy briljante opmerking deur na ons grondwet (dogmatiese wette, reëls en regulasies) en u sal gou-gou agterkom dat so ‘n “welmenende” siening op ongebreidelde chaos sal uitloop. Veronderstel ons sou almal sê: Ons stel nie belang in ons land se grondwet nie. Ons wil net weet hoe om die gewone daaglikse eise van die lewe te kan hanteer. Die ironie is dat ‘n aansienlike persentasie van ons bevolking die daaglikse eise van die lewe wil oplos met diefstal, moord, verkragtings, korrupsie ens. en sou daar in gemeenteverband vir hulle geleer word om hierdie dinge nie te doen nie, is ons weer terug by suiwer dogma en teologie. Is dit nie wat die streng dogmatiese tien gebooie van God ons leer nie, Prof. Hennie? Daar’s natuurlik ‘n ander manier om die gemeenskap te kry om saam te werk en dit is om die Nuwe Hartstigting en Inisiatief se norme en waardes waarvan Ds. Jannie Pelser van die Rant en Dal Gemeenskapskerk ‘n voorbanker is, op die samelewing los te laat. Volgens hulle beskeie mening is die samelewing self die formuleerders van gesonde normes en waardes en ons moet hulle maar net so ‘n bietjie aanpor om in te koop op hulle eie goeie normes en waardes. G’n wonder ons land is in so ‘n gemors nie.

Blykbaar dink Prof. Hennie dat ‘n kerk waarin die Here Jesus en sy ewig onveranderlike leerstellings nie meer figureer  nie ‘n “booming” suksesvolle kerk is. Skynbaar beteken die Here Jesus se woorde in Johannes 17:17: “Heilig hulle in U waarheid” (leerstellige waarhede), en ook in Mattheus 28:19: “ . . . en leer hulle om alles te onderhou wat ek julle beveel het” net mooi niks nie. Wat sê die Here in sy Woord vir ons oor sy dogmas:

2 Johannes vers 9 Elkeen wat ‘n oortreder is en nie bly in die leer van Christus nie, hy het God nie. Wie in die leer van Christus bly, hy het die Vader sowel as die Seun. (Klem bygevoeg).

Daar is dus geen rede om te roem in ‘n kerk waarvan die herder en sy gemeentelede God se leerstellings op ‘n syspoor rangeer en hulle eerder toespits op die kweek van gesonde verhoudinge nie. Dit sou meer gepas wees om oor so ‘n kerk te treur en te huil omdat so ‘n kerk met gesonde verhoudings en al God se teenwoordigheid kwyt is. Johannes, die apostel van liefde wat geweet het hoe om gesonde verhoudinge te kweek, het sonder omhaal gesê hulle het God nie omdat hulle nie in Christus se leer bly nie. Jesus het eenmaal vir die Fariseërs gesê dat as hulle nie glo dat Hy God in die vlees is nie, sou hulle in hulle sondes sterf. Hy het nie ter wille van gesonde verhoudinge gesê dat hulle maar kan glo wat hulle wil nie of dat dit nie juis saak maak of hulle deur die nou poort gaan en die smal pad bewandel nie. Nee! Hy was streng dogmaties gewees. Ek kan u verseker, Prof. Hennie, enige kerk wat nie meer belangstel in Christus se dogmas en teologie nie, kan vir mekaar en hulle jongmense omgee soveel hulle wil; dit gaan nie deug nie omdat dit nie gesonde verhoudinge is wat mense help om die daaglikse eise van die lewe te hanteer nie, maar die gesonde leerstellings van God en sy Woord.

Die vraag is: Waar kom Prof. Hennie Stander aan die idee dat die groeikrag en sukses van ‘n kerk gemeet word aan mense se belangeloosheid in God se dogmas en teologie en eerder net wil hoor hoe om die daaglikse eise van die lewe te kan hanteer? Neem ‘n Mens in ag dat Prof. Hennie Stander baie goed bevriend is met Ds. Jannie Pelser van die Rant en Dal Gemeenskapskerk, Dr. Stephan Joubert[4] van die e-kerk, en dat hy (Stander) ‘n leerkrag is aan die Universiteit van Pretoria waar die leerstellinge van die ontluikende kerk onder leiding van Dr. Nelus Niemandt bevorder word, is dit voor-die-handliggend waarom hy sulke onbesonne dinge kan kwytraak. Die onderliggende energie wat die ontluikende kerk sy veerkragtigheid gee, is ervaring en verhoudinge en nie gesonde Bybelse leerstellings nie. In 1992 het Leigh Anderson, Doug Pagitt se voormalige pastoor, die volgende gesê oor die 21^ste eeuse kerk:

The old paradigm taught that if you had the right teaching, you will experience God. The new paradigm says that if you experience God, you will have the right teaching. This may be disturbing for many who assume propositional truth must always precede and dictate religious experience. That mindset is the product of systematic theology and has much to contribute … However, biblical theology looks to the Bible for a pattern of experience followed by proposition. The experience of the Exodus from Egypt preceded the recording of Exodus in the Bible. The experience of the crucifixion, the resurrection and Pentecost all predate the propositional declaration of those events in the New Testament. It is not so much that one is right and the other is wrong: it is more of a matter of the perspective one takes on God’s touch and God’s truth.[5] (Klem bygevoeg)

Roger Oakland is volkome korrek as hy sê:

Anderson is saying that the Word of God is still being written, and  today’s experiences can dictate what that Word is. This sounds like Pagitt when he said “putting words around people’s experiences to allow them to find deeper connection in their lives.”[6]

Leonard Sweet som hierdie versmagting na ‘n ervarings- en verhoudingsteologie soos volg op:

Post-modems want a God they can feel, taste, touch, hear and smell—a full sensory immersion in the divine.[7]

Hierdie aanbiddingswyse word Multi-sensoriese Aanbidding genoem, en is ‘n onding wat besig is om sy kop in talle Protestantse kerke, o.a. ook die NG Kerk uit te steek. Dit gaan gepaard met spirituele ervarings wat deur die gebruik van kerse, wierook, ikone en donker gebedstasies opgewek word. Dr. Nelus Niemandt skryf soos volg hieroor in sy boek “Nuwe Drome vir Nuwe Werklikhede:”

Dit is “hele” mense en nie net rasionele mense wat aanbid nie. Daarom word moeite gedoen om al die  sintuie te betrek in eredienste. Mense smag na whole body experiences. Al die sintuie word by aanbidding betrek en speel ‘n rol in die gebeure.

Sien: Daar word baie van visuele beelde gemaak en metafore speel ‘n groot rol in die prediking. Tegnologie word ook gebruik om beelde te projekteer. Kuns word ruim gebruik om sigbaar uitdrukking aan aanbidding te gee.

Hoor: Musiek, prediking, luister na verhale, maar ook nuwe waardering vir stilte en om God se stem in die stilte te hoor.

Proe Die liefdesmaal word in eredienste gevier en die gereelde viering van die nagmaal sorg dat eredienste ook ‘n proe-ervaring is. Gebedstasies gee die geleentheid om lidmate aan iets te laat proe wat die aanbidding bevestig (soos om aan sout te proe en so te onthou hoe waardevol die Woordverkondiging is).

Raak: Lidmate kry kans om aan mekaar te raak — ‘n voorbeeld is om mekaar te groet en jou hand op ‘n persoon se skouer te plaas tydens die uitspreek van die seënbede. ‘n Bak water waarin lidmate hulle hande kan steek aan die begin of einde van die diens help hulle om die doop te onthou.

Ruik: Die brood en wyn word geruik wanneer lidmate nagmaal vier. Wierook kan baie versigtig tydens gebed gebruik word om ‘n bewussyn van die heiligheid van die oomblik te skep.

Rex Miller meen dat die multisensoriese fokus in die toekoms nog verder kan groei na klem op aanraking en die verstand: “… the ultimate instruments of manipulation are the mind (interiors) and one fingers (exteriors). As we endlessly reconfigure and rearrange, we become participants in a changing world. [8]

Weet hierdie geleerde predikers wat soveel aansien in kerklike kringe geniet dan nie wat Jesus eenmaal gesê het toe die Samaritaanse vrou vir Hom sê: “Ons vind en ervaar God op hierdie berg maar die Jode sê dat ons Hom alleenlik in Jerusalem kan vind en ervaar.”

Johannes 4:20-23 Jesus sê vir haar: Vrou, glo My, daar kom ‘n uur wanneer julle nie op hierdie berg en ook nie in Jerusalem die Vader sal aanbid nie. Julle aanbid wat julle nie weet nie; ons aanbid wat ons weet, want die saligheid is uit die Jode. Maar daar kom ‘n uur, en dit is nou, wanneer die ware aanbidders die Vader in gees en waarheid sal aanbid; want die Vader soek ook mense wat Hom só aanbid.

Is dit moontlik dat diegene wat voorspraak maak vir ‘n kerk waarin dogma en teologie nie meer belangrik is nie, nie weet wat hulle aanbid nie? Is dit moontlik dat hulle nie eens weet dat hulle hoegenaamd nie vir God nie maar iemand anders aanbid wat hom as God voordoen? Jesus het eenmaal in die teenwoordigheid van sy dissipels gebid dat God se Woord (dogmatiese leerstellings) die waarheid is (Johannes 17:17). Die redelike afleiding wat ‘n mens hiervan kan maak, is dat iemand wat God nie binne die parameters van hierdie waarheid aanbid nie, besig is om iemand anders te aanbid. Die feit is dat niemand God in waarheid kan aanbid nie as die Gees van waarheid nie in hom/haar woon nie (deur die Gees gewederbaar is nie). Hierdie waarheidsbeginsel is so intens belangrik dat God die gebede van ongelowiges as ‘n gruwel beskou (Spreuke 15:8) omdat hulle nie die Gees van God het nie en Hom gevolglik nie in waarheid kan aanbid nie.

Die voorbankers in die ontluikende kerk is besonderlik daarop ingestel om die jeug met hierdie nuwe multi-sensoriese aanbidding te indoktrineer omdat hulle onderskeidingsvermoëns nog nie deur oefening en ervaring skerp geslyp is nie. Nelus Niemand skryf:

Kontemplatiewe spiritualiteit soos "lectio continua, "lectio divina" en "stilte" is paaie wat teruglei na die Roomse tradisie.

Ek het nogal gewonder of Suid-Afrikaanse jongmense gereed is om ingelei te word in die wêreld van lectio continua en antieke geestelike dissiplines.`n Jong retraitemeester, Herman Holtzhausen, diep geskool in die tradisies van die woestynvaders, het my een maal genooi om katkisante vir ‘n Saterdag na sy retraitesentrum te bring. Ek was nogal gespanne — om ‘n klomp tieners uit Johannesburg te neem vir ‘n Saterdag van kontemplasie en nadenke en baie stilte kan maklik anders verloop as wat ‘n mens hoop. Wat ‘n verrassing! Baie van die kinders het daardie besondere Saterdag beskryf as een van die geestelike hoogtepunte van die hele jaar, ‘n paar het dit selfs as van die mooiste oomblikke in hulle hele lewe beskou. Ons moes eenvoudig weer ‘n keer met iets soortgelyks waag. Ons gemeente het ‘n jeugkamp vir hoërskoolkinders gehou. As deel van die kampprogram is tyd ingeruim sodat die kinders, aan die hand van die klassieke twaalf kruisstasies, in stilte kan nadink oor die gebeure en hulle lewe. Die gewyde erns en toewyding waarmee hulle vir byna drie ure daaraan deelgeneem het, het al ons predikante diep ontroer. In die evaluering van die kamp het meeste kinders dit as die hoogtepunt aangedui![9]

Wat hierdie predikante waarskynlik nie besef nie of miskien selfs doelbewus nastrewe, is dat hulle die oeroue sonde van die mens om ander weë na God en sy teenwoordigheid te soek en in die plek te bring van die enigste God-aanvaarde wyse (nl. deur die bloed van Jesus Christus) by mense inburger.

Hebreërs 10:19-22 Terwyl ons dan, broeders, vrymoedigheid het om in die heiligdom in te gaan deur die bloed van Jesus op die nuwe en lewende weg wat Hy vir ons ingewy het deur die voorhangsel heen, dit is sy vlees, en ons ‘n groot Priester oor die huis van God het, laat ons toetree met ‘n waaragtige hart in volle geloofsversekerdheid, die harte deur besprenkeling gereinig van ‘n slegte gewete en die liggaam gewas met rein water.

G’n wonder God waarsku teen weë wat vir die mens reg lyk maar die eindes daarvan is weë van die dood (Spreuke 14:12; 16:25).

Ek sou graag vir Prof. Hennie Stander wou vra of hy die bogenoemde aanhaling uit Hebreërs 10 as ‘n Heilige Gees geïnspireerde dogma van God beskou, maar ek kan dit ongelukkig nie doen nie omdat ek nie juis baie welkom is op sy “blog” nie. Indien hy ja sou antwoord, sou ek hom graag ‘n tweede vraag wou vra en dit is: Indien dit dan wel ‘n Heilige Gees geïnspireerde dogma is, waarom spoor hy mense aan om hulle belangeloosheid in dogma en teologie as ‘n voorwaarde vir groei en sukses in die kerk toe te eien? Derhalwe wil ek hom aanmoedig om eerder die volgende “groeiproses” soos ons dit in die vroeë kerk gevind het by sy volgende optredes in kerke, gemeentes en oor die hele wêreld aan sy gehore tuis te bring:

En Petrus sê vir hulle: Bekeer julle, en laat elkeen van julle gedoop word in die Naam van Jesus Christus tot vergewing van sondes, en julle sal die gawe van die Heilige Gees ontvang. Want die belofte kom julle toe en julle kinders en almal wat daar ver is, die wat die Here onse God na Hom sal roep. En met baie ander woorde het hy hulle besweer en vermaan en gesê: Laat julle red uit hierdie verkeerde geslag. Die wat toe sy woord met blydskap aangeneem het, is gedoop; en daar is op dié dag omtrent drie duisend siele toegebring. En hulle het volhard in die leer van die apostels en in die gemeenskap en in die breking van die brood en in die gebede. En vrees het op elkeen gekom, en baie wonders en tekens het deur die apostels plaasgevind. En almal wat gelowig geword het, was bymekaar, en het alles gemeenskaplik besit. En hulle eiendomme en besittings het hulle verkoop en die opbrings onder almal verdeel, volgens wat elkeen nodig gehad het. En dag vir dag het hulle eendragtig volhard in die tempel en van huis tot huis brood gebreek en hulle voedsel met blydskap en eenvoudigheid van hart geniet, terwyl hulle God geprys het en in guns was by die hele volk. En die Here het daagliks by die gemeente gevoeg die wat gered is.

Let asseblief baie noukeurig op Prof. Hennie: Petrus het nie vir hulle gesê om ‘n suksesvolle musiekbediening aan die gang te kry of om hulle onderlinge verhoudinge op ‘n gesonde voet te bring sodat hulle kan groei nie. Hy het ook nie saam met die ander dissipels onderneem om hulle nie met dogma en teologie dood te gooi nie en nog minder het hy beloof om hulle in ‘n band van broederlike eenheid in gesonde verhoudinge saam te smee nie. Dit is in elk geval die werk van die Heilige Gees en Hy doen dit alleenlik wanneer die gemeentelede deur Hom in God se waarheid geheilig word. En wat is die essensie van hierdie waarheid? – dat Jesus Christus en sy Vader EEN is. Hierdie waarheid, vir u inligting Prof. Hennie Stander, is suiwer dogmaties – dit is suiwer teologie en enigeen wat dit ter wille van groei en sukses in ‘n gemeente onderdruk, vermy of versmaai, speel met vuur. Die sleutel tot sukses is om die waarheid soos ons dit in die Skrif vir ons opgeteken staan onvervals en onverdun aan ‘n verloregaande wêreld te predik en God self sal daagliks by die gemeente voeg die wat gered word. Dit, my liewe professor, is sukses en groei in volle bloei.

Salomo het eenmaal gesê daar is niks nuuts onder die son nie en as ‘n mens so kyk na Prof. Hennie se eienskappe en voorwaardes vir ‘n suksesvolle groeiende kerk, dan verbaas dit jou nie dat sy woorde die profetiese woorde van die apostels van weleer eggo nie. Vat nou maar net sy woord “Die mense stel nie belang in dogma en teologie nie. Hulle wil hulp kry oor hoe om gewone daaglikse eise van die lewe te kan hanteer en vergelyk dit met Paulus se woorde in 2 Timotheus 4:3 en 4

. . . want daar sal ‘n tyd wees wanneer hulle die gesonde leer nie sal verdra nie, maar, omdat hulle in hul gehoor gestreel wil wees, vir hulle ‘n menigte leraars sal versamel volgens hulle eie begeerlikhede, en die oor sal afkeer van die waarheid en hulle sal wend tot fabels.

My pleidooi is dat jy jou heelhartig sal bekeer van jou verkeerde siening oor die dogma en die teologie soos ons dit in die Skrif vind en dat jy dit met mannemoed by alle geleenthede wat jy kry om plaaslik en oorsee te preek, sal verkondig sodat verlore mense gered kan word. Jy sal moontlik nie altyd so suksesvol wees nie omdat die onvervalste prediking van dogmatiese waarhede in die Woord jou ‘n vyand van baie mense sal maak. Maar onthou, die Woord sê nie vir ons “Mooi so, goeie en suksesvolle dienskneg nie,” maar “Mooi so goeie en getroue dienskneg.” God verwag nie van ons om suksesvol te wees of om sukses na te jaag nie, maar om getrou te bly aan Hom en sy dogmatiese waarhede en teologie, al lei dit na ons dood.

Kom ons kyk vir oulaas na Jesus se evaluering van sy en sy Vader se dogams, leerstellings en teologie.

Johannes 7:17 As iemand gewillig is om sy wil te doen, sal hy aangaande die leer weet of dit uit God is, en of Ek uit Myself spreek.

Johannes 8: 51 Voorwaar, voorwaar Ek sê vir julle, as iemand my woord bewaar, sal hy die dood in der ewigheid nie sien nie.

Johannes 14:23 Jesus antwoord en sê vir hom: As iemand My liefhet, sal hy my woord bewaar, en my Vader sal hom liefhê, en Ons sal na hom toe kom en by hom woning maak.

Hiervolgens is dit baie duidelik dat Jesus Christus, anders as prof. Hennie Stander en so baie ander postmoderne predikers, ‘n geweldige hoë premie plaas op sy leer (dogma en teologie). Inderdaad, Hy lê ook geweldig baie klem op die feit dat alleenlik hulle wat bereid is om sy wil te doen, sal weet dat SY leer (dogma en teologie) van God kom. Enigiemand, hoe godsdienstig hulle ookal mag wees en hoeveel hulle ookal vir ander mag omgee en hoedanig hulle ookal na ‘n stukkende wêreld uitreik, wat Jesus Christus en sy Vader se dogmas en leersteellings op ‘n syspoor raangeer, het Hom nie lief nie. Dis wat SY dogma en teoloe sê en nie ek nie.

————————————————————————————-

[1] Rick Warren tydens die 2005 Verenigde Volke Gebedsontbyt, September 2005. Vir meer inligting oor hierdie Gebedsontbyt, sien “Rick Warren speaks about Purpose at United Nations” deur Rhonda Tse (Christians Post, September 14 2005, http://www.christianpost.com/article/20050914/21340_Rick_Warren_Speaks_about_Purpose_at_United_Nations.htm

[2] Prof Hennie Stander het sy artikel geskryf na aanleiding van Pastoor Ed Young van die Fellowship-kerk in Dallas, Texas, wat gevra het dat sy gemeente eerskomende Sondag vir ’n week van seks by die kerk moet kom aanmeld. Hy gaan hulle dan uitdaag om een keer per dag vir ’n week lank seks te hê. Omdat hy glo dat dit hulle sal help om op te hou kla. Vandaar Hennie Stander se afleiding dat ‘n suksesvolle musiekbediening geweldig belangrik is in die kerk en nie seks nie.

[3] http://www.carpediem.co.za/henniestander/

[4] Dr. Stephan Joubert het die voorwoord geskryf tot Dr. Nelus Niemandt se boek “Nuwe Drome vir Nuwe Werklikhede” waarin hy die padaanwysers van die ontluikende kerk na ‘n nuwe hergedefinieerde Christendom onderskryf. Die padaanwysers is o.a. Brian McLaren, Leonard Sweet, Erwin MacManus, Rob Bell, Rick Warren en Doug Pagitt.

[5] Leigh Anderson, A Church for the 21^st Century, p. 69

[6] Roger Oakland, Faith Undone, p.56

[7] ‘n Aanhaling deur Julie B Sevig in haar boek, The Lutheran, “Ancient New” uit Leonard Sweet se Soul Tsunami.

[8] Nelus Niemandt, Nuwe Drome vir Nuwe Werklikhede, p. 117

[9] Ibid, p. 139

Wie is die Ware Jesus – Shamaan, Vaderloos in Galiléa, of Meer?

Vrae en antwoorde is sekerlik dié belangrikste meningspeilers. Dit bepaal nie net ‘n persoon se kennis van sekere onderwerpe nie maar kan selfs ook die uiteindelike eindbestemming van ‘n persoon na sy dood aandui. Neem ‘n oomblik die volgende uiters belangrike vraag en die onderskeie antwoorde in reaksie daarop in aanmerking.

Matteus 16:13-17 En toe Jesus in die streke van Cesaréa-Filippi kom, vra Hy sy dissipels en sê: Wie sê die mense dat Ek, die Seun van die mens, is? En hulle antwoord: Sommige Johannes die Doper, en sommige Elía, en ander Jeremia of een van die profete. Hy sê vir hulle: Maar julle, wie sê julle is Ek? En Simon Petrus antwoord en sê: U is die Christus, die Seun van die lewende God. Toe antwoord Jesus en sê vir hom: Salig is jy, Simon Bar-Jona, want vlees en bloed het dit nie aan jou geopenbaar nie, maar my Vader wat in die hemele is.

Hoewel die meeste antwoorde volkome verkeerd was, het sommige van hulle ten minste binne die omvang van die Bybelse geskiedenis gebly, en dis iets waarop sommige van die hedendaagse vername navorsers nie aanspraak kan maak nie omdat hulle die geskiedenis nie as ‘n sekwensiële opeenvolging van gebeure wat op bewysbare historiese feite gebaseer is, definieer nie maar as die subjektiewe persepsies van mense wat deur hulle eie persoonlike wêreldbeeld geformuleer word. Vandaar Prof. Jurie le Roux[1] se misplaasde opmerkings: “…my rede vorm die werklikheid. Ek maak die werklikheid, ek ken sin aan die geskiedenis toe, ek maak betekenis .. Elke eksegeet ‘maak’ die Skrif betekenisryk .. ‘n Mens het nie die vermoë om absoluut te dink nie .. Om dus absolute uitsprake oor God te maak .. is ‘n onmoontlikheid.”[2]“ “Vir die eerste eeuse Christene het Jesus opgestaan omdat dit deel van hul wêreldbeeld was, vandag kan ons dit nie meer so verstaan nie”[3] (Klem bygevoeg)

As die mens nie die vermoë het om absoluut te dink nie is hy nie net volkome magteloos om absolute uitsprake oor God te maak nie maar ook oor die resente geskiedenis soos bevoorbeeld die moordadige dade van Hitler wat 6 000 000 Jode uitgewis het. Beteken dit dat ons die postmoderne denkers kan koppel aan die sinneloosheid van die Neo-Nazis wat nie absoluut kan dink nie en dusdoende die feitelike gesiedenis van die slagting onder die Jode ontken? Verkeerde en onwetenskaplike uitsprake soos hierbo het ‘n spesifieke doel voor oë en dit is om die wêreldse geskiedenis en in die besonder Bybelse geskiedenis te “mayalogiseer”. Die woord “mayalogiseer” is my eie skepping en is afgelei van die ou Sanskrit term “maya,” ‘n woord wat hoofsaaklik in die Hindoeïsme gebruik word om te sê dat alles ‘n illusie is. “Mayalogisering” het ‘n handige manier geword om die feitelike bewysplasings in die Skrif van Jesus se woorde, sy wonderwerke, sy dood en opstanding as blote shamanistiese ervarings wat aangebring is deur veranderde bewussynstoestande en buite-liggaamlike ervarings, weg te redeneer. Dit moet ten alle koste gedoen word sodat ander religieuse mitologieë, stories en gesegdes op ‘n gelyke vlak met die Bybel gebring kan word.

Martin Debelius (1883-1947) en Rudolph Bultmann (1884-1976), twee Duitse teoloë en professore van die Nuwe Testament, het twee soorte geskiedenisse gedefinieer — “Historie” en “Geschichte.” “Historie” is feitelike, objektiewe en verifieerbare gebeure wat bewysbaar is deur wetenskaplike hulpbronne soos argeologiese opgrawings. “Geschichte” daarteenoor, is gebeure wat die waarnemer in sy hart en denke opeis as die waarheid; dit is dus intern en onverifieerbaar en berus op “geloof” of subjektiewe geskiedenis. “Hierdie onderskeid veroorloof die aanname dat iets (soos die opstanding van Jesus) die ‘waarheid’ is [d.w.s. ‘Geschichte’ is] [maar] wat nie die ‘waarheid’ is nie in die sin van ‘n historiese feit [d.w.s. ‘Hiistorie’ is nie].[4]

“Formgeschichte” wat ‘n integrale deel uitmaak van hierdie dualistiese en uiteenlopende sienings van die geskiedenis, beweer dat die onderskeie narratiewe van die lewe, werke en woorde van Jesus Christus gewysig, vergroot en selfs deur die vroeë Christengemeenskap versin is om in hulle eie behoeftes te voorsien. Dibelius en Bultmann het hierdie narratiewe as legendes en mities geklassifiseer. Dit het aanleiding gee tot die nimmereindigende soeke na die ware Jesus – ‘n de-gemitologiseerde Jesus, d.w.s ‘n “Geschichtige Jesus” na ‘n “Historie Jesus” wat gestroop is van al die versierings, mities en legendes wat die vroeë Christene na bewering in hulle harte en gemoedere ervaar het d.m.v. buite-sintuigllike bewussynstoestande en buite-liggaamlike ervarings (astrale projeksies). Die soeke na die ware Jesus  het sedertdien ontwikkel in ‘n modderpoel van nagevorsde “bevindinge”  waarvan die mees onlangse blatante godslasterlikhede is – i.e. die opvatting dat Jesus genesings en duiweluitdrywing gedoen het, die geesteswêreld beheer het, en as ‘n profeet, leermeester en middelaar van goddelike wysheid opgetree het in die hoedanigheid van ‘n Galilese shamanistiese figuur.

Tydens n openbare debat wat gehou is op 16 Oktober vanjaar aan die Universteit van Pretoria, het drie uitgelese sprekers in hulle onderskeie vakgebiede referate gelewer oor de onderwerp “Wie is die ware Jesus   – Shamaan, Vaderloos in Galiléa, of Meer.” Hulle was proff. Pieter Craffert, Andries van Aarde en R. Zimmermamnn.

Prof. Craffert, n lid van die Nuwe Hervromers en personneellid van UNISA, het onlangs ‘n boek gepubliseer met die tiitel “The Life of a Galilean Shaman: Jesus of Nazareth in Anthropological-Historical Perspective.” Verskeie postmoderne toeloë praat met goot lof daarvan.

Christopher Rowland van Queens College, Oxford, apploudiseer die boek as volg:

“Dr. Pieter Craffert’s book is a timely contribution to the debate about Jesus, which deserves to be read widely and pondered by the scholarly community, as it enables a better grasp of Jesus of Nazareth in his historical context. Those who have discussed the political problem posed by Jesus have never taken seriously enough the power wielded by the charismatic, miracle-worker, and seer in an ancient society. The careful exploration of the way in which Pieter Craffert has explored how shamanism might inform the understanding of the Jesus tradition sheds much light on the religion and politics of the Jesus of history which will set future discussion on a firmer historical footing.” (Emphasis added).

Bruce J. Malina, Creighton Universiteit, Omaha, is oorstelp met shamanistiese ekstase wanneer hy in vrolike lewenslustigheid sê:

“In this book, Craffert uses the metaphor of traveling to describe the task he has undertaken. Given the existence of the two prevailing pathways leading into contemporary ‘historical Jesus’ study, Craffert leaves the century-and-a-half old Schweitzer Street (Schweitzerstrasse) and Wrede Road (Wredebahn) to do some ‘bundubashing’ (South African: to travel off road through remote and rough terrain) to get to the social personage of Jesus the Galilean. His critique of prevailing historical Jesus study is insightful and incisive, while his description of Jesus as first-century Galilean shaman is masterful and accomplished. His rationale for and realization of a work of anthropological history is quite on the mark, enabling a reader to have an encounter with a first-century, Galilean shamanic Jesus that should produce an appropriate culture shock in those unused to the radically different cultural and social landscape of Mediterranean antiquity.” (Emphasis added)

“Bundubashing?” . . .  Inderdaad! Die postmoderne intellentsia volg “bundubashing” weë en paaie wat die Woord van God beskrywe as weë en paaie wat vir die mens reg lyk maar die gevolge daarvan lei na die ewige dood.

Spreuke 14:12 Daar is ‘n weg wat vir ‘n mens reg lyk, maar die einde daarvan is weë van die dood.

John J. Pilch van Georgetown Universiteit, Washington skryf:

“Craffert’s groundbreaking study lifts contemporary historical Jesus research out of frustrating dead ends to move it in a new and richly rewarding direction. According to him, Jesus is best understood as a shamanic figure who lived in first century Galilee. Everything the New Testament reports about Jesus, his teaching and his activities, fits the model of a shamanic complex. This model offers the most culturally plausible interpretation of biblical evidence that others have judged to be purely literary compositions with no basis in reality contrived to teach a ‘theological’ or ’spiritual’ lesson. Craffert’s new view of Jesus makes him as intelligible as other universally documented holy persons who have appeared in all cultures throughout the millennia of human existence.” [6] (Emphasis added).

Die laaste sin onderstreep wat ek vroeër gesê het, en dit is dat die vyande van God alles in hulle vermoë doen om God se Seun, Jesus Christus, op gelyke vlak te bring met al die ander sg. heilige persone wat prominensie geniet in elke denkbare godsdiens. In wese kom dit daarop neer dat Jesus Christus nie God is nie maar ‘n persoon soos enige ander wat gebruik gemaak het van shamanistiese kunste om die mense ‘n rat voor die oë te draai. Prof Zimmermann het sy aanbieding begin deur te verwys na Matteus 16 maar het doelbewus die kerngedeelte daarvan weggelaat, nl. “Salig is jy, Simon Bar-Jona, want vlees en bloed het dit nie aan jou geopenbaar nie, maar my Vader wat in die hemele is.” God die Vader se getuienis aangaande sy Seun word dus verwerp om plek te maak vir mensgemaakte idees en versinsels oor Jesus Chrisus en wie Hy kwansuis werklik was.

In sy referaat het Craffert gesê dat Shamanisme ‘n manier is om te verduidelik hoe Jesus van Nasaret wonderwerke gedoen het, gesterwe en uit die dood opgewek is. Ek kon aanvanklik nie verstaan hoe hy die unieke wonderwerk van Christus se opstanding, wat deur die Heilige Gees bewerk is, met die demonies geïnspireerde praktyke van shamanisme verbind nie, totdat ek die volgende woorde in ‘n artikel op die internet gelees het.

Die Pad van die Shamaan

Daar word dikwels na die shamaan verwys as “die gewonde heler.” Dit beteken dat die shamaan een of ander verskriklike siekte of krisis deurgemaak het, of in die land van die dooies was en toe oorleef het, maar nie net oorleef het nie: hy het ook teruggekom, sterker en wyser, met die hulp van die geeste.[6]

Dit is onomwonde ‘n demonies geïnspireerde nabootsing van Jesus Christus se dood en opstanding wat God se verskriklike oordele in Matteus en Markus provokeer:

Matteus 12:32 En elkeen wat ‘n woord spreek teen die Seun van die mens, dit sal hom vergewe word; maar elkeen wat spreek teen die Heilige Gees, dit sal hom nie vergewe word nie, in hierdie eeu nie en ook in die toekomende nie.

Markus 3:29-30 maar wie teen die Heilige Gees gelaster het, het geen vergifnis tot in ewigheid nie, maar is skuldig aan die ewige oordeel—omdat hulle gesê het: Hy het ‘n onreine gees.

Enigeen wat aan die Heilige Gees toeskryf wat van die duiwel en sy demone afkomstig is en soos die Farisieërs sê dat Jesus sy wonderwerke deur die krag van Beëlsebul gedoen is, loop die gevaar om vir ewig verlore te gaan.

Matteus 12:24 Maar toe die Fariseërs dit hoor, sê hulle: Hy dryf die duiwels nie anders uit as deur Beëlsebul, die owerste van die duiwels, nie.

Wat is die verskil tussen die bogaande Fariseese beskuldiging en Craffert se aanname dat “Jesus as ‘n Galilese shamanistiese figuur sinnebeeldige genesings en duiweluitdrywing gedoen en die geeste gekontroleer het, terwyl hy ook as profeet, leermeester and middelaar van goddelike wysheid opgetree het” (klem bygevoeg). Ten einde hierdie grondelose verklaring uit die bodemlose put te verstaan, is dit nodig om die essensiële kenmerke van ‘n shamaan in oënskou te neem.

Luidens ‘n artikel op Wikipedia (http://en.wikipedia.org/wiki/Shamanism) is die belangrikste funksie van ‘n shamaan om ‘n oorvloedige klomp take te verrig, afhangende van die gemeenskap waarin hulle hul kunste beoefen: i.e. genesing, die aanvoer van ‘n offer; die bewaring van die tradisies deur strorievertellings en liedere; voorspellings; en om op te tree as ‘n “psychopomp” (letterlik beteken dit “sielegids” of geestegids”). In sommige kulture kan al hierdie take in een shamaan funksioneer. Die geestebesweerder in die Griekse mitologie kan as ‘n shamaan bestempel word omdat hy die geeste kon oproep en die dooies opwek om hulle as slawe, soldate en instrumente vir waarsêery te gebruik. Gewoonlik reis die shamaan na die middelpunt van die aarde en betree die geesteswêreld by wyse van ‘n verandering van bewussyn en gaan in ‘n ekstatiese transtoestand wat of outohipnoties en/of deur die gebruik van plant-entheogene (verdowingsmiddels) aangebring word. Die metodes wissel en word dikwels gelyktydig aangewend. Sommige van die metodes wat gebruik word om transtoestande aan te bring, is die volgende:

• Tabak (bevorder konsentrasie maar is nie psigotropies nie (m.a.w. dit werk nie op die sentrale senuweestelsel in nie).
• Tromslaan
• Transdanse
• Dreunsang
• Icaros / Medisinale liedere
• Nagwake
• Vas
• Seremoniële sauna
• Najaag van visoene
• Mariri
• Swaardgevegte / Swaardsmeding
• “Krag” of “meester” plante wat gebruik word as wierook of geëet word om veranderde bewussynstoestande te bereik.
• Psigideliese sampioene – waarna die Mazatec shamaans eufimisties verwys as heilige kinders soos Maria Sabina.
• Cannabis (Dagga)
• San Pedro Kaktus – deur die Andiese mense vernoem na St. Petrus wat die sleutels tot die hekke van die hemel hou; Quechua naam: Huachuma.
• Peyote
• Ayahuasca – Quechua vir wingerd van die Dood; ook genoem yage.
• Cedar
• Datura
• Dodelike nagskaduwee
• “Fly agaric” ook genoem “Fly amanita” is n giftige fungus
• Iboga
• Morning glory
• Soetgras
• Sage

(Klem deurgaans bygevoeg)

Suggereer Prof. Craffert dat Jesus soortgelyke verdowingsmiddels en metodes gebruik het om sy beweerde shamanistiese veranderde bewussynstoestande aan te bring? Indien wel dan is hy of baie na-aan die onvergeeflike sonde van die lastering van die Heilige Gees wat Jesus bemagtig het om wonderwerke te doen en Hom uit die dood opgewek het, of hy het al so baie kere gelaster dat Craffert geen gewetenswroeging hoegenaamd ervaar nie.

Die gehoor het die geleentheid gekry om vrae te stel wat in ‘n bondel geneem en beantwoord is. Die drie hoogs gedistingeerde sprekers het almal se vrae beantwoord behalwe myne wat ek soos volg gefraseer het:

Wie het hierdie diepsinnige woorde geuiter, en hulle was inderdaad baie diepsinnig - “Ek het dan vir julle gesê dat julle in jul sondes sal sterwe; want as julle nie glo dat dit Ek is nie, sal julle in jul sondes sterwe?” Was dit ‘n shamaan soos julle beweer en indien wel, sou u sê dat u en my sondes blote shamanistiese ervarings is?

Dit herinner my aan Paulus se ernstige waarskuwing in Romeine 1:18 en 19:

Want die toorn van God word van die hemel af geopenbaar oor al die goddeloosheid en ongeregtigheid van die mense wat in ongeregtigheid die waarheid onderdruk, omdat wat van God geken kan word, in hulle openbaar is, want God het dit aan hulle geopenbaar.

Hulle ken die waarheid maar is doelbewus besig om dit in hulle eie ongeregtigheid te onderdruk. Hulle weerstaan die leerstellings van God omdat hulle weet hulle daardie leerstellings nie kan nahou nie en terselfdertyd ook aan hulle sondes van afvalligheid kan bly vashou nie. Was dit miskien die rede waarom hulle geweier het om my vraag te beantwoord?

My opregte pleidooi is dat die drie geëerde sprekers wie se misinterpretasie van Jesus Christus hulleself en ook andere op ‘n dwaalspoor lei, hulle heelhartig van hulle bose weë sal bekeer en die waarheid van God se Evangelie sal ontvang sodat hulle gered kan word, want dit is nie die wil van God dat hulle verlore gaan nie.

2 Petrus 3:9 Die Here vertraag nie die belofte soos sommige dit vertraging ag nie, maar Hy is lankmoedig oor ons en wil nie hê dat sommige moet vergaan nie, maar dat almal tot bekering moet kom (Klem bygevoeg)

Die Teologiese Fakulteit van die Universiteit van Pretoria was deur die jare heen die gasheer vir baie sprekers wat bygedra het tot hulle eie afvalligheid en ook dié van die NG Kerk. Hulle is toenemend besig om die fundamentaliste te spot en te beswadder wat met ontsag die fundamentele waarhede van die Skrif wil onderhou en weier om daardie waarhede ter wille van ‘n “eenheid-in-diversiteit” paradigma te kompromiteer. ‘n Persoon wat telkens met die fundamentalisme spot, is Prof Piet Naudé.[7] Hy het tydens die jaarlikse Lentefeesviering van die Teologiese Fakulteit op 8 Oktober vanjaar gesê dat die kerk diverse spiritualiteite moet inkorporeer en propageer, met ‘n enkele uitsondering – en dit is om die fundamentaliste soos die plaag te vermy want dit is onmoontlik om oor enige gemeenskaplike middelgrond met hulle te onderhandel. Hulle is mal, het hy gesê. ‘n Groot gehoor van hoofsaaklik mans (?) het met oorgawe vir Naudé se ou grappies en sy spottery met die fundamentaliste gelag. Die enigste ding wat jy vir ‘n fundamentalis kan sê, is “Sien jou in die hemel . . . of nie,” het hy gespot. Die mans (?) het weer geskaterlag. Sinneloosheid is egter nie eie aan die fundamentaliste nie maar eerder die liberaliste wat voorgee dat hulle wys is maar dwaas geword het in hulle eie oorlegginge. Wat sê die Skrif van hulle? – Romeine 1: 22

Claiming to be wise, they became fools [professing to be smart, they made simpletons of themselves]. (Amplified Bybel) (Klem bygevoeg).

2 Peter 3:1-3 Dit is reeds die tweede brief, geliefdes, wat ek aan julle skrywe. In albei wil ek deur herinnering julle suiwere gesindheid opwek, sodat julle die woorde kan onthou wat deur die heilige profete tevore gespreek is, en die gebod van ons, apostels van die Here en Verlosser. Dit moet julle veral weet, dat daar aan die einde van die dae spotters sal kom wat volgens hulle eie begeerlikhede wandel (Klem bygevoeg).

Die ironie is dat terwyl Piet Naudé met die fundamentaliste gespot het, hy voor die kansel van die Universiteitsoord NG gemeente in Pretoria gestaan het, waarop geskrywe staan “So stuur Ek julle,” die woorde wat Christus aan sy dissipels gesê het nadat HY uit die dood opgestaan het (Johannes 20:21). Hy het hulle in die wêreld uitgestuur om die mees fundamentele waarheid wat die mens nog ooit gekonfronteer het, te verkondig: “Ek is die weg en die waarheid en die lewe; niemand kom na die Vader behalwe deur My nie.” Hoe kan Piet Naudé, die Teologiese Fakulteit en die mans (?) wat so lekker saam met hom gegiggel en gelag het, Christus se opdrag uitvoer om in die hele wêreld in te gaan en dissipels te maak van al die nasies as hulle Jesus se suiwer fundamentalistiese uitsprake bespot? Watter soort boodskap kan hulle aan ‘n wêreld wat gek geword het, bring as hulle met die fundamentele uitsprake wat Jesus Christus gedurende sy aardse verblyf gemaak het, die spot dryf?

Broer Petrus het waarskynlik by voorbaat geweet van die onbesonne byeenkomste aan die Teologiese Fakulteit van UP soos dié een wat plaasgevind het op 8 Oktober 2008. Inderdaad, hy was doodreg toe hy gesê het daar sal in die laaste dae spotters wees.

Vir hulle wil ek die Psalmis graag aanhaal:

Psalm 2:1-4 Waarom woel die nasies en bedink die volke nietige dinge? Die konings van die aarde staan gereed, en die vorste hou saam raad teen die HERE en teen sy Gesalfde en sê: Laat ons hulle bande stukkend ruk en hulle toue van ons afwerp! Hy wat in die hemel woon, lag; die Here spot met hulle. Dan sal Hy hulle aanspreek in sy toorn, en in sy grimmigheid sal Hy hulle verskrik (klem bygevoeg).

Jesus het Simon Petrus ‘n geseënde man genoem omdat sy Vader in die hemel aan hom die ewige en onveranderlike waarheid oor Hom geopenbaar het. Wie het aan Prof. Pieter Craffert geopenbaar dat Jesus ‘n shamaan moes gewees het  – die god van hierdie wêreld?

2 Korinthiërs 4: 3-4 Maar as ons evangelie dan nog bedek is, is dit bedek in die wat verlore gaan,  naamlik die ongelowiges in wie die god van hierdie wêreld die sinne verblind het, sodat die verligting van die evangelie van die heerlikheid van Christus, wat die beeld van God is, op hulle nie sou skyn nie (klem bygevoeg).

---

[1] Prof le Roux is verbonde aan die Departement Ou Testemant van die Teologiese Fakulteit van Pretoria

[2] Le Roux JH 2001. Geskiedenis van die Pentateugnavorsing. Deprt. Ou Testament. Universiteit van Pretoria. p 36-38)

[3] Jurie le Roux 2004. Na OTW Pentateugkritiek vraestel aan Ferdie Mulder gesê. 19/06/2004; GW 1:12; 11 h30. Universiteit van Pretoria.

[4] Richard Soulen: Handbook of Biblical Criticism,” p. 79

[5] http://www.unisa.ac.za/Default.asp?Cmd=ViewContent&ContentID=20742

[6] http://www.shamanism.dk/Artikel%20-%20All%20life%20is%20connected.htm

[7] Prof. Naudé het ‘n meesters in filosofie, ‘n doktoraat in teologie en is ‘n geordineerde predikant. Hy het talryke toekennings vir sy navorsing gewen, veral op die gebied van die teologie en etiek. Hy het twee akademiese boeke gepubliseer, meer as 50 artikels geskryf en meer as 100 referate by nasionale en internasionale konferensies gelewer. Hy is onlangs aangestel as die direkteur van die Nelson Mandela Metropool Universiteit se Besigheidskool terwyl hy aan die hoof staan van dié universiteit se Etiek Akademie.

Die Doelgerigte Misleiding – Deel 2

Warren verwys dikwels in sy openbare optredes en onderhoude op Larry King Live (CNN) na Spreuke 16:18: “Trotsheid kom voor die verbreking, en hoogmoed kom voor die val.” Nietemin, omdat hy en so baie ander fasiliteerders in die Emerging Church beweging die ego of self van die mens oor die boeg van diensbaarheid, harmonie en eenheid gooi, ignoreer hulle willekeurig of onwillekeurig die werklike doel van die verloëning en die afserwe van die ego of die self. Die primêre doel van die verloëning en die afsterwe van die eie ek is nie diensbaarheid nie (hoewel dit uiters belangrik is) maar om ‘n ware dissipel (volgeling) van die Here Jesus te kan wees. Diensbaarheid is nie uniek aan gelowiges nie. Soos ons reeds hierbo gesien het, lê die besigheidswêreld (wat hoofsaaklik in die hande van ongelowiges gesetel is) geweldig baie klem op diensbaarheid, maar dis ‘n tipe “diensbaarheid” wat gebaseer is op die besigheidsbeginsel van “vraag en aanbod.” Die behoeftes van die massas bepaal die aard en inhoud van die diens wat in hierdie besigheidsgedrewe “diensbaarheid” gewortel is. Dit was hoofsaaklik hierdie besigheidsgedrewe “diensbaarheid” wat Rick Warren aangespoor het om na die sg. “unchurched Harrys and Marys” (ongelowiges) uit te reik en hulle te vra wat hulle van die kerk verwag. Daarom sê hy dan ook:

The first Reformation was about belief; this one’s going to be about behavior,” . . . “The first one was about creeds; this one’s going to be about our deeds . . . The first one divided the church; this time it will unify the church.” (1)

Niemand kan ontken dat diensbaarheid (goeie dade) ‘n pragtige eienskap is nie, maar sonder die kruis van Jesus Christus is dit ‘n nul op ‘n kontrak. Daarom het Christus gesê:

Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie. (Joh 15:5).

En Hy sê vir almal: As iemand agter My aan wil kom, moet hy homself verloën en sy kruis elke dag opneem en My volg (Luk 9: 23).

En elkeen wat sy kruis nie dra en agter My aan kom nie, kan my dissipel nie wees nie (Luk 14: 27).

Dit is alleenlik maar die kruis van Christus (die sterwe aan die self) wat die gelowige in staat stel om in Christus te bly en om dusdoende ‘n instrument van diensbaarheid te kan wees. Sonder Christus en sy kruis kan ons niks doen wat ewigheidswaarde het nie en alles wat ons in elk geval sonder Hom doen beteken net mooi niks nie. Dit is niks anders nie as hout, hooi en stoppels wat by die Bema troon oordeel tot ‘n hopie as verbrand sal word (1 Kor 3: 12). Selfverloëning sonder die kruis van Jesus Christus pas ewe goed in die kader van enige ander godsdiens en kom eintlik neer op ‘n verheffing van die self eerder as ‘n afsterwe daarvan. Deur die daaglikse werking van die kruis van Christus as die enigste effektiewe instrument vir die afsterwe van die eie “ek” of die “self” uit te skakel, word die klem verskuif van ware dissipelskap (selfverloëning en die opneem van die kruis) na diensbaarheid; van God na die gemeenskap, soveel so dat die uitdrukking “dit gaan nie om jou nie” ‘n algehele humanistiese betekenis kry.

Die vraag is dus: Waarna verwys Warren as hy praat van die “dit” in dié veelbesproke frase “Dit gaan nie om jou nie?” Niemand kan ontken nie dat die hele Evangelie (Goeie Nuus) geskryf is ter wille van jou. Dit is die mooiste, wonderlikste en beste liefdesroman wat nog ooit geskryf is . . . vir jou. Warren het egter op ‘n baie subtiele wyse die klem verskuif vanaf redding, heiligmaking en gelykvormigmaking aan Jesus se lyde, na die nastreef en bereiking van ‘n doelgerigte lewe sodat hy nie net gelowiges nie, maar ook ongelowiges in sy doelgerigte agenda kan akkomodeer. Veral kommerwekkend van sy boek is dat dit deurspek is met teenstrydighede. Hy sê byvoorbeeld dat selfverheffing, selfbehoud en selfgesentreerdheid iets uit die bose is, maar versuim om God se oplossing vir hierdie “self-is-me” helder en duidelik te verklaar, nl. dat ons onself moet verloën, ons kruis opneem en Hom volg (Mat 16:24; Mark 8:34; Luk 9:23). Pleks daarvan, sê hy dat jy ‘n doelgerigte lewe vir God moet lewe. In weerwil van sy afkeur aan alles wat met die self te make het, is hy eintlik maar besig om “self-is-me” te bevorder. Hy doen dus maar presies dieselfde as wat enige ander ongelowige met die sonde van selgesentreerdheid doen. Die Webblad: Inner Frontier, skryf soos volg oor “selfgesentreerdheid” soos Isaac Luria, ‘n 16de-eeuse Kabalistiese okkultis dit beskrryf het:

Tikkun olam encompasses both the outer and the inner, both service to society by helping those in need and service to the Divine by liberating the spark within. (2) As we are, the Divine spark lies hidden beneath our layers of egoistic self-centeredness. That spark is our conscience, through which the promptings of the Divine Will flow toward us. By pursuing spiritual inner work to strengthen our soul and purify our heart, we grow more able to bear that spark without shattering, more willing to act on what we know to be right, less willing to act in harmful or grasping ways, and more able to notice the quiet presence of conscience beneath the din of our chattering minds and reactive emotions. The work of transformation, of building a soul creates a proper vessel for the Divine spark, for our unique share of the Divine Will, returning that spark to the service of the One Who sent it. By working to perfect ourselves, perfect our soul, and serve society, we each contribute in our own unique way to the perfecting of the world. This is our duty and our calling as human beings. (3) (klem bygevoeg)

Waaroor gaan dit dan alles? Gaan dit om die ewigheidswaardes van God se koninkryk wat jy moet nastreef ter wille van Christus en sy Evangelie en nie ‘n tydelike doelgerigte lewe hier op aarde nie, of om hierdie wêreld te transformeer en ‘n beter plek daarvan probeer maak?

Dit is eerder nodig om mensgemaakte harmonieë so ‘n bietjie te skud sodat God se harmonie in ons lewens tot ontplooing kan kom. Daarom het Christus gesê, “Dink julle dat Ek gekom het om vrede op die aarde te gee? Nee, sê Ek vir julle, maar eerder verdeeldheid.”(Luk 12: 51). Harmonie en eenheid word nie onderling teweeg gebring deur gesamentlik ‘n doelgerigte lewe op hierdie aarde na te jaag nie, maar alleenlik wanneer God self sy kinders in sy waarheid heilig (Joh 16: 16, 17). Daar is vandag talle mense wat in die naam van die Christendom baie vroom en mooi voorbeeldige en doelgerigte lewens lei, maar wat nie deur God self in sy waarheid geheilig is nie. Paulus noem hulle mense wat ‘n gedaante van godsaligheid het, maar die krag daarvan verloën (2 Tim 3: 5). Hulle jaag ‘n doelgerigte lewe na sonder die kruis van Jesus Christus. Waarom dink u is daar soveel ongelowige besigheidsinstansies wat doelgerig florerende besigheidsprojekte nastreef met Rick Warren se boek “Die Doelgerigte lewe” styf onder die arm? Selfs die ongelowige en bekende Amerikaanse motiveringspreker, Anthony (Tony) Robbins, hou deesdae opleidingseminare getiteld “Die Doelgerigte lewe.” (4) Warren se boek het nie net ‘n geweldige invloed op kerke dwarsoor die wêreld nie, maar ook op groot besigheidsinstansies soos Ford, Wal-Mart en Coca-Cola. Hoe rym dit met Christus se woorde dat die wêreld Hom haat? (Joh 15: 18). Dit is ooglopend duidelik dat wanneer die wêreldse besighede ter wille van hulle eie agendas begin belangstel in sg. Christelike boeke, is hulle eintlik maar besig om ‘n ander Jesus na te volg omdat die Jesus van die Bybel nie langs dieselfde vuur as die wêreld kan of sal sit nie. As die wêreld jou begin ophemel en van jou begin goedpraat, is dit ‘n duidelike teken dat jy beslis nie God se doel vir jou in hierdie wêreld uitleef nie.

1 Joh 4:5 Hulle is uit die wêreld; daarom praat hulle uit die wêreld, en die wêreld luister na hulle.

Luk 6:26 Wee julle wanneer al die mense goed van julle praat, want hulle vaders het net so aan die valse profete gedoen.

Waar in die Bybel vind ons dat die Here Jesus vir sy dissipels of enigiemand anders gesê het “Dit gaan nie om jou . . . of om my nie.” Om die waarheid te sê die uitdrukking “Dit gaan nie om jou nie” en “Dit gaan nie oor my nie” is uit en uit ‘n humanistiese siening van die self. Pleks daarvan om die self op sy regte plek te sit, is dit eintlik besig om die self op te blaas en te pamperlang tot iets wat naderhand so groot is dat dit op die ou ent net om jouself gaan en nie om God nie. Hou in gedagte dat Warren se leserskring uit ‘n baie groot kontingent van ongelowiges bestaan en om vir hulle te sê dit gaan nie om jou nie sonder om die werking van die kruis daarin duidelik te maak, sal telkemale uitloop op ‘n opgeblaasde verheerliking van die self. Rick Warren verwys nie ‘n enkele keer in sy boek na die noodsaaklikheid van Jesus Christus se kruis in die hantering van die “self” nie. Sodra iemand geestelike waarhede wil oordra sonder om die kruis van Jesus Christus dié ereplek in hulle lering te gee, is hulle besig om ‘n wêreldse wysheid kwyt te raak. Die kruis van Christus Jesus is die krag en die wysheid van God (1 Kor 1: 20-24) en predikers van die woord het ‘n plig teenoor God se skape om sy wysheid helder en duidelik aan hulle oor te dra. Daarom het Paulus gesê: “Ek wil niks onder julle weet as Jesus Christus en Hom as gekruisigde.”

As Christus nie vir Homself aan die vloekhout van Golgota vasgespyker was nie, vir wie en namens wie het Hy dan gesterwe? As die Gees van God deur wie die hele Skrif ingegee is en deur manne van God opgeteken is baie duidelik en onomwonde sê dat Sy kruisdood nie vir Homself was nie, dan beteken dit tog sekerlik dat dit wel om jou en om my gaan. Inderdaad, die volledige openbaring van God, vanaf Genesis tot Openbaring, is om jou en om my ontwil geskrywe. Trouens, nog voor die grondlegging van die wêreld het die drie Persone in die Drie-Eenheid in hulle alwetendheid vooraf geweet dat die mens in die sonde sou val en ooreengekom dat Christus vlees en bloed deelagtig sou word sodat Hy die hoogste prys vir die sondes en die verlorenheid van die mensdom kon betaal. Die mens was nog nie eens dáár nie toe God die Drie-eenheid besluit het om ter wille van jou en my en die hele wêreld sy lewe aan ‘n vloekhout af te lê sodat ons gered kan word.

Julle moet weet (besef) dat julle gered is (vrygekoop is) vanuit julle nuttelose (vrugtelose) lewenswandel wat julle tradisioneel van julle voorvaders oorgeërf het, nie met verganklike dinge [soos] silwer en goud nie, Maar [julle is vrygekoop] met die kosbare bloed van Christus, die Messias, soos dié van ‘n [geslagde en offervaardige] lam sonder vlek of rimpel. Dit is ‘n betroubare woord dat Hy gekies en voorbestem is vóór die grondlegging van die wêreld, maar Hy is in die laaste dae in die publieke oog gebring (geopenbaar) — aan die einde van die tye — vir julle onthalwe (‘n Vrye vertaling van 1 Pet 1: 20 uit die Amplified Bible)

Hy is vir ons onthalwe voor die grondlegging van die wêreld gekruisig. Die oomblik toe die Drie-Eenheid in hulle ondeurgrondelike liefde vir die mensdom besluit het dat Christus vir die ganse wêreld aan ‘n vloekhout sou sterwe, was dit in God se hart alreeds ‘n gedane en voldonge saak — alreeds voor die grondlegging van die wêreld. Dit is onteenseglik waar dat alles deur Hom en vir Hom geskep is en dat Hy dit alles vir Sy verheerliking gedoen het (Kol 1: 16). Die vraag bly egter . . . het God alles geskape sodat die gevalle mensdom met asembenewende bewondering net daarna kan kyk en uitroep Ag hoe wonderlik!? . . . of het Hy dit geskep sodat Hy ‘n vervloekte kruishout op ‘n heuwel net buitekant Jerusalem kon inplant sodat Sy Eniggebore Seun vir die sondes van die hele wêreld daaraan vasgespyker kon word? (Jes 53:10).

Dit is uiters jammer dat Rick Warren nie vanuit die staanspoor die Evangelie van Jesus Christus helder en duidelik vir sy lesers afskilder nie (Gal 3: 1). Om vir enigeen te probeer wysmaak dat die klem op onsself . . . “nooit ons lewensdoel duidelik maak nie,” en “jy [gaan] nie jou lewensdoel raaksien deur binne-in jouself te kyk nie” sonder dat hulle ten diepste en ten nouste begryp waarom Christus reeds voor die grondlegging van die wêreld vir ons gekruisig is, sal die ongelowiges maar net aanspoor om hulle ingebore en selfsugtige selfgesenstreerdheid nog verder te pamperlang. Hou in gedagte dat Warren sy boek so ingeklee het dat beide gelowiges en ongelowiges in sy Doelgerigte Lewe betrek kan word. Ongelowiges sal nooit die gruwel van hulle eie ingebore selfsugtige selfgesentreerdheid kan raaksien nie, tensy die bloed van die kruis hulle verlore siele aanraak en reinig. Het die Here Jesus dan nie eenkeer self gesê dat ons niks sonder Hom kan doen nie? (Joh 15: 5). Niks sluit ook jou onvermoë in om jou selfsugtige selfgesentreerdheid af te skud . . . want dit is alleenlik deur die kruis van Christus en nie jou doel nie dat enigeen die klem op homself kan afsterf. As die kruis van Christus nie sentraal in die lewe van ‘n persoon ingeplant is nie, kan hy nie God se doel met sy lewe raaksien en uitleef nie, want dit is alleen die kruis wat jou kan bring tot ‘n plek van swakheid sodat God se opstandingskrag in jou ‘n werklikheid kan word. Warren hoef maar net Joh 15: 8 aangehaal het om God se doel met Sy dissipels duidelik te maak — meer as dit (40 hoofstukke) is heeltemal oorbodig.

Om sy uitspraak “Dit gaan nie om jou nie” te onderskryf, gebruik Warren ‘n voorbeeld wat so effe aan die vedwaalde kant is. Op bladsy 16 begin hy deur die te sê Ek het op ‘n slag in die berge verdwaal. Toe ek stop en iemand vra om die pad na die kamp te verduidelik, hoor ek ‘Jy kan nie van hier af daar kom nie. Jy moet anderkant die berg begin!’ Net so kan jy jou lewensdoel nie verstaan as jy begin deur op jouself te konsentreer nie. Ek kan my nogal hiermee vereenselwig omdat ek baie maklik verdwaal, maar as iemand vir my sê ek moet aan die anderkant van die berg begin terwyl ek aan die verkeerde kant van die berg verdwaal het, is daar tog sekerlik net een van ‘n paar maniere waarop ek by die anderkant van die berg kan uitkom. Ek kan nie anders nie as om by die verkeerde kant waar ek aanvanklik begin het óf oor die te berg gaan óf links óf regs om die berg te gaan om by die anderkant uit te kom, en in dié proses sal ek in elk geval die kamp vind wat óf langs óf op die berg geleë is. Warren is korrek wanneer hy sê “Jy moet met God jou Skepper begin” maar dit is uiters tragies dat hy nie vir sy lesers vertel waar God te vinde is sodat jy met Hom kan begin nie. Interessant genoeg was dit ‘n berg (Sinaï) waarop God Hom aan Moses en die volk Israel geopenbaar en Sy tien gebooie aan hulle gegee het. Ook ons kan God alleenlik op ‘n berg (‘n heuwel) wat soos ‘n hoofskedel (in Hebreeus Golgota) gevorm is, vind. Nog meer, hierdie heuwel staan nie in die kamp nie maar buitekant die kamp.

Daarom het Jesus ook, om die volk deur sy eie bloed te heilig, buitekant die poort gely. Laat ons dan uitgaan na Hom toe buitekant die laer (kamp) en sy smaad dra. (Heb 13: 12, 13).

Dit is dus nie aan die duskant of die anderkant van die berg waar God te vinde is nie, maar op die hoofskedel-heuwel wat buitekant die kamp geleë is. Dit is uiters kommerwekkend en tragies dat Warren sy lesers nie vertel waar hulle God kan vind nie alvorens hulle met Hom kan begin. Ek kan maar net raai waarom hy dit nie doen nie. As herder van sy mega-kerk (Saddleback Valley Gemeenskapskerk) moet hy terdeë bewus wees van 1 Kor 1: 18 & 19 wat baie uitgesproke is oor die kruis van Christus.

Want die woord van die kruis is wel dwaasheid vir die wat verlore gaan, maar vir ons wat gered word, is dit die krag van God; want daar is geskrywe: Ek sal die wysheid van die wyse mense vernietig en die verstand van die verstandige mense tot niet maak.

Warren kan dit waarkynlik nie bekostig om sulke diep-snydende tekse aan te haal nie omdat hy sy ongelowige lesersgehoor onmiddellik sou moes prysgee. Dit is opvallend dat die reuse sukses van sy boek nie te danke is aan gelowiges nie, maar hoofsaaklik aan ongelowiges en in die besonder die besigheidsektor wat gulsig van sy boeke gebruik maak om hulle besondere doelgerigte mylpale te bereik. Om sy ongelowige lesersgehoor te betrek, haal hy eerder godloënaars soos Bertrand Russel (‘n uitgesproke ateïs) aan. Myns insiens grens dit aan godslastering om Bertrand Russel se spreuk “Tensy jy ‘n God versonderstel, is dit sinneloos om te vra wat die doel van die lewe is” naas Paulus se Heilie Gees-geïnspireerde teks in Kol 1: 16 te plaas. Dit herinner my aan ‘n groep Christene wat onlangs die ewe godslasterlike spreuk van Benjamin Franklin (‘n 13de graad Vrymesselaar) gebruik het om hulle drinkgewoontes te verdedig, “Beer is proof that God loves us and wants us to be happy.” Toe ek die godslasterlike en God-onterende spreuk aan hulle uitwys, het hulle my eenvoudig geïgnoreer en my lidmaatskap van hulle webwerf summier beëindig. Dit gaan my verstand te bowe dat God se kinders sulke blatante leuens soos dié van Bertrand Russel gelate kan aanvaar en met ‘n gejubel uitbasuin dat Warren se boek ‘n meesterstuk is. Het ons al so ver van die waarheid afgedwaal dat ons nie meer onderskeid kan maak tussen die heilige en die onheilige en die verskil tussen die onreine en die reine kan uitken nie? (Eseg 22: 26).

Waarom gebruik Rick Warren aanhalings uit die geledere van Godloënaars? In sy biografie oor Rick Warren het Richard Abanes ‘n hoofstuk onder die titel “A New Kind of Spirituality” ingesluit waarin hy poog om te bewys dat Rick Warren gekant is teen ‘n diverse universele waarheid. In hierdie hoofstuk verdedig hy Warren se neiging om die wysneusige spreuke van ongelowiges asook van ander godsdientige oortuigings aan te haal. Abanes toon aan dat hy dit doen nie omdat Warren saamstem oor wat hulle sê nie en nie omdat hy hulle as voorbeelde van ware Christene voorhou nie, maar omdat hy wil bewys dat alle waarheid — uit watter oord die ookal mag kom — God se waarheid is. (5) Daarmee plaas Warren hom solied in die kraal van okkultiste en Teosofiste soos Helena P Blavatsky, Alice Ann Bailey en Annie Besant. Blavatsky sê in haar boek “To the Readers of Lucifer” die volgende:

Our motto was from the first, and ever shall be: ‘THERE IS NO RELIGION HIGHER THAN–TRUTH.’ Truth we -search for, and, once found, we bring it forward before the world, whencesoever it comes.…

“There is, and can be, but one absolute truth in Kosmos. And … if it is absolute it must also be omnipresent and universal; and that in such case, it must be underlying every world-religion — the product of the thought and knowledge of numberless generations of thinking men. Therefore, that a portion of truth, great or small, is found in every religious and philosophical system, and that if we would find it, we have to search for it at the origin and source of every such system, at its roots and first growth, not in its later overgrowth of sects and dogmatism.

Our object is not to destroy any religion but rather to help to filter each, thus ridding them of their respective impurities. In this we are opposed by all those who maintain, against evidence, that their particular pitcher alone contains the whole ocean. (Klem bygevoeg; hoofletters in die oorspronklike) (6)

In ‘n onderhoud op Larry King Live (CNN, 22 November 2004) het Rick Warren hom soos volg oor ander godsdienste uitgelaat:

And by the way, there’s truth in every religion. Christians believe that there’s truth in every religion. But we just believe that there’s one savior. We believe we can learn truth — I’ve learned a lot of truth from different religions. Because they all have a portion of the truth. I just believe there is one savior, Jesus Christ.—Rick Warren (klem bygevoeg) (7)

As die Here Jesus die enigste Waarheid, die enigste Weg en die enigste lewegewende Verlosser is, dan kan daar geen saliggewende waarheid in enige van die ander godsdienste wees nie, juis omdat alle ander godsdienste Hom as die enigste Waarheid verwerp. Hierdie verwerping van Christus bring mee dat enige waarheid van watter aard ookal wat daar moontlik in enige ander godsdiens mag voorkom totaal van nul en gener waarde vir die mens is. Enige waarheid kry eers werklik betekenis wanneer Jesus Christus as die enigste Waarheid daardie besondere waarheid onderskryf. Toe die Satan vir Christus in die woestyn versoek het, het hy baie dinge uit die Skrif aangehaal wat die suiwere waarheid is en tog moes die Here Jesus hom met die waarheid teenstaan en verwerp. Die waarheid uit die mond van Christus Jesus se vyande is nutteloos. Die jong meisie wat Paulus dae lank gevolg en uitgeroep het “Hierdie manne is dienaars van God, die Allerhoogste, en hulle verkondig aan julle die weg van verlossing” het die waarheid gepraat en tog moes Paulus die waarsêende gees in haar uitdryf (Hand 16: 16-18). Hoewel Warren in die verloop van die onderhoud pertinent sê dat Jesus die Waarheid, die Weg en die Lewe is en dat niemand na die Vader kom behalwe deur Hom nie, kan sy stelling dat daar waarheid in al die ander godsdienste opgesluit lê ‘n gevaarlike wanindruk oor die Evangelie by mense tuisbring. Daarmee skep hy die indruk dat — al sou die Christene Jesus Christus as die enigste Verlosser beskou — die waarhede in ander godsdienste ook ‘n belangrike bydrae lewer om sy agenda van ‘n doelgerigte lewe aan te vul. Trouens, dit is juis hierdie geloofwaardigheid wat hy aan die sogenaamde waarheid in ander godsdienste gee wat Warren die stukrag gee om die reusagtige probleme in die wêreld aan te pak en te probeer oplos.

Kyk gerus na hierdie video op YouTube: Rick Warren answers the Davos question.

Veronderstel die Here Jesus het vir die Satan gesê toe hy Hom in die woetyn versoek het: Ek is die enigste Verlosser van die wêreld maar jy het ook sekere waarhede in pag. Hy sou met so ‘n stelling geloofwaardigheid gee aan die Satan wat van die begin af die vader van die leuen is (Joh 8: 44), en sodoende sy aanspraak dat Hy die alleenreg op God se waarheid het, kompromiteer? Indien Hy dit sou doen, sou Hyself skuldig wees aan ‘n oortreding van God se waarskuwing in Jes 5: 20 en Homself as die Seun van God diskrediteer en selfs verloën.

Wee hulle wat sleg goed noem en goed sleg, wat die duisternis lig maak en die lig duisternis, wat bitter soet maak en soet bitter.

Skynbaar glo Warren dat die Here Jesus die enigste Verlosser is maar dat Hy ook mense van ander geloofsoortuigings kan red sonder om hulle betrokke godsdienste prys te gee omdat daar ook sekere waarhede in hulle godsdienste opgesluit is. Trouens Warren het al by geleentheid gesê:

…You may be Catholic or Protestant or Buddhist or Baptist or Muslim or Mormon or Jewish or Jain, or you have no religion at all. I’m not interested in your religious background. Because God did not create the universe for us to have religion. He came for us to have a relationship with him.”—(klem bygevoeg) (8)

“I have known many people who believe in the Messiah of Jesus, regardless of what religion they are, because they believe in him. It’s about a relationship, not a religion. You’ve heard this many times.” —(klem bygevoeg) (9)

“I happen to know people who are followers of Christ in other religions. (klem bygevoeg)” (10)

“I don’t see many people interested in Christendom. But I see a lot of people interested in God.” (11)

Tony Campolo, ‘n voobanker in die Emergent Church beweging en skrywer van die boek “Speaking My Mind” waarin hy sê dat mistisisme (kontemplatiewe gebed) die “algemene raakpunt” is tussen die Christendom en Islam, huldig dieselfde mening as Warren. Howel hy erken dat Jesus Christus die enigste Verlosser is, glo hy dat dit nie nodig is om ‘n Christen te wees nie en dat dit onnodig is vir mense van ander gelowe om hulle tot Christus te bekeer. Hy sê:

I think there are Muslim brothers and sisters who are willing to say, “You live up to the truth as you understand it. I will live up to the truth as I understand it, and we will leave it up to God on judgment day. (12)

Die bogenoemde aanhalings pas netjies in by die missiologie van die post-moderne denkers. Hier volg ‘n paar van hulle:

For me, the beginning of sharing my faith with people began by throwing out Christianity and embracing Christian spirituality, a nonpolitical mysterious system that can be experienced but not explained — Donald Miller. (13) (klem byhgevoeg).

I must add, though, that I don’t believe making disciples must equal making adherents to the Christian religion. It may be advisable in many (not all!) circumstances to help people become followers of Jesus and remain within their Buddhist, Hindu, or Jewish contexts — Brian McLaren. (14) (klem bygevoeg).

YWAM (“Youth With a Mission”) is een van ander sendingaksies wat ‘n nuwe strategie gebruik om mense vir Christus te bereik in lande waar die Christendom verbied word en strafbaar is met die dood.

Messianic Muslims who continue to read the Koran, visit the mosque and say their daily prayers but accept Christ as their Savior are the products of the strategy, which is being tried in several countries, according to Youth With a Mission (YWAM), one of the organizations involved. (15)

Indien Warren se stelling “And by the way, there’s truth in every religion” (17) waar is, dan moet die Satanskerk van Anton La Vey sekerlik ook iets van die waarheid beet hê. Kan u sien hoe absurd dit word wanneer sulke stellings tot hulle normale konsekwensies deurgetrek word?

Ten spyte van die inligting oor Rick Warren wat enigeen met toegang tot die internet tot hulle beskikking het (insluitende die predikante in ons land) het die meeste kerke in Suid-Afrika reeds Warren se boek “Die Doelgerigte Lewe” behandel? Dit is uiters kommerwekkend om te aanskou hoedat kinders van die Here wat reeds jarelank ‘n pad met Christus wandel, deur Warren en ander Ontluikende Kerk fasiliteerders begogel word.

2Kor 11:2 Want ek is jaloers oor julle met ‘n goddelike jaloersheid, want ek het julle aan een man verbind, om julle as ‘n reine maagd aan Christus voor te stel.

————————————————————————————————————————————————–

VOETNOTAS

1 http://www.pastors.com/RWMT/?ID=207&artid=8280&expand=1

2 WARREN DENIES ANY CONNECTION WITH THE NEW AGE, YET HE SOMETIMES AFFILIATES WITH NEW AGE PROPONENTS AND THEIR TEACHINGS. It has been documented that Warren recently joined with the John Templeton Foundation, an organization which promotes spiritual humanism, to be a judge in their “Power of Purpose” Essay Contest. The winning essay, for which Warren cast his vote, was written by August Turak, a false teacher in New Age “Self Knowledge” who claims a “divine spark” within every person. http://www.apologeticsindex.org/214-why-rick-warren-has-critics.

3 http://www.innerfrontier.org/Practices/TikkunOlam.htm.

4 http://www.crossroad.to/News/Church/Klenck1.html.

5 Richard Abanes, Rick Warren and the Purpose that Drives Him, Harvest House p. 88.

6. To the Readers of “‘Lucifer’” by H. P. Blavatsky, Lucifer, January, 1888, http://www.blavatsky.net/blavatsky/arts/ToTheReadersOfLucifer.htm. http://inthenameofpurpose.org/chp17.htm.

7 Onderhoud met Rick Warren, CNN Larry King Live, Uitgesaai op November 22, 2004, Transkripsie. http://transcripts.cnn.com/TRANSCRIPTS/0411/22/lkl.01.html.

8 United Nations, Interfaith Prayer Breakfast, September 2005, transcribed from the audio of Rick Warren’s message available at Lighthouse Trails Research Project, “The New Missiology—Keep Your Own Religion, Just Add Jesus” at http://www.lighthousetrailsresearch.com/newmissiology.htm; below Rick Warren’s quote — “Listen to entire transcript.”

9 Onderhoud met Rick Warren, CNN Larry King Live, Uitggesaai op December 2, 2005, Transkripsie, http://transcripts.cnn.com/TRANSCRIPTS/0512/02/lkl.01.html.

10 Aspen Ideas Festival, The Aspen Institute, July 6, 2005, “Discussion: Religion and Leadership,” with David Gergen and Rick Warren, http://www.aspeninstitute.org/site/c.huLWJeMRKpH/b.901097/k.C0C7/Agenda.htm. Transcribed from the audio available at Lighthouse Trails Research Project, http://www.lighthousetrailsresearch.com/newsletternovember05.htm.

11 As quoted in “Rick Warren: Global Baptists ‘are all in this together’” by Trennis Henderson, Western Recorder, Baptist Congress Today, July 30, 2005, http://www.bwanet.org/Congress/congresstoday29f.htm.

12 In ‘n onderhoud met Tony Campolo deur Shane Claiborne. http://findarticles.com/p/articles/mi_m2096/is_1_55/ai_n13798048/pg_1

13 Donald Miller, Blue Like Jazz: Nonreligious Thoughts on Christian Spirituallity, p. 115

14 Brian DF Mclaren: A Generous Orthodoxy: Why I Am a Missional, Evangelical, Post/Protestant, Liberal/Conservative, Mystical/Poetic, Biblical, Charismatic/Contemplative, Fundamentalist/Calvinist, Anabaptist/Anglican, Methodist, Catholic, Green, Incarnational, Depressed-yet-Hopeful, Emergent, Unfinished CHRISTIAN,

15 http://www.deceptioninthechurch.com/youthwithamission.html; http://www.deceptioninthechurch.com/messianicmuslimsletter.html

16 Onderhoud met Rick Warren, CNN Larry King Live, Uitgesaai op November 22, 2004, Transkripsie. http://transcripts.cnn.com/TRANSCRIPTS/0411/22/lkl.01.html

17 Onderhoud met Rick Warren, CNN Larry King Live, Uitgesaai op November 22, 2004, Transkripsie. http://transcripts.cnn.com/TRANSCRIPTS/0411/22/lkl.01.html.

Die Doelgerigte Misleiding – Deel 1

In my gesprekke met NG Kerk lidmate wat in hulle selgroepe (omgee-groepe) Rick Warren se multi miljoen dollar suksesvolle boek "Die Doelgerigte Lewe" behandel het, het ek agtergekom dat hulle hul ore toesluit vir waarkuwings dat Warren ‘n lid van die CFR (Counsel on Foreign Relations) is, dat hy baie nou met die Verenigde Nasies saamwerk om ‘n globale vrede op tou te sit, dat hy aan die spits staan van die sg. kontemplatiewe spiritualiteit om mistieke en okkulte aanbiddingswyses wêreldwyd te bevorder, en dat hy samewerking bepleit tussen Christene, Moslems, en ander gelowe om armoede, ongeletterdheid, onverdraagsamheid ens. aan te spreek. Die fasiliteerder van ‘n selgroep waarvan ek ‘n lid was, het my argumente rondom die bg. waarskuwings telkens geïgnoreer en my laat verstaan dat die inhoud van die boek vir ons aandui hoedanige Christen Rick Warren werklik is en dat dit ook vir ons van onskatbare waarde kan wees. Daarom het ek besluit om eerder die inhoud van die boek onder die loep te neem en die gevare daarin uit te wys as om net op Warren se assosiasie met ongelowiges te fokus. Daar is genoeg inligting hieroor op die internet beskikbaar en dit sal net ‘n duplisering van inligting meerbring as ek dit hier sou herhaal. Ek wil dus graag in die volgende paar weke enkele dinge in sy boek uitwys wat skynbaar nie so maklik deur Christene onderskei word nie en gevolglik baie skade aanrig in die geledere van die gelowiges se selgroepe.

INLEIDING

Toe die Here se dissipels hom gevra het "Vertel ons, wanneer sal hierdie dinge wees, en wat is die teken van u koms en van die voleinding van die wêreld?" het Hy vir hulle ‘n uiters belangrike oprdrag (gebod) gegee—"Pasop dat niemand julle mislei nie." Misleiding is sekerlik dié gemeenste en dié gevaarlikste manier waarop die duiwel en sy apostels gelowiges in hulle greep gevange neem en gevange hou. Ooglopende valse leringe is nie so gevaarlik nie omdat niemand hom sommer goedsmoeds daardeur sal laat mislei nie, maar sodra dieselfde valse leringe in ‘n ander gedaante opegedis word en veral wanneer dit met die kleed van Christenskap oorklee word, word dit uiters gevaarlik. Die onus rus dus op elkeen van ons om te sorg dat ons nie mislei word nie. God gaan dit nie vir ons doen nie. Om die waarheid te sê Hy laat selfs toe dat valse apostels en profete in ons midde kom om ons te toets of ons Hom werklik liefhet (Deut 13). Hy laat selfs ook toe dat valse leerstellings onder die mense gedy sodat Hy diegene wat Sy opdrag verontagsaam om hulle tot Hom te bekeer, kan oordeel. Hy sê as’t ware vir hulle: As julle nie die waarheid wat Ek vir julle in My Woord oordra wil gehoorsaam om gered te word nie, gee Ek julle oor aan die leuen.

En nou, julle weet wat hom teëhou, sodat hy op sy tyd geopenbaar kan word. Want die verborgenheid van die ongeregtigheid is al aan die werk, net totdat hy wat nou teëhou, uit die weg geruim is; en dan sal die ongeregtige geopenbaar word, hy wat die Here met die asem van sy mond sal verdelg en deur die verskyning van sy wederkoms tot niet sal maak, hy wie se koms is volgens die werking van die Satan met allerhande kragtige dade en tekens en wonders van die leuen en met allerhande verleiding van ongeregtigheid in die wat verlore gaan, omdat hulle die liefde tot die waarheid nie aangeneem het om gered te word nie. En daarom sal God hulle die krag van die dwaling stuur, om die leuen te glo, sodat almal geoordeel kan word wat die waarheid nie geglo het nie, maar behae gehad het in die ongeregtigheid. (2 Thess 2: 6-12)

‘n Leser van Warren se boek het onlangs geskryf:-

There are some really good things that Rick Warren brings out. But they always seem to be mixed with so many confusing and theologically weak points that you go crazy trying to keep it all straight. You will read a great point and then he’ll throw in a quote from Mother Teresa or Aldous Huxley and your mind reels. There’s a push to paint God as a smiley face in the sky – but you have to ignore His justice and anger! Plus, when you are the only ‘naysayer’ in a group it gets old – especially when no one else seems to have anything but praise for the book.

As ‘n Mens mooi kyk, gaan Warren se boek, "Die Doelgerigte Lewe" nie om die verkondiging en bevordering van die ewige en onveranderlike Evangelie van Jesus nie maar om gelowiges en ongelowiges aan ter spoor om saam hande te vat om die euwels van die wêreld aan te spreek en uit te roei. Soos ons later sal sien verkondig hy ‘n "Social Gospel" wat dit ten doel het om ‘n globale vrede in die hand te werk. ‘n Universele vrede waarin almal as ‘n eenheid in liefde kan saamwoon is deesdae nommer een op die prioriteitslys van so te sê al die wêreldleiers, om nie eens te praat van die mees vooraanstande geestelike leiers nie. Die versmagting na vrede is so intens, dat die mens deesdae enigiets sal doen om daardie vrede te bereik — selfs al moet die kerke Christus as enigste Vredemaker verwerp.

Die Here Jesus praat met groot waardering van die vredemakers (Mat 5: 9). Daarmee het Hy egter nie bedoel dat die vredemakers ‘n alliansie moet vorm met die ongelowiges om wêreldvrede te bewerkstellig nie. Die vredemakers is die gelowiges wat die Evangelie onvervals verkondig sodat mense wat tans in vyandskap met God lewe, vrede met Hom kan maak.

Die eintlike doel agter "Die Doelgerigte Lewe" van Rick Warren is om almal (gelowiges en ongelowiges) in ‘n gees van diensbaarheid saam te snoer en om die vrede waarna almal smag d.m.v. hierdie gesamentlike diensbaarheid te berwerkstellig.

HOOFSTUK 1 – ALLES BEGIN MET GOD

Warren begin hierdie hoofstuk met twee anhalings — een uit Kol 1:16:

Hy is die Beeld van die onsienlike God, die Eersgeborene van die hele skepping; want in Hom is alle dinge geskape wat in die hemele en op die aarde is, wat sienlik en onsienlik is, trone sowel as heerskappye en owerhede en magte — alle dinge is deur Hom en tot Hom geskape.

En ‘n aanhaling van die goddelose ateïs, Bertrand Russel:

Tensy jy ‘n God veronderstel, is dit sinneloos om te vra wat die doel van die lewe is.

Die naasmekaarstel van ‘n Bybelse teks en ‘n aanhaling van die ateïs, Bertrand Russel, is nie om dowe neute nie. Die doel daarmee is om die skeidslyn tussen God se waarheid en wêreldse filosofieë te vervaag sodat die mens sensitief-gewoond gemaak kan word daaraan om buite-Bybelse sêgoed van beroemde persone ook as God se waarheid te aanvaar.

Netsoos die "wysheid" van bo of nie van bo kan kom nie (Jak 3: 14-18), is daar ook twee maniere waarop "self-is-me" geëvalueer en hanteer kan word – vanuit ‘n Bybelse perspektief of vanuit ‘n wêreldse oogpunt. "Dit gaan nie om jou nie," (bls. 15) die eerste woorde in hoofstuk 1, skep die indruk dat dit nie die outeur, of jy of ek of enigiemand anders is wat die middelpunt van Rick Warren se reuse suksesvolle boek inneem nie. En tog, namate die leser in die boek vorder, word dit duidelik dat Warren juis die klem plaas op jou en op my sonder om die jou en die my in die lig van God se Woord te evalueer. Dit is nie soseer die geskrewe dinge wat Warren in sy boek kwytraak wat altyd so verkeerd is nie, maar die ongeskrewe Bybelgefundeerde waarhede wat sy boek so gevaarlik maak. Hy het hierdie beginsel by een van sy belangrikste mentors, Peter Drucker, geleer. Drucker verklaar:

The most important thing in communication is to hear what is not being said.

Daarmee maak Warren die deur wawyd oop vir sy lesers om hulle eie vooropgestelde idees en hulle eie voorwaardes in die boek in te lees en te definieer. Die uitdrukking "Dit gaan nie om jou nie" is hoegenaamd nie ‘n nuutjie nie. Hierdie konsep het al so diep wortel geskied in die besigheidswêreld dat elke Jan Rap en sy maat dit vandag gebruik. In die besigheidswêreld is sukses die doel waarna elke goeie leier moet nastreef en hy kan dit alleenlik bereik deur andere te help om self ook suksesvol te wees. Travis Wright skryf op sy webblad onder die hoofopskrif Cultivate Greatness/Leadership Training as volg:

Believe it or not, it is NOT about you. You may like to think it is, or act like it is, but it isn’t. It is about the rest of us and how you treat and interact with the rest of us. (1) (Klem bygevoeg).

Op die webblad "Very well Said — Best Selling Books by Subject word die New Age boek The Celestine Prophecy" soos volg geresenseer:

This is a story of one man’s search for truth and the meaning of life. We join him on his journey as he experiences a series of key spiritual insights.

In the book we are told that the insights were found in an ancient Peruvian manuscript. The manuscript maybe fiction, however the insights are true. How do I know? Well I too have experienced them and this happened before I read the book.

The nine insights to experience are:

• Becoming aware of the "coincidences" in one’s life.
  
• Experiencing a heightened understanding of world history and man’s evolution.
  
• Becoming aware that all living things have energy fields.
  
• Becoming aware that people try to steal other people’s energy, creating conflict.
  
• Realising that it’s not about you.
  
• Becoming aware that you have a dream and a destiny to fulfil. [Purpose]
  
• Becoming aware that many of your thoughts and actions are guided.
  
• Realising that other people sometimes provide the answers that you seek.
• Understanding that mankind is on a journey towards living in perfect harmony with each other and nature, as our world evolves over the next 1,000 years into an Eden-like paradise. (2) (Klem bygevoeg).

Rick Waren se omskrywing van "dit gaan nie om jou nie" verskil dus hoegenaamd nie van die sekulêre wêreld se aanwending daarvan nie, ten spyte van die feit dat hy dit in ‘n Christelike kleed toewikkel. Hy pas die beginsel "The most important thing in communication is to hear what is not being said" tot die maksimum toe wat maar eintlik neerkom op die sg. "open-ended" Evangelie waar die leser die vryheid verleen word om sy eie mening of interpretasie in die boek in te lees of in te prent.

Dit is onomwonde korrek om te sê dat die mens vasgevang is in sy eie egosentriese wêreld van die "self." en dat dit uiters noodsaaklik is om dit aan te spreek. Die vraag is: Hoe moet dit aangespreek word? Dit is juis hier waar Warren versuim om aan sy lesers te verduidelik hoedat alles wat met die ego te make het enkel alleen vanuit die perspektief van die kruis aangespreek moet word. Die kruis van Jesus Christus is die krag en wysheid van God en nie die nastreef van ‘n spesifieke doel hier op aarde nie. Die kruis van Jesus Christus is die enigste effektiewe teenvoeter vir die mens se mees diepgewortelde sonde — sy eie ek of die self. Desondanks maak Warren nie ‘n enkele keer melding van die Here Jesus se oplossing vir dié besondere probleem nie, nl. dat ons die self moet verloën, ons kruis opneem en Hom volg (Mat 16:24). ‘n Mens kan dus tereg vra of sy stelling "Dit gaan nie om jou nie" deel vorm van die Evangelie van Jesus Christus. Is dit Evangelies korrek om te sê "Dit gaan nie om jou nie?" Gaan die Evangelie van Jesus nie juis om jou en om my nie?

As dit nie om jou gaan nie, om wie gaan dit dan? In Daniël 9:26 sê die Heilige Gees dat ‘n Gesalfde uitgeroei (afgesny) sal word maar nie vir Homself nie. (Sy kruisdood het niks vir Hom oorgehou nie — "maar sonder iets vir Hom" soos die 1933 en 1953 Afrikaanse vertalings dit stel).

Selfs die opskrif van hierdie hoofstuk "Alles begin met God" is geheel en al onbybels. Het die sonde met God begin? Soos u later sal sien, glo Warren blykbaar dat God reeds voor die grondlegging van die wêreld die sondes van die mens beplan en bepaal het. As dit nie om jou (‘n verlore siel) gaan nie waarom sê die Bybel "Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo nie verlore mag gaan nie, maar die ewige lewe kan hê" (Joh 3: 16)? As dit nie om jou (‘n verlore siel) gaan nie waarom sê die Bybel dan "Hy, wat in die gestalte van God was, het dit geen roof geag om aan God gelyk te wees nie, maar het Homself ontledig deur die gestalte van ‘n dienskneg aan te neem en aan die mense gelyk geword; en in gedaante gevind as ‘n mens, het Hy Homself verneder deur gehoorsaam te word tot die dood toe, ja, die dood van die kruis?" (Fil 2: 6-8) Het die allerheiligste God nie mens geword ter wille van jou (‘n verlore siel) nie?

As dit nie om jou (die geredde siel) gaan nie, waarom het die Here Jesus gesê "Ek gaan om vir julle plek te berei. En as Ek gegaan en vir julle plek berei het, kom Ek weer en sal julle na My toe neem, sodat julle ook kan wees waar Ek is." (Joh 14: 2, 3)? As dit nie om jou (die geredde siel) gaan nie, waarom sê die Bybel "En hulle het wel priesters geword in ‘n groot aantal, omdat hulle deur die dood verhinder is om aan te bly; maar Hy, omdat Hy vir ewig bly, besit ‘n priesterskap wat nie op ander oorgaan nie. Daarom kan Hy ook volkome red die wat deur Hom tot God gaan, omdat Hy altyd leef om vir hulle in te tree. (Heb 7: 23-25)? As dit nie om jou (die verlore siel) gaan nie, waarom stuur die Here Jesus vir jou (die geredde siel) oor die hele wêreld uit om die Evangelie te verkondig sodat jy (die velore siel) gered kan word (Mat 28: 19)?

Die uitdrukking "Dit gaan nie om jou nie" wat reeds soos ‘n slagspreuk oor die hele wêreld eggo, klink so mooi Christelik, skriftuurlik en baie vroom, en tog vind dit nie net byval by die gelowiges nie, maar ook die ongelowiges. Djwhal Khul, die Tibetaanse geestegids ("spirit guide") wat sy boodskappe deur die medium Alice Bailey oorgedra het, het die volgende oor die ego van die mens gesê:

The aim should be the development of the habit of meditation all the day long, and the living in the higher consciousness till that consciousness is so stable that the lower mind, desire, and the physical elementals, become so atrophied and starved through lack of nourishment, that the threefold lower nature becomes simply the means whereby the Ego (soul) contacts the world for purposes of helping the race. (1-145). (klem bygevoeg) (3)

Alice Bailey, een van die belangrikste voorstanders van die New Age en die Teosofie, het die volgende oor diensbaarheid gesê:

Service itself is definitely the result of a tremendous inner happening, and when that result is brought about, it will be found to have produced a number of creative secondary causes. These are, primarily, a change in the lower consciousness, a tendency to turn away from the things of the personal self to the larger issues of the group, a reorientation which is real and expressive and a power to change conditions (through creative activity) which is the demonstration of something dynamically new. (klem bygevoeg) (4)

(Later in die boek, promulgeer Warren die sg."asemgebed" wat niks anders as ‘n vorm van meditasie is nie om hierdie samehorigheidsgevoel en diensbaarheidsgevoel onder selgroeplede te bevorder. Luister gerus hierna.

Die doel met die uitskakeling van die ego of die self is dus om groter diensbaarheid aan die gemeenskap in die hand te werk en nie om daagliks in die regte verhouding met God te staan nie. Dit is dus nie verbasend nie dat Warren en die fasiliteerders ("change agents") geweldig baie klem plaas op diensbaarheid (filantropiese werk) asook harmonie en eenheid binne groepsverband (klein selgroepe) wat natuurlik volgens hulle alleenlik deur die effektiewe uitskakeling van die ego of die self bewerkstellig kan word.

Ek onthou baie goed hoedat ‘n lid van ‘n selgroep my daarop attent gemaak het dat hulle hooofsaaklik ‘n sg. omgee-groep is waarin elkeen met ‘n selflose barmhartigheid mekaar dien. Dit opsigself is baie prysenswaardig maar ongelukkig word Skrifgebonde leerstellings en die noodsaaklikheid om te onderskei soveel makliker en summier by die venster uitgegooi omdat hulle in hulle selflose liefde kwansuis nie aanstoot wil gee nie. Enigiemand wat met die geringste onderskeiding probeer om die gevare van misleiding in die "Emerging Church" aan hulle uit te wys, word summier as ‘n beroerder gebrandmerk wat die omgee-gees (ek wonder partykeer of dit nie ‘n omgee-demoon is nie) in die groep versmoor. Liefde sonder waarheid is nie liefde nie. Dit is ‘n valse liefde, ‘n valse manier om vir mekaar om te gee. Selgroepe gee dikwels so baie vir mekaar om dat hulle nie juis omgee of hulle broers en susters mislei word nie.

‘n Vrou het een keer briesend kwaad geword vir my omdat ek gesê het die belangrikste ding in ‘n mens se lewe is om te weet dat jy vergifnis ontvang het vir jou sondes. Ek het dit gesê na aanleiding van die getuienis van ‘n getroude paartjie by ‘n selgroep wat hulle redding gebaseer het op die feit dat hulle in ‘n Christelike huis grootgeword het. Die vrou wat vir my so kwaad geword het, het hulle getuienis aanvaar en was hoogs verontwaardig toe ek voorstel dat ons hulle moet probeer reghelp. Ons moet hulle nie onnodig ontstel nie en sodoende die samehorigheid en omgee-gees onder mekaar belemmer nie. Die boek "An Emergent Manifesto of Hope (emersion: Emergent Village resources for communities of faith)" van Doug Pagitt en Tony Jones verklaar dat die volgelinge van die nuwe inklusiewe, kollektiewe godsdiens nie begaan moet wees om mense uit die kake van die hel te red nie maar om eerder gemotiveerd te wees . . . om in ‘n verhouding te staan met mense wat in baie opsigte anders is. (5) Die fokus moet dus nie soseer op die bekering van individue wees nie maar eerder op die smeding en bevording van verhoudings in groepsverband. Op 2 November 2003 het Warren die volgende tydens ‘n diens in sy Saddleback Gemeenskapkerk gesê:

Now you’ve heard me say many times that the greatest thing you can do with your life is tell somebody about Jesus and invite them to come to know him. If you help somebody secure their eternal destiny that they spend the rest of their life in heaven, not hell, your life counts. Your life matters because nothing matters more than helping get a person and their eternal destiny settled. They will be forever ever grateful and thank you for the rest of eternity—thank you for telling me about Jesus Christ. And I’ve always said that that was the greatest thing you could do with your life. I was wrong. There is one thing you could do greater than share Jesus Christ with somebody, and it is help start a church. Because a church is going to outlast you and everybody else." (klem bygevoeg) (6)

Warren weerspreek homself gruwelik in sy bogenoemde uitspraak. Eers sê hy dat die persoon/persone wie jy na die Here Jesus lei jou vir ewig in die hemel dankbaar gaan wees, maar dan soos handomkeer dat die kerk vir jou en al die ander gaan oorlewe. Hoe kan die kerk iemand wat vir ewig in die hemel gaan lewe omdat iemand anders hom/haar na die Here Jesus gelei het, oorleef? Die ewige lewe beteken tog immers om onveranderd, onbelemmerd, ongeskonde en onafskeidbaar van God tot in alle ewigheid, eindelloos te lewe. Trouens, alle persone wat deur die getuienis van iemand anders tot ware geloof in die volbragte werk van Jesus Christus aan die kruis gekom het, is die ware kerk (ekklesia of die uitgeroeptes). Hoe op dees aarde kan die kerk die gelowiges oorlewe as hulle dan self die kerk is. Wie of wat ookal kan die liggaam van Christus (al die gelowiges) oorleef? Dit is verstommend hoedat mense en veral Christene hulle so maklik kan laat mislei deur sulke snert. G’n wonder Paulus het op ‘n stadium met absolute verbasing uitgeroep: "Dit verbaas my dat julle so gou van God wat julle deur die genade van Christus geroep het, afvallig word en ‘n ander evangelie aanneem. Daar is geen ander evangelie nie! Tog is daar mense wat die evangelie van Christus probeer verdraai, en dit is hulle wat vir julle in verwarring bring." (Gal 1: 6, 7).

————————————————————————————————–

1 http://cultivategreatness.com/2007/04/16/let-go-of-your-ego-its-not-about-you

2 http://verywellsaid.com/titles/the/the-celestine-prophecy-0446671002.php?sorttype=mosthelpful

3 http://www.lightinfo.org/aab/dkmed.htm

4 Alice Bailey, Esoteric Psychology, Vol. II, pp. 125 – 133

5 Doug Pagitt & Tony Jones: An Emergent Manifesto of Hope (emersion: Emergent Village resources for communities of faith), Baker Books, p. 35

6 Rick Warren, Saddleback Church Service, November 2, 2003; transcribed from http://www.saddlebackfamily.com/peace/Services/110203_high.asx

Maak die Christendom Nog ‘n Impak in die Wêreld?

INLEIDING

Die post-moderne oorgang is goed op dreef, maar dit is nog steeds ‘n proses. Die vroeë dekonstruktiewe fase van die post moderne oorgang is besig om na ‘n meer konstruktiewe en kreatiewe ontwikklelingsfase te vorder, wat (vir my) in die breë kultuur geïllustreer word deur denkers soos Wendell Berry en Ken Wilber, plus ‘n antal van ons wat spesifiek vir die Christengemeenskap skrywe. (Daar is natuurlik sommige mense wat nog steeds veg teen hierdie vroegste fases, sonder om te besef dat die ‘gevegslinies’ verander. Maar, ek behoort nie gevegsbeelde te gebruik nie, want ek sien dit nie so in nie). Ten spyte van al die werk wat ons reeds gedoen het en al die vordering wat ons gemaak het, het ons nog ‘n ver pad om te gaan – Brian McLaren (Uit die Engels vertaal ) (Klem bygevoeg).

. . . daar sal ‘n Universele kerk verskyn, en die definitiewe hooftrekke daarvan sal teen die einde van hierdie eeu verskyn . . . Hierdie kerk sal tot aksie aangespoor word deur die Christus en sy dissipels wanneer die uitstorting van die Christus-beginsel, die WARE tweede Koms volbring is . . . die Christenkerk in sy veelvuldige vertakkinge kan as die nukleus dien om wêreld–verligting te bereik . . . die kerk as ‘n leerfaktor behoort die groot basiese leerstellings te neem en (d.m.v. die vernietiging van die ou vorme waarin hulle uitgedruk en gehou word) hulle ware en innerlike spirituele betekenis openbaar. Die belangrikste werk van die kerk is om te onderrig, en onophoudelik te onderrig, en om die uiterlike gedaante te bewaar met die doel om die menigtes wat gewoond is aan kerkgebruike, te bereik. Leiers moet opgelei word; Bybelkennis moet versprei word; die sakramente moet misties vertolk word, en die kerk se krag om te genees moet gedemonstreer word. – Alice Bailey [1] (Uit die Engels vertaal) (Klem bygevoeg).

Flip Loots het in sy weeklikse program “Oop Gesprek” twee agtereenvolgende Sondae (4 en 11 Mei) die vraag “MAAK DIE CHRISTENDOM NOG ‘N IMPAK IN DIE WÊRELD?” onder die loep geneem. Sy twee gaste was Dr. Piet Muller, skrywer en toekomskundige en Dries Lombaard gemeentekonsultant, betrokke by die e-kerk en “African Mosaic.” Albei die gaste het soms mooi dinge kwytgeraak wat die oningeligte luisteraar sou kon aanspoor om  hulle op die skouer te klop en te sê “Wel gedaan goeie en getroue dienskneg.” Ek het egter al geleer om die postmoderne toekomskundiges en ander postmoderne geleerdes se woorde met ‘n knippie sout te neem want dit wat hulle sê, klop nie altyd met dit wat hulle werklik bedoel nie. Nouja, ek moet erken dat dit uiters moeilik is om vas te stel wat die eintlike bedoelinge agter mense se woorde is omdat “bedoelinge” as sondanig woorde van die hart is terwyl die gesproke woorde soms en selfs ook dikwels net woorde van die mond is. Daar is egter, soos ek mettertyd agtergekom het, ‘n redelike waterdigte manier om vas te stel of iemand se woorde en sy bedoelinge harmoniseer — en dit is deur vergelyking en assosiasie. Een van die mees enigmatiese fenomene van ons postmoderne tyd is dat geestelike leiers met oortuiging bely dat hulle Christene is. Hulle sal vir jou sê hulle glo in Jesus Christus se kruisdood, sy opstanding en sy hemelvaart en dat hulle Hom volg en navolg en tog skroom hulle nie om hedendaagse leraars, denkers en filosowe wat hierdie dogmatiese leerstellings verloën, te ondersteun, na te volg en selfs te nooi om as sprekers in hulle kerke op te tree.

Gaan na Deel 1

——————————————————————————————————–
2. Alice Bailey, The Externalization of the Hierarchy, 1957, Lucis Publishing.) Lucis Trust het aanvanklik bekend gestaan as Lucifer (Satan) Trust. Lees gerus http://en.wikipedia.org/wiki/Lucis_Trust.